Ditoronomi 6:6 - BAYỊBURU Izii

⁶ G'ekemu-a, mu atụru unu ntanụ-a bukwaru unu eburu l'ọkpoma.

Ditoronomi 6:6 ပူးပေါင်းရင်းမြစ်များ

Mbụlembu 18:19

Noo kẹle mu họtawaru iya g'ọ bụru onye a-kpọ-ziru ụnwu iya ụzo; ẹphe lẹ ndibe iya ndu ọphu a-nọdu etso iya l'azụ; g'ẹphe meje iphe, mu sụru g'ẹphe meje, bụ iya bụ g'ẹphe meje iphe, pfụru ọto; waa iphe, gbaru phẹ nụ. Ọo ya bụ gẹ mu emekwanaaru Ébirihamu iphe, mu kweru iya ukwe iya.”

2 Sámẹlu 22:23

Ekemu Chipfu bẹ mu nwụbekotaru ẹnya g'ọ ha. Tẹme ọphu mu aghajẹduru iphe, ọ sụru g'e meje okotazụ.

Ebvu-ọma 119:11

Opfu ngu bẹ mu domiwaru l'ime obu mu. Ọo ya bụ g'ọ tọ dụkwanu teke mu e-me ngu iphe-ẹji.

Ebvu-ọma 119:13

Ọo ogbogboromọnu mu-a bẹ mu gudewaa gụshikota iphe, bụkotakpoo ikpe, i kperu l'ọnu ngu.

Ebvu-ọma 119:30

Mu hatawaru eme ire-lanụ. Ọ bụru ikpe ngu g'ọ ha bẹ mu wowaru dobe onwomu l'ụzo iphu.

Ebvu-ọma 119:98

Eme iphe, ị sụru g'e meje mewaru; mu ka ndu ọhogu mu amaru iphe; kẹle ọonoduje swiru mu mkpụrumkpuru.

Ebvu-ọma 37:31

Iphe, adụje iya l'obu tekenteke bụ ekemu Chileke; ọphu ọ haswejedu ọkpa l'ememe iya.

Ebvu-ọma 40:8

Gụbe Chileke mu; iphe, adụje mu ree bụ gẹ mu mee iphe, dụ ngu l'uche. Ekemu ngu adụjee mu phọ l'obu tekenteke.”

Ẹkwo Ẹtu 3:5

Gude obu ngu g'ọ ha dakobe Chipfu. Ba chịkwaru ụpfu kwẹe lẹ nkwamẹnya nkengu.

Ẹkwo Ẹtu 7:3

Gbaru iya l'ẹka g'ọ bụru ngu echi mkpụshi-ẹka! L'i woru iya dee edede l'ime obu ngu!

Azáya 51:7

Unu nụmakpodapho iphe, mu epfu; unubẹ ndu maru iphe, pfụru nhamụnha; mbụ unubẹ ndu ekemu mu dụ l'ọkpoma! Unu ba atsụjekwa ebvu l'ọkonu, nemadzụ akọ unu; ọphu iphu, oophu unu eyejekwa unu ebvu;

Jieremaya 31:33

Wakwa iphe, Chipfu epfu baa: Wakwa ụdu ọgbandzu ọphu mu l'ọnu-ụlo Ízurẹlu a-gba: mẹ e -mechaẹpho teke ono. Ekemu mu bẹ mu e-woru ye phẹ l'egomunggo. Ọ bụru l'ime ọkpoma phẹ bẹ mu e-de iya edede. Mu a-bụru Chileke phẹ; ẹphebedua abụru ndibe mu.

Luku 2:51

O tsoru phẹ lashịa Nazaretu. Ọ nọdu emejekpọepho iphe, ẹphe ziru iya. Ne iya wokpọerupho iphemiphe ono dobekọta l'obu.

Luku 8:15

Ndu ọphu daru l'ọkpobe alị; noo ndu ọphu bụ ndu nụmaru opfu ono bya egude ọkpobe obu ọma gudeshia ya ike-ike. Ẹphe taa nshi pfukashịa opfu Chileke ono gẹ ndu ọzo kweta.”

2 Kọrentu 3:3

Ọ bụwaa g'unu goshije l'unu bụ ẹkwo ọphu Kéreshi deru nụ anyi g'anyi pajẹru. Ẹkwo ọbu ta abụdu mini-ẹkwo bẹ e gude dee ya. Iphe, e gude dee ya bụ Unme, shi l'ẹka kẹ Chileke; mbụkwa Chileke ọphu dzụ ndzụ. Ọphu ẹka e deru iya abụdu lẹ mkpuma, dụ g'okwekpu; ẹka e deru iya bụ l'obu nemadzụ.

Ditoronomi 11:18

“Ọo ya bụ lẹ-a; unu woru opfu-a, mu epfuru unu ntanụ-a kwachia l'ime obu unu; yẹfua lẹ ndzụ unu. Unu gbaru iya l'ẹka g'ọ bụru iphe-ọhubama; l'o kejekwarụpho unu l'egedegee iphu g'ọ bụru unu iphe-ọhubama.

Ditoronomi 11:20

L'i dekwaa ya phọ l'oshi mgbo ụlo ngu; waa l'oshi mgbo ọguzo ngu.

Ditoronomi 32:46

bya asụkwa phẹ phọ: “Unu vukwaru opfu-a, mu rarụ unu arara ntanụ-a l'obu. Ọo ya bụ; g'unu ezia ụnwu unu g'ẹphe kwabẹ ẹnya mekọtaje iphemiphe, e deru l'ekemu-a.

Kọlosi 3:16

Unu kwe g'opfu kẹ Kéreshi ono bya eburu l'ime obu unu dzua ya oke lẹ mmamiphe; ezi iphe; yẹle adụ nwibe unu obu. Unu egudekwa iya phọ alọru phẹ ẹka lẹ nchị. Unu gụje ebvu-ọma nụ Chileke; mẹ ebvu ekele; mẹ ebvu ọzo, shikọta Unme-dụ-Nsọ l'ẹka. Unu gude obu unu g'ọ ha meje iphemiphe ono; gude nno ekele Chileke ekele.

2 Jiọnu 1:2

Noo kẹle ọkpobe-opfu ono buwa anyi ebubu l'ẹhu. Ọ bụru g'oo-buwarurọ bụ ono; swiru anyi jasụ lẹ tuutuutuu lẹ mịimiimii.