Ditoronomi 10:18 - BAYỊBURU Izii

¹⁸ Ọo yẹbedua ahajẹru ndu enwedu nna; yẹe ụnwanyi, ji phẹ anọedu enge. Ndu lwarụ alwalwa bẹ ooyeje obu; azụ phẹ lẹ nri; yẹe iphe, anma l'upfu.

Ditoronomi 10:18 ပူးပေါင်းရင်းမြစ်များ

2 Iphe, ndu eze meru 19:7

Nta-a bụkwa g'unu tsụa Chipfu ebvu; unu akwabẹ ẹnya l'iphe, unu eme; kẹle Chipfu, bụ Chileke anyi bẹ ẹka iya ta adụkwa l'ikpe, apfụduru-ọto; ọphu o ledu nemadzụ ẹnya l'iphu; tẹme ọphu o ridu ụphalazu.”

Ebvu-ọma 10:18

Haarụ ndu nna phẹ anọedu enge; waa ndu eemekpa ẹhu. G'ụnwu-eliphe haa phẹ akpapya ishi.

Ebvu-ọma 103:6

Chipfu emeje iphe, pfụru ọto; tẹme ọ nọdu ekpeje ndu e eme ewere ikpe, pfụru nhamụnha.

Ebvu-ọma 145:9

Chipfu nwụberu onyemonye ẹnya. Iphemiphe, o mekpọru ememe bẹ ọophujeru obu-imemini.

Ebvu-ọma 146:9

Chipfu anọduje eche ndu lwarụ alwalwa nche. Ọ bụru iya egudeje ndzụ ndu enwedu nna yẹe ụnwanyi, ji phẹ anọedu; obenu l'ụzo ndu ẹjo-iphe bẹ oogbuchije.

Ebvu-ọma 68:5

Chileke nọ l'ibe iya, dụ nsọ bụru Nna ndu enwedu nna; bya abụru onye agbajẹru ụnwanyi, ji phẹ anọedu ọdzori.

Ebvu-ọma 68:6

Chileke ewojeru ndu bụ nkịnyi doo l'ipfu l'ipfu; tẹme ọ nọdu edufutajẹ ndu a tụru mkpọro l'ụlo-mkpọro. Obenu lẹ ndu kwefuru iya ike bụ l'alị, ẹjo anwụ echi bẹ ẹphe bu.

Awụfu 22:20

“Onye gwerụ ngwẹja nụ iphe ọzo, abụdu mbẹdua, bụ Chipfu nwẹkinyi mu bẹ ee-gbu egbugbu.

Awụfu 22:21

“Unu ta akpajẹkwa ndu lwarụ alwalwa ẹhu; ọphu unu emejekwa phẹ ewere; noo kẹle unu shi bụru ndu lwarụ alwalwa l'alị Ijiputu.

Awụfu 22:22

“Unu te emejekwa ụnwanyi, ji phẹ anọedu; waa ụnwu-ogbee ewere.

Awụfu 22:23

Teke unu meru phẹ ewere; ẹphe -wolia olu; raku mụbe Chipfu bẹ mu a-nụmakwa olu phẹ.

Azáya 1:17

Unu nwụnaa eme iphe, dụ ree! Unu chọnaa ikpe, pfụru nhamụnha! Unu ahụ̀a ndu eme ndu ọzo ewere ahụ̀hù! Unu gbajẹnuru nwogbee, enwedu nna ọdzori! Unu agbachitajeru nwanyị, ji iya anọedu ndzụ!”

Jieremaya 49:11

Pakwarụ ụnwu ogbee unu haa; kẹle mu e-me-a g'ẹphe nọdu ndzụ! G'ụnwanyi unu, ji phẹ nwụhuwaru chịru ụpfu kwẹe l'ẹhu mu!”

Hosiya 14:3

Ndu Asiriya taa dụekwa ike adzọ anyi. Ọphu ọ bụedu l'eli ịnya-ọgu bẹ anyi a-nmakoru. Anyi ta abyadụ egudebaa ọnu anyi woru iphe, bụ ẹka bẹ anyi gude mee ya kua “Chileke anyi;” kẹle ọo l'ẹka ngu bẹ onye enwedu nna anọduje l'a phụaru iya obu-imemini.’ ”

Ndu Uke 25:35

“Ọ -bụru l'onye Ízurẹlu ibe ngu bẹ ụkpa byaru; ọphu ọ dụedu ike azụ onwiya l'obutobu ngu; yejeru iya ẹka ẹgube ono, eeyejeru onye lwarụ alwalwa; ọzoo onye byaru abyabya ono; k'ọphu oo-bukube ngu g'o bukube ngu.

Ọ́gú 10:32

I -tsoru anyi bẹ anyi lẹ ngu a-gbarụ mgba l'iphe, bụkpoo iphe-ọma, Chipfu e-mekọtaru anyi.”

Matiyu 5:45

g'unu a-bụru ụnwu kẹ Nna unu ọphu bu l'imigwe. Kẹle ọo ya emeje g'ẹnyanwu waaru ndu ọma mẹ ndu ẹjo-iphe. Tẹme ọ nọdu emeje g'igwe dzeru mini wụshiru ndu pfụberekoto mẹ ndu apfụbeduru-ẹka-ọto.

Ndu-ishi-ozi 14:17

Ọle oogudeje iphe, dụ ree, oomeje gude goshi onye ya bụ. Oodzejeru unu mini; tẹme iphe, unu kọru l'alị bẹ oomeje g'ọ mịa mebyi teke gbaru iya nụ. Ọ nọdu anụ-jije unu ẹpho; tẹme ọ nọdu emeje g'obu tsọo unu ụtso.”

Ditoronomi 27:19

“ ‘Mburọnu dụru onye anafụje nemadzụ iswi-ọduma; opfu l'ọ bụ onye lwarụ alwalwa; ọzoo onye nna iya anọedu; ọzoo nwanyị, ji iya anọedu!’ “Ndu Ízurẹlu atụko g'ẹphe ha sụ: ‘G'ọ dụ ẹgube ono-o!’