Ditoronomi 32:41 - BAYỊBURU Izii

⁴¹ Mu -baẹpho ogu-echi mu ono, egbu nwịinwii ono ababa; bya aparu iya l'ẹka; gude kpeahaa ikpe; bẹ mu e-melata ndu ọhogu mu; mbụ pfụa ndu kpọru mu ashị ụgwo.

Ditoronomi 32:41 ပူးပေါင်းရင်းမြစ်များ

Ebvu-ọma 149:9

Ọo ya bụ g'ẹphe eshi nno meẹbekota iphe, onye-ikpe deru l'ẹkwo sụ g'ẹphe mee ndu ọhogu phẹ ono. Ọwa-a bụ iphe, o gude kwabẹ ndu dụru iya nsọ ono ùbvù. Unu jaa Chipfu ajaja.

Ebvu-ọma 31:23

Unu yee Chipfu obu; unubẹ ndu dụru iya nsọ g'unu haa; lẹ ndu Chipfu eleta ẹnya bụkwa ndu apfụshije ike l'iphe, ẹphe pfuru. Obenu lẹ ndu eku onwophẹ bẹ ọopfuje ụgwo iphe, ẹphe eme pfurwua phẹ iya l'ishi.

Ebvu-ọma 7:12

O -lenyaa ẹnya l'izimanụ a-lwa onye ẹjo-iphe azụ; ọphu ọ dudu; bẹ oo-wokwaru ogu-echi iya baa ababa. Ụta iya bẹ o setaanarụ-a kẹ kịkiki kwabẹru ndu ọbu.

Ebvu-ọma 7:13

Ẹjo ngwọgu iya ono bẹ o meakwaru dobe; bya edoziwaa apfụ iya, o meru ọ nọdu ekegbaa pfụpfupfu.

Awụfu 20:5

Unu ta abajẹkwaru phẹ ẹja; ọphu unu ejejekwaru phẹ ozi. Noo kẹle mụbe Chipfu, bụ Chileke unu eko okophoo. Mu nọdu anụje ndu mu dụ ashị aphụ k'iphe, dụ ẹji, ẹphe meru mu; gude iya nụa ụnwu phẹ aphụ; mẹ ụnwu nwanwa phẹ; mẹ ụnwu nwanwanwaranwa phẹ.

Azáya 1:24

Noo g'o gude Nnajịuphu; mbụ Chipfu, bụ Ọkalibe-Kakọta-Ike; mbụ Ọkalibe kẹ Ízurẹlu pfua sụ: “Ịhee; gẹ mu bya emee ndu mu l'ẹphe dụ l'ụkukanyi iphe; gude dụa onwomu obu. Gẹ mu bya egude ndu ọhogu mu gwata ụgwo iphe l'onwomu.

Azáya 27:1

O -rwua mbọku ono bẹ Chipfu e-gude ogu-echi, aha gengugengu. Ogu-echi, parụ ẹka bya adụ ike bẹ oo-gude hụ̀a ẹjo-oke-agiyi ono ahụ̀hù; mbụ ọkpu-wuruwuru ono, bụ agwọ; ẹjo-oke-agiyi ono, bụ iya bụ nwọswi nggẹgeringge agwọ ono; mbụ l'ẹjo anụ, bugbaa lẹ mini bẹ ọo-phụshichaa tẹterii.

Azáya 59:18

Ọ bụru g'iphe, ẹphe meru gbaru bụ g'oo-gude pfụa phẹ ụgwo. Mbụ l'ọo-tụ-koshi ndu ọhogu iya oke ẹhu-eghu iya. L'ọ bya agwata ndu opfu iya ụgwo iphe, ẹphe meru iya. L'ọ bya apfụa ndu bukube eze-ẹnyimu iphe, rwuberu phẹ nụ.

Azáya 66:16

kẹle ọo ọku yẹle ogu-echi iya bẹ Chipfu ee-gude kpee ndiphe ikpe; mbụ lẹ ndu Chipfu a-phụ tẹerii a-dụkwa igwerigwe.

Azáya 66:6

Nụmakpodapho ùtsú, ada lẹ mkpụkpu! Nụmakpodapho ụzu, aatụ l'eze-ụlo Chileke. Ọ kwa iphe, ada nụ bụ lẹ Chipfu apfụ ndu ọhogu iya iphe, rwuberu phẹ nụ.

Jieremaya 44:26

Ọo ya bụ lẹ-a; unu nụmakwa olu-opfu Chipfu; unubẹ ndu Jiuda l'ophu, bụ ndu bu l'alị Ijiputu. Wakwa iphe, Chipfu epfu baa: Unu lekwa; mu gudekwa eze ẹpha mu ono ria angụ sụ l'onye shi lẹ Jiuda taa gụ-kubaẹdu mu l'ẹnwa l'alị Ijiputu l'ophu l'ophu. L'ẹphe taa sụbaedu: ‘Eshinu Chipfu nọ ndzụ g'ọ nọ iya-a’.

Jieremaya 50:18

Ọo ya bụ lẹ-a; wakwa iphe, oopfu; mbụ Chipfu, bụ Ọkalibe-Kakọta-Ike; bya abụru Chileke kẹ ndu Ízurẹlu: Ọ sụru-a: “Mu a-nụkwa eze ndu Bábilọnu aphụ; yẹe ndu alị iya l'ophu; ẹgube ono, mu nụru eze ndu Asiriya aphụ ono.

Jieremaya 50:28

Unu ngabẹkpodapho nchị nụma olu ndu agba ọso ọgu, bụ ndu shi l'alị ndu Bábilọnu nahụ agba ala Zayọnu eje epfu lẹ Chipfu, bụ Chileke anyi gwatawaru ụgwo iphe; mbụ ụgwo iphe, e meru eze-ụlo iya.

Jieremaya 50:29

Mee gẹ ndu ọgba-apfụ dzukọbe tsoo Bábilọnu opfu; mbụ iphe, bụkpoo ndu maru ese ụta kịkiki! Unu kpọbe ụlo-ẹkwa unu nọ-phee ya mgburugburu! G'ọ tọ dụkwa mẹ onye lanụ, a-nahụ nụ! Unu pfụa ya ụgwo iphe, o meru! Unu mee ya iphe, o meru ndu ọzo; kẹle ọo Chipfu bẹ o koru ọkpa l'ishi; mbụ Onye nsọ kẹ ndu Ízurẹlu.

Ezekẹlu 21:20

Mee ụzo lanụ lẹ gbororo ono g'ọ bụru ẹka ee-shi gude ogu-echi bapfu mkpụkpu Raba kẹ ndu Amọnu; l'ị bya eme ụzo ọzo g'ọ bụru ẹka ee-shi bapfu Jiuda; mẹ ẹka a kpụshiru ike lẹ Jierúsalẹmu.

Ezekẹlu 25:14

Mu e-gude ndibe mu, bụ ndu Ízurẹlu gwata ndu Edọmu ụgwo iphe ono, ẹphe meru ono. Ẹphe e-me ndu Edọmu g'ooghu mu; mbụ mee phẹ g'oke ẹhu-eghu mu gude habe mu l'ẹhu. Ọo ya bụ g'ẹphe amakwanụru l'ọo mbẹdua agwa phẹ ụgwo iya. Nokwa iphe, Nnajịuphu, bụ Chipfu epfu.”

Ezekẹlu 32:10

Mu e-me ọha, dụ igwerigwe g'ẹphe terwuhu l'iphe, a-nwụru ngu nụ. Ndu eze phẹ bẹ ndzụ-agụgu opfu ẹhu ngu e-rwuta; lẹ teke mu e-ze ogu-echi mu l'iphu phẹ. Mbọku, ịi-bụru mkpurupyata bẹ ẹhu a-nọdu anmakọta onyemonye rwuurwuu lẹ ndzụ-agụgu; l'iphe, bụkpoo teke nọnu.

Nahumu 1:2

Chipfu ekokwa okophoo. Mbụ lẹ Chipfu emelatajẹkwa iphe, e meru iya. Sụ-a; Chipfu emelatajẹkwa iphe, e meru iya; tẹme ẹhu nọdu eghushije iya eghu ike. Chipfu emelatajẹkwa ndu achị iya lẹ njọ iphe, ẹphe meru; tẹme ọ nọdu ewojeru oke ẹhu-eghu iya tụ-koshi ndu ọhogu iya.

Zefanaya 2:12

“Unubẹdua kwaphọ; unubẹ ndu Kushi; ọ kwa ogu-echi mu bẹ ee-gude gbushia unu.”

Ọ́gú 10:35

Teke e vutaẹrupho okpoko ono tụgbua; Mósisu asụ: “Zilihunu gụbe Chipfu. Gẹ ndu ọhogu ngu gbakashịhukwa nanụ nanụ. Gẹ ndu ono, ị dụ ashị shikwa ngu l'iphu gbalachaa.”

Maku 1:2

Azáya onye mpfuchiru Chileke deru l'ẹkwo sụ: “Nwa mu; mu e-zi onye-ozi mu g'o vuru ngu ụzo je abọoru ngu ụzo.

Romu 1:30

Ẹphe nọdu evu nwibe phẹ nvu azụ; bụru ndu Chileke dụ ashị; ndu anọduje eme nwibe phẹ iphe-iphere l'obu ọku; bụru ndu eme nggangga bya etse etsetse. Ọ bụerupho g'ẹphe e-me mee ẹjo-iphe bẹ ẹphe anọduje arị; tẹme ẹbe ẹphe ekwejedu eme iphe, ne phẹ lẹ nna phẹ pfuru.

Romu 8:7

Noo kẹle akpọru obu ye l'eme iphe, dụ anụ-ẹhu ree bụ ọhogu Chileke; kẹle o too tsodu ekemu Chileke; ọphu ọ byadu etso iya.

Ditoronomi 32:35

Ọ kwa mbẹdua nwe emelata. Ọo mbẹdua a-pfụ phẹ ụgwo phẹ. O -beẹpho teke ono bẹ ọkpa e-chifu phẹ. Mbụ lẹ mbọku, ẹphe a-bụru mkpurupyata nọakwa ntse. Ọla-l'iswi gudeakwa ọso achị phẹ kpabẹ kpabẹ.”

Ditoronomi 5:9

Ta abajẹkwaru phẹ ẹja; ọphu i jekwaru phẹ ozi; kẹle mbẹdua, bụ Chipfu; bya abụru Chileke ngu bụkwa Chileke, l'ekoje okophoo. Mu ahụ̀jekwa ndu kpọru mu ashị ahụ̀hù k'ẹjo-iphe, ẹphe meru mu; hụ̀chaa mẹ ụnwu phẹ; hụ̀rwuchaa ya ọgbo k'ẹto mẹ k'ẹno.

Ditoronomi 7:10

Ọ nọdu apfụje ndu kpọru iya ashị ụgwo l'iphu phẹ; mbụ l'oomeje; ẹphe abụru mkpurupyata. Mbụ-a; ndu kpọru iya ashị bẹ ọ tọo kpọkwa ụpfu emelata.

2 Timoti 3:4

Ẹphe a-bụru o-deru-oye; bụru 'anụma anụma phẹ; bụru ndu etse etsetse; ẹphe abụru ndu ka eye iphe-ụtso obu eme lẹ Chileke;