Ditoronomi 32:12 - BAYỊBURU Izii

¹² bụ gẹ Chipfu nwẹkinyi iya duru phẹ; ọphu ọ dụdu agwa ndu ọhozo, yeru iya ẹka.

Ditoronomi 32:12 ပူးပေါင်းရင်းမြစ်များ

Nehemaya 9:12

Eswe bẹ i gude urwukpu, kpụru oronmono dua ndibe ngu. L'ẹnyashi bẹ i gude ọku, kpụru oronmono dua phẹ; g'ọ bụru ìphóró, a-nọdu egoshi phẹ ụzo, ẹphe e-shi.

Jiobu 15:19

Ndiche phẹ ono bụ phẹ gẹdegede bẹ a nụru alị-a; ọphu ọ dụdu onye lwarụ alwalwa, tụswaru l'echilabọ phẹ.

Ebvu-ọma 136:16

Unu kele onye bụ iya duru ndibe iya ije l'echiẹgu. N-yemobu iya anọje jasụ l'ojejoje.

Ebvu-ọma 27:11

Zia mu ụzo ngu; jiko Chipfu! Dunaa mu shia ụzo, pfụru nhamụnha m'ọbvu ndu akpa mu ẹhu.

Ebvu-ọma 78:14

Iphe, o gude dua phẹ l'eswe bụ urwukpu; bya egude ìphóró ọku dua phẹ l'ẹnyashi mbọku-mbọku.

Ebvu-ọma 80:1

Ngabẹnu anyi nchị l'olu; gụbe onye eche Ízurẹlu g'onye eche atụru; bya abụru onye anọduje erwu Jiósẹfu g'onye erwu igwe atụru eje lẹ nri. Gẹ gụbe onye ono, sụgaru l'echilabọ chierobu ono chinaa g'anwụ l'iphu ndu Ifuremu; waa ndu Benjiaminu; yẹe ndu Manásẹ! Jiko rụkotanu ike ngu bya adzọta anyi!

Ebvu-ọma 81:9

G'ọ tọ dụkwa iphe ọzo, unu e-dobe agwa agwagwa l'echilabọ unu! Tẹme ọphu ọ dụkwa iphe ọzo, unu a-bajẹru ẹja.

Azáya 46:4

Mbụkpoo jasụ unu kahụ; ẹwó tụko unu ishi sweta; bẹ mu bụekwapho onye mu bụ; mu bụekwapho onye gude ndzụ unu. Ọo mu meru unu; ọ bụru mu a-nọdu apa unu geleegelee. Ọo mu a-nọdu edobe unu ndzụ; tẹme ọ bụru mu a-nọdu agbafụtaje unu.

Azáya 63:14

Unme Chipfu rwukpọo phẹ phọ g'onye erwu eswi eje lẹ mbarabata; je adọbe l'ẹka ẹphe nọru tụta unme. Ọ bụ ẹgube ono bụ g'i gude dua ndibe ngu; k'ọphu ii-me g'ẹpha ngu bụru iphe, a-dụ akpabiri.”

Hosiya 11:4

Mu shi egudeje obu-imemini gude ehe phẹ. Ọ bụru eye obu, mu yeru phẹ bẹ mu gude edu phẹ. Mu shi ezije phẹ ivu-ẹrwa, ẹphe vu; mu ephozekpọ ephoze dee phẹ nri.

Ditoronomi 1:31

Tẹme wakwaphọ g'ọ lwụ-chiteru iya unu l'echiẹgu; ẹka unu hụmaru gẹ Chipfu, bụ Chileke unu hetarụ unu gẹ nna ehetajẹ nwatibe iya-a; hekpọepho unu gbiriri jasụ unu rwua ẹka-a.’

Ditoronomi 32:39

Unu hụmakwa; ọ kwa mbẹdua kpoloko bụ Chileke! Ọ tọ dụekwa Chileke ọzo, dụ nụ; gbahaa mbẹdua. Ọ kwa mbẹdua emeje g'a nwụhu; tẹme mu nọdu emeje g'a nọdu ndzụ. Ọo mbẹdua emekajẹ iphe; ọ bụru mu emeje g'e wekọrohu; ọphu ọ dụdu onye adụ ike anafụ mu onye mu guderu.

Ditoronomi 4:35

E goshiru unu iphe ono; k'ọphu unu a-maru l'ọo Chipfu bụ Chileke; l'ọ tọ dụedu Chileke ọzo, dụ nụ.

Ditoronomi 4:39

Ọo ya bụ l'iphe, unu a-maru ntanụ-a; l'ọ dụkwapho unu l'ọkpoma bụ l'ọo Chipfu bụ Chileke l'imigwe ọphu nọ ephekerephe; bya abụru iya l'eli alị ọphu nọ iya lẹ mkpula; l'ọ tọ dụedu Chileke ọzo.

Jioshuwa 24:17

Ọo Chipfu, bụ Chileke l'onwiya bẹ dufutaru anyi; waa nna anyi oche phẹ l'alị ndu Ijiputu; ẹka anyi shi bụru ohu. Ọ bya emeshigbaa iphe, dụ biribiri anyi hụma. Ọ bụru yẹbedua bụ onye gbochiteru anyi l'ẹka ọhamoha, anyi ghakọtaru teke anyi nọ l'ije ono.