Ditoronomi 32:6 - BAYỊBURU Izii

⁶ ?Bụ ẹgube iphe-a bẹ unu gude apfụ Chipfu ụgwo; unubẹ ndu-a, bụ ndu eswe; bya abụru ndu amadụ iphe-a? ?Tọbudu iya bụ nna unu; bya abụru onye meru unu? Mbụ-a; ?tọ bụdu iya meru unu g'unu a-dụ; bya emee; unu ngụru angụru?

Ditoronomi 32:6 ပူးပေါင်းရင်းမြစ်များ

2 Sámẹlu 7:24

I mewaru gẹ ndu nkengu, bụ ndu Ízurẹlu ngụru angụru; bụru ndu nkengu gẹdegede jeyewarọya; tẹme gụbe Chipfu bya abụwaru Chileke phẹ.

Jiobu 10:8

Ọo ngu gude ẹka ngu mee mu gẹ mu dụ-a. ?Ịi-bya aghakọbe nta-a bya emebyishiẹhukwa mu phọ?

Ebvu-ọma 100:3

Unu makwarụ lẹ Chipfu bụ Chileke. Ọo ya meru anyi; tẹme anyi bụru nkiya. Anyi bụ ndibe iya; bya abụru atụru, ooche echeche.

Ebvu-ọma 116:12

?Dẹnukpoo gẹ mu e-shi pfụa Chipfu ụgwo iphe-ọma, o mekọtaru mu g'ọ ha?

Ebvu-ọma 149:2

Gẹ ndu Ízurẹlu tee ẹswa l'ẹka onye meru phẹ nụ. G'onye eze ndu Zayọnu mee g'ẹhu tsọo phẹ ụtso.

Ebvu-ọma 74:18

Nyatakwa gẹ ndu ọhogu ngu chiberu ngu ọchi Chipfu; mbụ gẹ ndu-eswe pfubyishiberu ẹpha ngu.

Ebvu-ọma 74:2

Nyatakwa igwe ọha ono, ị zụruro teke dụ ẹnya ẹnya ono; mbụ ọkpa-ipfu ono, ị gbatarụ l'itumo mee phẹ; ẹphe bụru okiphe ngu ono. Nyatakwaphọ úbvú Zayọnu ono, i bu ebubu ono.

Ebvu-ọma 95:6

Unu bya g'anyi phozeta baarụ iya ẹja! G'anyi gbua ikpere l'iphu Chipfu ono, bụ iya meru anyi ono.

Awụfu 15:16

Ndzụ-agụgu; waa ẹhu-anmanma e-gude phẹ. Ọ bụru ọkpehu, dụ ngu l'ẹkutara bẹ ii-gude mee g'ẹphe dabyichaaru gẹ mkpuma; gbiriri jasụ ndibe gụbe Chipfu wụghata; mbụ ndu ono, ị gbafụtaru l'ohu, ẹphe shi bụru ono.

Awụfu 4:22

Iphe, ii-pfuru Fero bụ lẹ mụbe Chipfu sụru l'ọo Ízurẹlu bụ ọkpara mu.

Azáya 1:2

Gụbe igwe; nụmakwa! Gẹ gụbe alị ngabẹkwa nchị; kẹle Chipfu pfuakwaru opfu. Ọ sụru-a: “Mu hewaru ụnwegirima mu; mee phẹ metsee; tẹme ẹphe gbẹ bya ekwefụru mu ike.

Azáya 27:11

Teke ẹkali iya ono kpọhuru nkụ l'eegbushia ya. Ụnwanyi abya evuta iya jeye l'ọku; kẹle ndu-a bụ ndu enwedu egomunggo. Ọ bụru iphe ono meru g'o gude ọphu imemini phẹ adụdu onye meru phẹ nụ; mbụ ọphu ọ dụdu iphe-ọma, oo-meru phẹ mẹ ililekpọo.

Azáya 43:1

O be lẹ nta; wakwa iphe, Chipfu epfu; mbụ onye ono, bụ iya meru gụbe Jiékọpu; onye bụ iya kpụru gụbe Ízurẹlu pfụbe. Ọ sụru-a: B'atsụshi ebvu; kẹle mu gbafụtawaru ngu. Mu kuru ngu oku; kukpọo ngu ẹpha ngu; mbụ l'ị bụ nkemu.

Azáya 43:7

Mbụ iphe, bụkpoo onyemonye zarụ ẹpha laaru mu. Ndu mu meru g'e gude tua mu ẹpha. Ndu mu gude ẹka mu kpụa; gude ẹka mu mee g'ọo-dụ.

Azáya 44:2

Wakwa iphe, Chipfu epfu baa; mbụ onye ono, meru ngu nụ ono; onye bụ iya doziru ngu teke ị nọ l'ẹpho. Tẹme ọ bụru iya bụ onye e-yeru ngu ẹka: Ta atsụkwa ebvu; gụbe Jiékọpu, bụ onye-ozi mu; mbụ gụbe Jieshurunu, bụ onye mu gude ẹka mu họta.

Azáya 63:16

Obenu l'ọo ngu bụ nna anyi. A makwarụ-a lẹ Ébirihamu ta amadụ anyi. Ọphu Ízurẹlu amadụ onye anyi bụ. Obenu l'ọo gụbe Chipfu bụ nna anyi; bya abụru onye aagbata anyi. Ẹpha ngu shi l'ojejoje dụta.

Azáya 64:8

Obenu lẹ-a; gụbe Chipfu; ọ kwa ngu bụ nna anyi. Anyịbedua bụkwa ụrwa; gụbedua bụru onye akpụ ite. Anyi tụkoru bụru iphe, i gude ẹka ngu mee.

Jieremaya 4:22

“Ndibe mu bụkwa ndu eswe; kẹle ẹphe ta amadụ onye mu bụ. Ẹphe bụ ụnwegirima, enwedu egomunggo. Tẹme ọphu iphe edojedu phẹ ẹnya. Iphe, ẹphe maru ẹnya iya bụ eme ẹjo-ememe; ọphu ẹphe amadụ eme iphe, dụ ree.”

Jieremaya 5:21

Unu nụmakwa iphe-a; unubẹ ndu eme eswe; tẹme ọphu unu enwedu egomunggo; unubẹ ndu nweru ẹnya; ọphu unu aphụdu iya ụzo. Unu nweru nchị; ọphu unu anụdu iya iphe.

Hosiya 13:13

Iphe-ẹhuka, ooje dụe ya phọ g'ọoduje nwanyị, ime eme. Obenu l'ọ bụ nwata, amadụ iphe, abụjeru; o -rwua l'ezeda iya; ọ tọo madụru eye ishi l'ẹnu ẹhu ne iya.

Malakayi 1:6

“Sụ-a; nwa akwabẹjekwa nna iya ùbvù; nwozi nọdu akwabẹje nnajịuphu iya ùbvù. Ọ -bụru lẹ mu bụ nna unu; ?unu akwabẹje mu-a ùbvù, rwuberu mu nụ? Teke mu bụ nnajịuphu unu; ?unu atsụ mu-a ebvu, rwuberu mu nụ?” Noo iphe, Chipfu, bụ Ọkalibe-Kakọta-Ike eepfu. Ọ sụkwapho-a: “Ọ kwa unubẹ ndu bụ uke akpọ mụbe Chipfu ẹbo l'afụ. “Obenu l'unu a-jịkwaro sụ: ‘?Dẹnu g'anyi gude akpọ ngu ẹbo l'afụ?’

Jiọnu 8:41

Ọo iphe, nna unu meru bẹ unu eme.” Ẹphe sụ iya: “E te vutakwaru anyịbedua l'ovuọba. Ọ kwa Nna lanụ bẹ anyi nweru, bụ iya bụ Chileke.”

Ndu-ishi-ozi 20:28

Unu leta onwunu ẹnya letakwaphọ ụnwu atụru ono, Unme-dụ-Nsọ yeru unu l'ẹka ono ẹnya. Unu bụru ndu azụ Chịochi, Chileke gude mee, Nwa iya gẹdegede gbaru l'oswebe; mee g'ọ bụru nkiya.

Romu 8:15

Lẹ Unme-dụ-Nsọ, Chileke nụru unu ta abụkwa Unme, e-me g'unu bụru ohu k'ọphu ndzụ a-nọdu agụ unu. Ọchia iphe, unu natarụ bụ Unme, e-me g'unu bụru ụnwu kẹ Chileke; anyi shi ẹgube ono arakuje iya sụ: “Abba! Nnana!”

1 Kọrentu 6:20

Unu bụwaa aswa, Kéreshi zụru azụzu. Ọo ya meru g'o gude unu je l'egude ogwẹhu unu ekutse Chileke.

Galeshiya 3:26

Ọo ya bụ; l'eshinu unu wowaru onwunu ye Kéreshi l'ẹka; unu l'iya tụgba bụru nanụ bẹ unu bụkotawa ụnwu kẹ Chileke.

Galeshiya 4:6

Ọ bụru l'ọo l'unu bụwaa ụnwu iya meru g'o gude Chileke woru Unme Nwa iya ye unu l'obu; mbụ Unme ọphu emeje g'e kuje Chileke “Nnana!”

Ditoronomi 1:31

Tẹme wakwaphọ g'ọ lwụ-chiteru iya unu l'echiẹgu; ẹka unu hụmaru gẹ Chipfu, bụ Chileke unu hetarụ unu gẹ nna ehetajẹ nwatibe iya-a; hekpọepho unu gbiriri jasụ unu rwua ẹka-a.’

Ditoronomi 14:1

“Ọ kwa unu bụ ụnwu Chipfu, bụ Chileke unu. Unu te eyebatajẹkwa onwunu ọ́nyá l'ẹhu; ọphu unu akpụshijekwa onwunu ẹgbushi ọnu-iphu mẹ unu -nọdu akwa nemadzụ.

Ditoronomi 32:15

Ọle Jieshurunu datachaẹrupho okporokpo; o kwefu ike. Ọ daru okporokpo; bya adụwa bọgili-bọgili. Ọ tsụwaru onwiya ẹba; tẹme ọ gbẹ teke ono bya ajịka Chileke, meru iya nụ. Ọ bụru oke mkpuma ono, dzọtaru iya nụ ono bẹ o gude weaha gbẹgele-gbẹgele.

Ditoronomi 32:18

Ọ kwa oke mkpuma ono, zụfutaru unu ono bẹ unu gbakụtaru azụ; mbụ l'ọo Chileke ono, bụ onye nwụru unu ono bẹ unu zọharu.

Ditoronomi 32:28

Sụ-a; ndu Ízurẹlu bụkwa ọha, egomunggo swehuru. Ọ tọ dụkpodaa iphe, edoje phẹ ẹnya mẹ nanụ.

2 Pyịta 2:1

Lẹ teke ndiche bẹ o nwekwarụ ndu mpfuchiru shi epfuje iphe, Chileke epfuduru. Nokwaphọ g'ọ dụru ndu a-nọdu l'echilabọ unu ezi iphe, Chileke epfuduru. Ẹphe a-jịkachakwa jịka Nnajịuphu anyi, bụ Jizọsu; mbụ onye ono, bụ iya gbafụtaru phẹ l'ẹka iphe-ẹji ono, ẹphe shi eme ono. Ọo iphe ono meru g'o gude iphe-ẹji, ẹphe meshiru tukoru phẹ l'ishi. Ọ bụru iya e-me ẹphe alaa l'iyi ẹgwegwa.

1 Jiọnu 3:1

Unu hụmaru ẹgube gẹ Chileke, bụ Nna yebewaru anyi obu kẹ g'ọ kua anyi ụnwu iya; tẹme ọ bụru iphe, anyi bụ bụ ono. Iphe, meru iphe, ndiphe amadụ anyi bụ l'ẹphe ta amadụ iya.