Ditoronomi 30:3 - BAYỊBURU Izii

³ bẹ Chipfu, bụ Chileke unu e-dophu unu azụ l'ọnodu unu; mbụ l'ọo-phụru unu obu-imemini; bya edufutakọta unu l'ọhamoha ono, bụ ẹka Chipfu, bụ Chileke unu chịru unu ye onoya.

Ditoronomi 30:3 ပူးပေါင်းရင်းမြစ်များ

Mbụlembu 28:15

Tẹme; hụmakpodapho; mu swikwaru ngu eswiru; mu a-nọdukpoepho eleta ngu ẹnya l'iphe, bụkpoo ẹkameka iije; ọzo bụ lẹ mu e-duphuta ngu azụ l'alị-a. Mu ta abyadụ aha ngu jasụ mu emekọta iphe, mu kweru ukwe iya.”

Mbụlembu 48:21

Ízurẹlu sụ Jiósẹfu: “Mu abyaakwaa anwụhu; ọle Chileke bẹ a-nọ-kubekwa unu duphu unu azụ l'alị nna unu.

1 Iphe, ndu eze meru 16:35

Unu rarụ kpua ya sụ: “Dzọnaa anyi; gụbe Chileke, bụ onye ndzọta anyi! Rwukọbenu anyi; dzọta anyi l'ẹka ndu ọhozo ono; k'ọphu anyi e-tu ngu ẹpha; gụbe onye ono, ẹpha ngu dụ nsọ ono; gude ajaja, anyi a-ja ngu baa aba.

Nehemaya 1:9

Ọle ọ -bụru l'unu dakọberu lwapfuta mu; bya edobe ekemu mu; eme iya ememe; o betakpọ ẹka a chịru unu laa bụru l'ọhu ẹka igwe beru alị beru; bẹ mu e-shi l'ẹka ono rwukọbe unu; duphuta unu azụ l'ẹka ono, mu họtaru g'ọ bụru ẹka mu e-buru eburu ono.’

Jiobu 42:10

Tọbudu iya bụ; Jiobu bya epfuchaẹpho nụchaa Chileke l'iswi ẹhu ọ̀nyà iya phẹ onoya; Chipfu bya emee ya; ọ byakwa enweru ẹku ọzo. Ọ bya emee ya iphe, bụkpoo iphemiphe, o shi nweru hakọta g'o shi ha ugbo labọ.

Ebvu-ọma 107:3

ndu ono, o shi l'ọhamoha rwukọo; mbụ ndu o jeru l'ụzo ẹnyanwu-awawa; bya ejee l'ụzo ẹnyanwu-arịba; je ụzo isheli bya ejee ndọhali je erwukọo.

Ebvu-ọma 147:2

Ọo Chipfu gude ẹka iya akpụ Jierúsalẹmu. Nta-a bẹ o rwutawaru ndu Ízurẹlu, a kpụru lẹ ndzụ gude alwaphuta azụ.

Azáya 27:12

O -rwua mbọku ono bẹ Chipfu e-shiẹpho l'ọnu ẹnyimu Yufurétisu tụtukoo ndibe iya g'onye atụtushi ẹswa l'ereshi; gbiriri jasụ lẹ nggele Ijiputu. Mbụ l'unubẹ ndu Ízurẹlu bẹ aa-nọdu atụtukọbe nanụnanu.

Azáya 43:5

Gẹ ndzụ ba agụkwa ngu; kẹle mu nọkwa swiru ngu eswiru. Mu e-shi l'ụzo ẹnyanwu-awawa chịlataru ngu ụnwu ngu; bya ejekwaphọ l'ụzo ẹnyanwu-arịba je achịlatachaa ndibe ngu.

Azáya 54:7

“Mu harụ ngu kpọo nwụpfu nwanshịi; ọle mu a-phụkwanuru ngu eze obu-imemini gude duphuta ngu azụ.

Azáya 56:8

Nnajịuphu, bụ Chipfu epfukwa sụ-a; mbụ onye ono, aachịlata ndu Ízurẹlu ono, a kpụru lẹ ndzụ ono: “Mu a-chịlatabakwa ndu ọzo bya eyeru phẹ; a -gụfukwaro ndu ọphu mu chịlatawaru.”

Jieremaya 12:14

Wakwa iphe, Chipfu epfu baa: “Ọ -bụru kẹ ndu iwe ono, bụ obutobu mu ono g'ẹphe ha; mbụ ndu ono, denyiru ẹka l'okiphe, mu hẹru ndibe mu, bụ ndu Ízurẹlu g'ọ bụru okiphe phẹ ono; lekwa lẹ ndu ono bẹ mu e-phefu ephefu l'alị phẹ. Mu abyakwaphọ ephefu ndu Jiuda g'ẹphe ba nọhe l'echilabọ phẹ.

Jieremaya 23:3

“Ọo mbẹdua l'onwomu e-je achịkota nwa ndu phọduru nụ l'ụnwu atụru mu ono l'iphe, bụkpoo alị ẹka mu chịru phẹ jeye g'ọ ha; duphuta phẹ azụ l'ẹka ẹphe a-tajẹ nri, bụ ẹka ẹphe a-nọdu wata azụzu; aka igwerigwe eje.

Jieremaya 29:14

Teke ono bẹ unu a-chọ mu chọta; nokwa iphe, Chipfu epfu. Mu emee unu; unu taa bụeduru ndu a kpụru lẹ ndzụ. Mbụ lẹ mu e-jeẹpho l'iphe, bụkpoo ọhamoha; mẹkpoo ẹkameka ono, mu chịru unu laa ono je achị-phuta unu azụ l'ẹka ono, mu meru; a kpụa unu lẹ ndzụ ono. Nokwa iphe, Chipfu eepfu.”

Jieremaya 31:10

“Unu nụmakwa Opfu Chipfu; unubẹ ọhamoha! Unu araa ya arara gẹ ndu bukube eze-ẹnyimu l'ẹka dụ ẹnya nụma! L'onye ono, chịkashiru ndu Ízurẹlu ono a-chịkobekwa phẹ phọ ọzo. L'ooche ụnwu atụru iya ọbu nche g'onye eche atụru;

Ebvu Aphụ 3:22

L'ọo n-yemobu Chipfu ono meru g'o gude ọphu anyi atụkodu lakọta l'iswi. Noo kẹle obu-imemini iya te nwedu eberu.

Ebvu Aphụ 3:32

Ọ bụ eviya l'oomeje g'aphụ tsọru nemadzụ; ọle ọophujekwapho obu-imemini. Kẹle n-yemobu iya bẹ nyịberu anyịbe.

Ezekẹlu 11:17

Ọo ya bụ; sụ phẹ: ‘Wakwa iphe, Nnajịuphu, bụ Chipfu epfu baa: Mu e-shi l'ọhamoha ono rwutakọta unu; bya achịkobe; mbụ shi lẹ mkpụkpu lẹ mkpụkpu ono, a chịkashiru unu; unu lagbaa ono chịta unu chịphuta azụ. Mu abya eworu alị Ízurẹlu nụ-phu unu azụ.’

Ezekẹlu 36:24

Noo kẹle mu a-nafụta unu l'ẹka ọhamoha ono. Mu e-rwukọbekota unu e shi l'alị, nọnu; dulata unu l'alị nkunu gẹdegede.

Ezekẹlu 39:28

Ọo ya bụ; ẹphe a-makwanụru l'ọo mbẹdua bụ Chipfu, bụ Chileke phẹ; kẹle ọ bụchakpo eviya l'ọo mu meru g'a kpụa phẹ lẹ ndzụ lashịgbaa ọhamoha; obenu lẹ mu e-duphuta phẹ azụ l'alị phẹ; ọphu ọ tọ dụdu m'onye lanụ, mu a-ha l'ẹka ono.

Mayịka 7:19

Ịi-phụru-a anyi obu-imemini ọzo. Iphe-ẹji anyi bẹ ii-mechaa zọpyashia l'ọkpa. Mbụ woru ẹjo-ememe, anyi emekọta vuru je echie l'eze-ẹnyimu.

Zekaraya 10:9

A makwarụ-a lẹ mu chịru phẹ ghakaa l'echilabọ ndiphe; ọle ẹphe e-shichaa l'ẹka dụ ẹnya nyata mu. Ẹphebedua ẹphe l'ụnwegirima phẹ a-wafụ; ọzo bụ l'ẹphe a-lwa.

Romu 11:23

Teke ọ bụ lẹ ndu kẹ Jiu jịka-buhuru eze-iphe-ọma kẹ Chileke bẹ Chileke e-wolẹkwaru phẹ-a dophu azụ l'ẹka ẹphe shi nọdu; kẹle Chileke a-dụkwaa ike dophu phẹ azụ l'ẹka ẹphe shi nọdu.

Romu 11:26

Ọo ya bụ; teke ono; aa-tụko iphe, bụ Ízurẹlu mgburugburu dzọo, bụ iya bụ iphe, e deru l'ẹkwo-opfu Chileke sụ: “Onye-Ndzọta e-shi lẹ Zayọnu bya. Ọo-tụko ẹjo ememe, ụnwu Jiékọpu shi eme wofukọta phẹ l'ẹhu.

Romu 11:31

Nokwaphọ g'ọ dụ ndu Jiu bụ ono. Nta-a bẹ ẹphe te ekwekwaphọ eme iphe, Chileke pfuru g'ee-shi gẹ Chileke aphụaru phẹ obu-imemini g'ọ phụru unu.

Ditoronomi 13:17

G'ọ tọ dụkwa iphe ono, e doberu k'emebyishi ono mẹ nanụ, aa-hụma nemadzụ l'ẹka; k'ọphu Chipfu e-woru onwu-phuruphuru oke ẹhu-eghu iya ono sephu azụ; imemini unu adụ iya; l'ọ phụaru unu obu-imemini; l'o mee unu aka igwerigwe, bụ iphe, o rifuru nna unu oche phẹ angụ iya;

Ditoronomi 4:27

Ọzo bụ lẹ Chipfu a-chịkashi unu g'unu dzuru ọhamoha; l'ọ bụru nwa ndu habe nwahabe l'a-wafụ l'ọhamoha ono, Chipfu a-chịru unu laa ono.