Ditoronomi 32:18 - BAYỊBURU Izii

¹⁸ Ọ kwa oke mkpuma ono, zụfutaru unu ono bẹ unu gbakụtaru azụ; mbụ l'ọo Chileke ono, bụ onye nwụru unu ono bẹ unu zọharu.

Ditoronomi 32:18 ပူးပေါင်းရင်းမြစ်များ

Azáya 17:10

Kẹle-a; unu zọhawaru Chileke, bụ iya dzọtaru unu ono. Unu ta anyatadụru onye ono, bụ agbara-mkpuma; bya abụru onye meru unu; unu gbashịa ike ono. Ọ bụru iphe ono meru g'o gude; o -betakpọnu unu kụa akpụru oshi, kakọtakpoo ree; ọzoo l'unu kọru vayịnu, unu dzetaru l'ọhozo;

Jieremaya 2:32

Nwamgbọko ?ọozohaje ịyagba iya? Tọo nwanyị, ala ji; ?ọozohaje iphe, e gude kwaa ya akwa ala ji? Obenu lẹ ndibe mu zọhawaru mu ujiku olemole, ete nweẹdu agụta.

Ebvu-ọma 106:21

Ẹphe zọhaa Chileke ono, dzọru phẹ nụ ono; mbụ onye ono, meru iphe, parụ ẹka l'alị Ijiputu;

Ditoronomi 32:4

Ọ bụ iya bụ oke mkpuma ono! Iphemiphe, oome nọdu adụebeje ree; tẹme ụzo iya pfụkotaru nhamụnha. Ọ bụ Chileke, apfụshije ike l'iphe, o pfuru; ọphu ọ dụdu iphe, apfụduru-ọto, oomeje. Ọ pfụberekoto; tẹme obu gụa ya ìphóró.

Hosiya 8:14

“Ndu Ízurẹlu zọhaakwaru onye meru phẹ nụ. Ẹphe kpụshia ụlo ndu eze dobe. Ndu Jiuda gudeakwa igbulọ kpụ-phee mkpụkpu, dụ igwerigwe mgburugburu. Ọle mu e-mechakwanaa tụa ọku lẹ mkpụkpu phẹ ono; l'o tsua ụlo ụlo, a kpụru kpụshia ike l'ime iya.”

Ebvu-ọma 9:17

Ndu ẹjo-iphe bẹ aa-chịru ye l'alị-maa; mbụ l'iphe, bụkpoo ọha, zọharu Chileke bẹ a-lakọta l'alị-maa.

Ditoronomi 32:15

Ọle Jieshurunu datachaẹrupho okporokpo; o kwefu ike. Ọ daru okporokpo; bya adụwa bọgili-bọgili. Ọ tsụwaru onwiya ẹba; tẹme ọ gbẹ teke ono bya ajịka Chileke, meru iya nụ. Ọ bụru oke mkpuma ono, dzọtaru iya nụ ono bẹ o gude weaha gbẹgele-gbẹgele.

Ditoronomi 8:19

Ọ -bụkwanuru l'unu zọharu Chipfu, bụ Chileke unu ililekpọo; bya awata etso agwa; jeahaarụ phẹ ozi; baaharụ phẹ ẹja bẹ mu agbakwarụ unu ama ntanụ-a sụ: L'ọ tọ dụkwa iphe, e-me g'unu ta laẹbe l'iyi.

Ditoronomi 8:14

unu eworu ọkpoma kpọ-vube; zọhaa Chipfu, bụ Chileke unu, bụ iya dufutaru unu l'alị Ijiputu ono; mbụ l'ẹka ono, unu shi bụru ohu ono.

Ditoronomi 8:11

“Unu kwabẹkwa ẹnya g'unu ta azọha Chipfu, bụ Chileke unu; mbụ g'unu ta aha emeje ekemu iya; yẹe iphe, ọ sụru g'e meje; yẹe iphe, ọ tọru ọkpa iya sụ g'e tsoje, bụ iya bụ ekemu ono, mu atụru unu ntanụ ono.

Ditoronomi 6:12

unu kwabẹkwa ẹnya; g'unu ta azọha Chipfu, bụ iya dufutaru unu l'alị Ijiputu ono, bụ ẹka ono, unu shi bụru ohu ono.

Jieremaya 3:21

A nụmaru olu, ada lẹ nggeregede ẹka aagwajẹ iphe. Ọ bụru ẹkwa, ẹphe ara; tẹme ẹphe nọdu arwọ arwọrwo; mbụ ụnwu Ízurẹlu; kẹle ẹphe shiswewaru ụzo phẹ bya azọhawa Chipfu, bụ Chileke phẹ.

1 Sámẹlu 12:9

Obenu l'ẹphe zọharu Chipfu, bụ Chileke phẹ; o nwuru phẹ ye l'ẹka Sizera, bu onye-ishi ojọgu ndu Hazọ; woru phẹ yekwaphọ l'ẹka ndu Filisitayinu; mẹ l'ẹka eze ndu Mówabu, bụ ndu tsochaaru phẹ ọgu.

Ebvu-ọma 18:2

Ọo Chipfu bụ agbara-mkpuma nkemu; bya abụru ụlo-ezeru-ndzụ mu; bụru onye agbafụtaje mu nụ. Ọo Chileke mu bụ agbara-mkpuma, mu agbabajẹ je edomia onwomu. Ọo ya egbobutaje mu g'ọ tọ dụ iphe, e-me mu nụ. Ọ bụru iya bụ onye egudeje ọkpehu iya dzọo mu. Ọo l'ime iya bẹ mu agbabajẹ je anọdu zeeru ndzụ.

Azáya 27:11

Teke ẹkali iya ono kpọhuru nkụ l'eegbushia ya. Ụnwanyi abya evuta iya jeye l'ọku; kẹle ndu-a bụ ndu enwedu egomunggo. Ọ bụru iphe ono meru g'o gude ọphu imemini phẹ adụdu onye meru phẹ nụ; mbụ ọphu ọ dụdu iphe-ọma, oo-meru phẹ mẹ ililekpọo.

Jieremaya 2:31

Unubẹ ọgbo nta; unu lenaa ẹnya ree l'opfu Chipfu, sụru: ?Mu bụjeru ndu Ízurẹlu echiẹgu; tọo alị, gbahụru tsụkiribaa? ?Dẹnu g'o gude ndibe mu nọdu epfuje sụ: ‘Anyi nwekwarụ onwanyi aghaphe g'ọ dụ anyi. Ọphu anyi abyapfutabaẹdu ngu ọzo?’

Ezekẹlu 22:12

Ọ bụru l'ime ngu bẹ ndiphe erije ụphalazu g'e gbua nemadzụ; a nọdu anatajẹ ntụkwase; bya eri ụphalazu. Nemadzụ nọdu anatajẹ nwibe iya iphe iya k'ẹhuka; g'ee-shi g'unu rita urwu. Tẹme a gbakụtawaa mụbe Chipfu azụ. Nokwa iphe, Nnajịuphu, bụ Chipfu epfu bụ ono.