Ditoronomi 32:9 - BAYỊBURU Izii

⁹ kẹle okiphe Chipfu bụ ndibe iya; mbụ l'ọo ndu Jiékọpu bụ okiphe ọphu ọ họtaru.

Ditoronomi 32:9 ပူးပေါင်းရင်းမြစ်များ

2 Sámẹlu 14:16

Mbụ; ?a maru gụbe eze a-nụma opfu mu nafụta mụbe nwozi ngu l'ẹka nwoke ono, achọ ụzo, oo-shi gbua mu lẹ nwa mu; nafụ anyi okiphe, Chileke nụru anyi ono?

2 Sámẹlu 20:19

Sụ-a; anyi bụ ndu dụ àgù; tẹme anyi bụru ndu e gude ire anyi ẹka l'alị Ízurẹlu. Nta-a bẹ iime g'i mebyishia mkpụkpu, nọ ọnodu ne l'alị Ízurẹlu. ?Dẹnu g'o gude ị nọdu eme g'ị lwụa ndu bụ okiphe Chipfu?”

1 Ndu eze 8:51

Noo kẹle ẹphe bụ ndibe ngu; bya abụru okiphe nkengu ono, i dufutaru lẹ Ijiputu; mbụ l'ẹjo ọ-ta-rịriri ọku ono, adazeje iphe-ígwè ono.

1 Ndu eze 8:53

Noo kẹle; ẹphe bụ ndu i wofutarụ dobe iche l'echilabọ ọhamoha, dụkota lẹ mgboko-a; g'ẹphe bụru okiphe ngu; mbụ ẹgube ono, i shi l'ọnu onye-ozi ngu, bụ Mósisu pfua ya lẹ teke ono, gụbe Ọkalibe-Kakọta-Ike, bụ Chipfu dufutaru nna anyi phẹ lẹ Ijiputu phọ.”

Ebvu-ọma 106:40

Noo g'o gude Chipfu vụahaaru ndibe iya ọvuma; mbụ kpọ-yiaharu ndu ono, bụ okiphe iya ono ukuvu.

Ebvu-ọma 106:5

K'ọphu mu a-hụma ọ-dụ-ree, i doberu ndu ị họtaru; tsokwaru phọ ọha ono, bụ nkengu ono tee ẹswa; mbụ tsoru ndu ono, bụ okiphe ngu ono tua ngu ẹpha.

Ebvu-ọma 135:4

kẹle Chipfu họtawaru Jiékọpu g'ọ bụru nkiya; mbụ l'ọ hatawaru Ízurẹlu g'ọ bụru ndu o nwe enwenwe gẹdegede kpọ.

Ebvu-ọma 28:9

Dzọtanu ndibe ngu; gọnuru ọnu-ọma nụ ndu bụ okiphe ngu! Chejenu phẹ nche g'onye eche atụru; l'i heru phẹ eheru jasụ l'ojejoje!

Ebvu-ọma 33:12

Ẹhu-ụtso bẹ a gọru nụ ọha ono, bụ Chipfu bụ Chileke phẹ; mbụ ndu ọ họtaru; ẹphe bụru okiphe nkiya.

Ebvu-ọma 74:2

Nyatakwa igwe ọha ono, ị zụruro teke dụ ẹnya ẹnya ono; mbụ ọkpa-ipfu ono, ị gbatarụ l'itumo mee phẹ; ẹphe bụru okiphe ngu ono. Nyatakwaphọ úbvú Zayọnu ono, i bu ebubu ono.

Ebvu-ọma 78:71

O dufutaru iya l'ẹka ooche atụru g'ọ bya eleta ndibe iya, bụ ụnwu Jiékọpu ẹnya; mbụ g'ọ kpọ-zijeru ụnwu Ízurẹlu, bụ okiphe iya ụzo.

Awụfu 15:16

Ndzụ-agụgu; waa ẹhu-anmanma e-gude phẹ. Ọ bụru ọkpehu, dụ ngu l'ẹkutara bẹ ii-gude mee g'ẹphe dabyichaaru gẹ mkpuma; gbiriri jasụ ndibe gụbe Chipfu wụghata; mbụ ndu ono, ị gbafụtaru l'ohu, ẹphe shi bụru ono.

Awụfu 34:9

Ọ sụ: “Gụbe Chipfu; ọ -bụru lẹ mu dụ ngu l'obu eviya; jiko gẹ gụbe Chipfu tsonụru anyi. A makwarụ-a lẹ ndu-a bụnukaru ndu ẹjo-ọkpoma; ọle jiko gụnaru anyi nvụ l'ẹjo-iphe; waa iphe-ẹji anyi; wotarọ anyi g'anyi bụru okiphe ngu.”

Azáya 19:25

Chipfu, bụ Ọkalibe-Kakọta-Ike a-gọru ọnu-ọma nụ phẹ sụ: “G'ọnu-ọma bụru kẹ Ijiputu, bụ ndibe mu; yẹe Asiriya, bụ ndu mu gude ẹka mu mee; yẹe ndu Ízurẹlu, bụ ndu bụ okiphe mu.”

Azáya 34:17

Ọo ya atụje g'ọo-dụru phẹ. Ọ nọdu egudeje ẹka iya tụa ya atụtu kee. O je abụru nkephẹ jasụ l'ojejoje. Mbụ ẹphe ebuwarurọ l'ẹka ono gbẹ l'ọgbo sweru ọgbo.

Azáya 43:21

ndu mu gude ẹka mu mee doberu onwomu g'ẹphe raa ya arara sụ g'e tuje mu ẹpha.”

Jieremaya 10:16

Obenu l'onye ono, bụ okiphe oshilọkpa Jiékọpu ono bẹ ta abụdu nno bụ g'ọ dụ; kẹle ọo ya bụ onye meru iphemiphe dobe; mechaa mee ndu Ízurẹlu; mbụ ọkpa-ipfu ono, bụ okiphe iya ono. Onye ono bẹ ẹpha iya bụ Chipfu; bya abụru Ọkalibe-Kakọta-Ike.

Jieremaya 2:7

Sụ-a; mu duru unu dubata l'alị emehu iphe, e meberu iya g'unu rije akpụru-iphe, amị iya nụ; yẹe ẹku, kụru iya nụ. Obenu l'unu bataru iya bya atụrwua alị mu; bya emee okiphe mu ono; ọ kpọo ìdzù.

Jieremaya 51:19

Onye ono, bụ okiphe oshilọkpa Jiékọpu ono ta adụkwa gẹ ndu k'ono; kẹle ọo ya bụ onye meru iphemiphe; mẹchakpoo ọkpa-ipfu ono, bụ okiphe iya ono. Onye ono bẹ ẹpha iya bụ Chipfu, bụ Ọkalibe-Kakọta-Ike.

Mayịka 2:5

Ọo ya bụ l'unu te enweẹdu mẹ onye lanụ, a-nọ-chi ẹnya unu lẹ ndzukọ kẹ Chipfu; onye a-tụ ido gude kee alị ono.

Zekaraya 2:12

Chipfu e-keta Jiuda g'ọ bụru okiphe iya l'alị, dụ nsọ ono; l'ọobyaakwa ahọta Jierúsalẹmu ọzo.

Efesọsu 1:18

Mu asụjekwa iya phọ g'o mee obu unu g'ọ hụma ìphóró iya; k'ọphu unu a-maru iphe, bụ iphe, o kuru unu g'unu le ẹnya iya; makwaruphọ l'iphe, o kweru ndu-nsọ ukwe iya nyịberu anyịbe.

Ditoronomi 9:29

Obenu l'ẹphe ta adụdu ngu ashị; ẹphe gbẹchia bụru ndu nkengu; bụru okiphe ngu, i gude eze ike ngu; mẹ agburẹhu ngu dufuta.’ ”

Jioshuwa 24:17

Ọo Chipfu, bụ Chileke l'onwiya bẹ dufutaru anyi; waa nna anyi oche phẹ l'alị ndu Ijiputu; ẹka anyi shi bụru ohu. Ọ bya emeshigbaa iphe, dụ biribiri anyi hụma. Ọ bụru yẹbedua bụ onye gbochiteru anyi l'ẹka ọhamoha, anyi ghakọtaru teke anyi nọ l'ije ono.

1 Sámẹlu 10:1

Ọo ya bụ; Sámẹlu wota mgbere, manụ dụ; woru manụ ono wụa Sọlu l'ishi bya etsutsua ya ọnu sụ: “Chipfu bẹ wụwaru ngu manụ l'ishi g'ị bụru onye-ishi, a-nọdu edu ndibe iya, bụ ndu Ízurẹlu.