Ditoronomi 4:6 - BAYỊBURU Izii

⁶ Unu dobekwa ekemu ono; meje iya ememe; kẹle ọo ya bụ mmamiphe unu; bya abụru iya bụ l'iphe edoje unu ẹnya l'iphu ndiphe, bụ ndu e-mechaa nụma iphemiphe ono, Chipfu tọru ọkpa iya ono; pfuahaa sụ: ‘Ọkpobe-opfu bụ l'ọha-a, parụ ẹka-a bụkwa ọha, maru iphe; bya abụru ọha, iphe edoje ẹnya!’

Ditoronomi 4:6 ပူးပေါင်းရင်းမြစ်များ

1 Ndu eze 4:34

Ndu eze ọhamoha, nọkota lẹ mgboko-a bẹ nụmakotaru kẹ mmamiphe Sólomọnu ono; ẹphe nọdu eyeje ndu e-je anụma opfu mmamiphe, oopfu ọbu.

Jiobu 28:28

bya asụ ụnwu-eliphe-a: Atsụ Nnajịuphu ebvu bụkwa iya bụ mmamiphe. Ajịka eme ẹjo-iphe, bụru nkwamẹnya.

Ebvu-ọma 111:10

Atsụ Chipfu ebvu bụ egbube ishi mmamiphe. Iphe, bụkpoo ndu etso ekemu iya bẹ iphe edoje ẹnya ree. G'e tua ya ẹpha jasụ l'ojejoje.

Ebvu-ọma 19:7

Ekemu Chipfu dụebe ree. Oomeje g'obu gụ-zeta nemadzụ. Omelalị, Chipfu doberu ta angadu anganga. Oomeje g'onye amazidu iphe kabaa amaru iphe.

Ebvu-ọma 19:8

Iphe, Chipfu tụru ọkpa iya pfụkwaru nhamụnha. Oomeje g'ẹhu tsọo nemadzụ ụtso. Iphe, Chipfu sụru g'e meje doru rịsaa. Oomeje nemadzụ g'ọ hụma-rweta ụzo ree.

Ẹkwo Ẹtu 1:4

G'e gude iya mee gẹ ndu enwedu egomunggo kwa ẹnya; mekwaphọ g'okorọbya maru iphe; makwarụpho eye ọnu l'opfu.

Ẹkwo Ẹtu 1:5

Gẹ ndu maru iphe ngabẹ nchị yekwabaa iphe l'iphe, ẹphe nwụtaru. Tẹme ndu iphe edoje ẹnya angabẹkwapho nchị g'a kpọ-zibaaru phẹ ụzo.

Ẹkwo Ẹtu 1:7

Ọ kwa atsụ Chipfu ebvu bụ egbube ishi mmamiphe. Obenu lẹ ndu eswe bẹ ta adụdu iphe, ẹphe agụbeje mmamiphe yẹe ahụ̀hù.

Ẹkwo Ẹtu 14:34

Apfụbekoto ekutse ọha l'ophu. Obenu l'iphe-ẹji bụ iphe-iphere l'ẹhu ọhamoha.

Ẹkwo Ẹtu 14:8

Onye nweru egomunggo bẹ bụ iphe, egoshije l'ọ maru iphe bụ l'ụzo, ooshi edoje iya ẹnya. Obenu l'iphe, egoshije l'onye-eswe bụ ọmata bụ l'oogudeje ụghoshi eme iphemiphe.

Azáya 42:21

Chipfu bẹ bụ onye pfụberekoto. Noo iphe, meru g'o gude ọ nụ phẹ ekemu, ereshi ire ike bya adụkwapho biribiri.

Jieremaya 8:9

Ndu maru iphe bẹ ee-mekwa iphe-iphere. Ee-ye phẹ ebvu; nmata phẹ l'ọ́nyà. Eshinu ẹphe jịkawaru opfu kẹ Chipfu; ?bụ ẹgube mmamiphe gụnu bẹ ẹphe nweru?

Ezekẹlu 5:5

“Wakwa iphe, Nnajịuphu, bụ Chipfu epfu baa: Lekpọdapho lẹ Jierúsalẹmu bẹ mu woru dobe l'echilabọ ọhamoha; yẹle igwerigwe mkpụkpu, gbapheru iya mgburugburu.

Danẹlu 1:20

Iphe, bụkpoo iphe, eze jịru phẹ, bụ iphe, larụ lẹ kẹ mmamiphe; ọzoo iphe edo ẹnya bẹ ẹphe kakọta ndu jibya; mẹ ndu emeje ọmamanshi, bụ ndu nọkota l'alị-eze iya; ugbo iri.

Danẹlu 4:9

“Mu sụ iya: ‘Beluteshaza; onye-ishi ndu jibya. Mu mawaru l'unme k'agwa, dụ nsọ bẹ dụ ngu l'ẹhu; ọphu ọ dụdu iphe, e domiru edomi, atsụje ngu l'ẹhu amaru. Ọwaa bẹ bụ nrwọ, mu rwọru. Jiko kọoru mu rọ ishi iphe, ọ bụ.

Hosiya 8:12

Mu bya edeeru phẹ ẹkwo pfuaru phẹ iphemiphe, mu tụru l'ekemu. Ẹphe wolẹru iya-a kua iphe, shi l'ọhozo.

Malakayi 3:12

Noo teke ọhamoha a-wata unu eku ndu Chileke keberu l'ọma; kẹle alị unu a-bụaharu ẹka agụ ẹgu eburu.” Nokwa iphe, Chipfu, bụ Ọkalibe-Kakọta-ike epfu.

Ditoronomi 29:9

Ọo ya bụ lẹ-a; unu dobekwa opfu, e pfuru l'ọgbandzu-a; unu emeje iya ememe; g'iphe, unu kụberu ẹka ememe abụjeru unu ụpete.

Ditoronomi 32:46

bya asụkwa phẹ phọ: “Unu vukwaru opfu-a, mu rarụ unu arara ntanụ-a l'obu. Ọo ya bụ; g'unu ezia ụnwu unu g'ẹphe kwabẹ ẹnya mekọtaje iphemiphe, e deru l'ekemu-a.

Ditoronomi 32:47

G'opfu-a ta abụkwaru unu opfu, enwedu ishi; kẹle ọ kwa ẹka ono bẹ ndzụ unu nọ. Ọ bụru iphemiphe ono e-me g'unu karịberu nka l'alị ono, unu adagha ẹnyimu Jiọ́danu eje alwụta nworu ono.”

2 Timoti 3:15

L'ị nyatajẹkwapho l'i shi lẹ nwata makọtaru iphe, e deru l'ẹkwo-opfu Chileke. Ọo iphe ono, e deru l'ẹkwo-opfu Chileke ono, dụ nsọ ono bẹ a-dụ ike mee ngu l'i nweru mmamiphe k'ọphu Chileke e-shi l'ekwekwe, i kweru kẹ Kéreshi Jizọsu dzọo ngu.

Jiemusu 3:13

?Ọ dụru onye arị lẹ ya maru iphe; nweru uche g'unu ha? Onye ono goshiẹshikwa iya l'eme umere ọma; waa l'eme gelee ọphu shi lẹ mmamiphe.