Ditoronomi 6:4 - BAYỊBURU Izii

⁴ “Unubẹ ndu Ízurẹlu; unu nụmakwa iya: Chipfu, bụ Chileke anyi bụkwa Chileke lanụ bẹ ọ bụ.

Ditoronomi 6:4 ပူးပေါင်းရင်းမြစ်များ

1 Ndu eze 18:21

Elayịjia bya apfụru ndu Ízurẹlu ono l'iphu g'ẹphe ha sụ: “?Bụ jasụ teke ole bẹ unu a-nọ-bekpọru ọgazi-ẹnya-labọ ono unu nọ ono? Ọ -bụru l'ọo Chipfu bẹ bụ Chileke; unu tsoru iya. Teke ọbu l'ọo Balụ bẹ bụ Chileke; unu tsonụru iya.” O pfuchaa nno; ọphu ẹphe epfuduru opfu yeru iya.

2 Ndu eze 19:5

Ọo ya bụ; ndu ono, eze, bụ Hezekáya ziru ono bya abyapfuta Azáya;

1 Iphe, ndu eze meru 29:10

Tọbudu iya bụ; Dévidi wata aja Chipfu ajaja l'iphu edzudzu-ọha ono asụje: “G'ajaja bụru nkengu; gụbe Chipfu, bụ Chileke kẹ nna anyi, bụ Ízurẹlu; shita l'ojejoje jasụ l'ojejoje.

2 Iphe, ndu eze meru 17:9

Ẹphe zigbabẹkota iphe l'alị Jiuda; gude ẹkwo ekemu Chipfu ezi iya. Ẹphe jegbabẹkota mkpụkpu, nọkota l'alị Jiuda ezi phẹ iphe.

Nehemaya 9:6

Ọo ngu kpoloko kpẹekpu bụ Chipfu. Ọo ngu meru igwe; mee igwe ọphu kakọta igwe l'eli; mẹ iphemiphe, dụkota iya nụ. Ọ bụru ngu meru alị; mẹ iphemiphe, dụkota iya nụ. Ọ bụru ngu meru eze-ẹnyimu; mẹ iphemiphe, nọkota iya nụ. Ọ bụru ngu meru; ẹphe nọdukota ndzụ. Iphe, dụgbaa l'imigwe anọduje abakọtaru ngu ẹja.

Ebvu-ọma 78:5

O doberu ụnwu Jiékọpu omelalị, ẹphe e-tsoje; bya atụa ekemu dobe; ọ ngụru angụru l'alị Ízurẹlu; bya akaru ndiche anyi phẹ g'ẹphe zikwaa ya ụnwegirima phẹ.

Ebvu-ọma 86:10

Noo kẹle ị parụ ẹka; tẹme ị nọdu emeje iphe, dụ biribiri. Ọo ngu kpoloko kpẹekpu bẹ bụ Chileke.

Azáya 42:8

“Sụ-a; ọ kwa mbẹdua bụ Chipfu. Ọ bụru ẹpha mu bụ ono gẹdegede! Ọphu mu e-wokwaru úbvú, rwuberu mu nụ anụ onye ọzo. Ọphu mu ewokwaru etu ẹpha, eetuje mu woru haarụ agwa.

Azáya 44:6

Wakwa iphe, Chipfu epfu baa; mbụ onye ono, bụ eze ndu Ízurẹlu bya abụru onye gbafụtaru phẹ nụ; mbụ Chipfu, bụ Ọkalibe-Kakọta-Ike: Ọ kwa mbẹdua bụ onye ivuzọ; bya abụru onye ikpazụ. Ọ tọ dụekwa Chileke ọzo, dụ nụ; gbahaa mbẹdua.

Azáya 44:8

G'ẹhu ba nmakwa unu anmanma; mbụ gẹ ndzụ ba agụkwa unu! ?Mu te epfuhaadaru iya unu eshi lẹ mbụ; mbụ pfua ya raa ya arara? Mbụ-a; ọ kwa unu bụ ndu ekebe mu. ?Ọ dụru Chileke ọzo, dụ nụ, abụdu mbẹdua? Waawakwa! Agbara mkpuma ọzo ta adụhekwa. Ọ tọ dụekwa onye ọzo, mu maru.

Zekaraya 14:9

Ọ bụru Chipfu a-bụru onye eze ndu mgboko l'ophu. O -rwua mbọku ono bụ Chipfu lanụ a-dụ; ọ bụru ẹpha iya kpoloko bụ ẹpha, aa-maru.

Matiyu 22:37

Jizọsu sụ iya: “ ‘Yee Nnajịuphu, bụ Chileke ngu obu ngu g'ọ ha. Gude ndzụ ngu g'ọ ha; mẹ uche ngu g'ọ ha yee Chileke obu.’

Luku 10:27

Nwoke ono sụ iya: “Ẹkwo ekemu sụru: ‘Yee Nnajịuphu, bụ Chileke ngu obu ngu g'ọ ha. Gude ndzụ ngu g'ọ ha; mẹ ike ngu g'ọ ha; mẹ uche ngu g'ọ ha yee Chileke obu. Waa g'i yee nemadzụ ibe ngu obu g'i yeru onwongu.’ ”

Jiọnu 10:30

Mbẹdua mu lẹ Nna mu bụkwa nanụ.”

Jiọnu 17:3

Ndzụ ojejoje ono bụ g'ẹphe maru ngu; mbụ gụbe onye ono, bụ ngu bụ ọkpobe Chileke kpẹekpu; makwaruphọ Jizọsu Kéreshi, bụ onye ọ bụ ngu ziru g'ọ bya.

Romu 3:30

Ọ bụepho Chileke lanụ dụ kpoloko. Ọ bụru iya a-gụ ndu Jiu, kweru kẹ Kéreshi lẹ ndu pfụberekoto; bya abụkwaru iya phọ a-gụ ndu abụdu ndu Jiu, kweru kẹ Kéreshi lẹ ndu pfụberekoto.

Efesọsu 4:6

Ọo Chileke lanụ dụ; onye bụ iya bụ Nna anyi g'anyi ha; bya abụru iya nọ-ngokọtaru; bya egudekọta onyemonye eje ozi iya; bya eburu l'ime onyemonye.

Ditoronomi 4:39

Ọo ya bụ l'iphe, unu a-maru ntanụ-a; l'ọ dụkwapho unu l'ọkpoma bụ l'ọo Chipfu bụ Chileke l'imigwe ọphu nọ ephekerephe; bya abụru iya l'eli alị ọphu nọ iya lẹ mkpula; l'ọ tọ dụedu Chileke ọzo.

Ditoronomi 5:6

“ ‘Ọ kwa mbẹdua bụ Chipfu, bụ Chileke unu, bụ onye dufutaru unu l'alị Ijiputu; mbụ l'alị ẹka ono, unu shi bụru ohu ono.

1 Timoti 2:5

Noo kẹle ọo Chileke lanụ bẹ dụ nụ kpoloko; ọ bụkwarupho onye lanụ kpoloko bẹ bụ onye apfụjeru lẹ mgbaka Chileke yẹe nemadzụ. Onye ono bụ iya bụ Kéreshi Jizọsu, bụkwapho nemadzụ l'onwiya.

Jiemusu 2:19

I kweru lẹ Chileke bụ Chileke lanụ; i meru ree. Ono bụkwapho g'ọbvu kwegbaaru gude iya anmagbaa pyaapyaapyaa.