Ditoronomi 27:7 - BAYỊBURU Izii

⁷ Unu gwejekwaphọ ngwẹja-ẹhu-guu l'ẹka ono. Unu atụko nọdu l'ẹka ono ria ya; tee ẹswa l'iphu Chipfu, bụ Chileke unu.

Ditoronomi 27:7 ပူးပေါင်းရင်းမြစ်များ

Nehemaya 8:10

Nehemaya sụ phẹ: “Unu lashịwaro je eria ọkpobe nri; unu angụa mẹe, l'atsọ rẹngurengu; unu ewota je anụ ndu ọphu te enwedu ọphu ẹphe shiru g'ẹphe ria. Ntanụ-a dụkwaru Nnajịuphu nsọ. Unu ta arashị ẹkwa; noo kẹle ẹhu-ụtso ọphu shi l'ẹka Chipfu bẹ bụ ike, dụ unu.”

Azáya 12:3

Ọ kwa ẹhu-ụtso bẹ ii-gude seta mini lẹ wẹlu ndzọta.”

Azáya 61:10

Mu a-nọdu Chipfu l'ẹka tee ẹswa. Mbụ l'obu mu bẹ ẹhu atsọ l'ime Chileke mu; kẹle o yewaru mu ndzọta g'uwe; bya egude apfụbekoto kwaa mu yẹgele g'onye yeru uwe mkpẹlanu. O meru mu; mu dụ gẹ nwoke, abya alụ nwanyị k'ọ̀phúú; mu kpuchia iphe l'ishi g'onye uke Chileke; mbụ mee mu; mu nọdu ama gẹ nwanyị, akwakọ ala ji; mbụ nwanyị, gude iphe-nchị yẹle iphe-olu kwaa onwiya akwa.

Azáya 61:3

Tẹme mu eyekwarụpho ndu Zayọnu ẹka; mbụ ndu ọphu aphụ tsọru. Mu eworu ẹguru okpu-eze kpube phẹ l'ishi l'ọzori ntụ, ẹphe shi kpube onwophẹ; wụa phẹ manụ ẹhu-ụtso; l'ọzori agụ aphụ; yee phẹ uwe, bụ aja Chileke ajaja; l'ọzori anọdu yọkoo. Iphe, aa-nọdu eku phẹ abụru “Achị k'apfụbekoto”; Oshi, Chipfu kụru l'onwiya g'e gude hụma g'ọ dụ-be akpabiri.

Habakuku 3:18

Ọle mu e-gudelẹ-a iphe, Chipfu eme ete ẹswa. Ẹhu a-nọdule-a atsọ mu l'ẹ́ká Chileke ono, bụ onye ndzọta mu ono.

Ndu-ishi-ozi 10:36

Sụ-a; Chileke ziru ndu Ízurẹlu ozi bya eshi l'ẹka Jizọsu Kéreshi zia phẹ ozi-ọma k'ẹhu-guu. Ọ bụru Kéreshi ono, bụ iya bụ Nnajịuphu onyemonye.

Romu 5:1

Ọo ya bụ lẹ Chileke gụwaru anyi lẹ ndu pfụberekoto opfu l'anyi kweru nkiya. Nta-a bẹ anyi shiwaa l'ẹka Nnajịuphu anyi, bụ Jizọsu Kéreshi; ẹhu dụwaa anyi guu l'ọnodu anyi lẹ Chileke.

Romu 5:10

Sụ-a; eshinu anyi shi bụru ọhogu Chileke; Chileke bya eshiwaa l'anwụhu, Nwa iya nwụhuru mewaa anyi bụru ọ̀nyà iya; bẹ nta-a, anyi bụwaa ọ̀nyà iya-a bẹ ndzụ Kéreshi ọphu nọ anyi l'ẹhu a-kabakpọkwaanu adzọta anyi l'oke-ẹhu-eghu Chileke.

Ditoronomi 12:12

Ọ bụru l'atatiphu Chipfu, bụ Chileke unu ono bẹ unu a-nọduje; tee ẹswa. Unubẹdua l'onwunu; waa ụnwu unu unwoke; mẹ ụnwu unu ụnwanyi; waa ohu unu unwoke; mẹ ohu unu ụnwanyi; waa ndu Lívayi, bu lẹ ndu-unu, bụ ndu ọphu adụdu alị ẹka a nụru phẹ; ọphu ọ dụdu iphe, ẹphe ketarụ g'ọ bụru okiphe phẹ.

Ditoronomi 12:7

Ọ bụru l'atatiphu Chipfu, bụ Chileke unu l'ẹka ono bẹ unu lẹ ndibe unu a-tụkoje nọdu ria nri. Ẹhu atsọjekwapho unu l'iphemiphe, unu kụberu ẹka k'ememe; noo kẹle Chipfu, bụ Chileke unu kebewaru unu l'ọma.

Ditoronomi 16:11

Unu adọru l'iphu Chipfu, bụ Chileke unu; mee ẹmereme; onyemonye yẹe ụnwegirima iya unwoke mẹ ụnwanyi; mẹ ohu iya unwoke mẹ ụnwanyi; mẹkpoo ndu Lívayi, nọ lẹ mkpụkpu unu; mẹ ndu lwarụ alwalwa; mẹ ndu enwedu nna; mẹ ụnwanyi, ji phẹ nwụhuwaru, bụ ndu unu l'ẹphe tụkoru nọdu. Ẹka aa-nọdu mee ya bụ l'ẹka ono, Chipfu, bụ Chileke unu a-họta; dobe ẹpha; buru iya eburu ono.

Ditoronomi 16:14

Unu -nọdu abọ iphe ọbu; unu eme ẹmereme; unubẹdua l'onwunu; mẹkpoo ụnwu unu unwoke mẹ ụnwanyi; mẹ ohu unu unwoke mẹ ụnwanyi; mẹ ndu Lívayi; mẹ ndu lwarụ alwalwa; mẹ ndu enwedu nna; mẹ ụnwanyi, ji phẹ nwụhuwaru, bụ ndu unu l'ẹphe tụkoru nọdu.

Ditoronomi 27:6

Ọ bụru mkpuma, fụru ophu bẹ unu e-gude kpụaru Chipfu, bụ Chileke unu ọru-ngwẹja ọbu. Tẹme ọ bụru l'eli iya bẹ unu egweje ngwẹja-akpọ-ọku; nụ Chipfu, bụ Chileke unu.

Ditoronomi 27:8

Unu tụkokwa ekemu-a g'ọ ha dekọta g'o shia ekiri lẹ mkpuma ono, unu kpọbegbaaru ono.”

Filipayi 3:3

Kẹle ọo anyịbedua buru ọkpobe úbvù; mbụ anyịbe ndu gude Unme-dụ-Nsọ abarụ Chileke ẹja; tẹme anyi nọdu anọduje l'ẹka Kéreshi Jizọsu ete ẹswa; ọphu ọ dụdu iphe, anyi gụberu iphe, eeme l'anụ-ẹhu.

Filipayi 4:4

G'ẹhu tsọjeepho unu ụtso l'ẹka Nnajịuphu tekenteke. Gẹ mu pfuphukwa iya azụ ọzo; g'ẹhu tsọjeekwapho unu ụtso.

Kọlosi 1:20

Waa g'ọo bụkwarupho l'ẹka Nwa iya ono bẹ ya e-shi mee gẹ yẹle iphemiphe, nọ l'imigwe mẹ ọphu nọ lẹ mgboko dụ lẹ ree. Ya eshi ẹgube ono gude mee ono, Nwa iya gbashịru l'oswebe ono mee g'opfu ta adụheru yẹbe Chileke yẹle iphemiphe, o meru ememe.