Ditoronomi 11:8 - BAYỊBURU Izii

⁸ “Ọo ya bụ; unu tụko ekemu, mu atụru unu ntanụ-a dobekọta. Ọo ya bụ g'ike adụkwanu unu; g'unu je alwụta alị ono, unu abya ada ẹnyimu Jiọ́danu eje enworu ono.

Ditoronomi 11:8 ပူးပေါင်းရင်းမြစ်များ

Ebvu-ọma 138:3

Mu rakuru ngu; ị za mu ẹnu. I meru ọkpehu nụ mu; bya emee mu; mu nyaaha ǹdụ́.

Awụfu 20:12

“Unu kwabẹjekwa ne unu mẹ nna unu ùbvù. Ọo ya bụ g'unu enweru ndzụ ogologo; buru l'alị ono, Chipfu, bụ Chileke unu abya unu anụnu ono.

Azáya 40:31

Obenu lẹ ndu daru ngabẹru Chipfu bẹ ike a-nọdu aka adụdu. Ẹphe e-gude ǹkù ephe l'eli l'eli g'ugo. Ẹphe agbaa ọso; ike ta abvụdu phẹ. Ẹphe ejee ije; nkwo ta atsụdu phẹ mẹe.

Danẹlu 10:19

Ọ sụ mu: “Gẹ ndzụ ba agụshi ngu; gụbe amadụ, aakwabẹ ùbvù, parụ ẹka. G'ẹhu dụkwa ngu guu! Shihu ike nta-a! Shihu ike!” O pfuẹrupho opfu ono nụ mu; mu bya arọ-keta ike bya asụ iya: “Nnajịuphu mu; pfuwarọ iphe, iipfu; eshinu i mewaru ike dụ mu.”

Efesọsu 3:16

Mu anọduje epfu anụ Chileke g'o shi l'ọdu-biribiri iya, nyịberu anyịbe gbẹ l'ẹka Unme iya, dụ Nsọ; nụ unu ike g'obu shihu unu ike;

Efesọsu 6:10

Iphe, mu e-gude kpọchia ya ishi ụnwunna mu bụ; unu nọshia ike l'ẹka Nnajịuphu; g'ike iya, nyịberu anyịbe mekwa unu g'unu shihu ike.

Ditoronomi 11:7

Ọo unubẹdua gude ẹnya unu hụmakota eze iphe ono, Chipfu mekọtaru ono.

Ditoronomi 28:47

Eshinu unu te egudedu ẹhu-ụtso; tee ẹswa; jeeru Chipfu, bụ Chileke unu ozi teke iphe shi ejehuru unu lẹ ree;

Ditoronomi 31:23

Chipfu pfuaru Jioshuwa nwa Nunu iphe, oo-me; sụ iya: “G'ọkpehu dụkwa ngu; l'i shihu obu ike; kẹle ọo gụbedua e-du ndu Ízurẹlu laa l'alị ono, mu riburu angụ lẹ mu a-nụ phẹ ono. Mbẹdua e-swiẹru ngu phọ eswiru.”

Ditoronomi 4:14

Chipfu bya akaru mu teke ono sụ mu gẹ mu zia unu iphe, ọ tọru ọkpa iya sụ g'e tsoje; yẹe iphe, ọ sụru g'e meje; k'ọphu unu a-nọdu eme iya l'alị ono, unu adagha eje enweru ono.”

Filipayi 4:13

Ọ tọ dụdu iphe, mu ta adụdu ike emekọta; noo l'ọo Kéreshi bẹ bụ onye emeje ike adụ mu k'ememe iya.

Kọlosi 1:11

L'o gude ike iya ono, dụ biribiri mee unu g'unu shihu ike ọkpobe eshihu; k'ọphu unu a-dụje ike gude ata nshi nwejeru obu l'iphemiphe, byaru unu.