Ditoronomi 4:7 - BAYỊBURU Izii

⁷ “Mbụ-a; ?dẹnu ọhozo, ha shii, agwa phẹ nọ-kube ntse ọkpobe anọ-kube gẹ Chipfu, bụ Chileke anyi anọ-kubeje anyi mẹ anyi raku iya-a?

Ditoronomi 4:7 ပူးပေါင်းရင်းမြစ်များ

2 Sámẹlu 7:23

?Dẹnukpoo ndu ọzo, dụbaa gẹ ndu nkengu, bụ ndu Ízurẹlu; mbụ ọha lanụ lẹ mgboko-a, gụbe Chileke jeru je agbafụta g'ẹphe bụru ndu nkengu; bya egude phẹ mee g'a maru ẹpha ngu amaru; bya emee iphe, pagbaarụ ẹka; bya adụ biribiri l'alị phẹ; l'iphu ndibe ngu ono, bụ ndu ono, ị gbafụtaru l'ẹka ndu Ijiputu; tẹme ị chịkashikwaapho ọhamoha ọzo yẹle agwa, ẹphe agwagbaa l'iphu ndibe ngu ono?

Ebvu-ọma 145:18

Chipfu anọduje ndu rakuru iya nụ ntse; mbụ ndu gude ire-lanụ raku iya.

Ebvu-ọma 147:20

Ọ tọ dụdu ọhozo, o mejewaru ẹgube ono. Ndu k'ono ta amadụ ikpe, o kpewaru dobe. Unu jaa Chipfu ajaja.

Ebvu-ọma 148:14

O meru g'onye ike dụ fụtaru ndu nkiya. Ọ bụru onye ono bẹ ndu dụru iya nsọ, bụ ndu Ízurẹlu anọduje aja ajaja ono; mbụ ndu ono, dụ iya l'obu ono. Unu jaa Chipfu ajaja.

Ebvu-ọma 34:17

Ndu pfụberekoto abụjeru; ẹphe -raku Chipfu; l'ọ za phẹ ẹnu; bya anafụta phẹ l'iphe-ẹhuka, ẹphe eje g'ọ ha.

Ebvu-ọma 34:18

Chipfu anọ-kubeje ndu mee ala l'opfuru. Ndu eswe bụ ẹnyashi bẹ ọodzofutaje.

Ebvu-ọma 46:1

Ọo Chileke bẹ bụ onye anyi nọ l'ẹka ezeru ndzụ; bya abụru iya bụ ike anyi. Ọokwagebeje akwagebe eyeru anyi ẹka m'anyi nọdu eje iphe-ẹhuka.

Ebvu-ọma 73:28

Obenu lẹ mbẹdua bẹ ẹhu anọduje atsọ ụtso lẹ mu nọ-kube Chileke; mbụ lẹ mbẹdua wowaru Nnajịuphu, bụ Chipfu; mee ẹka mu a-nọduje ezeru ndzụ. Ọo ya bụ lẹ mu e-gude ọnu mu kọkota iphe, dụ ree, iime l'ẹhu mu.

Ebvu-ọma 85:9

Iphe, doru ẹnya bụ lẹ ndu atsụ Chipfu ebvu bẹ ọobyaakwa adzọta; k'ọphu o-gbu-nwịinwii ya a-nọdu l'alị anyi.

Azáya 43:4

Eshinu ị dụ mu mkpa; tẹme ị bụru onye aakwabẹ ùbvù l'ẹnya mu; tẹme eshinu mu yeru ngu obu; bẹ mu e-woru ndu nemadzụ nụ gude gbanweta ngu; nụkwapho ndiphe gude gbanweta ndzụ ngu.

Azáya 55:6

Chọnaa Chipfu teke ịi-hụma iya! Rakua ya teke ọ nọkwadu ntse!

Ọ́gú 23:21

Ọ tọ dụdu ẹjo-iphe, e levuru l'ẹhu ụnwu Jiékọpu. Ọphu ọ dụdu iphe, ta adụdu ree, ọ hụmaru l'ẹhu ụnwu Ízurẹlu. Chipfu, bụ Chileke phẹ swiru phẹ ọkpobe eswiru. Ẹphe anọduje atụ ụzu l'ọ bụ eze phẹ.

Ọ́gú 23:9

Ọo l'eli eze mkpuma bẹ mu anọduje hụma phẹ. Ọ bụru l'eli úbvú bẹ mu anọduje ele phẹ ẹnya; mbụ ndu ono, bu iche ono, adụdu ndu ẹphe l'ẹphe buru ẹghirigha ono. Ẹphe ta agụjeduru onwophẹ yeru ọhozo.

Ndu-ishi-ozi 17:27

Iphe, Chileke medoru iphemiphe ono bụ gẹ ndiphe achọo ya chọta iya m'ẹphe -rwaphenaa ẹka iya; eshinu Chileke ta adụdu onye ọ nọ ẹnya lẹ g'anyi ha; mbụ mẹ onye lanụ.

Ditoronomi 26:19

Ọzo bụ lẹ ya e-me g'unu ha shii; kakọta ọhamoha ọzo, ya meru ememe shii. Unu aka phẹ enweru ẹpha; ọha m'ọha ono aka unu etu ẹpha; ka unu akwabẹ ùbvù. Unu abụru ọha, dụru Chipfu, bụ Chileke unu nsọ, bụ iphe, o pfuhawaru.”

Ditoronomi 33:29

Ẹhutso bẹ a gọru nụ unubẹ ndu Ízurẹlu. ?Bụ onye dụ g'unu; unubẹ ndu Chipfu dzọtaru? Ọo yẹbedua bụ onye egbobutaje unu; bya abụru onye eyejeru unu ẹka. Ọ bụkwarupho yẹbedua bụ ogu-echi, unu gude eku onwunu. Ndu ọhogu unu e-gude ndzụ-agụgu byapfuta unu; unu azọpyashia ẹka ẹphe agwajẹ iphe azọpyashi.”

Ditoronomi 4:32

“Mbụ-a; unu gbẹeshikwa nta-a kpaa ishi iphe, meru lẹ teke k'azụ; tẹme a nwụa unu; mbụ e -shi teke Chileke meru nemadzụ lẹ mgboko. Unu kpaẹshikwa ishi jeye l'ẹka imigwe beru; alị beru; g'unu maẹshikwaru mẹ iphe, paberu ẹka ẹgube-a mejewaru; ọzoo l'a nụmajewaru ẹtu iya.

Ditoronomi 5:26

Noo kẹle ọ tọ dụdu nemadzụ mmanụ nụmajewaru ẹka Chileke, dzụ ndzụ; gbẹ l'ọku epfu opfu; g'anyi nụmaru iya-a; mechaa dzụru ndzụ-a.’

Jiemusu 4:8

Unu kpịritaru Chileke ntse; hụma l'ọo-kpịritakwarupho unu ntse. Unu kwọo onwunu ẹka unubẹ ndu eme iphe-ẹji. Unu sachaa obu unu ree unubẹ ndu abọ obu ẹbo.