Ditoronomi 7:13 - BAYỊBURU Izii

¹³ Oo-ye unu obu; kebe unu l'ọma; l'o mee unu; unu adụ igwerigwe. L'ọ gọkwarupho ọnu-ọma nụ ụnwu unu; waa iphe, unu meberu l'alị; mbụ ereshi unu; mẹ mẹe unu; mẹ manụ unu; mee g'eswi unu; yẹe atụru unu; waa eghu unu nọdu azụ azụzu l'alị ono, o riburu nna unu oche phẹ angụ lẹ ya a-nụ unu ono.

Ditoronomi 7:13 ပူးပေါင်းရင်းမြစ်များ

Nehemaya 9:32

Ọo ya bụ; gụbe Chileke anyi; mbụ gụbe Chileke, parụ ẹka; bụru Ọkalibe; bya abụru onye dụ ebvu; mbụ gụbe onye ono, edobeje ọgbandzu ngu; ọphu n-yemobu ngu abvụdu abvụbvu; jiko g'iphe-ẹhuka-a, anyi ejegbabẹ-a ta adụkwa ngu mkpẹe mkpẹe l'ẹnya; bụ iya bụ iphe-ẹhuka, dapfutaru anyi lẹ ndu eze anyi-a; mẹ ndu-ishi anyi; mẹ ndu-uke Chileke anyi; mẹ ndu mpfuchiru Chileke anyi; mbụ iphe-ẹhuka ono, dapfutaru nna anyi phẹ; mẹ ndibe ngu l'ophu; e -shi lẹ teke ndu eze ndu Asiriya bụ ishi byasụ ntanụ-a.

Jiobu 1:10

?Tọbudu ngu kpọru ọkpokuu kpọ-phee yẹle ndibe iya mgburugburu; mẹkpoo iphemiphe, o nweru? Iphemiphe, oome l'ẹka bẹ i meru; ọ bụru ụpete; k'ọphu bụ l'ẹku iya tụkoru ẹkameka.

Jiobu 42:12

Chipfu bya agọru ọnu-ọma nụ Jiobu lẹ ndzụ ọphu o mechaarụ nọfua eme lẹ ndzụ ọphu o vuru ụzo nọo. Atụru, o mechaarụ nweru dụ ụkporo ụnu atụru l'ụnu iri l'ise. Ịnya-kamẹlu dụ ụnu iri l'ise. Eswi iya, e jigbaru ẹbo ẹbo dụ ụnu ise. Nkapfụ-ịgara dụ ụnu labọ l'ụkporo iri.

Ebvu-ọma 1:3

Onye ono dụ g'oshi, e yeru l'agụga nggele; ọ nọdu amị mebyi l'orwuberu iya; ọphu ẹkwo iya anwụlwashihujedu anwụlwashihu. Iphe, bụkpoo iphemiphe, oome abụjeeru iya phọ ụpete.

Ebvu-ọma 107:38

O keberu phẹ l'ọma; ẹphe wata aka shii mebyi akaka; ọphu o kwedu g'iphe-edobe phẹ wata alwa alị alị.

Ebvu-ọma 11:7

Chipfu bụ onye pfụberekoto. Ndu eme iphe, pfụru nhamụnha adụje iya ree. Ndu obu phẹ gụru ìphóró e-mechaa hụma iphu iya.

Ebvu-ọma 127:3

Ụnwegirima bụ okiphe, shi l'ẹka Chipfu. Atsụ ime bụru obunggo, shi l'ẹka Chipfu.

Ebvu-ọma 146:8

Chipfu emeje gẹ ndu atsụ ishi wata aphụ ụzo. Ookulije ndu e wozeru alị; tẹme ọ nọdu eyeje ndu pfụberekoto obu.

Awụfu 23:25

Unu bajẹru mụbe Chipfu, bụ Chileke unu ẹja. Mu e-meru unu iphe-ọma lẹ nri waa lẹ mini; bya ewofu iphe-ememe l'echilabọ unu.

Ẹkwo Ẹtu 10:22

Ọnu-ọma kẹ Chipfu l'emeje g'e nweru iphe. Ọphu ọ dụdu iphe-ẹhuka, ooyeje iya.

Ẹkwo Ẹtu 15:9

Ụzo ndu ẹjo-iphe abụkotajeru ẹbyi l'iphu Chipfu. Obenu lẹ ndu eme g'ẹphe bụru ndu pfụberekoto bẹ o yeru obu.

Ndu Uke 26:9

Mu a-nọdu eleta unu ẹnya; mee unu g'unu zụ̀a azụ̀zù kabaa l'ọtu. Ọgbandzu mu l'unu bẹ mu e-me g'ọ ngụru angụru.

Matiyu 6:33

Ọo ya bụ; unu vuru ụzo chọadaa g'unu e-me gẹ Chileke bụru eze lẹ ndzụ unu; yẹle apfụbekoto iya; ọo ya bụ; iphe ono g'ọ ha abụru iphe, Chileke e-yekwarụ unu eyekwa.

Jiọnu 14:21

“Ọ kwa onye maru ekemu, mu tụru bya eme iya ememe bụ onye yeru mu obu. Onye yeru mu obu; Nna mu eyekwa iya phọ obu. Mbẹdua eyekwaphọ onye ọbu obu; woru onwomu goshi iya.”

Jiọnu 15:10

Unu -mee iphemiphe, mu sụru g'unu mee bẹ unu a-nọpyabekwaa lẹ n-yemobu nkemu; mbụ ẹgube ono, mu mekọtaru iphe, Nna mu sụru gẹ mu mee; mu nọpyabe lẹ n-yemobu kẹ Nna mu ono.

Jiọnu 16:27

Ishi iya bụ lẹ Nna l'onwiya yeru unu obu; kẹle unu yeru mu obu bya ekweta lẹ mu shi l'ẹka Chileke nọ bya.

Ditoronomi 1:8

Lekwaa; mu woakwaru alị ono dobe l'iphu unu. Unu wụbakwa je alwụta alị ọbu nworu; mbụ alị ono, Chipfu riru angụ lẹ ya a-nụ nna unu oche phẹ ono, bụ Ébirihamu; waa Áyizaku; waa Jiékọpu; yẹe oshilọkpa phẹ g'ẹphe ha.’ ”

Ditoronomi 13:17

G'ọ tọ dụkwa iphe ono, e doberu k'emebyishi ono mẹ nanụ, aa-hụma nemadzụ l'ẹka; k'ọphu Chipfu e-woru onwu-phuruphuru oke ẹhu-eghu iya ono sephu azụ; imemini unu adụ iya; l'ọ phụaru unu obu-imemini; l'o mee unu aka igwerigwe, bụ iphe, o rifuru nna unu oche phẹ angụ iya;

Ditoronomi 28:1

“Teke ọ bụkwanu l'unu ngabẹru nchị ọkpobe angabẹ l'olu Chipfu, bụ Chileke unu; kwabẹru ekemu iya g'ọ ha ẹnya; eme iya ememe; mbụ ekemu ono, mu atụru unu ntanụ-a ono; bẹ Chipfu, bụ Chileke unu e-me g'unu kakọta ọhamoha, nọgbaa lẹ mgboko-a shii.

Ditoronomi 28:11

Tẹme Chipfu emee g'unu nweru iphe ọkpobe enweru; nwụshia ụnwu ọkpobe anwụshi; ụnwu iphe-edobe unu anwụshi nwa ọkpobe anwụshi; ụnwu iphe, unu meberu l'alị emehu ọkpobe emehu l'alị ono, Chipfu riburu nna unu phẹ angụ lẹ ya a-nụ unu ono.

Ditoronomi 30:5

Mbụ lẹ Chipfu, bụ Chileke unu e-duphuta unu azụ l'alị ono, bụ kẹ nna unu oche phẹ ono; l'ọ bụru k'unu. L'o meeru g'iphe dụru unu lẹ ree; mee g'unu barahụ jaa àjàjà ka nna unu oche phẹ shii.

Ditoronomi 7:7

“Iphe, kparụ iphe, unu dụ Chipfu l'obu; ọ họta unu ta abụkwa l'unu ka ndu ọzo igwerigwe; g'ọ gbẹ bụru unu bẹ kachaa nwanshịi lẹ ndiphe l'ophu-a.