Ditoronomi 7:10 - BAYỊBURU Izii

¹⁰ Ọ nọdu apfụje ndu kpọru iya ashị ụgwo l'iphu phẹ; mbụ l'oomeje; ẹphe abụru mkpurupyata. Mbụ-a; ndu kpọru iya ashị bẹ ọ tọo kpọkwa ụpfu emelata.

Ditoronomi 7:10 ပူးပေါင်းရင်းမြစ်များ

Awụfu 20:5

Unu ta abajẹkwaru phẹ ẹja; ọphu unu ejejekwaru phẹ ozi. Noo kẹle mụbe Chipfu, bụ Chileke unu eko okophoo. Mu nọdu anụje ndu mu dụ ashị aphụ k'iphe, dụ ẹji, ẹphe meru mu; gude iya nụa ụnwu phẹ aphụ; mẹ ụnwu nwanwa phẹ; mẹ ụnwu nwanwanwaranwa phẹ.

Awụfu 34:7

Ụnubuku ụnwu-eliphe bẹ mu anọduje egoshi lẹ mu yeru obu. Mu agụjeru phẹ nvụ l'ẹjo-iphe, ẹphe meru; mẹ l'atụpya, ẹphe tụpyaru mu; waa l'iphe-ẹji, ẹphe meru mu. Ọle mu ta ahajẹkwanu onye-ikpe nmarụ gẹ mu ta ahụ̀ iya ahụ̀hù. Ndu ẹjo-iphe bẹ mu ahụ̀je ahụ̀hù k'ẹjo-iphe, ẹphe meru mu; hụ-rwua ya l'ẹka ụnwu nwanwa phẹ nọ; waa l'ẹka nwanwanwaranwa phẹ nọ; hụ-rwua phẹ l'ọgbo k'ẹno.”

Ẹkwo Ẹtu 11:31

Eshinu aa-pfụ onye pfụberekoto ụgwo iphe, oome l'eliphe-a; bẹ aa-pfụkwa iya phọ ndu te emedu ele Chileke yẹe ndu iphe-ẹji; pfụa phẹ iya pfụgharu phẹ iya ẹka.

Azáya 59:18

Ọ bụru g'iphe, ẹphe meru gbaru bụ g'oo-gude pfụa phẹ ụgwo. Mbụ l'ọo-tụ-koshi ndu ọhogu iya oke ẹhu-eghu iya. L'ọ bya agwata ndu opfu iya ụgwo iphe, ẹphe meru iya. L'ọ bya apfụa ndu bukube eze-ẹnyimu iphe, rwuberu phẹ nụ.

Jieremaya 32:18

Gụbe onye egoshije igwerigwe nemadzụ l'i yeru phẹ obu. Ọle iiwojeru aphụ ẹjo-iphe, ndu bụ nna meru woru nwua l'ụtapfu ndu bụ ụnwu phẹ m'ẹphe anọhedu. Gụbe oke Chileke ono, ike dụ ono; onye ẹpha iya bụ Chipfu, bụ Ọkalibe-Kakọta-Ike;

Nahumu 1:2

Chipfu ekokwa okophoo. Mbụ lẹ Chipfu emelatajẹkwa iphe, e meru iya. Sụ-a; Chipfu emelatajẹkwa iphe, e meru iya; tẹme ẹhu nọdu eghushije iya eghu ike. Chipfu emelatajẹkwa ndu achị iya lẹ njọ iphe, ẹphe meru; tẹme ọ nọdu ewojeru oke ẹhu-eghu iya tụ-koshi ndu ọhogu iya.

Ọ́gú 10:35

Teke e vutaẹrupho okpoko ono tụgbua; Mósisu asụ: “Zilihunu gụbe Chipfu. Gẹ ndu ọhogu ngu gbakashịhukwa nanụ nanụ. Gẹ ndu ono, ị dụ ashị shikwa ngu l'iphu gbalachaa.”

Ọ́gú 14:18

‘Chipfu bụ onye ẹhu te eghujedu eghu ẹgwegwa; bya abụru onye n-yemobu iya nyịberu anyịbe; bya abụru onye agụje nvụ l'iphe-ẹji; mẹ l'emeswe, e mesweru iya. Obenu l'ọ bụkwapho onye ta ahajẹdu onye-ikpe nmarụ kẹ mmanụ. Ọogwaje ụnwegirima ọchi iphe-ẹji, ndu nwụru phẹ nụ meru jasụ l'ọgbo k'ẹto rwua lẹ k'ẹno.’

Romu 12:19

Ndu mu yeru obu; unu te emelatajẹkwa ụgwo iphe, e meru unu. Unu hajẹkwa gẹ Chileke gude oke-ẹhu-eghu iya melata onye ono. L'e dekwaru l'ẹkwo-opfu Chileke sụ: “Emelata bụkwa mu bẹ ọ dụru; ọ bụru mu l'a-pfụ ụgwo.” Noo iphe, Nnajịuphu eepfu.

Ditoronomi 32:25

Ogu-echi bẹ ee-gude egbu phẹ pyaapyaa l'etezi. Ndzụ-agụgu anma phẹ ẹhu godagoda l'ime ụlo. Ụnwokorobya; mẹ ụnwumgboko; mẹ ụnwegirima nshịi; mẹ ndu ẹwó befuru l'ishi atụko bụru mkpurupyata.

Ditoronomi 32:35

Ọ kwa mbẹdua nwe emelata. Ọo mbẹdua a-pfụ phẹ ụgwo phẹ. O -beẹpho teke ono bẹ ọkpa e-chifu phẹ. Mbụ lẹ mbọku, ẹphe a-bụru mkpurupyata nọakwa ntse. Ọla-l'iswi gudeakwa ọso achị phẹ kpabẹ kpabẹ.”

Ditoronomi 32:41

Mu -baẹpho ogu-echi mu ono, egbu nwịinwii ono ababa; bya aparu iya l'ẹka; gude kpeahaa ikpe; bẹ mu e-melata ndu ọhogu mu; mbụ pfụa ndu kpọru mu ashị ụgwo.

Ditoronomi 5:9

Ta abajẹkwaru phẹ ẹja; ọphu i jekwaru phẹ ozi; kẹle mbẹdua, bụ Chipfu; bya abụru Chileke ngu bụkwa Chileke, l'ekoje okophoo. Mu ahụ̀jekwa ndu kpọru mu ashị ahụ̀hù k'ẹjo-iphe, ẹphe meru mu; hụ̀chaa mẹ ụnwu phẹ; hụ̀rwuchaa ya ọgbo k'ẹto mẹ k'ẹno.

Ditoronomi 7:11

Ọo ya bụ lẹ-a; unu kwabẹkwa ẹnya mejekwa iphe, Chipfu tụru l'ekemu; unu etsoje iphe, ọ tọru ọkpa iya sụ g'e tsoje; waa iphe, ọ sụru g'e meje; gẹ mu atụru iya unu ntanụ-a.”

Ditoronomi 7:9

Ọo ya bụ lẹ-a; makwarụ lẹ Chipfu, bụ Chileke ngu bụkwa Chileke; mbụ Chileke, apfụshije ike l'iphe, o kweru ukwe iya; bụru Chileke, edobeje ọgbandzu, yẹe ndu yeru iya obu gbaru; tẹme ọ nọdu egoshije phẹ l'o yeru phẹ obu; mbụ ndu ono, yeru iya obu bya emeje iphe, ọ sụru phẹ g'e meje. Iphe ono bẹ oomeje ụnu-kụru-ụnu ọgbo.