Ditoronomi 4:32 - BAYỊBURU Izii

³² “Mbụ-a; unu gbẹeshikwa nta-a kpaa ishi iphe, meru lẹ teke k'azụ; tẹme a nwụa unu; mbụ e -shi teke Chileke meru nemadzụ lẹ mgboko. Unu kpaẹshikwa ishi jeye l'ẹka imigwe beru; alị beru; g'unu maẹshikwaru mẹ iphe, paberu ẹka ẹgube-a mejewaru; ọzoo l'a nụmajewaru ẹtu iya.

Ditoronomi 4:32 ပူးပေါင်းရင်းမြစ်များ

Mbụlembu 1:27

Ọo ya bụ; Chileke woru nemadzụ mee; o yee ya; ọ bụru gẹ Chileke dụ bụ g'o meru iya; ọ dụ. Ọ bụru nwoke lẹ nwanyị bẹ o meru.

2 Sámẹlu 7:23

?Dẹnukpoo ndu ọzo, dụbaa gẹ ndu nkengu, bụ ndu Ízurẹlu; mbụ ọha lanụ lẹ mgboko-a, gụbe Chileke jeru je agbafụta g'ẹphe bụru ndu nkengu; bya egude phẹ mee g'a maru ẹpha ngu amaru; bya emee iphe, pagbaarụ ẹka; bya adụ biribiri l'alị phẹ; l'iphu ndibe ngu ono, bụ ndu ono, ị gbafụtaru l'ẹka ndu Ijiputu; tẹme ị chịkashikwaapho ọhamoha ọzo yẹle agwa, ẹphe agwagbaa l'iphu ndibe ngu ono?

Jiobu 8:8

Jịnaa ndu shihawaa nụ; g'ẹphe kọoru ngu iphe, shi anwụjeru ndiche phẹ;

Ebvu-ọma 44:1

Gụbe Chileke; anyi gudekwa nchị anyi nụma; tẹme nna anyi oche phẹ kọkwaaru iya phọ anyi; mbụ iphemiphe ono, i mekọtaru phẹ teke ndiche ono.

Awụfu 34:10

Tọbudu iya bụ; Chipfu sụ: “Anyi lẹ ngu a-gba ndzụ. L'atatiphu ndu nkengu l'ophu bẹ mu e-me oke iphe, dụ biribiri, mu teke emeswe l'ọhamoha, nọ lẹ mgboko l'ophu. Ndu ono, unu bu l'echilabọ phẹ ono a-hụmakota g'iphe, mụbe Chipfu e-mekọta dụ-be ebvu.

Azáya 45:12

Ọ kwa mbẹdua meru eliphe dobe. Mu byakwaphọ bya emee nemadzụ dobe iya. Ọ kwa ẹka mu bẹ mu gude tọsaa imigwe; bya edokaa ya kpokpode kpokpode l'ophu.

Jiowẹlu 1:2

Unu nụmakwa iphe-a; unubẹ ndu bụ ọgerenya! Unu ngabẹkwa nchị; iphe, bụkpoo ndu bu l'alị-a l'ophu! Iphe, dụ ẹgube-a; ?o mejekpọoru eshinu unu shi nọduta ndzụ? Tọo ?o mejeru lẹ teke kẹ nna unu oche phẹ?

Émọsu 3:2

“Ọ bụ unu kpoloko bẹ mu maru l'iphe, bụkpoo ipfu, nọkota lẹ mgboko l'ophu. Noo iphe, meru g'o gude mu je l'anụ unu aphụ ẹjo-iphe, unu eme g'ọ ha.”

Matiyu 24:31

Aabya egbua eze opu ono, oo-gude zia ụnwu-ojozi-imigwe iya; ẹphe ejee l'iphu; jee l'azụ; jee l'ụzo ẹkutara; jee l'ụzo ẹkicha; je akpaa l'ẹka igwe beru; alị beru; chịkota ndu ọ họtaru.

Maku 13:27

Ọobya ezia ụnwu-ojozi-imigwe iya; ẹphe abya ejee l'iphu; jee l'azụ; jee l'ụzo ẹkutara; jee l'ẹkicha lẹ mgboko mgburugburu gbiriri jasụ l'ẹka igwe beru alị beru; je edutakọta ndu ọ họtaru.”

Ditoronomi 28:64

“Chipfu a-chịka unu; mee unu edzuru mgboko l'ophu; e -shi l'ishi mgboko ishi iya-a jasụ l'ishi iya ọphuu. Ẹka ono bẹ unu a-nọdu baarụ agwa ẹja; mbụ agwa, e meru l'oshi; yẹe mkpuma. Iphe ono bụru iphe, unu ta mahaada; tẹme ọphu nna unu oche phẹ amajẹduru iya.

Ditoronomi 30:4

O -nwekpọoru ndibe unu ono ọphu a chịru jeye l'ẹka igwe beru alị beru; Chipfu, bụ Chileke unu ejelẹ-a ẹka ono je eduphuta phẹ azụ; mbụ l'oo-jekpọepho l'ẹka ono je ekua unu.

Ditoronomi 32:7

Unu nyatakwa teke k'ichee! Unu arịa ọriri nyata ọgbo, ghatawaru nụ! Unu jịa nna unu g'ẹphe kọoru iya unu! Unu ajịkwaa ya phọ ndu bụ ọgerenya unu; g'ẹphe kọkwaaru iya phọ unu!

Ditoronomi 33:29

Ẹhutso bẹ a gọru nụ unubẹ ndu Ízurẹlu. ?Bụ onye dụ g'unu; unubẹ ndu Chipfu dzọtaru? Ọo yẹbedua bụ onye egbobutaje unu; bya abụru onye eyejeru unu ẹka. Ọ bụkwarupho yẹbedua bụ ogu-echi, unu gude eku onwunu. Ndu ọhogu unu e-gude ndzụ-agụgu byapfuta unu; unu azọpyashia ẹka ẹphe agwajẹ iphe azọpyashi.”

Ditoronomi 4:7

“Mbụ-a; ?dẹnu ọhozo, ha shii, agwa phẹ nọ-kube ntse ọkpobe anọ-kube gẹ Chipfu, bụ Chileke anyi anọ-kubeje anyi mẹ anyi raku iya-a?