Ditoronomi 4:31 - BAYỊBURU Izii

³¹ Eshinu Chipfu, bụ Chileke unu bụ Chileke, aphụje obu-imemini; bẹ ọ tọo jịkakwa unu; ọphu oomebyishikwa unu; ọphu ọozohakwa ọgbandzu ono, yẹle nna unu oche phẹ gbaru ono, bụ ọphu o riru angụ yeru phẹ.”

Ditoronomi 4:31 ပူးပေါင်းရင်းမြစ်များ

1 Iphe, ndu eze meru 28:20

Dévidi bya epfukwarụpho nwa iya Sólomọnu sụ: “Shihukpọepho ike; gude ẹka l'obu jee ozi ono. Ta atsụkwa ebvu; ọphu meji atọfukwa ngu; noo kẹle Chipfu, bụ Chileke; mbụ Chileke kẹ mbẹdua bẹ swiru ngu eswiru. Ọ tọ byadu agbakụta ngu azụ; ọphu ọ byadu aha ngu jasụ teke ozi, dụkota l'ụlo Chipfu ono a-bvụkota.

2 Iphe, ndu eze meru 30:9

Ọ -bụru l'unu lwapfutaru Chipfu ọzo; bẹ ndu kpụru ụnwunna unu; mẹ ụnwegirima unu phẹ lẹ ndzụ a-phụru phẹ obu-imemini; haa phẹ ẹphe alwaphuta azụ l'alị-a; kẹle Chipfu, bụ Chileke unu bẹ bụ onye emeje eze-iphe-ọma; bya abụru onye aphụje obu-imemini. Ọ tọ byadu ewofu iphu iya l'ẹka unu nọ; mẹ ọ -bụru l'unu lwapfutaru iya.”

Nehemaya 1:5

Iphe, mu pfuru bụ: “Gụbe Chipfu, bụ Chileke k'imigwe; mbụ Chileke ono, parụ ẹka bya adụ ebvu ono; onye ono, edobeje ọgbandzu iya l'ẹhu ndu yeru iya obu bya eme iphe, o pfuru; tẹme ọ nọdu egoshije phẹ lẹ ya yeru phẹ obu.

Nehemaya 9:31

Obenu l'i gude k'obu-imemini ngu ono, parụ ẹka; ọphu i ti kwedu g'ẹphe chịhu; ọphu i kwedu haa phẹ; kẹle ị bụ Chileke ọphu emeje eze-iphe-ọma; bya abụru onye aphụje obu-imemini.

Ebvu-ọma 103:8

Chipfu bụ onye aphụje obu-imemini; bya abụru onye emeje eze-iphe-ọma. Ẹhu te eghujedu iya eghu ẹgwegwa; tẹme ọ nọdu eyeje obu yegharụ iya ẹka.

Ebvu-ọma 105:8

Ọgbandzu iya bẹ ọonyataje jasụ lẹ tuutuutuu lẹ mịimiimii. Ukwe-iphe, o kweru bẹ eshije l'ọgbo sweru ọgbo.

Ebvu-ọma 111:4

O mewaru g'a nyata iphe, dụ biribiri, oomeje. Chipfu eme eze-iphe-ọma tẹme ọ nọdu aphụ obu-imemini.

Ebvu-ọma 111:5

Ndu atsụ iya ebvu bẹ ọonoduje anụ nri. Ọgbandzu iya bẹ ọonyataje jasụ lẹ tuutuutuu lẹ mịimiimii.

Ebvu-ọma 111:9

Ndu nkiya bẹ ọ gbafụtaru; bya atụa ekemu sụ g'ọgbandzu iya dụkwa ojejoje. Ẹpha iya dụ nsọ bya adụ ebvu.

Ebvu-ọma 116:5

Chipfu bụkwa onye emeje eze-iphe-ọma; bya abụru onye pfụberekoto; mbụ lẹ Chileke anyi bụkwa onye aphụje obu-imemini.

Ebvu-ọma 86:15

Obenu lẹ gụbe Nnajịuphu bụ Chileke, aphụje obu-imemini; bya abụru onye emeje eze-iphe-ọma. Ẹhu te eghujedu ngu eghu ẹgwegwa; tẹme ị nọdu eyeje obu yegharụ iya ẹka; bya abụru onye apfụshije ike l'iphe, i pfuru.

Ebvu-ọma 86:5

Gụbe Nnajịuphu bụ onye ọma; bya abụru onye agụjeru nemadzụ nvụ. Iphe, bụkpoo ndu arakuje ngu nụ bẹ iiyeje obu yegharụ iya ẹka.

Awụfu 6:8

Mu e-duta unu je l'alị ono, mu paliru ẹka mu imeli ria nte lẹ mu a-nụ Ébirihamu; waa Áyizaku; waa Jiékọpu ono. Mu a-nụ iya unu g'ọ bụru okiphe unu. Ọo mbẹdua bụ Chipfu.”

Jieremaya 14:21

Jiko ta agbadokwa anyi; g'ẹpha ngu apfụru! Te ewokwaru aba-eze ngu ono, dụ biribiri ono hua l'alị! Nyatakwa ọgbandzu anyi lẹ ngu! Te emebyikwa iya!

Jieremaya 30:11

Wakwa iphe, Chipfu epfu baa: Mu nọkwa swiru ngu eswiru; mu a-dzọ ngu! A makwarụ-a lẹ mu tụkoru ọhamoha emebyishibẹbe, bụ ndu mu shi woru ngu ghakaa l'ime phẹ. Obenu lẹ mu tee mebyishibẹbedu ngu gberegedege. Mu a-hụ̀ ngu ahụ̀hù l'ụzo, pfụru nhamụnha. Ọphu mu ahakwanụ ngu phuruphuru gẹ mu ta anụ ngu aphụ l'ophu l'ophu.”

Ndu Uke 26:42

bẹ mu a-nyatakwa-a ọgbandzu mu lẹ Jiékọpu; yẹe ọgbandzu mu lẹ Áyizaku; mu anyatakwaphọ ọgbandzu mu lẹ Ébirihamu; nyatakwaphọ alị ono.

Ndu Uke 26:44

Ọle g'ọ dụhabe bẹ teke ono, ẹphe a-nọdu l'alị ndu ọhogu phẹ ono bẹ mu ta ajịkakwa phẹ; ọphu mu edobekwa phẹ gẹ ndu dụ ideyideyi; kẹ gẹ mu mebyishikọta phẹ kpamu; mebyia ọgbandzu mu l'ẹphe; kẹle ọ kwa mbẹdua bụ Chipfu; bya abụru Chileke phẹ.

Ndu Uke 26:45

Ọle mu e-gude iswi ẹhu phẹ nyata ọgbandzu mu lẹ ndu ndiche phẹ, bụ ndu mu shi l'alị Ijiputu dufuta l'atatiphu ọhamoha; k'ọphu mu a-bụru Chileke phẹ. Ọ kwa mbẹdua bụ Chipfu.”

Jiona 4:2

Ọ bya epfuahaa nụahaa Chipfu sụ: “Gụbe Chipfu; ?tọ bụdu iphe-a bẹ mu pfuru teke mu nọ l'alị anyi-a? Ọ kwa iphe-a meru g'o gude mu mee ẹgwegwa jeshia mkpụkpu Tashishi; kẹle mu maru l'ị bụ Chileke, menụkaru eze-iphe-ọma; tẹme ị nọdu aphụje obu-imemini; ọphu ẹhu eghujedu ngu eghu ẹgwegwa; tẹme ị nọdu eyeje obu yegharụ iya ẹka; ị bụru Chileke, e tee ekwojedu gburumu mee gẹ nemadzụ bụru ọla-l'iswi.

Mayịka 7:18

?Bụ onye dụbaa gẹ gụbe Chileke, bụ onye agụje nvụ l'iphe-ẹji; tẹme ị nọdu eleghatajẹ emeswe, nwa ndu ono, phọduru nụ ono, mesweru ngu; mbụ ndu ono bụhukwapho okiphe ngu ono? Ẹhu te eghujedu ngu eghu jasụ l'ojejoje. Obenu l'iphe, adụje ngu ree bụ g'ị phụa obu-imemini.

Ọ́gú 14:18

‘Chipfu bụ onye ẹhu te eghujedu eghu ẹgwegwa; bya abụru onye n-yemobu iya nyịberu anyịbe; bya abụru onye agụje nvụ l'iphe-ẹji; mẹ l'emeswe, e mesweru iya. Obenu l'ọ bụkwapho onye ta ahajẹdu onye-ikpe nmarụ kẹ mmanụ. Ọogwaje ụnwegirima ọchi iphe-ẹji, ndu nwụru phẹ nụ meru jasụ l'ọgbo k'ẹto rwua lẹ k'ẹno.’

Luku 1:72

g'ọo-phụa obu-imemini ono, ọ sụru ndiche anyi phẹ lẹ ya a-phụ ono; wafụa g'ọo-nyata ukwe-iphe, dụ nsọ, o kweru ndu nkiya.

Ditoronomi 31:6

G'ọkpehu dụkwa unu; unu eshihu obu ike. Gẹ ndzụ ba agụkwa unu; ọphu unu atsụkwa phẹ ebvu. Noo kẹle ọo Chipfu, bụ Chileke unu l'onwiya bụ onye du unu eje. Ọ tọ byadu aha unu; ọphu o leswedu unu ẹnya.”

Ditoronomi 31:8

Ọ bụru Chipfu l'onwiya e-vutakwanụru ngu ụzo; tẹme l'ọ nọdukwapho swiru ngu eswiru. Ọ tọ byadu aha ngu; ọphu o leswedu ngu ẹnya. Gẹ ndzụ ba agụkwa ngu; ọphu obu etekwa ngu etete!”

Hiburu 13:5

Unu te eyenụkakwa okpoga ẹnya. G'iphe, unu nweru jijeẹkwapho unu ẹpho. Lẹ Chileke pfuakwaru iya l'onwiya sụ: “Mu ta agbahakwa ngu ẹka; ọphu mu a-gwọbekwa ngu.”

Jioshuwa 1:5

Ọ tọ dụkpodaa onye byaru adụ ike pfuchia ngu ụzo gbiriri jasụ teke ịi-nọ-beru. Ọo ẹgube ono, mu shi swiru Mósisu ono bụ gẹ mu e-swikwaru ngu phọ; ọphu mu abyadụ aha ngu nwẹkinyi ngu; tẹme ọphu mu agwọbekwa ngu.