Ditoronomi 18:6 - BAYỊBURU Izii

⁶ “Ọ -bụru l'onye shi l'ọkpa-ipfu Lívayi shi lẹ mkpụkpu ẹka o bu l'alị Ízurẹlu; gude obu iya l'ophu byatashịa ẹka Chipfu, bụ Chileke a-họta;

Ditoronomi 18:6 ပူးပေါင်းရင်းမြစ်များ

Ebvu-ọma 26:8

Ụlo gụbe Chipfu bẹ mu yeru obu; mbụ ẹka o-gbu-nwịinwii ngu dụ.

Ebvu-ọma 27:4

Ọo iphe lanụ bẹ mu arwọ Chipfu; ọ bụru iphe ono bẹ mu achọ. Iphe ọbu bụ gẹ mu nọdu l'ụlo Chipfu jasụ lẹ gẹ mu a-nọberu lẹ mgboko-a; gẹ mu nọdukpoepho egbu igo l'ọ-dụ-úbvú Chipfu; tẹme mu anọdukwapho l'eze-ụlo Chipfu kpatajẹ iya ishi iphe.

Ebvu-ọma 84:10

Anọ ujiku ophu l'eze-ụlo ngu kakwa ree eme l'anọ ụnu apha labọ l'ụkporo apha iri l'ẹka ọzo. Ọ kakwa mu ree gẹ mu bụru onye agụhajeru ndu abata l'eze-ụlo Chileke ụzo; eme lẹ mu jeru atụsaru ẹhu l'ibe ndu ẹjo-iphe.

Ebvu-ọma 84:5

Ẹhu-ụtso bẹ a gọru nụ ndu bụ ngu bụ agbaru-ike phẹ; mbụ ndu bụ iphe, uche iya echije phẹ ẹhu bụ g'ẹphe e-me jerwua úbvú Zayọnu.

Ọ́gú 35:5

“Ụzo ẹnyanwu-awawa azụ mkpụkpu ono bẹ unu a-tụta ụnu ntụ-ọkpa ẹsaa lẹ ntụ-ọkpa ụkporo iri; unu atụta ụnu ntụ-ọkpa ise l'ụzo ndọhali azụ mkpụkpu ono. Unu atụta ụnu ntụ-ọkpa ise l'ụzo ẹnyanwu-arịba azụ mkpụkpu ono; tụta ụnu ntụ-ọkpa ise l'ụzo isheli mkpụkpu ono. Mkpụkpu phẹ ono anọdu l'echilabọ. Azụ mkpụkpu ono abụru ẹka iphe-edobe phẹ a-tajẹ nri.

Ditoronomi 12:11

ọ bụru teke ono bẹ unu e-wotajẹ iphemiphe-a, mu tụshiru unu l'ekemu-a gude bya l'ẹka ono, Chipfu, bụ Chileke unu a-họta g'e dobe ẹpha iya; l'o buru iya eburu. Iphemiphe ono bụ iya bụ ngwẹja-akpọ-ọku; waa ngwẹja mmanụ ọzo; mẹ oke-lanụ-l'ụzo-iri; mẹ iphe ọzo, unu anụ iya anụnu; mẹkpoo iphe, kachaa ree l'iphe, unu nweru enweru, bụ iphe, unu riburu angụ l'unu a-nụ Chipfu.

Ditoronomi 12:14

G'ẹka unu e-gweje ngwẹja-akpọ-ọku ono bụekwarupho l'ẹka Chipfu a-họta l'ọkpa-ipfu unu nanụ. Ọ bụru ẹka ono bẹ unu a-tụkoje iphemiphe-a, mu tụru unu ekemu iya-a emekọta.

Ditoronomi 12:5

Iphe, unu e-mechia bụ g'unu chọo ẹka Chipfu, bụ Chileke unu a-họta l'ọkpa-ipfu unu g'ọ bụru ẹka ee-dobe ẹpha iya; l'o buru iya eburu. Ọ bụru ẹka ono bẹ unu e-jeje.

Ditoronomi 16:2

Unu gwejeru Chipfu, bụ Chileke unu ngwẹja Ojeghata ono. Ọ bụru atụru; ọzoo eghu; ọzoo eswi bẹ unu e-gudeje egwe ngwẹja ono l'ẹka Chipfu a-họta; dobe ẹpha iya; buru iya eburu.

Ditoronomi 18:7

g'a hakwaa ya g'o gude ẹpha Chipfu, bụ Chileke iya jejeru iya ozi gẹ ndu oshilọkpa Lívayi ibe iya; bụ ndu nọ l'atatiphu Chipfu ẹka ono ejeru iya ozi.

1 Timoti 3:1

Iphe ono, e pfuru ono bụkwa ọkpobe-opfu: “Ọ -bụru l'ọ dụru onye ẹnya dụ g'ọ bụru onye-ishi Chịochi; onye ono bụkwa ọkpobe iphe bẹ agụ iya nụ.”

1 Pyịta 5:2

Sụ-a; unu chejekwa ụnwu atụru Chileke ono nche, letajẹ phẹ ẹnya ree. Unu egude obu unu meje iya ẹgube ọ dụ Chileke l'uche; unu te emejekwa iya g'ọ bụ iphe, e kebutaru unu ekebuta; ọ chia g'unu yeru ẹhu l'eje ozi ono. Unu te ejekwa iya nweru ẹkpiri okpoga.