Ditoronomi 14:1 - BAYỊBURU Izii

¹ “Ọ kwa unu bụ ụnwu Chipfu, bụ Chileke unu. Unu te eyebatajẹkwa onwunu ọ́nyá l'ẹhu; ọphu unu akpụshijekwa onwunu ẹgbushi ọnu-iphu mẹ unu -nọdu akwa nemadzụ.

Ditoronomi 14:1 ပူးပေါင်းရင်းမြစ်များ

Mbụlembu 6:2

Ụnwu Chileke hụma ụnwada nemadzụ l'ẹphe ama mma; bya atụgbua je alụgbaa phẹ.

Mbụlembu 6:4

Ndu gbarụ oke mkparawa nọ lẹ mgboko lẹ teke ono; bya anọkwaru iya rọ kwasẹru; mbụ lẹ teke ụnwu Chileke jepfuru ụnwada nemadzụ; ẹphe bya anwụshiaru phẹ ụnwegirima. Ẹphe bụ ndu e shi maru ẹpha phẹ teke ndiche l'ọkpehu, shi dụ phẹ nụ.

1 Ndu eze 18:28

Ọo ya bụ; ẹphe rashịa ya ike; gude mma; mẹ arwa ebvujashị onwophẹ l'ụzo omelalị phẹ; jasụ mee, shi phẹ l'ẹhu alwashị.

Azáya 63:16

Obenu l'ọo ngu bụ nna anyi. A makwarụ-a lẹ Ébirihamu ta amadụ anyi. Ọphu Ízurẹlu amadụ onye anyi bụ. Obenu l'ọo gụbe Chipfu bụ nna anyi; bya abụru onye aagbata anyi. Ẹpha ngu shi l'ojejoje dụta.

Jieremaya 16:6

“Ndu ha shii mẹ ndu ha nwanshịi a-tụko nwụshihu l'alị-a. E tee lidu phẹ elili; ọphu a-radụ ẹkwa phẹ; ọphu ọ dụdu onye a-kà onwiya iphe l'opfu ẹhu phẹ; ọphu a-kpụshiduru phẹ ishi.

Jieremaya 3:19

Mụbe Chipfu l'onwomu sụ: “Lenu lẹ mu gege egudekpọepho ẹhu-ụtso emekpọe ngu phọ gẹ nwa; woru ẹguru alị, dụ ree nụ ngu; mbụ ẹka kachaa ree l'okiphe, ndu ọha l'ophu enweje enwenwe. Mu shi dobesụ l'ii-ku mu nna; ọphu ịi-hadụ mu etsotso.

Jieremaya 31:9

Ẹphe a-nọdu ara ẹkwa abya. Mbụ l'ẹphe a-nọdu arwọ mu arwọrwo; mu edu phẹ alwa. Mu e-du phẹ dughaa nggele nggele; dua phẹ shia ụzo, dụ baswaa k'ọphu ụpfu ata akpọdu phẹ l'ọkpa. Ọ bụru iphe, kparụ iya nụ bụ lẹ mu bụ nna Ízurẹlu; tẹme Ifuremu bụru ọkpara mu.

Jieremaya 41:5

Ụkporo ụmadzu ẹno tụko kpụshia ẹ́jí-agba; bya agbajashịa uwe phẹ; bya egbukashịchaa onwophẹ ọ́nyá wụru bya. Ẹka ẹphe shi bụru lẹ mkpụkpu Shẹkemu; yẹe Shilo; waa Samériya. Ẹphe gude ngwẹja-nri; waa ụ̀nwù-isẹnsu gude abya l'ụlo Chipfu.

Jieremaya 47:5

Ndu mkpụkpu Gaza kpụshiwaru ishi aphụ. Ndu mkpụkpu Ashikelọnu bẹ a lawarụ l'iswi. Sụ-a; unubẹ nwa ndu ọphu phọduru lẹ ndu Anaku; ?unu e-yejashịkpoo onwunu ẹgube-a jasụ teke ole?

Hosiya 1:10

“Ọle e -mechaa bẹ ndu Ízurẹlu a-dụkpokwa g'ẹja, nọ l'agụga eze-ẹnyimu, bụ ọphu a taa tụ̀kotadu atụ̀tù g'a maru ẹrwa iya; ọphu aagụkotadu iya l'ọgu. Ọ kwa l'ẹka ono, a sụru phẹ: ‘Unu taa bụekwaru ndibe mu ono’; bẹ ee-kukwa phẹ phọ ‘ụnwu Chileke ono, nọ ndzụ ono.’

Ndu Uke 21:5

“G'ẹphe ta akpụshijekwa ishi; ọphu ẹphe akpụ-byishijekwa agụga agụga ẹ́jí-agba phẹ; ọphu ẹphe ebyijekwa mbo l'ẹhu ebyibyi ophu.

Jiọnu 1:12

Ọle iphe, bụkpoo ndu natarụ iya nụ; mbụ ndu kweru nkiya; ndu ono bẹ ọ sụwaru g'ẹphe bụru ụnwu Chileke.

Jiọnu 11:52

Ọ tọ bụkwa-a ọha ono nwẹkiya bẹ ọo-nwụhu-chiru. Ọ kwa g'ooshi nno chịkobe ụnwu Chileke ono, gbakashịhuru dzuru mgboko ono g'ẹphe bụru nanụ.

Romu 8:16

Ọ bụru Unme Chileke ono l'onwiya bẹ anọduje agba ekebe l'obu anyi l'anyi bụwaa ụnwu kẹ Chileke.

Romu 9:26

Tẹme ọ bụru l'echilabọ ẹka ono, e shi sụ phẹ l'ẹphe ta abụdu ndu kẹ Chileke bẹ aa-nọdu kua phẹ ụnwu Chileke; mbụ Chileke nọ ndzụ.”

Romu 9:4

bụ iya bụ ụnwu Ízurẹlu. Ẹphebedua bẹ Chileke họtaru g'ẹphe bụru ụnwu iya. Ọ bụru phẹ bẹ o goshiru ọdu-biribiri iya; ẹphe l'iya nọdu l'ọgbandzu, ukwe-iphe tso. O goshi phẹ g'a-abajẹru iya ẹja.

Romu 9:8

Iphe, iphe ono egoshi bụ l'ọ tọ bụdu iphe, bụ ndu a nwụru anwụnwu mmanụ bẹ bụ ụnwu Chileke. Ọo ndu Chileke kweru Ébirihamu ukwe l'ọo-nwụta bụ ndu aagụ eye l'ọkpobe ụnwu Ébirihamu.

2 Kọrentu 6:18

Ọo ya bụ gẹ mu abụru nna unu; unu abụru ụnwu mu unwoke mẹ ụnwu mu ụnwanyi.” Nokwa iphe, Nnajịuphu, bụ Ọkalibe-Kakọta-Ike eepfu.

Galeshiya 3:26

Ọo ya bụ; l'eshinu unu wowaru onwunu ye Kéreshi l'ẹka; unu l'iya tụgba bụru nanụ bẹ unu bụkotawa ụnwu kẹ Chileke.

Ditoronomi 13:18

m'ọ -bụru l'unu ngabẹru Chipfu, bụ Chileke unu nchị; dobekọta ekemu iya-a, mu atụru unu ntanụ-a g'ọ ha; bya emekwaphọ iphe, pfụru ọto l'ẹnya Chipfu, bụ Chileke unu.”

Ditoronomi 32:6

?Bụ ẹgube iphe-a bẹ unu gude apfụ Chipfu ụgwo; unubẹ ndu-a, bụ ndu eswe; bya abụru ndu amadụ iphe-a? ?Tọbudu iya bụ nna unu; bya abụru onye meru unu? Mbụ-a; ?tọ bụdu iya meru unu g'unu a-dụ; bya emee; unu ngụru angụru?

1 Tesalonayika 4:13

Ụnwunna anyi; iphe, anyi eme g'o doo unu ẹnya bụ kẹ ndu nwụhuru anwụhu; g'oo-too rwujekwanụ unu l'ẹhu shii g'oorwuje ndu te eledu ẹnya kẹle ẹphe lẹ Kéreshi emecha nọdukota.

Hiburu 2:10

Ọ bụleru-a yẹbedua, bụ Chileke, iphemiphe shi l'ẹka tẹme ọ bụru iya nwe iphemiphe bẹ ọ gbaru l'eshi l'iphe-ẹhuka, onye-ndzọta ono jeru dzugbua oke l'ẹhu iya; shi nno mee ndu dụ igwerigwe g'ẹphe bụru ndu egbu nwịinwii.

1 Jiọnu 3:10

Waa g'ee-gude maru ndu bụ phẹ bụ ụnwu Chileke; mẹ ndu bụ ụnwu Obutuswe bụ ọwa-a: onyemonye ete emejedu iphe l'ụzo pfụru ọto te shikwa lẹ Chileke; ọphu onye eyeduru nwanna iya obu eshikwaphọ lẹ Chileke.

1 Jiọnu 5:2

Anyi -yee Chileke obu bya emeje ekemu, ọ tụru; ọo ya bụ anyi amaru l'anyi yeru ụnwu Chileke obu.