Ebvu Aphụ 1:7 - BAYỊBURU Izii

⁷ Lẹ mbọku ono, mkpụkpu Jierúsalẹmu watarụ eje iphe-ẹhuka ono; mbụ g'ọ watarụ aghaphe phuuri ono; bẹ ọ nyatarụ ẹguru iphe, o shi nweru teke k'ichee. O be teke ndu nkiya dabarụ l'ẹka ndu ọhogu; ọphu ọ tọ dụedu onye yeru iya ẹka. Ndu ọhogu iya hụma iya; bya ajaahaa ya ewenu; kẹle ọ dakpọhuwaru.

Ebvu Aphụ 1:7 ပူးပေါင်းရင်းမြစ်များ

Jiobu 29:2

Ọ dụ mu g'a sụ l'ọnwa l'ọnwa ono, chiwarụ nyịhu ono a-lwaphutagbaa azụ; mbụ mbọku lẹ mbọku ono, bụ teke Chileke shi anọduje eche mu nche ono;

Ebvu-ọma 42:4

Nta-a, mu tụkoru iphe, nọ mu l'obu epfushi-a bẹ mu nyatarụ gẹ mu shi edujeru igwe ọha; anyi atụko awụ eje ala l'ụlo Chileke. Tẹme anyi agụ ebvu ẹhu-ụtso; bya ekele Chileke ekele l'echilabọ igwe ọha, byaru ọbo-iphe ono.

Ebvu-ọma 77:3

Mu nyatarụ gụbe Chileke bya atsụa ude. Obu mu bya ebvuru shii rịkota ọriri jasụ ike bvụ mu.

Ebvu-ọma 79:4

Ndu obutobu anyi phẹ mẹ ndu bupheru anyi mgburugburu tụko ekweru anyi une bya achị anyi ọchi.

Azáya 64:10

Mkpụkpu ngu, dụgbaa nsọ ono tụkoakwaru bụru ẹjagiri echiẹgu. Mbụ je akpachaa lẹ Zayọnu bụchakwaa ẹjagiri echiẹgu. Tẹme Jierúsalẹmu bụru ochobu.

Azáya 64:11

Eze-ụlo ngu ono, dụ nsọ; bya adụ akpabiri ono, anyi shi nweru ono, bụ ẹka nna anyi oche phẹ shi anọduje aja ngu ajaja ono bẹ a tụakwaru ọku; o tsua ya tsufu. Tẹme iphe, bụkpoo ẹka ono, anyi yeru obu ono g'ọ ha bụkotaru ọla-l'iswi.

Jieremaya 37:7

“Wakwa iphe, Chipfu, bụ Chileke ndu Ízurẹlu epfu baa: Unu karụ eze ndu Jiuda, ziru unu g'unu bya akpata mu ishi: ‘Ndu ojọgu Fero-a, zefutaru bya unu eyeru ẹka-a l'e-mechakwaa laa alị phẹ, bụ alị ndu Ijiputu.

Jieremaya 48:27

?Tọbudu ndu Ízurẹlu bẹ unu shi egudeje agba mgbọnu? ?Bụ ẹphe lẹ ndu-oshi shi nọdu teke ono tọo; mekwanụru g'o gude unu shi atụje ụka l'ishi ekweru iya une mẹ unu -nọdu epfu opfu ẹhu iya?

Ebvu Aphụ 4:17

Ọphu kachakpọo nụ bụ l'anyi lewaru ẹnya ndu a-gbaru anyi mkpu; ike bvụ anyi; ọ bụru kẹ mmanụ. Anyi nọ l'ụlo-nche anyi ele ẹnya ọha ono, taa dụkpodanu ike adzọta anyi.

Ezekẹlu 25:3

Sụ phẹ lẹ-a: ‘Unu nụmakwa iphe, Nnajịuphu, bụ Chipfu epfu. Wakwa iphe, Nnajịuphu, bụ Chipfu epfu baa: Eshi ọphu i teru ẹswa kpua ụlo mu, dụ nsọ; teke e merwushịru iya; tẹme ọ nọdu atsọ ngu ụtso l'e meru alị Ízurẹlu; ọ bụru ochobu; waa l'a kpụru ndu Jiuda lẹ ndzụ laa alị ọzo;

Ezekẹlu 25:6

“ ‘Lẹ-a; wakwa iphe, Nnajịuphu, bụ Chipfu epfu baa: Eshi ọphu ị kụru ẹka pyaa; tee ebvu; gudekọta ẹjo obu teru ẹswa kpua ndu Ízurẹlu;

Hosiya 2:7

Ọo-nọdu achị ndu yẹe ya eshi; obenu l'o too gudedu phẹ. L'ọ chọo phẹ; ọ tọo hụmadu phẹ. Noo teke ọo-sụ gẹ ya byakwa alaphu azụ l'ibe akahụ ji iya; kẹle teke ono shikwa ka iya ree eme lẹ nta-a.

Mayịka 4:11

Nta-a bẹ ikpoto ọha, dụ igwerigwe chịkoberu onwophẹ bya etsoo ngu ọgu. Ẹphe nọdu epfu sụ: ‘G'a tụrwua ya! G'anyi chịru ẹnya yeru Zayọnu!’

Luku 15:17

O be teke a nọnyaru egomunggo lwa iya azụ. Ọ sụ: “?Bụnaa ụmadzu ole l'ime ndu-ozi nna mu nweru nri nweru k'etsutsu iya; mu bya anọdu l'ẹka-a; ẹgu nọdu abya mu egbugbu?

Luku 16:25

Ébirihamu sụ iya: ‘Nwa mu; nyatakwa lẹ gụbedua teke ị nọ ndzụ bẹ ị natakọtaru iphe, dụ ree nkengu; nokwaphọ gẹ Lazarọsu natakọtaru ẹjo-iphe teke ono. Nta-a bẹ ẹhu dụwaa iya guu; gụbedua nọdukwanu lẹ mkpamẹhu.