Danẹlu 4:2 - BAYỊBURU Izii

² “Ọotso mụbe Nebukadineza ụtso gẹ mu dooru unu iphe-ọhumalenya; mẹ iphe, dụ biribiri, Chileke, bụ Ọkalibe-kangokọtaru-nụ meru mu.

Danẹlu 4:2 ပူးပေါင်းရင်းမြစ်များ

Jiobu 7:14

Obenu l'i gudelẹ-a ẹjo nrwọ eme gẹ ndzụ gụ mu; bya egude ọphulenya eye mu ebvu;

Ebvu-ọma 51:14

Dzọnaa mu l'ikpe ọchi, mu gburu; jiko Chileke! L'ọo ngu bụ Chileke, adzọje mu nụ. Ọo ya bụ gẹ mu egude ire mu gụa ebvu ẹhu-ụtso sụ l'ị pfụberekoto.

Ebvu-ọma 65:9

Ị gbaru mini l'eliphe teke ị byaru iya agbaphe; shi nno mee ya; ọ bụru alị ọma. Ẹnyimu nkengu bẹ i meru gẹ mini ji ejiji. Ndiphe l'ophu bẹ i meru g'iphe, ẹphe kọberu l'alị nọdu emehuru; kẹle ọo ẹgube ono bẹ i meru iya g'ọ dụ.

Ebvu-ọma 66:16

Unu byakpọdapho bya angabẹ nchị; iphe, bụkpoo unubẹ ndu atsụ Chileke ebvu; gẹ mu kọoru unu iphe, o meru lẹ ndzụ mu.

Ebvu-ọma 71:18

Nta-a, mu bụwaa ọgerenya, ẹwó jiru ishi-a; jiko Chileke; ba gbakụtakwa mu azụ; gbiriri jasụ mu akọeberu ọgbo ọphu abya nụ g'ike ngu habe shii; mbụ kọoru iphe, bụkpoo ndu ee-mechaa nwụa l'ọkpehu ngu parụ ẹka.

Danẹlu 2:1

O be l'apha, kwe Nebukadineza apha labọ, ọ watarụ abụru eze; ọ rwọkashia nrwọ. Nrwọ ono nọdu atsụ iya l'ẹhu shii. Ọphu mgbẹnya ekweẹdu iya atụtu.

Danẹlu 3:26

Tọbudu iya bụ; Nebukadineza bya akpịritaru l'ọnu oke ọku ono, enwu phoophoophoo ono bya araa ya arara sụ: “Unubẹ Sheduraku; waa Mishaku; yẹe Abedinego; unubẹ ndu ejeru Chileke, bụ Ọkalibe-kangokọtaru-nụ ozi; unu fụtawaro-o! Unu byawarọ l'ẹka-o!” Ọ bụru iya bụ lẹ Sheduraku; yẹe Mishaku waa Abedinego eshi l'ọku ono lụfuta.

Danẹlu 4:17

Ndu tụru ekemu-a bụ ndu nche; ọ bụru ndu dụ nsọ sụru l'onoo g'ọo-dụ bụ onoya. Ọ kwanụ iya bụ g'iphe, bụ ndu nọ ndzụ amaru lẹ Ọkalibe-kangokọtaru-nụ bụ onye ndu eze ndiphe mgburugburu nọ l'ẹka; ọ bụru onye Chileke tụru obu iya onyo k'anụnu iya bẹ ọo-nụje iya; m'obeta ọ bụru onye ẹnya kachakpọo alwalwa l'ụnwu-eliphe l'ophu.”

Danẹlu 4:24

“ ‘Sụ-a eze; wakwa ishi iya bụ ọwanawa: Ọ kwa iphe, Chileke, bụ Ọkalibe-kangokọtaru-nụ sụru l'oo-me l'ẹhu gụbe nnajịuphu mu, bụ eze bẹ ị hụmaru ono.

Danẹlu 4:25

Aa-chịfu ngu l'ẹka nemadzụ anọduje. L'i je gụ l'anụ-ẹgbudu eburu. L'e mee ngu l'ị taahaa ẹswa g'eswi. Noo ẹka ịi-nọdu; iji, shi l'igwe akwaa kpua ngu. L'ị nọo ya ẹgube ono apha ẹsaa; jasụnupho teke ịi-maru lẹ Ọkalibe-kangokọtaru-nụ bụ onye ndu eze ndiphe mgburugburu nọ l'ẹka; ọ bụru onye Chileke tụru obu iya onyo k'anụnu iya bẹ ọo nụje iya.

Danẹlu 4:34

“A nọchaepho apha ẹsaa onoya; mụbe Nebukadineza nọdu l'ẹgbudu ẹka ono palia ẹnya imeli; egomunggo lwaahaa mu l'ọ̀rù iya. Mu tuahaa Ọkalibe-kangokọtaru-nụ ẹpha; jaahaa ya ajaja; kwabẹahaa ya ùbvù; mbụ onye ono, nọ ndzụ ojejoje onoya. “Ishi, ọ bụ bẹ ọo-bụru jasụ l'ojejoje. O je abụru eze; e -shi l'ọgbo sweru ọgbo.

Danẹlu 5:18

“Sụ-a eze; Chileke, bụ Ọkalibe-kangokọtaru-nụ meru nna ngu, bụ Nebukadineza eze; bya emee ya; ọ paa ẹka; bya emee ya; ọ dụ biribiri; bya adụ ùbvù l'ẹnya.

Danẹlu 6:27

Ọonafutaje nemadzụ; tẹme ọ nọdu abụjeru nemadzụ ọgbata. Oomeje ọhumalenya; bya emekwaphọ iphe, dụ biribiri l'imigwe mẹ l'eliphe. Ọ dzọtaru Danẹlu l'ẹka oduma.’ ”

Danẹlu 7:25

Ọo-nọdu epfutọshi Ọkalibe-kangokọtaru-nụ; tẹme l'ọokpakwapho ẹhu. L'o kukebechaa ẹhu eme gẹ ya e-me gbanwee mbọku; bya agbanwee ekemu. L'a parụ haa ya l'ẹka ugbo lanụ; yẹe ugbo labọ; waa mkpirikpu iya.

Jiọnu 4:48

Ọ bụru iya bụ; Jizọsu sụ iya: “Unu egudedu ẹnya unu hụma iphe-ọhumalenya, dụgbaa biribiri bẹ unu ta abyakwa ekweta.”

Jioshuwa 7:19

Noo ya; Jioshuwa bya asụ Ekanu: “Nwa mu; jiko kwabẹkwa Chipfu, bụ Chileke ndu Ízurẹlu ùbvù. Pfuaru mu iphe, i meru; mbụ-a; pfukpọeru mu phọ iphe, i meru. Pfuaru mu iya nta-a; b'emekwarụ mu iya lẹ mpya!”