Ditoronomi 10:14 - BAYỊBURU Izii

¹⁴ Unu lewarọ ẹnya; eligwe; yẹe imigwe, nọghataru eligwe bụkwa Chipfu, bụ Chileke unu nwe iya. Eliphe bụkwarupho nkiya; mẹkpoo iphemiphe, nọ iya nụ.

Ditoronomi 10:14 ပူးပေါင်းရင်းမြစ်များ

Mbụlembu 14:19

Ọ bya agọru ọnu-ọma nụ Ebiramu sụ: “Gẹ Chileke, bụ Ọkalibe-kakọta-shii kebe gụbe Ebiramu l'ọma! Mbụ Chileke ọphu bụ iya meru igwe bya emee eliphe.

Mbụlembu 14:22

Ebiramu sụ eze ndu Sọdomu: “Mu paliakwaru ẹka riaru Chipfu angụ; mbụ Chileke ọphu bụ Ọkalibe-kakọta-shii; onye meru igwe bya emee eliphe;

1 Ndu eze 8:27

“Obenu; ?Chileke e-buru l'eliphe k'eviya tọo? Sụ-a; igwe; mbụ igwe ọphu kakọta l'eli ta asụdu ngu anọdu; ?bụ-chia eze-ụlo ọwa-a, mu kpụru-a l'asụru ngu?

2 Iphe, ndu eze meru 6:18

“Obenu; ?Chileke yẹle nemadzụ mmanụ e-bukọtaru l'eliphe-a k'eviya tọo? Sụ-a; igwe; mbụ igwe ọphu kakọta l'eli ta asụdu ngu anọdu; ?bụ-chia eze-ụlo ọwa-a, mu kpụru-a bẹ l'asụchiaru ngu nụ?

Nehemaya 9:6

Ọo ngu kpoloko kpẹekpu bụ Chipfu. Ọo ngu meru igwe; mee igwe ọphu kakọta igwe l'eli; mẹ iphemiphe, dụkota iya nụ. Ọ bụru ngu meru alị; mẹ iphemiphe, dụkota iya nụ. Ọ bụru ngu meru eze-ẹnyimu; mẹ iphemiphe, nọkota iya nụ. Ọ bụru ngu meru; ẹphe nọdukota ndzụ. Iphe, dụgbaa l'imigwe anọduje abakọtaru ngu ẹja.

Jiobu 41:11

?Bụ onye abya asụ l'ọwa-a iphe iya, ẹka mu dụ baa gẹ mu pfụa ya ụgwo iya? Noo kẹle iphemiphe, nọ lẹ mgboko bụ nkemu.

Ebvu-ọma 115:16

Imigwe l'ophu bụkota kẹ Chipfu; obenu l'eliphe bẹ o wowaru nụ ndiphe.

Ebvu-ọma 148:4

Unu jaa ya ajaja; unubẹ akpaminigwe; mẹkpoo unubẹ mini, nọgharu akpaminigwe anọgha.

Ebvu-ọma 24:1

Mgboko; yẹe iphemiphe, nọ iya nụ bụkota kẹ Chipfu; mbụ eliphe-a l'ophu; mẹkpoo ndu bu iya nụ;

Ebvu-ọma 50:12

Ọme l'ọo ẹgu agụ mu; mẹ mu tege abyapfutakwa unu; kẹle ọo mbẹdua nwekọta mgboko-a l'ophu; yẹe iphe, nọ iya nụ.

Ebvu-ọma 68:33

Unu gụa ya nụ onye ono, anọduje l'ụgbo-ịnya iya agba l'ephekerephe urwukpu ichee ono; mbụ onye egudeje oke olu tụa egbigwe.

Awụfu 19:5

Ọ -bụru l'unu ngabẹru mu nchị; bya edobe ọgbandzu mu bẹ unu a-bụru okiphe, dụru mu iche l'echilabọ ọhamoha. A makwarụ-a lẹ mgboko l'ophu bụ nkemu;

Awụfu 9:29

Mósisu sụ: “Mu -lụfuepho lẹ mkpụkpu-a; mu achị-lia ẹka imeli; pfuru nụ Chipfu. Egbigwe adabuhu; igwe atụ-buhu akamini. Ọo ya bụ g'ị maru lẹ mgboko-a bụ kẹ Chipfu.

Azáya 66:1

Wakwa iphe, Chipfu epfu: “Imigwe bụkwa aba-eze mu. Eliphe bụru okposhi, mu tụ-koberu ọkpa. Dẹnu ẹgube ụlo, unu a-kpụru mu? ?Bụ ẹgube awe bẹ mu a-nọduje iya atụta unme ọbu?

Ndu-ishi-ozi 17:24

Ọo ya bụ Chileke, bụ iya meru mgboko mee iphemiphe, nọ iya l'ime. Ọo ya bụ Nnajịuphu, nwe igwe nweru alị; tẹme ọphu oobujeduru l'ụlo, nemadzụ gude ẹka kpụa.

1 Kọrentu 10:26

“Lẹ mgboko l'ophu; mẹ iphe dụkota iya nụ; bụkotakwa kẹ Nnajịuphu, bụ Chileke.”

1 Kọrentu 10:28

Obenu ọ -bụru l'ọ dụru onye tụfuru ọnu sụ ngu: “Iphe-a bụkwa iphe, a gwarụ iphe”; te erikwa iphe ọbu; m'ọbvu onye ono, pfuru ngu iphe onoya; mẹkwapho m'ọbvu obu anma ikpe. “Kẹle eliphe l'ophu mẹkpoo iphemiphe, nọkota iya nụ bụkotakwa kẹ Nnajịuphu.”

2 Kọrentu 12:2

Ọ dụru nwoke lanụ, mu maru bụ onye kẹ Kéreshi, Chileke zikọtaru; o jerwua mkpopfu igwe k'ẹto. A nọakwaru apha iri l'ẹno, iphe ono meru. Ọle mu ta maẹdu ?o jeru ẹka onoya k'eviya; tọ ọ phụru iya l'ọphulenya? Ọo 'ẹpho Chileke nwẹkiya maru g'ọ nwụru.

Ditoronomi 10:13

Ọzo bụ g'unu meje iphemiphe, Chipfu sụru g'e meje; waa iphe, ọ tọru ọkpa iya sụ g'e tsoje; mbụ ekemu-a, mu atụru unu ntanụ-a; g'ọ dụru unu lẹ ree.

Ditoronomi 33:26

Ọ tọ dụkwa onye dụ gẹ Chileke kẹ Jieshurunu; onye aghajajẹ akpaminigwe ẹbo bya eyeru unu ẹka; tẹme ọ nọdu adụje akpabiri l'ẹka ọogha l'urwukpu.