Danẹlu 4:3 - BAYỊBURU Izii

³ “Iphe-ọhumalenya Chileke parụ ẹka. Tẹme ọ dụkwapho oke ebvu; mbụ iphe, dụ biribiri, oomeje. Eze, ọ bụ bẹ ọo-bụru jasụ l'ojejoje. O je abụru ishi; e -shi l'ọgbo sweru ọgbo.

Danẹlu 4:3 ပူးပေါင်းရင်းမြစ်များ

Jiobu 25:2

“Ọo Chileke bẹ abụru ishi dụ l'ẹka; tẹme ọ bụru iya bẹ ọha l'ophu gbaru g'ẹphe tsụje ebvu. Oomeje gẹ nchị dụ doo l'ephekerephe.

Ebvu-ọma 104:24

Gụbe Chipfu; ozi, iijekọta bụkwa agụta agụta. Iphemiphe ono bụkotaru mmamiphe nkengu bẹ i gude mekọta iya; mbụ lẹ mgboko l'ophu bẹ iphe, jiru iya nụ bụkota iphe, i gude ẹka mee.

Ebvu-ọma 105:27

ẹphe je emeshia iphe-ọhumalenya nkiya l'echilabọ phẹ; bya egoshi phẹ iphe, dụ biribiri kẹ Chipfu l'alị Hamu.

Ebvu-ọma 145:13

Ịi-bụru eze jasụ l'ojejoje; bya achịa; e -shi l'ọgbo sweru ọgbo. Chipfu bụ onye apfụshije ike l'iphemiphe, o kweru ukwe iya; tẹme o yekọta iphemiphe, o meru ememe obu.

Ebvu-ọma 66:7

O gude ike ọkpu nkiya bụru eze ojejoje. Ẹnya iya nọdu ahụmakotaje ọhamoha! Ọo ya bụ g'ọ tọ dụkwa ndu ẹjo ọkpoma ono l'e-je iya atụpya!

Ebvu-ọma 72:18

G'ajaja bụru kẹ Chipfu, bụ Chileke; mbụ Chileke kẹ ndu Ízurẹlu; onye bụe ya phọ kpoloko emeje iphe, dụ biribiri.

Ebvu-ọma 77:19

Ị tọgboru gbororo l'echi eze-ẹnyimu. I shijaru eze-ogbu-ẹnyimu, parụ ẹka ghata; ọphu ọ bụdu l'a hụmaru ẹka ị zọru ọkpa.

Ebvu-ọma 86:10

Noo kẹle ị parụ ẹka; tẹme ị nọdu emeje iphe, dụ biribiri. Ọo ngu kpoloko kpẹekpu bẹ bụ Chileke.

Ebvu-ọma 92:5

Gụbe Chipfu; lewarọ g'iphe, iime habe shii. Tẹme ọriri ngu paa omilomi.

Azáya 25:1

Gụbe Chipfu; ọ bụ ngu bụ Chileke mu. Mu a-nọdu ekutse ngu; eku ẹpha ngu gude aja ngu ajaja. Noo kẹle i mewaru iphe, dụ biribiri. Ịipfushije ike l'iphe, ị chịru idzu iya e -shi teke ndiche;

Azáya 28:29

Iphemiphe ono bụkotaru onye o shi l'ẹka bụ Chipfu, bụ Ọkalibe-Kakọta-Ike. Iphe, ọotu-beje k'ememe dụ biribiri; mmamiphe iya bẹ pakwarụ ẹka.

Azáya 9:7

Abụbu, ọo-bụru onye-ishi; yẹe nchị-odoo, e-shi iya l'ẹka a-nọdu aka shii eje ala l'iphu; tẹme ọphu ọ byadu abvụ abvụbvu. Ọo-nọdu l'aba-eze ochochoroche iya, bụ Dévidi bụru eze. Oo-gude ekpe ikpe, pfụru ọto; waa apfụbekoto mee ya g'o keru jịngujingu; mbụ mee ya g'ọ ngụru angụru e -shi lẹ teke ono jasụ l'ojejoje. Ọ bụru g'ọ phụ-tabe Chipfu, bụ Ọkalibe-Kakọta-Ike l'ẹhu l'e-me g'o mee ya.

Jieremaya 10:10

Obenu lẹ Chipfu bụ iya bụ ọkpobe Chileke. Ọ bụ iya bụ Chileke, dzụ ndzụ. Tẹme ọ bụru iya bụ Eze, a-nọ jasụ l'ojejoje. Ẹhu -nọdu eghu iya eghu; eliphe l'ophu anmahụ pyaapyaapyaa; ọphu ndu ọhamoha adụdu ike ata nshi anata oke-ẹhu-eghu iya.

Danẹlu 2:2

Tọbudu iya bụ; eze zia g'e je ekuaru iya ndu jibya; mẹ ndu agwụgwo; mẹ ndu karụ akaka; mẹ ndu maru ẹnya kpokpode g'ẹphe bya ezeeru iya nrwọ ono, ọ rwọru ono. Ẹphe tụko bya bya akụru l'iphu eze.

Danẹlu 2:44

“Ọ bụru teke ndu ono, a-bụru eze ono bẹ Chileke k'imigwe e-gude ẹka iya meta alị-eze ọphu a ta abyadụ e-mebyishi. Ọphu ọ dụdu onye byaru a-nochibaa ọkwa eze k'ono. Ọo-kụpyashikota alị-eze ono g'ọ ha gwee phẹ arakabya mee ẹphe taa dụbaedu; yẹbedua anọdu jasụ lẹ tuutuutuu lẹ mịimiimii.

Danẹlu 4:17

Ndu tụru ekemu-a bụ ndu nche; ọ bụru ndu dụ nsọ sụru l'onoo g'ọo-dụ bụ onoya. Ọ kwanụ iya bụ g'iphe, bụ ndu nọ ndzụ amaru lẹ Ọkalibe-kangokọtaru-nụ bụ onye ndu eze ndiphe mgburugburu nọ l'ẹka; ọ bụru onye Chileke tụru obu iya onyo k'anụnu iya bẹ ọo-nụje iya; m'obeta ọ bụru onye ẹnya kachakpọo alwalwa l'ụnwu-eliphe l'ophu.”

Danẹlu 7:14

E mee g'o nweru alị-eze; bya adụ biribiri l'ẹnya; tẹme emee ya ọ bụru eze. Ọha l'ophu; mẹ ndu alị, nọnu; mẹ onyemonye, shi l'ọhamoha, opfu-alị phẹ dụgbaa iche iche nọdu abarụ iya ẹja. Alị-eze iya dụepho jasụ l'ojejoje; ọphu ọ byadu l'abvụ abvụbvu ophu; ọphu uswe-ẹka ọ bụ eze abụdu ẹgube iya ọphu ee-mebyi emebyi.”

Danẹlu 7:27

Tọbudu iya bụ l'a bya eworu alị-eze ono; mẹ ọkwa-eze; yẹe akpabiri alị-eze, nọkota l'eliphe l'ophu woru ye ndu-nsọ l'ẹka; mbụ ndu ono, bụ phẹ bụ ndibe onye ono bụ Ọkalibe-kangokọtaru-nụ ono. Onye ono bẹ abụbu, ọ bụ eze l'a-nọ ojejoje; tẹme iphe, bụkpoo ndu bụkota ishi a-nọdu abarụ iya ẹja emekwaphọ iphe, o pfuru.’

Romu 11:33

Ha-oo! nkwamẹnya yẹle mmamiphe kẹ Chileke pakwarụ omilomi. Ikpe, ookpeje ta adụkwa onye sụru iya amaẹberu; ẹbe ọ dụkwa onye sụru amakọtaru g'o meje iphe iya.

Ditoronomi 4:34

Tọo ?ọ dụru agwa, tụjeru ama anafụtaru onwiya ọha, nọ l'ẹka ndu ọhozo? Mbụ-a gude ọhutama; waa iphe-ọhumalenya; waa iphe, dụ biribiri; waa ọgu; gude ike mẹ agburẹhu iya; yẹe oke n-yemebvu; ẹgube ono, Chipfu, bụ Chileke unu meru unu l'alị ndu Ijiputu; unu gude ẹnya unu hụma ono?

1 Timoti 1:17

Sụ-a; gụbe Chileke ono, bụ eze ojejoje; bya abụru onye ta anwụhujedu anwụhu; bya abụru onye ata hụmajedu l'ẹnya; bya abụru ngu bụ Chileke, maru iphe kpoloko; g'a kwabẹ ngu ùbvù; jaa ngu ajaja; jasụ lẹ tuutuutuu lẹ mịimiimii. Nokwa g'ọ dụ bụ ono-o.

Hiburu 1:8

A byakwanụ lẹ kẹ Nwa Chileke ọbu ọ sụ: “Aba-eze ngu gụbe Chileke a-nọ ojejoje. Ọ bụru apfụbekoto a-bụru mgbọro-onye-eze, ii-gude bụru eze ọbu.

Hiburu 2:4

Chileke l'onwiya goshikwaphọ l'ọ bụ eviya teke ono, o gude ike iya meshia iphe-ọhumalenya, dụgbaa biribiri bya eworu iphe-ọma, shigbaa Unme-dụ-Nsọ l'ẹka keshikwaaruphọ ndu kweru nkiya g'ọ dụ iya g'o kee ya ono.

1 Pyịta 4:11

Ọ -dụru onye epfu opfu; g'onye ono pfujeẹ ya phọ g'ọ bụ Chileke l'onwiya epfu iya. Ọ -dụru onye eyetaru ndu ọzo ẹka; g'onye ọbu yetajẹ iya gẹ Chileke nụ-beru iya ike. Ọo ya bụ; g'ee-shikwanụ l'iphe, anyi emeje ememe ndiphe eshi Jizọsu Kéreshi l'ẹka kwabẹ Chileke ùbvù; mbụ onye ono, ọkwabe ùbvù mẹ eze ike, parụ ẹka apaa; bụ nkiya ono jasụ lẹ tuutuutuu lẹ mịimiimii. Nokwa g'ọ dụ.

Ọphulenya 11:15

Tọbudu iya bụ; ojozi-imigwe k'ẹsaa bya egbua opu-ọgu nkiya. Ikeropfu swọshihu l'imigwe asụje: “Nta bẹ ike k'alị-eze ụnwu eliphe l'ophu bụakwa kẹ Chileke anyi yẹe kẹ Kéreshi iya ono, bụ eze, o woru mgboko ye l'ẹka ono. O je l'abụru eze jasụ lẹ tuutuutuu lẹ mịimiimii.”