Ditoronomi 32:4 - BAYỊBURU Izii

⁴ Ọ bụ iya bụ oke mkpuma ono! Iphemiphe, oome nọdu adụebeje ree; tẹme ụzo iya pfụkotaru nhamụnha. Ọ bụ Chileke, apfụshije ike l'iphe, o pfuru; ọphu ọ dụdu iphe, apfụduru-ọto, oomeje. Ọ pfụberekoto; tẹme obu gụa ya ìphóró.

Ditoronomi 32:4 ပူးပေါင်းရင်းမြစ်များ

Mbụlembu 1:31

Chileke bya elee ẹnya hụma iphemiphe, o meru. Ẹphe dụebekota rengurengu shii. Nchi jihu bya abọhu. Ono bụru mbọku k'ishii.

Mbụlembu 18:25

A maru-a l'ị tịi tụdu ama eme iphe, dụ nno; mbụ g'i gbua ndu pfụberu-ẹka-ọto yẹe ndu ẹjo-iphe; ọzoo mee ndu pfụberu-ẹka-ọto g'i meru ndu ẹjo-iphe. A makwarụ-a l'i tịi tụdu ama eme iphe, dụ nno; mbụ gẹ gụbedua, bụ Onye-ikpe kẹ mgboko-a l'ophu te eme iphe, pfụru nhamụnha.”

2 Sámẹlu 22:47

Chipfu nọkwa ndzụ; unu tua agbara-mkpuma nkemu ono ẹpha! Unu kutsee Chileke; l'ọo ya bụ onye adzọje mu nụ!

2 Sámẹlu 23:3

Chileke kẹ Ízurẹlu bẹ pfuwaru opfu. Oke mkpuma kẹ ndu Ízurẹlu bẹ sụru mu lẹ-a: ‘Teke eze eme iphe, pfụru ọto; mbụ teke oome atsụ Chileke ebvu

2 Iphe, ndu eze meru 19:7

Nta-a bụkwa g'unu tsụa Chipfu ebvu; unu akwabẹ ẹnya l'iphe, unu eme; kẹle Chipfu, bụ Chileke anyi bẹ ẹka iya ta adụkwa l'ikpe, apfụduru-ọto; ọphu o ledu nemadzụ ẹnya l'iphu; tẹme ọphu o ridu ụphalazu.”

Nehemaya 9:8

Ị hụmaru l'ọ bụ onye e gude ire iya ẹka; gụ l'iya woru ndzụ gbaa. I kwee ya ukwe l'ịi-nụkota yẹle awa iya alị ndu Kénanu; mẹ alị ndu Hetu; mẹ alị ndu Amọru mẹ kẹ ndu Pẹ́rezu; mẹ kẹ ndu Jiebusu; mẹ kẹ ndu Gigashi. Ukwe-iphe ono, i kweru ono bẹ i mekọtaru kẹle ị bụ onye pfụberu-ẹka-ọto.

Jiobu 34:10

Sụ-a; unu ngabẹkwaru mu nchị; unubẹ ndu iphe edoje ẹnya. Tụswekwa! Chileke ta abyakwa eme ẹjo-ememe! Ọkalibe-kangokọtaru-nụ ta abyakwa eme iphe, adụdu ree!

Jiobu 35:14

?Dẹnu g'ọ bụchia gụbe onye sụru l'ị tị hụmaduru iya ahụma ophu bẹ ọo-nọdu angaru nchị; mbụ gụbe onye sụru l'ikpe ngu dabyiru l'atatiphu iya; i je l'anọdu echeru iya?

Jiobu 36:23

?Bụ onye sụru asụ Chileke: Waa iphe, ii-me baa. Tọo ?bụ onye sụru iya asụ l'iphe, o meru bẹ o mekwarụ ẹji?

Jiobu 8:3

?Chileke ekpeje ikpe l'ẹregede tọo? Ọkalibe-kangọkotaru-nụ ?ọogbanweje iphe, pfụru nhamụnha?

Ebvu-ọma 100:5

Kẹle Chipfu bụ onye ọma; tẹme n-yemobu nkiya nọdu anọje jasụ l'ojejoje. Ọopfushije ike l'iphe, o pfuru; e -shi l'ọgbo sweru ọgbo.

Ebvu-ọma 138:8

Iphe, bụkpoo iphe, Chipfu kweru ukwe lẹ ya e-me bẹ oo-mekọtaru mu. Gụbe Chipfu; n-yemobu ngu anọje jasụ l'ojejoje. Jiko be buhakwa ozi ono, i gude l'ẹka eje ono.

Ebvu-ọma 145:17

Chipfu pfụberekoto l'iphemiphe, oome; tẹme o yee iphemiphe, o meru ememe obu.

Ebvu-ọma 146:6

mbụ Chileke ono, bụ onye meru igwe mee alị; bya emee eze-ẹnyimu; waa iphemiphe, nọ iya nụ; bya abụru onye apfụshije ike l'ire-lanụ jasụ l'ojejoje.

Ebvu-ọma 18:2

Ọo Chipfu bụ agbara-mkpuma nkemu; bya abụru ụlo-ezeru-ndzụ mu; bụru onye agbafụtaje mu nụ. Ọo Chileke mu bụ agbara-mkpuma, mu agbabajẹ je edomia onwomu. Ọo ya egbobutaje mu g'ọ tọ dụ iphe, e-me mu nụ. Ọ bụru iya bụ onye egudeje ọkpehu iya dzọo mu. Ọo l'ime iya bẹ mu agbabajẹ je anọdu zeeru ndzụ.

Ebvu-ọma 18:46

Chipfu nọkwa ndzụ; unu tua agbara-mkpuma nkemu ono ẹpha! Unu kutsee Chileke; l'ọo ya bụ onye adzọje mu nụ!

Ebvu-ọma 19:7

Ekemu Chipfu dụebe ree. Oomeje g'obu gụ-zeta nemadzụ. Omelalị, Chipfu doberu ta angadu anganga. Oomeje g'onye amazidu iphe kabaa amaru iphe.

Ebvu-ọma 31:5

Mu yeru ngu unme mu l'ẹka. Gbafụtanu mu; jiko Chipfu, bụ Chileke, apfụshije ike l'iphe, i pfuru.

Ebvu-ọma 33:4

Kẹle Opfu Chipfu pfụru nhamụnha. Ọ bụru o-me-g'o-pfuru l'iphemiphe, oome ememe.

Ebvu-ọma 78:35

Ẹphe anyata lẹ Chileke shi bụru agbara-mkpuma phẹ; l'ọo Chileke ono, bụ Ọkalibe-kakọta-shii ono bụ onye gbafụtaru phẹ nụ.

Ebvu-ọma 9:16

Iphe, e gude maru Chipfu bụ g'oogudeje ekpe ikpe. Ndu ẹjo-iphe egudeje ẹjo-ememe, ẹphe eme gbabẹru onwophẹ ọ́nyà dalahụ.

Ebvu-ọma 90:16

G'anyịbe ndu-ozi ngu hụmanu iphe, iimeshi. G'awa anyi hụmakwapho g'ike ngu dụ-be biribiri.

Ebvu-ọma 92:15

k'ọphu ẹphe e-shi nno goshi lẹ Chipfu bụ onye pfụberekoto; bya abụru agbara-mkpuma nkemu; tẹme ọphu ọ dụdu iphe, apfụduru-ọto, oomeje.

Ebvu-ọma 97:2

Urwukpu mẹ ọchii nọ-pheru iya mgburugburu. Ọ bụru apfụbekoto yẹe ikpe, pfụru ọto bẹ e gude tụa ọkpa aba-eze iya.

Ebvu-ọma 98:3

Ọ nyatawaru n-yemobu, o yeru ọnu-ụlo Ízurẹlu; yẹe ire-lanụ, oomeru phẹ. Je akpaa l'ẹka igwe beru alị beru bẹ a hụma-dzuwaru gẹ Chileke anyi egudeje adzọ nemadzụ.

Ebvu-ọma 99:4

Eze ọbu parụ ẹka. Iphe, adụje iya ree bụ ikpe, pfụru ọto. Eme iphe ẹnya-nhamụnha bẹ i meru dobe; ọ ngụru angụru. L'ẹhu ụnwu Jiékọpu bẹ i meru iphe, pfụru ọto; waa umere, pfụru nhamụnha.

Awụfu 34:6

Ọ bya aghata l'atatiphu Mósisu etushi onwiya ẹpha sụ: “Ọo mu bụ Chipfu; ọo mu bụ Chipfu; bya abụru Chileke k'obu-imemini; bya abụkwarupho Chileke k'eze-iphe-ọma. Onye ẹhu ete eghujedu eghu ẹgwegwa; onye n-yemobu iya; waa apfụshi ike iya parụ ẹka.

Oziphe 3:14

Iphe, mu maru bụ l'iphemiphe, Chileke eme a-nọ ojejoje. Ọ tọ dụdu iphe, ee-yekwa iya eyekwa; ọphu ọ dụdu iphe, ee-wofu iya ewofu. Iphe, o gude mee ya nno bụ g'amadụ hụmaje iya tsụa yẹbe Chileke ebvu.

Azáya 17:10

Kẹle-a; unu zọhawaru Chileke, bụ iya dzọtaru unu ono. Unu ta anyatadụru onye ono, bụ agbara-mkpuma; bya abụru onye meru unu; unu gbashịa ike ono. Ọ bụru iphe ono meru g'o gude; o -betakpọnu unu kụa akpụru oshi, kakọtakpoo ree; ọzoo l'unu kọru vayịnu, unu dzetaru l'ọhozo;

Azáya 25:1

Gụbe Chipfu; ọ bụ ngu bụ Chileke mu. Mu a-nọdu ekutse ngu; eku ẹpha ngu gude aja ngu ajaja. Noo kẹle i mewaru iphe, dụ biribiri. Ịipfushije ike l'iphe, ị chịru idzu iya e -shi teke ndiche;

Azáya 26:4

Unu kpọru obu yeru Chipfu jasụ lẹ tuutuutuu lẹ mịimiimii; kẹle Nnajịoha, bụ Chipfu bụ oke agbara mkpuma ojejoje.

Azáya 28:16

Wakwanụ iphe, Nnajịuphu, bụ Chipfu pfuru baa: “Lekwa; mu tọgboakwaru mkpuma l'úbvú Zayọnu; mkpuma, a hụwaru ama; bya abụru mkpuma, vu oke aswa; mkpuma, e doberu l'ishi ẹka o gude ọkpa-ụlo gudeshia ya ike; k'ọphu bụ l'onye dakoberu iya nụ ta abyadụ anga anganga.

Azáya 30:18

Ọle ọo-nọdulekwa-a agụ Chipfu g'o meeru unu eze-iphe-ọma. Ọo-gbalihulẹ-a phụaru unu obu-imemini; kẹle Chipfu bụ Chileke, ekpeje ikpe, pfụru nhamụnha. Ẹhu-ụtso bẹ a gọru nụ iphe, bụkpoo ndu pfụru echeru iya nụ.

Azáya 32:2

Onyemonye a-dụ g'ẹka edomi onwonye, a nọ agbalarụ phẹrephere; dụkwapho g'ẹka aanọduje ezeru ndzụ l'ẹka oke-mini edze; dụkwapho gẹ nggele, asọ l'alị, mini adụdu; dụkwapho g'onyonyo oke agbara mkpuma, nọ l'alị, adụdu iphe, dụ iya nụ.

Jieremaya 10:10

Obenu lẹ Chipfu bụ iya bụ ọkpobe Chileke. Ọ bụ iya bụ Chileke, dzụ ndzụ. Tẹme ọ bụru iya bụ Eze, a-nọ jasụ l'ojejoje. Ẹhu -nọdu eghu iya eghu; eliphe l'ophu anmahụ pyaapyaapyaa; ọphu ndu ọhamoha adụdu ike ata nshi anata oke-ẹhu-eghu iya.

Jieremaya 9:24

Ọchia l'onye achọ aba abaa; bụ iphe, oo-gude aba abaa bụ; lẹ mu doru iya ẹnya; tẹme ọ maru mu ree; mbụ maru lẹ mu bụ Chipfu; lẹ mu emeje iphe-ọma; bya ekpe ikpe, pfụru ọto; bya egoshi lẹ mu pfụberekoto. Ọ bụru l'eliphe bẹ mu emekọta iphe ono; kẹle ọ bụkota iphe, ememe iya adụje mu ree. Nokwa iphe, Chipfu eepfu.

Danẹlu 4:34

“A nọchaepho apha ẹsaa onoya; mụbe Nebukadineza nọdu l'ẹgbudu ẹka ono palia ẹnya imeli; egomunggo lwaahaa mu l'ọ̀rù iya. Mu tuahaa Ọkalibe-kangokọtaru-nụ ẹpha; jaahaa ya ajaja; kwabẹahaa ya ùbvù; mbụ onye ono, nọ ndzụ ojejoje onoya. “Ishi, ọ bụ bẹ ọo-bụru jasụ l'ojejoje. O je abụru eze; e -shi l'ọgbo sweru ọgbo.

Danẹlu 4:37

Nta-a bẹ mụbe Nebukadineza ekele eze k'imigwe ekele; bya akwabẹ iya ùbvù; bya ekutsekwa iya phọ. Iphemiphe, oome pfụru nhamụnha bya adụkota ree; ọzo bụ lẹ ndu eku onwophẹ bẹ ọoduje ike kuzeta alị.”

Habakuku 1:12

Gụbe Chipfu, bụ Chileke mu; bya abụru onye dụ nsọ nkemu; ?ti shinaa l'ojejoje nọduta tọo? Anyi taa nwụhukwa! Sụ-a; gụbe Chipfu; nta-a bẹ ị họtaanaru phẹ dobe g'i gude phẹ kpee ikpe. Sụ-a; gụbe agbara mkpuma ono; nta-a bẹ ị pfụbeanaru phẹ g'i gude phẹ nụa nemadzụ aphụ.

Habakuku 1:13

Ẹnya ngu donụkakwaru rịsaa kẹ g'i gude iya ele iphe, bụ ẹjo-ememe; ị tịi hakwa g'iphe, eemeswe emeswe dụ. ?Dẹnukwanu g'o gude ọ bụru ndu e gudedu ire phẹ ẹka bẹ ị natarụ? ?Dẹnu g'o gude ị nọdu doo ndu ẹjo-iphe nọdu elwee ndu ka phẹ apfụbekoto?

Zefanaya 3:5

Chipfu, bụ onye pfụberekoto nọkwanu l'echilabọ phẹ. Ọphu ọ dụdu iphe, apfụduru-ọto, oomeje. Mbọku-mbọku bẹ oomeje g'a maru lẹ ya ekpeje ikpe, pfụru ọto; ọphu ọ dụdu mbọku, nwụtaru anwụta, o too mejedu iya; ọphu iphere adụjekwapho ndu apfụbeduru ẹka ọto.

Matiyu 5:48

Ọo ya bụ g'unu dụebe ree gẹ Nna unu, bu l'imigwe dụebe ree.”

Jiọnu 1:14

Tọbudu iya bụ; Opfu ono bya abụru nemadzụ; anyi l'iya buru. Anyi gude ẹnya anyi hụma ọdu-biribiri iya; mbụ ọdu-biribiri, gbaru iya nụ; eshinu ọ bụ iya bụ Nwa nwoke lanụ, Nna iya, bụ Chileke nwụtaru. Iphe, ndzụ iya bụ bụerupho eze-iphe-ọma yẹe ire-lanụ.

Jiọnu 1:17

Ọo l'ẹka Mósisu bẹ Chileke shi tụaru anyi ekemu. Eze-iphe-ọma yẹe ire-lanụ shikwanụ l'ẹka kẹ Jizọsu Kéreshi bya.

Jiọnu 14:6

Jizọsu sụ iya: “Ọ kwa mbẹdua bụ ụzo; bya abụru ọkpobe-opfu; bya abụru ndzụ. Ọ tọ dụkwa onye abyapfuta Nna; abụdu l'onye ọbu shi mu l'ẹka.

Jiọnu 5:22

Ọ tọ dụkwa onye Nna egude ẹka iya ekpe ikpe; o wokọtaakwaru k'ikpe ye Nwa iya ono l'ẹka.

Romu 1:32

Ẹphe bụ ndu machachaarụ iphe, bụ ikpe Chileke; maru lẹ ndu eme ẹgube ẹjo-iphe ono bụ ọnwu, bụ iphe, gbaru phẹ nụ. Ọphu ọ bụdua l'ẹphe eme nno; obenu lẹ ndu eme g'ẹphebedua agbẹje dụ phẹ ree.

Romu 2:2

Ọle ọphu anyi makaharụ bụ l'ikpe Chileke pfụru-ọto l'ẹhu ndu eme ẹgube iphe ono.

Romu 2:5

Obenu lẹ nta-a bẹ i nweru ẹjo ọkpoma kwefu ike g'odoo, Chileke eme te eme g'izimanụ lwa ngu azụ. Ọo ya bụ l'iime g'iphe-ẹhuka nkengu ka shii mbọku ikpe ono, Chileke e-goshi oke-ẹhu-eghu iya mẹ g'ikpe nkiya dụ, bụ iya bụ ikpe pfụru-ọto ono.

Romu 3:5

Teke ọ bụkwanu l'ọo l'anyi ta agbadụru g'e gude ire anyi ẹka emeje g'a hụma gẹ Chileke gbaberu k'egude ire iya ẹka; ?bụhunu gụnu bẹ anyi e-pfu? ?Anyi a-sụ lẹ Chileke meru ẹjo-iphe l'ọ kpabẹru anyi oke-ẹhu-eghu iya? Nta bẹ mu ajịkpoakwa ajị-a gẹ ndiphe ọzo anọduje ajị.

1 Kọrentu 10:4

bya angụkotakwapho mini ono, shi l'ẹka Unme Chileke ono. Kẹle ẹphe ngụru mini, shi lẹ mkpuma ono, a ta hụmajedu l'ẹnya ono. Mkpuma ono bụ iya bụ Kéreshi. Ọ bụru mkpuma ono bẹ tsoru phẹ nụ ono.

Ditoronomi 10:18

Ọo yẹbedua ahajẹru ndu enwedu nna; yẹe ụnwanyi, ji phẹ anọedu enge. Ndu lwarụ alwalwa bẹ ooyeje obu; azụ phẹ lẹ nri; yẹe iphe, anma l'upfu.

Ditoronomi 32:15

Ọle Jieshurunu datachaẹrupho okporokpo; o kwefu ike. Ọ daru okporokpo; bya adụwa bọgili-bọgili. Ọ tsụwaru onwiya ẹba; tẹme ọ gbẹ teke ono bya ajịka Chileke, meru iya nụ. Ọ bụru oke mkpuma ono, dzọtaru iya nụ ono bẹ o gude weaha gbẹgele-gbẹgele.

Ditoronomi 32:18

Ọ kwa oke mkpuma ono, zụfutaru unu ono bẹ unu gbakụtaru azụ; mbụ l'ọo Chileke ono, bụ onye nwụru unu ono bẹ unu zọharu.

Ditoronomi 7:9

Ọo ya bụ lẹ-a; makwarụ lẹ Chipfu, bụ Chileke ngu bụkwa Chileke; mbụ Chileke, apfụshije ike l'iphe, o kweru ukwe iya; bụru Chileke, edobeje ọgbandzu, yẹe ndu yeru iya obu gbaru; tẹme ọ nọdu egoshije phẹ l'o yeru phẹ obu; mbụ ndu ono, yeru iya obu bya emeje iphe, ọ sụru phẹ g'e meje. Iphe ono bẹ oomeje ụnu-kụru-ụnu ọgbo.

Jiemusu 1:17

Iphe, aanụ anụnu, dụ ree waa iphe-ọma, adụdu ẹka ntụcha dụ iya shikọta l'imigwe. O shi l'ẹka Nna kẹ ìphóró imigwe, bụ iya bụ Nna ọphu te echibuhujedu g'ẹnyanwu abụjeru o -chibuhu; ọchi agbaahaa-a.

Jiemusu 4:12

Onye lanụ kpụrumu bụ onye atụje ekemu; tẹme ọ bụru iya bụ onye-ikpe; mbụ onye ono, adụje ike dzọo ndzụ; dụkwapho ike gbua nemadzụ. Obenu ?bụ onye b'i dobesu l'ị bụ gụbe onye ono, anma nwibe ngu ikpe?

1 Pyịta 2:6

Kẹle e deru l'ẹkwo-opfu Chileke sụ: “Lenu; mu gudeakwa ẹka mu tọgbo mkpuma lẹ Zayọnu. Mkpuma ono bẹ mu họtaru; ọ bụru mkpuma vu oke-aswa; tẹme ọ bụru itso gude ụlo. Iphe, bụkpoo onye daphuberu iya nụ bẹ ta abyakwa akwa izimanụ.”

1 Sámẹlu 2:2

Ọ tọ dụkwa onye dụbaa nsọ gẹ Chipfu; ọphu ọ dụekwa onye ọzo, l'atụru ngu nụ. O to nwedu oke mkpuma, dụ gẹ Chileke anyi.