Ditoronomi 23:3 - BAYỊBURU Izii

³ “G'ọ tọ dụkwa onye Amọnu; ọzoo onye Mówabu, abatajẹ l'ẹka ndu kẹ Chipfu dzukọberu; ọphu oshilọkpa phẹ jeye l'ọgbo k'iri abatajẹkwa; mbụ g'ẹphe ta abatajẹkpo l'ẹka ndu kẹ Chipfu dzukọberu jeye l'ojejoje.

Ditoronomi 23:3 ပူးပေါင်းရင်းမြစ်များ

Nehemaya 13:23

Lẹ teke ono bẹ mu hụmakwarupho ndu Jiu, lụshiru ụnwanyi, shi lẹ Ashịdodu; mẹ lẹ Amọnu; mẹ lẹ Mówabu.

Nehemaya 4:3

Tobaya, bụ onye Amọnu, nọ iya lẹ mgboru sụ: “Igbulọ mkpuma ọbu, ẹphe akpụ ọbu ?o nweru ishi? Iphe, bụ agụlo -gbakotakpọo ya nụ l'ọ dakpọshihu!”

Nehemaya 4:7

Teke Sambalatu; mẹ Tobaya; mẹ ndu Arabu; mẹ ndu Amọnu; mẹ ndu Ashịdodu nụmaerupho l'aakpụkwa-a igbulọ Jierúsalẹmu ono g'aakpụ iya; tẹme l'ẹka ụzo dụ iya bẹ aakpụ-chishiwaa; ẹhu wata phẹ eghushi eghu ike.

Azáya 56:3

G'ọ tọ dụkwa onye shi eshishi bya atụgbabe onwiya l'ẹhu Chipfu, a-sụ lẹ Chipfu a-gụfu iya lẹ ndibe iya. Ọphu ọ dụkwa onye te eyedu ime a-sụ lẹ ya bụ oshi, kpọhuru nkụ nọdu;

Jieremaya 49:1

A bya l'opfu ẹhu ndu Amọnu; wakwa iphe, oopfu; mbụ Chipfu: ?Bụ lẹ Ízurẹlu te enwedu ụnwegirima unwoke tọo? ?To nwedu onye e-ri iphe iya tọo? ?Dẹnu g'o gude Molẹku gbẹ nata alị ndu Gadu; ọ bụru okiphe iya? ?Dẹnu g'o gude ndibe iya bụru lẹ mkpụkpu iya bẹ ẹphe bugbaa?

Ebvu Aphụ 1:10

Ọhogu ono bẹ chịtakotawaru iphe, bụ ẹku, o nweru enweru. Ọ hụmaru ọha ono, bụ ndu ta amadụ Chileke g'ẹphe wụbaru l'ụlo, dụ nsọ iya; mbụ ndu ono, gụbe Chileke dachiru abata lẹ ndzukọ ndu nkengu ono.

Matiyu 5:43

“Unu nụmahawaru l'a sụru: ‘Yeje onye gụ l'iya eshi ọ̀nyà obu; g'onye ọhogu ngu dụje ngu ashị.’

Ditoronomi 23:2

“G'ọ tọ dụkwa onye a gbatarụ l'ụkpara; abatajẹ l'ẹka ndu kẹ Chipfu dzukọberu. Ọphu oshilọkpa iya; mbụ je eyee l'ọgbo k'iri abatajẹkwa l'ẹka ndu kẹ Chipfu dzukọberu.

Rutu 4:6

Onye abụbu phẹ ono sụ: “Ọ -dụkwa nno bẹ mu taa gbatakwa iya; kẹle mu e-shi nno woru okiphe mu tsebe l'ọnu ẹta. Gbatachiwaru mu iya rọ; kẹle mu ta agbatakọtadu iya.”