Ebvu Aphụ 1:1 - BAYỊBURU Izii

¹ Lewarọ gẹ mkpụkpu ono dabyiru bụru ochobu; mbụ mkpụkpu ono, nemadzụ shi tsụa ẹrupfu ono! Lewarọ g'ọ byaru adụ gẹ nwanyị, ji iya anọedu; mbụ onye ono, shi paa ẹka apaa l'echilabọ ọhamoha ono! Onye ono, shi bụru eze-nwanyị l'iphe, bụ alị-eze l'ophu; bẹ byawa abụru ohu.

Ebvu Aphụ 1:1 ပူးပေါင်းရင်းမြစ်များ

1 Ndu eze 4:21

Sólomọnu bụru eze ndu alị ono l'ophu; e -shi l'ẹnyimu Yufurétisu jasụ l'alị ndu Filisitayinu; je akpaa l'oke ẹphe lẹ ndu Ijiputu. Iphe, bụ alị-eze, nọkota l'uswe iya ono g'ẹphe ha nọdu atụkota akịriko anụ Sólomọnu; tẹme ẹphe nọdukota iya l'ẹka jasụ g'ọ nọ-beru.

2 Ndu eze 23:33

Eze ndu Ijiputu bụ Neko tụ-chiru iya lẹ mkpọro lẹ mkpụkpu Ribula l'alị Hamatu; k'ọphu bụ l'ọ tọ nọhedu lẹ Jierúsalẹmu bụru eze. Ọ bya atụ-buaru ndu Jiuda g'ẹphe pfụa mkpọla-ọchaa, ẹrwa iya dụ ụkporo talẹntu ise; waa mkpọla-ododo, ẹrwa iya dụ talẹntu lanụ.

2 Ndu eze 23:35

Jiehoyakimu pfụa Eze ndu Ijiputu bụ Neko mkpọla-ọchaa; mẹ mkpọla-ododo ono, ọ tụ-buru ndu Jiuda ono. O keru ụtu nụchaa ndu Jiuda g'ike beru onyemonye; shi nno gbata mkpọla-ọchaa; waa mkpọla-ododo ono.

2 Iphe, ndu eze meru 9:26

Ọ bụru iya bụ ishi iphe, bụ ndu eze; e -shi l'ẹnyimu Yufurétisu je akpaa l'alị ndu Filisitayinu; je akpaa l'oke alị ndu Ijiputu.

Ẹzura 4:20

Tẹmanu; lẹ Jierúsalẹmu shi nweru ndu eze, ọkpehu dụ; tẹme mkpụkpu dụ igwerigwe shi nọdu phẹ l'ẹka l'azụ ẹnyimu. E shi anọduje atụru phẹ ụtu alị; mẹ ụtu aswa; mẹ ụtu ụzo.

Nehemaya 5:4

Ọ dụru ndu ọphu sụru: “Anyi jiwaru ụgwo tụa ụtu alị anyi; mẹ k'opfu-vayịnu anyi nụ eze.

Nehemaya 9:37

Ọ bụru ndu eze ono, i doberu g'ẹphe bụru ndu-ishi anyi-a bẹ iphe, shi l'alị ono a-alakọtaje l'ẹka. Iphe, kparụ iya nụ bụru iphe-ẹji, anyi meshiru. Ẹphe gude anyịbedua; mẹ ẹku anyi eme iphe, dụ phẹ ree. Anyi nọkwa l'oke iphe-ẹhuka!”

Ebvu-ọma 122:4

Ọo ẹka ono bẹ bụ ẹka ọkpa-ipfu anọduje awụ ala; mbụ ọkpa-ipfu kẹ Chipfu; awụ eje etu Chipfu ẹpha; bụ iya bụ iphe, ị tụru l'ekemu doberu ndu Ízurẹlu.

Azáya 14:12

Lewarọ g'i shi l'imigwe daa l'alị; gụbe kpokpode nchi-abọhu; mbụ gụbe nwatibe ọnma-ẹwa-ụtsu! E chitsuwaru ngu chiru ngu ye l'eliphe; mbụ gụbe onye shi byapyabẹ ọhamoha l'ophu!

Azáya 22:2

mbụ gụbe mkpụkpu ono, bụ iphe, jiru iya nụ bụ etsu ùtsú. Gụbe mkpụkpu, agba gharagharaghara bya eme rigbarigba. Ndibe ngu, e gburu egbugbu ta abụkwa ogu-echi bẹ e gude gbua phẹ. Ọphu ọ bụkwa l'ẹgu ọgu bẹ ẹphe nọ nwụhu.

Azáya 3:26

Ọnu-abata Jierúsalẹmu echia mkpu ẹkwa gụa aphụ anwụhu. Mbụ lẹ Jierúsalẹmu a-dụ gẹ nwanyị, gba ẹka nwa; gwọdoshihu l'alị.

Azáya 49:21

Noo teke ii-pfu l'ọkpoma ngu sụ: ‘?Bụ onye nwụshiru mu ikpoto ụnwegirima ọwa-a? Mu shi eje iphe-ẹhuka; tẹme ọphu mu atsụdu ime. Mbụ lẹ mu shi bụru onye a jịkaru ajịka; a bya akpụa mu lẹ ndzụ laa alị ndu ọhozo. ?Bụkwanu onye hefutaru mu ụnwegirima ọwa-a? Lẹ mụbe onye e shi haa; mu nọdu nkịnyi mu. ?Igwerigwe ndu ọwa-a shihunu awe?’ ”

Azáya 50:5

Nnajịuphu, bụ Chipfu ghebechaẹkwarupho nchị mu ọnu; ọphu mu ekwefujeduru iya ike; ọphu mu aladụ azụ azụ.

Azáya 52:2

Gbalihu agbalihu! Jịshia urwuku, dụ ngu l'ẹhu! Nọdu anọo; gụbe Jierúsalẹmu! Tụkufu onwongu ẹgbirigba, a tụru ngu l'olu; gụbe ada Zayọnu ono, a kpụru lẹ ndzụ ono!

Azáya 52:7

Lenu g'ọoma l'eli úbvú ono; mbụ ọkpa ndu eje abya ezi ozi-ọma; ndu ezi ozi nchị-adụ-doo; ndu nzi, ẹphe gude abya dụ ree; ndu byaru ezi ozi kẹ ndzọta; ndu asụje Zayọnu-a: “Ọ kwa Chileke ngu bụ eze!”

Azáya 54:4

Gẹ ndzụ ba agụkwa ngu! E tee mekwa ngu iphe-iphere. Gẹ ndzụ ba agụkwa ngu k'a nọnyaa e kpua ngu iphu lẹ ntụ! Kẹle a ta abyadụ eme ngu iphe-iphere. Ii-mecha zọhachaa iphere ono, meru ngu teke ị bụ ọgbolanu ono; ọphu ị byadu anyatabaa mkpatsu aphụ, dụ l'abụ onye ji iya nwụhuru;

Jieremaya 31:7

Wakwa iphe, Chipfu epfu baa: Unu gụa ebvu ẹhu-ụtso nụ Jiékọpu! Unu tụa ụzu ẹhu-ụtso nụ onye-ishi ọhamoha! Unu raa ya arara; kwaa ya l'ẹvu sụ: Jiko Chipfu; dzọnaa ndu nkengu; mbụ nwa ndu Ízurẹlu ndu ọphu phọduru nụ!

Jieremaya 40:9

Gedalaya, bụ nwa Ahikamu nwa Shafanu bya eribuaru ẹphe lẹ ndu nkephẹ ono nte sụ phẹ: “Unu ta tsụkwa ebvu anọdu ndu Bábilọnu l'ẹka. Unu nọdukpoepho l'alị ono jeeru eze ndu Bábilọnu ozi g'ọ dụru unu lẹ ree.

Jieremaya 42:2

Jieremaya, bụ onye mpfuchiru je asụ iya: “Jiko nụmakpodapho arwọrwo, anyi arwọ ngu g'i pfuru nụ Chipfu, bụ Chileke ngu l'opfu ẹhu nwa ndu-a, phọduru nụ-a g'ẹphe ha. Kẹle-a; g'iilenaa; a makwarụ-a l'anyi shi dụ igwerigwe; nta-a bụwaa nwa ndu abadu ishi phọduru.

Jieremaya 44:2

Wakwa iphe, Chipfu, bụ Ọkalibe-Kakọta-Ike eepfu baa; mbụ Chileke ndu Ízurẹlu: “Unu hụmanuru-a oke ọla-l'iswi, mu meru ndu Jierúsalẹmu; yẹle mkpụkpu ndu Jiuda l'ophu. Nta-a bẹ ẹphe bụwaa ochobu; ọphu ọ dụedu onye bu iya nụ;

Jieremaya 44:6

Ọ bụru iya bụ lẹ mu eworu oke ẹhu-eghu mu wụa phẹ l'ishi. O nwua phuruphuru tsoru mkpụkpu Jiuda l'ophu; bya etsoru ọnu gbororo Jierúsalẹmu; woru phẹ mee ochobu, bụ ikpọzu ono, ẹphe bụ ntanụ ono.

Jieremaya 50:23

Waa g'ọngu ndu mgboko l'ophu gbajishihuru tụkaa nanụnanu! Waa gẹ Bábilọnu byawaru bya abụru ochobu l'echilabọ ọhamoha!

Jieremaya 9:11

Wakwa iphe, Chipfu epfu baa: “Jierúsalẹmu bẹ mu e-me g'ọ bụru ikpọzu; ẹka nkụta-ọswa e-buru. Mu jekwa e-mekwaphọ gẹ mkpụkpu lẹ mkpụkpu, nọgbaa l'alị ndu Jiuda bụru ochobu; k'ọphu bụ l'ọ tọ dụdu onye ebu iya ebubu.”

Ebvu Aphụ 1:19

Mu rakuru ndu mu l'ẹphe dụ lẹ ree; Ẹphe woru mu dephua. Ndibe mu, bụ ndu-uke; mẹ ndu bụ ọgerenya bẹ bụkotawa mkpurupyata l'ime mkpụkpu ono; l'ẹka ẹphe achọ nri, ẹphe e-ri nọdu ndzụ.

Ebvu Aphụ 2:1

Lenu gẹ Nnajịuphu gude urwukpu, shi l'ẹhu-eghu iya sọ-kpute nwada Zayọnu. Ọdu-biribiri ndu Ízurẹlu ono, e shiwaa wolia o jerwuwa l'imigwe ono bẹ ọ kwadawarụ l'alị. Mbọku ono, ẹhu eghu iya eghu ono bẹ ọ tọ nyatadụru ẹka ọotu-kobeje ọkpa ono.

Ebvu Aphụ 2:10

Iphe, bụ ndu bụ ọgerenya nwada Zayọnu bẹ gwọdoshihuchawaru l'alị; tụko nọdugbaa kpọyoo. Ẹphe chịtawaru uwe-aphụ yegbaa; bya ekpota urwuku kpube onwophẹ l'ishi; Ụnwumgboko Jierúsalẹmu bẹ kpubewaru iphu l'alị.

Ebvu Aphụ 4:1

Lewarọ gẹ mkpọla-ododo ono, shi egbu nwịinwii ono byaru agbachihuwa agbachihu. Lewarọ g'ọkpobe mkpọla-ododo ono, byaru agbanwee. Mkpuma ụlo, dụ nsọ bẹ a tụkashichaaru nanụ nanụ lẹ mgbakata-ụzo, nọnu.

Ebvu Aphụ 5:16

Okpu-eze ono bẹ shiwaa anyi l'ishi dafụ. Nshịo anyi; kẹle anyi mewaru iphe-ẹji!

Ezekẹlu 26:16

Ọ bụru teke ono bẹ ndu-ishi, bugba l'agụga eze-ẹnyimu e-nyizetakọta l'aba-eze phẹ; bya eyeshikọta akpawuru-uwe phẹ. Ẹphe e-yeshikọta uwe phẹ, e mengashịru ọ nọdu ama mma ono. Ndzụ-agụgu e-rwuta phẹ. Ẹphe agwọdoshihu l'ọma alị mmanụ; anmagbaa pyaapyaapyaa tekenteke; l'ọ kpọ phẹ ọnu-opfu; mbụ iphe byapfutaru ngu nụ.

Ezekẹlu 26:2

“Nwa ndiphe; eshi ọphu ndu Taya ekweru ndu Jierúsalẹmu une asụje phẹ: ‘Hẹe!’ Ẹka ono, iphe, bụ ọhamoha eshije eje azụ aswa ono bẹ dakpọshihuwaru nụ. Mgbo, e yeru iya bẹ gụhachawaru gheru ọnu; gẹ mu eshije iya g'ọ dụ mu. Nta-a, mkpụkpu ono dakpọshihuwaru-a bẹ bụwaa g'iphe bya ejeahaaru mu lẹ ree.

Ezekẹlu 5:5

“Wakwa iphe, Nnajịuphu, bụ Chipfu epfu baa: Lekpọdapho lẹ Jierúsalẹmu bẹ mu woru dobe l'echilabọ ọhamoha; yẹle igwerigwe mkpụkpu, gbapheru iya mgburugburu.

Ndu Uke 26:31

Mu emee mkpụkpu lẹ mkpụkpu unu g'ọ bụru iphe, dabyigbaaru iphoro. Mu emee ụlo unu, dụ nsọ g'ọ bụru okorobo ụlo. Teke ono bẹ mkpọ ngwẹja, unu gwerụ ta abyaẹdu adụ mu ree.

Ndu Uke 26:33

Ọzo bụ lẹ mu a-tụka unu nanụnanu l'alị ndu ọhozo. Ọ bụru ogu-echi bẹ mu a-mịta gude tsoru unu. Alị unu adabyiru iphoro. Mkpụkpu lẹ mkpụkpu unu abụkotaru ochobu.

Zefanaya 2:15

Nokwa iphe, a-nwụru eze mkpụkpu ono, bụ mkpụkpu ono, shi ji onwiya ẹpho bya atụsaru ẹhu ono; mbụ mkpụkpu ono, shi asụje: “Lẹ mgboko mgburugburu ta adụekwa mkpụkpu, ha shii, gẹ ya ha.” Obenu; lewarọ nta-a g'ọ byaru bya abụru ochobu. Lewarọ g'ọ byaru bya abụru ẹka ụnwu anụ-ẹgbudu bu. Onyemonye, shitaru mgboru iya nọdu akụjeru iya ọshi phupheru iya ishi.

Ọphulenya 18:7

G'a gwaa ya maa; nụa ya aphụ, habe g'ajaja ono, ọ jaru onwiya yẹe ẹku ono, nyịberu g'aatụ ọnu iya ono, ọ kparụ swibe onwiya ono. G'e mee ya ya nno; eshinu o shi anọduje etu onwiya ẹpha sụ: ‘Nta bẹ mu nọwa bụru eze-nwanyị! Mu ta anọdu l'aphụ nwanyị, ji iya anọedu ndzụ. Ọphu mu ta abyadụ l'atsọ ọnu l'aphụ!’