Ditoronomi 26:10 - BAYỊBURU Izii

¹⁰ Nta-a bẹ mu wotawaru ngu akpụru-iphe-mbụ, shi l'iphe, mu meberu l'alị-a, gụbe Chipfu nụru mu-a.’ L'ị bya eworu iya dobe l'iphu Chipfu, bụ Chileke ngu; bya abaarụ Chipfu, bụ Chileke ngu ono ẹja.

Ditoronomi 26:10 ပူးပေါင်းရင်းမြစ်များ

1 Iphe, ndu eze meru 29:14

“Ọle ọ bụ; ?bụ onye bẹ mu bụ? Tọo ?bụ gụnu bẹ ndibe mu bụ; kẹ g'o vu anyi evuvu g'anyi dụ ike nụ iphe ẹgube-a? Ọo ngu bẹ iphemiphe shikọta l'ẹka; ọ bụru iphe, shi ngu l'ẹka bẹ anyi wotaru bya anụ ngu ono.

Ebvu-ọma 22:27

Ụnwu-eliphe l'ophu e-mechaa nyata iphe, nwụru nụ. Ẹphe adakọbe lwapfuta Chipfu. Mbụ-a; iphe, bụkota ipfu, nọkota l'ọhamoha bẹ e-mechaa bya abakọtaru iya ẹja.

Ebvu-ọma 22:29

Iphe, bụkpoo ndu nweru iphe l'eliphe-a bẹ e-mechaa bọoru iya ọbo-iphe; bakwaarụ iya phọ ẹja; tẹme iphe, bụkotakpoo ndu e-mechaa bụru ẹja bẹ e-mechakwaphọ gbua ikpere l'atatiphu iya; mbụ ndu ta adụdu ike edobe onwophẹ ndzụ.

Ebvu-ọma 86:9

Ọhamoha ono, i gude ẹka ngu mee ono l'e-mechaa byakọta bya abaarụ gụbe Nnajịuphu ẹja; bya etua ngu ẹpha.

Ebvu-ọma 95:6

Unu bya g'anyi phozeta baarụ iya ẹja! G'anyi gbua ikpere l'iphu Chipfu ono, bụ iya meru anyi ono.

Awụfu 22:29

“Unu ta ahakwa egweru mụbe Chipfu ngwẹja, shi l'akpụru iphe, unu kpatarụ l'opfu; waa ọphu shi lẹ mẹe, unu pyịtaru apyịta. “Unu kujeru ọkpara unu nwoke nụ mu.

Awụfu 23:19

“Iphe-mbụ, vuru ụzo kaa l'opfu unu bẹ unu e-gudeje bya l'ụlo Chipfu, bụ Chileke unu. “Unu te egudejekwa mini-ẹra ne eghu shia nwa iya.”

Ẹkwo Ẹtu 10:22

Ọnu-ọma kẹ Chipfu l'emeje g'e nweru iphe. Ọphu ọ dụdu iphe-ẹhuka, ooyeje iya.

Ẹkwo Ẹtu 3:9

Gude ẹku ngu; yẹle iphe-mbụ, ị kpatarụ l'opfu ngu; kwabẹ Chipfu ùbvù.

Azáya 66:23

“Ee-shije l'iphe, bụ Ọbo Ọnwa-ọ̀phúú jasụ l'iphe, bụkota ọnwa afụfu ọzo; tẹme l'e shijekwaphọ l'iphe, bụ eswe-atụta-unme lanụ jasụ l'iphe, bụkota eswe-atụta-unme ọzo; mbụ lẹ nemadzụ l'ophu a-byajẹ bya abaarụ mu ẹja.” Nokwa iphe, Chipfu eepfu.

Romu 2:1

Noo g'o gude mu sụ ngu l'ị tị gọfukwapho gụbe onye ọphu ekpe onye ọzo ikpe; onye ị bụhabe. Kẹle ọo iphe ono, iikpe onye ọzo ikpe iya ono bẹ i gudekwaphọ anma onwongu ikpe. Kẹle gụbedua, l'ekpe ikpe emekwaphọ iphe ono, iikpe onye ọzo ikpe iya ono.

1 Kọrentu 10:31

Ọo ya bụ; m'obeta unu ria nri-o; ọzoo l'unu ngụru iphe, aangụ angụngu-o; ọzoo iphe, bụkpoo iphe, unu meru; unu meje iya g'ọ bụru iphe, unu gude aja Chileke ajaja.

Ditoronomi 18:4

Iphe ọzo, unu a-nụjekwa phẹ phọ bụ ereshi, unu vuru ụzo gbuta; waa mẹe ọ̀phúú; yẹe manụ; waa ẹ́jí mbụ, unu bushiru l'atụru unu;

Ditoronomi 26:17

Ntanụ-a bẹ i pfuwaru kẹ Chipfu hoo haa; sụ l'ọo ya bụ Chileke ngu; l'ọo ụzo, ọ tọru bẹ ịi-nọdu etso; eme iphe, ọ tọru ọkpa iya sụ g'e meje; emekwaphọ iphe, ọ tụru l'ekemu; mẹkpoo iphe, ọ sụru g'e meje; tẹme l'i mekwaphọ olu iya.

Ditoronomi 26:2

hatajẹkwa akpụru-iphe-mbụ l'iphe, i kọtakpooru l'alị ono, Chipfu abya ngu anụnu ono; chịru ye lẹ nkata; vuru je l'ẹka Chipfu, bụ Chileke ngu a-họta; dobe ẹpha iya; buru iya eburu.

Ditoronomi 26:4

“Onye uke ono anata ngu nkata ono; sụbe l'atatiphu ọru-ngwẹja Chipfu, bụ Chileke ngu.

Ditoronomi 8:18

Obenu lẹ-a; unu nyatajẹkwa Chipfu, bụ Chileke unu; kẹle ọo yẹbedua nụru unu ike, unu gude akpa ẹku ọbu; k'ọphu oo-me g'ọgbandzu ono keru, bụ ọphu o riru nna unu oche phẹ angụ iya ono; ẹgube ọ dụ ntanụ-a.

Ọphulenya 22:9

Ọ sụ mu: Te ejekwa ememe! “Ọ kwa gẹ gụbedua unu l'ụnwunna ngu bụ ndu ejeru Chileke ozi-a bụ gẹ mbẹdua bụkwapho onye ejeru Chileke ozi; mbụ ụnwunna ngu bụkwa ndu ono, epfuchiru Chileke mẹ ndu ọzo, emeje iphe, ẹkwo-a pfuru. Ọo Chileke bẹ ịi-bachiaru ẹja.”