Ditoronomi 7:17 - BAYỊBURU Izii

¹⁷ “Unu a-gbẹkwaro sụ: ‘Ọhamoha-a kagbakwa anyi ọkpehu. ?Dẹnu g'anyi e-shi lwụa phẹ?’

Ditoronomi 7:17 ပူးပေါင်းရင်းမြစ်များ

Azáya 14:13

I pfuwaru l'ime ọkpoma ngu sụ: “Mu e-kuli onwomu kuba l'imigwe. Mu a-pali aba-eze mu g'ọ ha l'eli l'eli; g'ọ kakọta kpokpode kẹ Chileke l'eli. Mu e-je anmakoru l'eli úbvú-ndzukọ ono, nọ l'ụzo isheli ono.

Azáya 47:8

Ọo ya bụ lẹ-a; ngabẹkpodapho nchị; gụbe nwọphu kpọru obu ye l'akpa ntụsaru-ẹhu; mbụ gụbe nwọphu arịje l'ọ tọ dụdu iphe, byaru eme ngu nụ; tẹme ị nọdu asụje onwongu l'ọwa-a ngu kpoloko dụ; l'ọ tọ dụedu onye ọzo gbahaa ngu; l'ị tị byadu abụ nwanyị, ji iya nwụhuru; ọphu ume nwa abyadụ eme ngu.

Azáya 49:21

Noo teke ii-pfu l'ọkpoma ngu sụ: ‘?Bụ onye nwụshiru mu ikpoto ụnwegirima ọwa-a? Mu shi eje iphe-ẹhuka; tẹme ọphu mu atsụdu ime. Mbụ lẹ mu shi bụru onye a jịkaru ajịka; a bya akpụa mu lẹ ndzụ laa alị ndu ọhozo. ?Bụkwanu onye hefutaru mu ụnwegirima ọwa-a? Lẹ mụbe onye e shi haa; mu nọdu nkịnyi mu. ?Igwerigwe ndu ọwa-a shihunu awe?’ ”

Jieremaya 13:22

Ọzo bụ; teke ị jịru onwongu ajị sụ: “?Bụnaa gụnu meru g'o gude iphe-a mee ngu?” Iphe, kparụ iya nụ bụ l'iphe-ẹji ngu parụ ẹka. Noo g'o gude a jịa ngu uwele; woru ngu agada pakaa.

Ọ́gú 13:32

Ọ bụru ẹjo nzì bẹ ẹphe byaru ezia ndu Ízurẹlu lẹ k'alị ono, ẹphe jeru anwụa ngge ono sụ: “Alị ono, anyi jeru anwụa ngge ono bẹ egbukwa ndu bu iya nụ mgbu-ọnwu. Tẹme ndu anyi hụmakotaru l'ẹka ono bụkotaru ndu hagbaa kẹ phengara phengara.

Ọ́gú 21:34

Chipfu sụ Mósisu: “Ta tsụkwa iya ebvu; noo kẹle mu wowaru iya ye ngu l'ẹka; mẹ ndu nkiya; waa alị iya. Mekwaa ya iphe, i meru Sihọnu, bu eze, bu lẹ Hẹshibonu bụru onye-ishi ndu Amọru.”

Ọ́gú 33:53

Unu anata phẹ alị ono buru; kẹle mu nụwaru iya unu g'ọ bụru k'unu.

Luku 9:47

Jizọsu maẹrupho iphe, dụ phẹ l'ọkpoma bya ekuta nwata nshịi pfụ-kube onwiya;

Ditoronomi 1:28

Unu sụ: ‘?Bụ ole bẹ anyi e-shi abahụ nta; g'ụnwunna anyi-a mewaru; meji tsukahụ anyi-a? kẹle ẹphe sụru lẹ ndu bu l'alị ono ka anyi l'ọtu; bya akagbaa anyi ogologo; tẹme mkpụkpu phẹ pagbaa ẹka; yẹe phengara phengara igbulọ mkpụkpu ono, aakpụjegbaa l'oorwua akpaminigwe. Ọzo, ka njọ bụ l'anyi hụmacharu ụnwu ndu Anaku l'alị ẹka ono.’

Ditoronomi 15:9

Unu letakwa ẹnya g'ẹjo ọriri ta abatajẹkwa unu l'obu kẹ g'unu sụ l'apha k'ẹsaa, bụ iya bụ apha aa-ha g'ụgwo-a laa dụkwaa ntse; woru iphu gbanwụberu nwune unu ono, mkpa byaru ono; ọ tọ dụdu iphe, unu anụ iya. Onye ono a-kpọkwaru Chipfu yeru unu; l'ọ bụru unu iphe-ẹji.

Ditoronomi 18:21

“Unu a-jịkwaro onwunu; sụ: ‘?Dẹnu g'anyi e-shi maru ozi ọphu abụdu Chipfu ziru iya?’

Ditoronomi 8:17

Unu ta asụnupho l'ime obu unu: ‘Ọ kwa ike unu; waa ike ẹka unu bẹ unu gude kpatakọta ẹku-a.’

Jioshuwa 23:3

Unubẹdua gudewaa ẹnya unu hụma iphemiphe, Chipfu, bụ Chileke unu meru ọhamoha-a l'opfu ẹhu unu. Ọo Chipfu ono, bụ Chileke unu ono bụ onye lwụ-chiteru unu ọgu.