Ditoronomi 7:9 - BAYỊBURU Izii

⁹ Ọo ya bụ lẹ-a; makwarụ lẹ Chipfu, bụ Chileke ngu bụkwa Chileke; mbụ Chileke, apfụshije ike l'iphe, o kweru ukwe iya; bụru Chileke, edobeje ọgbandzu, yẹe ndu yeru iya obu gbaru; tẹme ọ nọdu egoshije phẹ l'o yeru phẹ obu; mbụ ndu ono, yeru iya obu bya emeje iphe, ọ sụru phẹ g'e meje. Iphe ono bẹ oomeje ụnu-kụru-ụnu ọgbo.

Ditoronomi 7:9 ပူးပေါင်းရင်းမြစ်များ

Mbụlembu 17:7

Mu e-me ọgbandzu mu ono g'ọ bụru ọgbandzu, a-nọ ojejoje; mbụ g'ọ bụru ọgbandzu mu lẹ ngu; waa ndu a-bụru oshilọkpa ngu l'ọgbo ọphu nọ l'iphu; k'ọphu mu a-bụru Chileke ngu; waa Chileke oshilọkpa ngu.

Mbụlembu 28:15

Tẹme; hụmakpodapho; mu swikwaru ngu eswiru; mu a-nọdukpoepho eleta ngu ẹnya l'iphe, bụkpoo ẹkameka iije; ọzo bụ lẹ mu e-duphuta ngu azụ l'alị-a. Mu ta abyadụ aha ngu jasụ mu emekọta iphe, mu kweru ukwe iya.”

Mbụlembu 9:15

mu a-nyata ọgbandzu mu l'unu; waa iphe, dzụ ndzụ l'ophu, dụlaje l'ụdu iya l'ụdu iya. Mbụ lẹ mini ta abyabaẹdu abya utso bya erigbushia iphe, nọ ndzụ ọzo.

1 Ndu eze 8:23

pfuahaa sụ: “Gụbe Chipfu, bụ Chileke kẹ Ízurẹlu; ọ tọ dụdu Chileke ọzo, dụbaa gẹ gụbedua l'imigwe waa l'eliphe; mbụ gụbe onye edobeje ọgbandzu, unu lẹ ndibe ngu gbaru; bya egoshije l'i yeru ndu-ozi ngu obu; mbụ ndu gude obu phẹ g'ọ ha etso ụzo ngu.

1 Iphe, ndu eze meru 16:15

Unu nyatajẹ ọgbandzu iya jasụru asụru. Ukwe-iphe, o kweru bẹ anọje; e -shi l'ọgbo sweru ọgbo.

2 Iphe, ndu eze meru 6:14

pfuahaa sụ: “Gụbe Chipfu, bụ Chileke kẹ Ízurẹlu; ọ tọ dụdu Chileke ọzo, dụbaa gẹ gụbedua l'imigwe waa l'eliphe; mbụ gụbe onye edobeje ọgbandzu, unu lẹ ndibe ngu gbaru; bya egoshije l'i yeru ndu-ozi ngu obu; mbụ ndu gude obu phẹ g'ọ ha etso ụzo ngu.

Nehemaya 1:5

Iphe, mu pfuru bụ: “Gụbe Chipfu, bụ Chileke k'imigwe; mbụ Chileke ono, parụ ẹka bya adụ ebvu ono; onye ono, edobeje ọgbandzu iya l'ẹhu ndu yeru iya obu bya eme iphe, o pfuru; tẹme ọ nọdu egoshije phẹ lẹ ya yeru phẹ obu.

Nehemaya 9:32

Ọo ya bụ; gụbe Chileke anyi; mbụ gụbe Chileke, parụ ẹka; bụru Ọkalibe; bya abụru onye dụ ebvu; mbụ gụbe onye ono, edobeje ọgbandzu ngu; ọphu n-yemobu ngu abvụdu abvụbvu; jiko g'iphe-ẹhuka-a, anyi ejegbabẹ-a ta adụkwa ngu mkpẹe mkpẹe l'ẹnya; bụ iya bụ iphe-ẹhuka, dapfutaru anyi lẹ ndu eze anyi-a; mẹ ndu-ishi anyi; mẹ ndu-uke Chileke anyi; mẹ ndu mpfuchiru Chileke anyi; mbụ iphe-ẹhuka ono, dapfutaru nna anyi phẹ; mẹ ndibe ngu l'ophu; e -shi lẹ teke ndu eze ndu Asiriya bụ ishi byasụ ntanụ-a.

Ebvu-ọma 103:18

mbụ l'ẹhu ndu ọphu edobeje ọgbandzu iya; bya anyatajẹ dobe ekemu, ọ tụru doberu phẹ.

Ebvu-ọma 105:8

Ọgbandzu iya bẹ ọonyataje jasụ lẹ tuutuutuu lẹ mịimiimii. Ukwe-iphe, o kweru bẹ eshije l'ọgbo sweru ọgbo.

Ebvu-ọma 119:75

Gụbe Chipfu; mu makwarụ-a l'ikpe ngu pfụru ọto; tẹme l'ị pfụ-shiru ike l'iphe, i pfuru nụa mu chịipfuu.

Ebvu-ọma 146:6

mbụ Chileke ono, bụ onye meru igwe mee alị; bya emee eze-ẹnyimu; waa iphemiphe, nọ iya nụ; bya abụru onye apfụshije ike l'ire-lanụ jasụ l'ojejoje.

Ebvu-ọma 36:6

Apfụbekoto nkengu nọdu etse rịgorigo g'úbvú, parụ ẹka apaa. Ikpe nkengu dụ wukirima g'eze ẹnyimu-ime-alị. Gụbe Chipfu; ọo ngu tụkoru anụ, bu l'ẹgbudu yẹle nemadzụ dobe ndzụ.

Awụfu 20:6

Obenu l'iphe, bụkpoo ndu yeru mu obu bya emeje iphe, mu pfuru bẹ mu emejekwanụ gẹ n-yemobu mu bụru o-je-lẹ-nwanwa l'ẹhu phẹ.

Azáya 49:7

Wakwaphọ iphe, Chipfu epfu; mbụ onye ono, bụ onye agbafụtaje anyi; bya abụru Onye Nsọ kẹ ndu Ízurẹlu. Oopfu iya anụ onye ono, ọhamoha jịkaru ajịka; akpọ-yiru iya ukuvu ono; mbụ onye ono, bụ onye-ozi kẹ ndu-ishi. Waa iphe oopfu baa: “Ndu eze e-mechakwaa hụma ngu wụ-lihu. Ndu-ishi a-hụma ngu phozeru ngu.” Ọ bụru onye e-me iya nụ bụ Chipfu; onye ono, apfụshije ike l'iphe, o pfuru; mbụ Onye nsọ kẹ ndu Ízurẹlu, bụ onye họtaru ngu nụ.

Jieremaya 32:18

Gụbe onye egoshije igwerigwe nemadzụ l'i yeru phẹ obu. Ọle iiwojeru aphụ ẹjo-iphe, ndu bụ nna meru woru nwua l'ụtapfu ndu bụ ụnwu phẹ m'ẹphe anọhedu. Gụbe oke Chileke ono, ike dụ ono; onye ẹpha iya bụ Chipfu, bụ Ọkalibe-Kakọta-Ike;

Ebvu Aphụ 3:23

L'ụtsu g'ụtsu bẹ n-yemobu waa obu-imemini Chipfu ono adụje ọ̀phúú ọ̀phúú. Apfụshi ike ngu bẹ parụ ẹka apaa.

Danẹlu 9:4

Mu pfuru nụ Chipfu, bụ Chileke mu; bya epfushiaru iya iphe-ẹji mu sụ iya: “Gụbe Nnajịuphu, bụ Chileke, parụ ẹka bya adụ ebvu; gụbe onye edobeje ọgbandzu n-yemobu gụ lẹ ndu yeru ngu obu bya emeje iphe, ị karụ g'e meje.

Ọ́gú 14:18

‘Chipfu bụ onye ẹhu te eghujedu eghu ẹgwegwa; bya abụru onye n-yemobu iya nyịberu anyịbe; bya abụru onye agụje nvụ l'iphe-ẹji; mẹ l'emeswe, e mesweru iya. Obenu l'ọ bụkwapho onye ta ahajẹdu onye-ikpe nmarụ kẹ mmanụ. Ọogwaje ụnwegirima ọchi iphe-ẹji, ndu nwụru phẹ nụ meru jasụ l'ọgbo k'ẹto rwua lẹ k'ẹno.’

Romu 8:28

Anyi maru l'iphemiphe, eme l'ẹhu ndu yeru Chileke obu anọduje emekọta g'ọo-dụru phẹ lẹ ree; mbụ ndu Chileke kuru g'ọ tụberu.

1 Kọrentu 1:9

Chileke apfụshijekwa ike l'iphe, o pfuru. Ọ bụru Chileke ono bẹ kuru unu g'unu lẹ Nwa iya, bụ Jizọsu Kéreshi bya bya abụru nanụ gbarụ mgba l'iphemiphe; mbụ onye bụhukwapho Nnajịuphu anyi ono.

1 Kọrentu 10:3

G'ẹphe ha rikọtaru ụdu nri lanụ ono, shi l'imigwe ono

1 Kọrentu 8:3

Obenu l'onye yeru Chileke obu bẹ Chileke maru.

2 Kọrentu 1:18

Tụswekwa! Ọ kwa gẹ Chileke l'onwiya bụ onye gbaru g'e gude ire iya ẹka bụ g'iphe, anyi epfu gbaru g'e gude iya ẹka lẹ Ee anyi bụ Ee; Waawa anyi bụru Waawa.

Ditoronomi 32:39

Unu hụmakwa; ọ kwa mbẹdua kpoloko bụ Chileke! Ọ tọ dụekwa Chileke ọzo, dụ nụ; gbahaa mbẹdua. Ọ kwa mbẹdua emeje g'a nwụhu; tẹme mu nọdu emeje g'a nọdu ndzụ. Ọo mbẹdua emekajẹ iphe; ọ bụru mu emeje g'e wekọrohu; ọphu ọ dụdu onye adụ ike anafụ mu onye mu guderu.

Ditoronomi 32:4

Ọ bụ iya bụ oke mkpuma ono! Iphemiphe, oome nọdu adụebeje ree; tẹme ụzo iya pfụkotaru nhamụnha. Ọ bụ Chileke, apfụshije ike l'iphe, o pfuru; ọphu ọ dụdu iphe, apfụduru-ọto, oomeje. Ọ pfụberekoto; tẹme obu gụa ya ìphóró.

Ditoronomi 4:35

E goshiru unu iphe ono; k'ọphu unu a-maru l'ọo Chipfu bụ Chileke; l'ọ tọ dụedu Chileke ọzo, dụ nụ.

Ditoronomi 4:39

Ọo ya bụ l'iphe, unu a-maru ntanụ-a; l'ọ dụkwapho unu l'ọkpoma bụ l'ọo Chipfu bụ Chileke l'imigwe ọphu nọ ephekerephe; bya abụru iya l'eli alị ọphu nọ iya lẹ mkpula; l'ọ tọ dụedu Chileke ọzo.

Ditoronomi 5:10

Mu nọdu aphụjekwanu obu-imemini l'ẹhu ụnu-kụru-ụnu ndu yeru mu obu bya edobe ekemu mu.

1 Tesalonayika 5:24

Iphe ono bẹ bụ iphe, oo-mekọta g'ọ ha; noo kẹle ọo ya kuru unu; tẹme ọ bụru onye apfụshije ike l'iphe, o pfuru.

2 Tesalonayika 3:3

Obenu lẹ Nnajịuphu bụ onye apfụshije ike l'iphe, o pfuru. Ọo ya bụ onye e-me g'unu shihu ike; tẹme l'o chekwaphọ unu g'ẹka Onye-Njọ ono te erwu unu l'ẹhu.

2 Timoti 2:13

Ọ -bụru l'anyi ta apfụshijedu ike l'iphe, anyi pfuru bẹ yẹbedua apfụshijekwa ike l'iphe, o pfuru. Kẹle ọ tọ gbanwejedu iphe, o pfuru.

Tayitọsu 1:2

noo l'anyi ele ẹnya ndzụ ojejoje. Ndzụ ojejoje ono bẹ Chileke, onye ta adzụjedu ụka pfuhawarurọ tẹme mgboko dụ; sụ lẹ ya a-nụ anyi.

Hiburu 10:23

Unu g'anyi kwata gudeshia iphe ono, anyi sụru l'anyi ele ẹnya iya ono ike; g'anyi ta tụhu mgbeleke ele ẹnya iphe ọbu; kẹle Chileke yẹbedua, kweru anyi ukwe-iphe ọbu l'apfụshijekwa ike l'iphe, o pfuru.

Hiburu 11:11

Ọ bụru ekweta Sera l'onwiya mechakwarụpho g'o gude ọ bụru nwanyị, nọru; ẹbe ọ tsụjeduru ime jasụ ọ nọghaa atsụta ime bẹ Chileke meẹluru-a g'ọ dụ ike tsụta ime lẹ nka. Iphe, kparụ iya nụ bụru l'o doberu Chileke l'onye apfụshije ike l'iphe, o kweru ukwe iya.

Hiburu 6:18

Sụ-a; Chileke kweru anyi ukwe-iphe; tẹme ọ bya eriru angụ ye iya. Ụzo iphe labọ ono bụchaa iphe, ta agbanwedu agbanwe; tẹme ọ bụkwarupho iphe, Chileke ta ayịdu dzụru ụka ye. Ọo ya bụ g'obu eshihu anyi ike; anyịbe ndu gbapfuru iya nụ g'ọ dzọo anyi; g'anyi te eje abọ obu ẹbo k'a maru: ?ọo-nụa anyi iphe ono, anyi ele ẹnya iya ono.

Jiemusu 1:12

Ẹhu-ụtso bẹ a gọru nụ onye tarụ nshi l'ọhutama; kẹle teke a hụcharu iya ama ọbu; ọphu ọ daduru bẹ ee-kpube iya okpu-eze, bụ iya bụ ndzụ; bụru obunggo, Chileke sụru lẹ ya e-bu ndu yeru iya obu.

1 Jiọnu 1:9

Teke anyi kọshiru iphe-ẹji, anyi meshiru b'ọo-gụru anyi nvụ l'iphe-ẹji ono g'ọ ha; bya asafụkota anyi iphe, bụkota ẹjo umere, anyi eme; eshinu ọ bụ onye apfụshije ike l'iphe, o kweru ukwe iya; bya abụru onye emeje iphe, pfụru ọto.

Ikpe 2:1

Ojozi-imigwe, shi l'ẹka Chipfu bya agbẹ lẹ mkpụkpu Gilugalu jeshia lẹ mkpụkpu Bokimu je asụ: “Mu dufutaru unubẹ ndu Ízurẹlu l'alị Ijiputu; duru unu ye l'alị ono, mu riburu nte lẹ mu a-nụ nna unu ono. Mu sụ lẹ mu ta abyadụ emebyi ọgbandzu, mu lẹ unu gbaru.

Ikpe 5:31

Gẹ ndu ọhogu gụbe Chipfu lakọta l'iyi ẹgube ono. Ọle gẹ ndu yeru ngu obu gbukwa kẹ nwịinwii g'ẹnyanwu, agbakota agbakota.” Tọbudu iya bụ; alị ono nweru nchị-odoo nọ ụkporo apha labọ.