Ebvu Aphụ 1:4 - BAYỊBURU Izii

⁴ Ụzo, e shi eje Zayọnu bẹ agụ aphụ; noo kẹle ọ tọ dụedu onye eshijekwadu iya eje ọbo-iphe, a tụru ọnu iya. Ọguzo, e shije abahụ iya l'ophu bẹ dachishihuwaru nụ. Ndu uke iya bẹ atsụgbawaa ude. Iphe, bụ ụnwumgboko iya tụko nọdu l'aphụ. Yẹbedua l'onwiya nọdu l'oke iphe-ẹhuka.

Ebvu Aphụ 1:4 ပူးပေါင်းရင်းမြစ်များ

Azáya 3:26

Ọnu-abata Jierúsalẹmu echia mkpu ẹkwa gụa aphụ anwụhu. Mbụ lẹ Jierúsalẹmu a-dụ gẹ nwanyị, gba ẹka nwa; gwọdoshihu l'alị.

Jieremaya 10:22

Unu lekwa! Nzi ọbu abyakwaa. Mbụ oke ùtsú, e-shi l'ụzo isheli etsu abya. Oo-me alị ndu Jiuda l'ọ bụru ochobu; ẹka nkụta-ọswa e-buru.

Jieremaya 14:2

“Ndu Jiuda agụkwa aphụ. Mkpụkpu, nọkota iya nụ gbajọshihukota agbajọshihu. Ẹphe nọdu ara ẹkwa l'opfu ẹhu alị-a. Tẹme a nọdu echikwaphọ mkpu lẹ Jierúsalẹmu.

Jieremaya 9:11

Wakwa iphe, Chipfu epfu baa: “Jierúsalẹmu bẹ mu e-me g'ọ bụru ikpọzu; ẹka nkụta-ọswa e-buru. Mu jekwa e-mekwaphọ gẹ mkpụkpu lẹ mkpụkpu, nọgbaa l'alị ndu Jiuda bụru ochobu; k'ọphu bụ l'ọ tọ dụdu onye ebu iya ebubu.”

Ebvu Aphụ 1:21

Ndiphe bẹ nụmawaru ude, mu atsụ. Ọle ọ tọ dụdu onye l'a-dụ mu obu. Ndu ọhogu mu g'ẹphe ha bẹ nụmawaru k'aphụ, byaru mu nụ; Ẹphe nọdu ete ẹswa l'ọo ngu meru mu iya. Menaa gẹ mbọku ono, i pfuru opfu iya ono rwua; k'ọphu ẹphe a-dụ gẹ mu dụ-a.

Ebvu Aphụ 5:13

Unwokoro bẹ ẹphe gudechaaru g'ẹphe gweje iphe egwegwe lẹ mkpuma, eegweje iphe. Ụnwegirima unwoke nọdu ada tsụutsuu lẹ nkụ, e boru phẹ.

Ebvu Aphụ 5:14

Ndu bụ ọgerenya ta anọjeedu l'ọnu-abata mkpụkpu. Ọphu ụnwokorobya agụjeedu ebvu, ẹphe shi agụje.

Hosiya 2:13

Iphe, bụkpoo ujiku olemole ono, ọ kpọru Balụ ụ̀nwù-isẹnsu ọku ono bẹ mu a-hụ̀kota iya ahụ̀hù iya. Mbụ o gude iphe-nchị; waa iphe ọzo, eegudeje mee omemma kwaa onwiya akwa je etsoru ndu ẹphe l'iya eshi ọ̀nyà; bya azọhaa mu.” Nokwa iphe, Chipfu eepfu.

Ndu Uke 26:22

Mu a-chịru anụ-ẹgbudu ye g'ẹphe bya adakaa unu; bya atụko ụnwegirima unu nakọta unu l'ọkpehu; tụko iphe-edobe unu mebyishichaa; mee; unu ta abaẹdu ishi; eze gbororo unu adabyiru iphoro.

Mayịka 3:12

Ọo ya bụ l'ọo unu kparụ iphe, ee-mechaa kọo úbvú Zayọnu kọfu g'aakọje opfu-a. Mkpụkpu Jierúsalẹmu e-mechaa bụru ikpọzu. Eli úbvú ono, bụ ẹka eze-ụlo Chileke dụ ono; e-mechaa bụru ẹka ẹgbudu zechiru.