Ditoronomi 15:6 - BAYỊBURU Izii

⁶ Noo kẹle Chipfu, bụ Chileke unu e-kebekwa unu l'ọma, bụ iya bụ iphe, o kweru ukwe iya. Unu e-jieje ọhamoha, dụ igwerigwe ụgwo; ọle unu ta abyadụ ejita; tẹme unu abụru ishi ikpoto ọha; ọle ọ tọ dụdu ndu byaru a-bụru ishi unubẹdua.

Ditoronomi 15:6 ပူးပေါင်းရင်းမြစ်များ

1 Ndu eze 4:21

Sólomọnu bụru eze ndu alị ono l'ophu; e -shi l'ẹnyimu Yufurétisu jasụ l'alị ndu Filisitayinu; je akpaa l'oke ẹphe lẹ ndu Ijiputu. Iphe, bụ alị-eze, nọkota l'uswe iya ono g'ẹphe ha nọdu atụkota akịriko anụ Sólomọnu; tẹme ẹphe nọdukota iya l'ẹka jasụ g'ọ nọ-beru.

1 Ndu eze 4:24

Sólomọnu bụru eze alị ono, dụkota l'ụzo ẹnyanwu-arịba ẹnyimu Yufurétisu ono l'ophu; mẹkpoo ndu eze, bukọta l'ụzo ẹnyanwu-arịba ẹnyimu ono; mbụ e -shi lẹ Tifusa je akpaa lẹ Gaza. Tẹme nchị dụkota iya doo mgburugburu egede.

1 Iphe, ndu eze meru 17:27

Nta-a bẹ ọ byaru adụ ngu ree g'ị gọru ọnu-ọma ọbu nụwaro ọnu-ụlo onye-ozi ngu; k'ọphu ẹphe a-nọdu kwasẹru l'iphu ngu; noo kẹle ọo gụbe Chipfu bẹ gọru ọnu-ọma nụ iya; o je l'abụru ọnu-ụlo, a gọru ọnu-ọma nụ jasụ l'ojejoje.”

2 Iphe, ndu eze meru 9:26

Ọ bụru iya bụ ishi iphe, bụ ndu eze; e -shi l'ẹnyimu Yufurétisu je akpaa l'alị ndu Filisitayinu; je akpaa l'oke alị ndu Ijiputu.

Ẹzura 4:20

Tẹmanu; lẹ Jierúsalẹmu shi nweru ndu eze, ọkpehu dụ; tẹme mkpụkpu dụ igwerigwe shi nọdu phẹ l'ẹka l'azụ ẹnyimu. E shi anọduje atụru phẹ ụtu alị; mẹ ụtu aswa; mẹ ụtu ụzo.

Nehemaya 9:27

Ọ bụru iya meru g'o gude i woru phẹ ye l'ẹka ndu ọhogu phẹ, bụ ndu mekpaaharụ phẹ ẹhu. Teke ẹphe nọ l'iphe-ẹhuka ono bẹ ẹphe rakuru ngu. Ị gbẹ l'imigwe ngabẹru phẹ nchị; bya egude obu-imemini ngu, parụ ẹka nụ phẹ ndu nafụtaru phẹ l'ẹka ndu ọhogu phẹ.

Ebvu-ọma 112:5

Ọ bụepho k'ọma a-nọdu etso onye emeje iphe-ọma bya ejieje ụgwo mịa ya ẹnya; onye iphemiphe, oome bẹ oomeje k'ọphu aa-harụ iya enge.

Ebvu-ọma 37:21

Ndu ẹjo-iphe abụjeru; ẹphe -jita ụgwo ẹphe eria ya. Obenu lẹ ndu pfụberekoto bẹ anọduje emeru ndiphe iphe-ọma.

Ebvu-ọma 37:26

Onye pfụberekoto anọduje eme iphe-ọma tekenteke; ọ nọdu ejieje nemadzụ ụgwo. Ee-shi l'ẹhu ụnwu iya kebe ndu ọzo l'ọma.

Ẹkwo Ẹtu 22:7

Ọo onye nweru iphe abụjeru ishi onye akpa nri. Tẹme ọ bụru onye ji ụgwo abụjeru onye-ozi onye o jitarụ iya.

Luku 6:35

Ọ bụchia g'unu yee ọhogu unu obu; mejeru phẹ ree. Unu jieje ụgwo wofu iya ẹnya g'obunggo unu aha shii; tẹme g'unu abụru ụnwu Ọkalibe-kangokọtaru-nụ, bụ Chileke; kẹle ndu ta amadụ iphe-ọma yẹe ndu ẹjo-iphe bẹ Chileke dụchakwaruro odoo.

Ditoronomi 15:5

m'ọ -bụru l'unu ngabẹru Chipfu, bụ Chileke unu nchị; leta ẹnya; mekọta ekemu-a, mu atụru unu ntanụ-a.

Ditoronomi 28:44

Ẹphe e-jieje unu ụgwo; ọle unu tee nwedu ọphu unu e-jie phẹ. Ọ bụru ẹphebedua a-bụjeru ishi; unubẹdua anọdu phẹ l'ẹka.