Ditoronomi 7:21 - BAYỊBURU Izii

²¹ G'ẹphe be yekwa unu ebvu; kẹle Chipfu, bụ Chileke unu nọkwa l'echilabọ unu; mbụ Chileke ono, parụ ẹka bya abụru onye aatsụ ebvu ono.

Ditoronomi 7:21 ပူးပေါင်းရင်းမြစ်များ

2 Iphe, ndu eze meru 32:8

Iphe, o nweru bẹ bụ ngwọgu nemadzụ mmanụ; obenu l'anyịbedua nweru Chipfu, bụ Chileke anyi, bụ onye e-yetarụ anyi ẹka lwụ-chiru anyi ọgu.” Iphe ono, Hezekáya, bụ eze ndu Jiuda pfuru ono mee; meji nmapfuru ndu Jiuda.

Nehemaya 1:5

Iphe, mu pfuru bụ: “Gụbe Chipfu, bụ Chileke k'imigwe; mbụ Chileke ono, parụ ẹka bya adụ ebvu ono; onye ono, edobeje ọgbandzu iya l'ẹhu ndu yeru iya obu bya eme iphe, o pfuru; tẹme ọ nọdu egoshije phẹ lẹ ya yeru phẹ obu.

Nehemaya 4:14

Mu bya ahụma g'iphe dụ; mu gbalihu pfuaru ndu a maru ẹpha phẹ; mẹ ndu-ishi; mẹwaro ndu ọzo sụ phẹ: “Unu ta atsụshi ndu-a ebvu! Unu nyatanụ Nnajịuphu ono, bụ onye parụ ẹka; bya abụru onye dụ ebvu ono! Unu lwụa ọgu ẹhu ndibe unu; mẹ k'ụnwu unu unwoke; mẹ k'ụnwada unu; mẹ k'unyomu unu; mẹ k'unuphu ibe unu.”

Nehemaya 9:32

Ọo ya bụ; gụbe Chileke anyi; mbụ gụbe Chileke, parụ ẹka; bụru Ọkalibe; bya abụru onye dụ ebvu; mbụ gụbe onye ono, edobeje ọgbandzu ngu; ọphu n-yemobu ngu abvụdu abvụbvu; jiko g'iphe-ẹhuka-a, anyi ejegbabẹ-a ta adụkwa ngu mkpẹe mkpẹe l'ẹnya; bụ iya bụ iphe-ẹhuka, dapfutaru anyi lẹ ndu eze anyi-a; mẹ ndu-ishi anyi; mẹ ndu-uke Chileke anyi; mẹ ndu mpfuchiru Chileke anyi; mbụ iphe-ẹhuka ono, dapfutaru nna anyi phẹ; mẹ ndibe ngu l'ophu; e -shi lẹ teke ndu eze ndu Asiriya bụ ishi byasụ ntanụ-a.

Ebvu-ọma 27:1

Ọo Chipfu bụ ìphóró, dụru mu nụ bya abụru onye adzọje mu nụ. ?Bụ onye bẹ mu atsụkwanu ebvu ọzo? Ọo Chipfu bụ ụlo-ezeru-ndzụ mu. ?Bụ onye bẹ ndzụ iya a-nọdu agụbaa mu ọzo?

Ebvu-ọma 46:11

Chipfu, bụ Ọkalibe-Kakọta-Ike bẹ nọkwa swiru anyi. Ọ kwa Chileke kẹ Jiékọpu bụ onye anyi nọ l'ẹka ezeru ndzụ.

Ebvu-ọma 46:5

Chileke nọkwa lẹ mkpụkpu iya; k'ọphu bụ l'ọ tọ dụdu iphe, byaru eme iya nụ. Nchi -bya abọhu l'ọobyawaa bya agbaarụ iya mkpu.

Ebvu-ọma 46:6

Ndu ọhozo gude ẹhu-eghu aba hanyịhanyi. O mee; alị-eze phẹ nọdu angakọta anganga; ọle Chileke woliẹrupho olu gbọoru phẹ ụja; Eliphe l'ophu rwushihu.

Ebvu-ọma 46:7

Chipfu, bụ Ọkalibe-Kakọta-Ike bẹ nọkwa swiru anyi. Ọ kwa Chileke kẹ Jiékọpu bụ onye anyi nọ l'ẹka ezeru ndzụ.

Ebvu-ọma 47:2

Noo kẹle Chipfu, bụ Ọkalibe-kakọta-shii gbaru g'a tsụje iya ebvu. Kẹle ọo yẹbedua bụ Ọkalibe eze, achịkota ndiphe l'ophu.

Ebvu-ọma 68:35

Gụbe Chileke; ị dụ ebvu l'ụlo ngu, dụ nsọ. Ọo gụbe Chileke ndu Ízurẹlu emeje g'ike dụ ndibe ngu; ọkpehu adụ phẹ. G'ajaja bụru kẹ Chileke!

Ebvu-ọma 89:8

Gụbe Chipfu, bụ Chileke, bụ Ọkalibe-Kakọta-Ike; ?bụ onye dụ gẹ ngu? Ị parụ ẹka gụbe Chipfu; tẹme ị nọdu apfụjeru pfụshia ike l'iphemiphe, i pfuru gbaa mgburugburu.

Ebvu-ọma 95:3

Kẹle Chipfu bụ Chileke, parụ ẹka; bya abụru onye eze, parụ ẹka; onye kakọta agwa, ndu mgboko l'ophu shii.

Awụfu 29:45

Teke ono; mu eburu l'echilabọ ndu Ízurẹlu bụru Chileke phẹ.

Danẹlu 9:4

Mu pfuru nụ Chipfu, bụ Chileke mu; bya epfushiaru iya iphe-ẹji mu sụ iya: “Gụbe Nnajịuphu, bụ Chileke, parụ ẹka bya adụ ebvu; gụbe onye edobeje ọgbandzu n-yemobu gụ lẹ ndu yeru ngu obu bya emeje iphe, ị karụ g'e meje.

Ọ́gú 13:9

onye shi l'ipfu Benjiaminu bụru Paliti nwa Rafu;

Ọ́gú 14:14

Ẹphe e-pfukwaru iya ndu bu l'alị-a; kẹle ẹphe nụmakotawaru lẹ gụbe Chipfu swiru phẹ eswiru; nụmawa l'ẹphe egudeje ẹnya phẹ hụma gụbe Chipfu; tẹme l'urwukpu nkengu bẹ anọduje phẹ l'eli; tẹme l'ọobujeru; o -rwua l'eswe; l'i gude urwukpu, kpụru oronmono edu phẹ; o -rwua l'ẹnyashi l'i gude ọku, kpụru oronmono edukwa phẹ phọ.

Ọ́gú 14:42

Unu te ejekwa; kẹle Chipfu ta nọkwa swiru unu. Unu -jee bẹ ndu ọhogu unu e-chigbushikwa unu;

Ọ́gú 14:9

Iphe, dụ iya nụ kpoloko bụepho g'unu te kwefuru Chipfu ike. Iphe ọzo bụru g'unu ba tsụshi ndu alị ono ebvu. Noo kẹle anyi e-ri phẹ gẹ nri. Ẹphe te nwedu onye egbobuta phẹ nụ; obenu l'anyịbedua bẹ Chipfu swiru eswiru. G'anyi ba tsụshinu phẹ ebvu.”

Ọ́gú 16:3

Ẹphe kpakọ onwophẹ byapfutashịa Mósisu yẹle Erọnu bya asụ phẹ: “Unu metawaru iphe ọbu; o tsobe paa! Ndu Ízurẹlu l'ophu bẹ unu maru l'ẹphe dụ nsọ l'ẹhu l'ẹhu; tẹme Chipfu swiru phẹ eswiru. ?Bụ gụnu meru g'o gude unu palia onwunu eli eli dobe doghata ndu kẹ Chipfu l'ophu?”

Ọ́gú 21:34

Chipfu sụ Mósisu: “Ta tsụkwa iya ebvu; noo kẹle mu wowaru iya ye ngu l'ẹka; mẹ ndu nkiya; waa alị iya. Mekwaa ya iphe, i meru Sihọnu, bu eze, bu lẹ Hẹshibonu bụru onye-ishi ndu Amọru.”

Ọ́gú 23:21

Ọ tọ dụdu ẹjo-iphe, e levuru l'ẹhu ụnwu Jiékọpu. Ọphu ọ dụdu iphe, ta adụdu ree, ọ hụmaru l'ẹhu ụnwu Ízurẹlu. Chipfu, bụ Chileke phẹ swiru phẹ ọkpobe eswiru. Ẹphe anọduje atụ ụzu l'ọ bụ eze phẹ.

Ọ́gú 9:20

Teke ọ bụ l'urwukpu ono nọru l'eli ụlo-ẹkwa Chipfu ono; nọo ya nwujiku olemole; bẹ bụ Chipfu -sụ g'ẹphe nọdu; ẹphe akpọbe ụlo-ẹkwa phẹ nọshia. Teke ọ sụru phẹ g'ẹphe wụ-lihu tụgbua; ẹphe awụfu tụgbua.

1 Kọrentu 14:25

Iphe ono, ọonu ono atụaru iya iphe, ọori l'egomunggo jala. Ọo ya bụ; onye ono adaa kpurumu l'alị wata abarụ Chileke ẹja; watakwaphọ epfu sụ: “Ọ bụkpoo ọkpobe-opfu; unu lẹ Chileke nọpho l'ẹka-a.”

Ditoronomi 1:21

Unu lenu; lẹ Chipfu, bụ Chileke unu nụakwaru unu alị ọbu. Unu tụgbukwa je anata alị ọbu, bụ iya bụ iphe, Chipfu, bụ Chileke kẹ nna anyi oche phẹ pfuru. Gẹ ndzụ ba agụkwa unu; ọphu ẹhu anmakwa unu anmanma!’

Ditoronomi 10:17

kẹle Chipfu, bụ Chileke unu bụkwa Chileke, ka agwa, nọkota nụ; bya abụru Nnajịuphu, kakọta iphe, bụkpoo ndu bụ nnajịuphu. Ọ bụ Chileke, parụ ẹka bya adụ akpabiri; dụ ebvu l'ẹnya; ọphu ọ dụdu onye ooleje ẹnya l'iphu; tẹme ọphu o ridu ụphalazu.

Ditoronomi 20:1

“Unu -hụma ịnya ndu ọhogu unu; waa ụgbo-ịnya phẹ; waa ndu ojọgu phẹ; l'ẹka unu ejepfu phẹ ọgu; ẹphe ka k'unu shii; gẹ ndzụ phẹ ta agụjekwa unu. Noo kẹle Chipfu, bụ Chileke unu, bụ onye dufutaru unu l'alị Ijiputu bẹ nọkwa swiru unu eswiru.

Ditoronomi 25:8

Ọo ya bụ; ndu bụ ọgerenya mkpụkpu ono ekua nwoke ono; pfuaru iya opfu. Ọ -bụru l'iphe, oopfu bẹ oopfu epfushi iya ike; sụ lẹ ya ta abyakpọdaa alụru nwanyị ono m'obeta gụnu mee;

Ditoronomi 31:17

Ọ bụru teke ono bẹ ẹhu-eghu mu e-nwuahaa phuruphuru. Mu agwọbe phẹ; woru iphu wohaaru phẹ. L'e woru phẹ mebyishia. Ikpoto ẹjo-iphe; mẹ iphe-ẹhuka a-dapfu phẹ; k'ọphu ẹphe a-wata epfu l'eswe mbọku ono sụ: ‘Iphe, meru g'o gude ẹjo-iphe-a byapfuta anyi bụkwa l'ọo lẹ Chileke anyi ta anọedu l'echilabọ anyi.’

Jioshuwa 3:10

Waa g'unu e-shi maru lẹ Chileke ọphu dzụ ndzụ bu l'echilabọ unu baa; tẹme l'ọo-chịfuru unu ndu Kénanu; waa ndu Hetu; waa ndu Hevu; waa ndu Pẹ́rezu; waa ndu Gigashi; waa ndu Amọru; waa ndu Jiebusu.

Jioshuwa 8:1

Tọbudu iya bụ; Chipfu sụ Jioshuwa: “Gẹ ndzụ ba agụshi ngu; ọphu meji atọfukwa ngu. Rwuta ndu ojọgu g'ẹphe ha gude jepfu ndu Eyayi ọgu. Kẹle-a; mu woakwaru onye eze ndu Eyayi; yẹe ndibe iya; mẹkpoo mkpụkpu iya; waa alị iya woru ye ngu l'ẹka.

1 Sámẹlu 4:8

Nshịo anyi! ?Bụ onye a-dzọta anyi l'ẹka oke-agwa ọwa? Ọ kwa phẹ bụ agwa ono, gudegbaa ẹjo iphe-ememe, dụgbaa l'ụdu iya l'ụdu iya gbushia ndu Ijiputu l'echiẹgu ono-a.