Danẹlu 8:4 - BAYỊBURU Izii

⁴ Mu nọdu elekpọepho ebili ono ẹnya. Ọ nọdu eme ẹna. Ọ -pfụru laa l'ụzo ẹnyanwu-arịba; l'ọ pfụru laa l'ụzo isheli; pfụru laa l'ụzo ndọhali. Ọphu ọ dụdu anụ, dụru ike kpafụ iya l'iphu; ọphu ọ dụdu ọphu a-dụ ike anafụ iya iphe, o gude. Ọ bụerupho iphe, dụ iya ree bẹ oomeje; tẹme ọ paa ẹka apaa.

Danẹlu 8:4 ပူးပေါင်းရင်းမြစ်များ

Danẹlu 11:16

Onye eze ono, batarụ nụ ono a-nọduepho emeẹpho iphe, dụ iya ree. Ọ tọ dụdu onye adụ ike agbọru iya chịirii. L'ọ bya eworu onwiya sụbe gẹdemu l'alị-ọma ono; tẹme ike adụkwa iya phọ shii k'ọphu ọo-dụ ike mebyishia ya.

Danẹlu 11:36

“Eze ono e-mekpọekwapho iphe, dụ iya ree. Ọo-nọdu ekutse onwiya; mee onwiya gẹ ya kakọta iphe, bụkota agwa l'ophu shii; bya epfukwaphọ oke opfu, nchị eteke anụmaswee gude epfubyishi Chileke ọphu bụ iya nwe agwa l'ophu. Iphe, oome a-nọdukpoepho ejehuru iya gbiriri jasụ oke ẹhu-eghu Chileke ono abvụebe. Noo kẹle iphe, a tuburu l'oo-me e-mekọtachaa.

Danẹlu 8:7

Mu hụma g'ọ watarụ etso ebili ono ọgu ẹhuka ẹhuka. Ọ nọdu echije ebili ono o-chi-too gude nno chifuchaa ya mpu labọ onoya. Ọphu ike apfụru gẹ yẹe ya lwụa ọgu adụedu ebili ono. Mkpi ono tsuta iya tọgbo l'alị zọo ya tọlitoli. Ọphu ọ dụdu onye dụru ike dzọfu ebili ono l'ẹka iya.

Mayịka 5:8

Oshilọkpa Jiékọpu ndu ọphu warụ nụ l'a-nọdu l'echilabọ ndu-ọhozo bụru oduma, nọ l'echilabọ anụ-ẹgbudu; mbụ l'ẹphe a-dụ gẹ nwa oduma, ẹphe l'atụru gharu ẹghirigha, abụjeru ọ -nọdu eje l'ọolajashi iphe, o guderu; ọphu ọ dụdu onye adụje ike dzọo iphe, dabarụ iya l'ẹka.

Danẹlu 7:5

“Anụ k'ẹbo pfụkwaru mu phọ l'iphu. Ono dụ g'ẹjo anụ-ẹgbudu, bụ bịye. A bya apalia yẹbedua mgburẹku lanụ. Ẹgara-iphe dụ ẹto ghashịhu iya l'ọnu; phachaaru iya apharu l'eze. A sụ iya: ‘Gbalihu; taa anụ, ha shii!’

Danẹlu 5:30

Ọ bụru l'ẹnyashi ono bẹ e gburu eze ndu Bábilọnu ono, bụ Belushaza.

Danẹlu 5:19

Eshinu ọ nụru iya ọkwa, ha shii ẹgube ono; bẹ ọ nụru iya ọha l'ophu; mẹ ndu alị, nọnu; tẹme ndu opfu-alị phẹ dụgbaa iche iche shi anọduje anma pyaapyaapyaa l'iphu iya; atsụ iya ebvu. Onye ọ dụ iya g'o gbua l'o gbua; onye ọ dụ iya g'o dobe ndzụ; l'o dobe iya ndzụ. Onye ọ dụ iya g'ọ palia ọkwa iya l'ọ palia ya; onye ọ dụ iya g'o mee g'ọ bụru onye ẹnya lwarụ; l'o mee ya.

Ezekẹlu 34:21

Eshi ọphu unu gude mgburẹku; gude ukuvu unu akwaphu phẹ; bya egude mpu unu adụkashi ndu ọphu ike ta adụdu; jasụ unu chịkashia phẹ nanụnanu;

Ebvu-ọma 50:22

“Unu ngabẹ nchị l'iphe-a, mu abya epfupfu-a; unubẹ ndu zọharu mụbe Chileke! Ọdumeka mu alajashịa unu iphiriba iphiriba; l'ẹbe abụ l'ọ dụru onye sụru unu anafụta.

Ebvu-ọma 7:2

Ọdumeka bẹ ẹphe e-gudekwa mu labushia nanụ nanụ; g'onye agụ dzugburu; ẹbe adụ onye ọzo, mu nweru, a-gbaru mu mkpu.

Jiobu 10:7

Ole ị makwarụ l'ikpe ta anmadụru mu; tẹme ọphu ọ dụdu onye a-nafụta mu l'ẹka ngu.

Ditoronomi 33:17

Ọ dụ akpabiri g'oke-eswi, vu ụzo l'ẹpho ne iya. Mpu iya dụ gẹ k'atsụ. Ọ bụru mpu iya ono bẹ oo-gude adụ-tsushi ọhamoha l'ophu; mbụ je akpaa lẹ ndu bu l'ẹka igwe beru alị beru. Nokwaphọ g'ụnubuku oshilọkpa Ifuremu dụ; bya abụkwarupho nno bụ g'agụta agụta oshilọkpa Manásẹ dụ.”

1 Ndu eze 22:11

Zedekaya, bụ nwa Kenana bya egude iphe-ígwè meshia ụpyi; bya asụje: “Chipfu sụru-a: ‘Ọo ụpyi-a bẹ ịi-dụ ndu Arámu jasụ ẹphe alakọta l'iyi.’ ”

Ebvu-ọma 44:5

Ọo l'ẹka ngu bẹ anyi anọduje nwuta ndu achị anyi lẹ njọ nwuphu azụ. Ọ bụru ẹpha ngu bẹ anyi egudeje zọo ndu wulihuru etso anyi opfu pyakapyaka.