Ditoronomi 5:7 - BAYỊBURU Izii

⁷ “ ‘Ta adụkwa iphe ọzo, ịi-bajẹru ẹja; gbahaa mbẹdua.

Ditoronomi 5:7 ပူးပေါင်းရင်းမြစ်များ

Ebvu-ọma 81:10

Noo kẹle ọo mbẹdua bụ Chipfu; bya abụru Chileke unu. Ọo mbẹdua bụ onye dufutaru unu l'alị Ijiputu; mbụ-a; unu sakpọdapho ọnu unu gabala gẹ mu wụ-jia ya awụ-ji!

Ebvu-ọma 81:9

G'ọ tọ dụkwa iphe ọzo, unu e-dobe agwa agwagwa l'echilabọ unu! Tẹme ọphu ọ dụkwa iphe ọzo, unu a-bajẹru ẹja.

Awụfu 20:3

“Unu ta adụkwa iphe, unu a-bajẹru ẹja; gbahaa mụbe Chileke kpụrumu.

Matiyu 4:10

Tọbudu iya bụ; Jizọsu kweẹpho doo bya asụ iya: “Gbẹshi l'ẹka ono Nsetanu; l'ẹkwo-opfu Chileke sụkwaru: ‘Ọo Nnajịuphu, bụ Chileke ngu bụ onye ịi-barụ ẹja; tẹme ọ bụru iya kpụrumu bụ onye ịi-nọdu ejeru ozi.’ ”

Jiọnu 5:23

Ọo ya bụ gẹ ndiphe l'ophu akwabẹje Nwa ùbvù g'ẹphe akwabẹje Nna. Onye ono, ta akwabẹdu Nwa ùbvù ta akwabẹkwa Nna, bụ iya bụ onye ziru iya nụ.

Ditoronomi 11:16

Unu kwabẹkwaru onwunu ẹnya; g'e te dephu unu g'unu dakọbe wata ejeru agwa ozi baaharụ phẹ ẹja.

Ditoronomi 6:14

Unu te etsokwaru agwa ọzogba; mbụ agwa ndu ono, bupheru unu mgburugburu ono.

1 Jiọnu 5:21

Ụnwegirima mu; unu te ekwejekwa g'ọ dụru iphe, unu ahajẹ g'ọ bya anọ-chia ẹnya Chileke l'ime ọkpoma unu.