Danẹlu 1:2 - BAYỊBURU Izii

² Tọbudu iya bụ; Nnajịuphu mee gẹ Jiehoyakimu, bụ eze ndu Jiuda; yẹe ngwa, nọ l'ụlo Chileke laa l'ẹka Nebukadineza. Nebukadineza tụko iphemiphe ono chịru laa alị Shịna; chịru iya je edobe l'ẹka eedobeje ẹku l'ụlo agwa iya.

Danẹlu 1:2 ပူးပေါင်းရင်းမြစ်များ

Mbụlembu 10:10

Ẹka o gbuberu ishi abụru eze iya bụ lẹ Babẹlu; waa Ẹreku; waa Akadu; waa Kalune, nọ l'ime alị Shịna.

Mbụlembu 11:2

Noo ya; o be teke ndiphe kwasẹru ụzo ẹnyanwu-awawa; ẹphe je ahụma nsụda lẹ Shịna; ẹphe je ebukọbe l'ẹka ono.

2 Ndu eze 24:1

Ọ bụru teke ono, Jiehoyakimu bụ eze bẹ Nebukadineza, bụ iya bụ eze ndu Bábilọnu jeru ọgu l'alị ono. Jiehoyakimu nọdu iya l'ẹka apha ẹto. A nọnyaa; ọ ghachi kwefuahaaru iya ike.

2 Iphe, ndu eze meru 36:5

Jiehoyakimu nọwaru ụkporo apha l'apha ise teke ọ watarụ abụru eze. Iphe, ọ nọru l'aba-eze lẹ Jierúsalẹmu bụru apha iri lẹ nanụ. O mee iphe, dụ ẹji l'ẹnya Chipfu, bụ Chileke iya.

2 Iphe, ndu eze meru 36:7

Nebukadineza bẹ hakwarụpho ivu, dụ l'ụlo Chipfu vuta lashịa Bábilọnu je edobe l'ụlo agwa iya lẹ Bábilọnu l'ẹka ono.

Ẹzura 1:7

Eze, bụ Sayịrosu gwefụtakwapho ivu ụlo Chipfu ono, Nebukadineza shi gweta lẹ Jierúsalẹmu je edobe l'ụlo agwa iya phọ.

Azáya 11:11

Mbụ l'o -rwua mbọku ono bẹ Nnajịuphu a-machị ẹka iya ọzo k'ugbo ẹbo nafụtafuchaa nwandibe iya ndu ọphu a-phọdu l'alị ndu Asiriya; mẹ l'alị ndu Ijiputu; mẹ l'alị Paturọsu; mẹ ndu ọphu e-shi l'alị ndu Kushi; mẹ ndu ọphu e-shi l'alị ndu Elamu; mẹ ndu ọphu e-shi l'alị Shịna; mẹ ndu ọphu e-shi lẹ mkpụkpu Hamatu; mẹ ndu ọphu e-shigba l'ọha, bukube eze-ẹnyimu.

Azáya 42:24

?Bụ onye woru ndibe Jiékọpu haa g'ẹphe bụru iphe, a kwarụ l'ọkwata; mbụ haa ndu Ízurẹlu g'ẹphe bụru ndu a lwụtaru l'ọgu? ?Tọbudu Chipfu l'onwiya meru iya; mbụ onye ono, bụ iya bẹ anyi meshiru iphe-ẹji ono? Kẹle ẹphe te ekwedu etso ụzo iya. Ọphu ẹphe ekwedu eme ekemu iya.

Jieremaya 25:1

Ọwaa bụ opfu Chileke, o pfuru Jieremaya lẹ kẹ ndu Jiuda l'ophu l'apha, kwe Jiehoyakimu, bụ nwa Jiosáya apha ẹno, ọ watarụ abụru eze ndu Jiuda. Apha ono bụ apha mbụ, Nebukadineza watarụ abụru eze ndu Bábilọnu.

Jieremaya 27:16

Mu bya asụ ndu-uke Chileke; ẹphe lẹ ndu Jiuda l'ophu lẹ-a: “Wakwa iphe, Chipfu epfu baa: Unu ta ngakwa nchị l'opfu ndu mpfuchiru, asụje unu l'ọ bụfukwaa nwanshịi nta; l'aatụko ngwa ono, e gwetarụ l'ụlo Chileke laa alị ndu Bábilọnu ono gwephuta azụ. Ọ kwa ụka bẹ ẹphe adzụ lẹ mpfuchiru, ẹphe epfuru unu.

Jieremaya 28:3

L'ime apha labọ bẹ mu a-chị-phutakọta iphe, bụkpoo ngwa ụlo Chipfu ono azụ l'ẹka-a; mbụ ngwa ono, eze ndu Bábilọnu, bụ Nebukadineza chịtaru l'ẹka-a lashịa alị ndu Bábilọnu.

Jieremaya 35:11

O be gẹ Nebukadineza, bụ eze ndu Bábilọnu byaru bya asọpyabe alị ẹka-a; anyi sụ: ‘Unu byakwa g'anyi lashịa Jierúsalẹmu; g'anyi nahụ ndu ojọgu ndu Bábilọnu; yẹe kẹ ndu Arámu.’ Ọ kwa iya meru g'o gude ọ bụru lẹ Jierúsalẹmu bẹ anyi nọ.”

Jieremaya 50:2

“Unu raa ya arara radzuru iya ọhamoha g'a nụma-dzuru! Unu palia ẹkwa-ọhubama raa ya g'a nụma-dzuru! Unu ba adụkwa iphe, unu a-ha l'azụ. Ọchia iphe, unu a-nọdu epfu bụ-a: ‘Ndu Bábilọnu bẹ a kpụkwaru lẹ ndzụ. Balụ bẹ e mekwarụ iphe-iphere. Tẹme Maruduku bẹ ndzụ-agụgu gudewaru. Ntẹkpe phẹ bẹ e mekwarụ iphe-iphere. Tẹme e mee; ndzụ-agụgu rwuta iphemiphe ono, a kpụru akpụkpu ono.’

Jieremaya 51:44

Mu a-hụ̀ Balụ ahụ̀hù l'alị ndu Bábilọnu. Mu emee ya l'ọ gbọo iphe, o lwehawaru elwelwe. Ọhamoha taa wụedu awụ-pfu iya. Tẹme igbulọ mkpụkpu Bábilọnu adakpọshihu.

Danẹlu 5:13

E je ekunaa Danẹlu; ọ bya apfụru l'iphu eze. Eze bya asụ Danẹlu: “?Ọ kwa l'ị bụ Danẹlu; onye yị lẹ ndu nna mu, bụ eze kpụru lẹ ndzụ eshi l'alị ndu Jiuda?

Danẹlu 5:18

“Sụ-a eze; Chileke, bụ Ọkalibe-kangokọtaru-nụ meru nna ngu, bụ Nebukadineza eze; bya emee ya; ọ paa ẹka; bya emee ya; ọ dụ biribiri; bya adụ ùbvù l'ẹnya.

Habakuku 1:16

Ọo ya bụ; ọ gwaahaa ụgbu-egege iya ono agwagwa; bya eworu ụ̀nwù-isẹnsu, eshi kwẹekweekwee kpọo ọku gude gwaa ụgbu-aghagha iya; kẹle ọo ụgbu ono meru iphe; ọ nọ ndzụ eri gwọogwoo; bya enweru nri ọkpobe enweru.

Zekaraya 5:11

O yeeru mu ọnu sụ mu: “Ẹphe pa iya eje alị Shịna. Ẹphe eje iya akpụru ụlo l'ẹka ono. A -kpugheẹ ya phọ l'e woru nkata ono sụbe l'ọnodu iya.”

Ditoronomi 32:30

?Dẹnu g'onye lanụ e-shi chịa ụnu ụmadzu labọ l'ụmadzu ụkporo iri ọso? Mbụ-a; ?dẹnu g'ụmadzu labọ e-shi chịa ụnu ụmadzu ise ọso g'ẹphe gbala; gbahaa l'onye ono, bụ Agbara-mkpuma phẹ ono bẹ gbahawaru phẹ ẹka; mbụ lẹ Chipfu mịwaru phẹ ẹnya?

Ikpe 2:14

Tọbudu iya bụ; oke ẹhu-eghu Chipfu dapfuta ndu Ízurẹlu; o woru phẹ ye l'ẹka ndu ọ-lwụa-ọlaa; ẹphe lwụa phẹ alwụlwu. O nwuru phẹ nụ ndu ọhogu phẹ, bupheru phẹ mgburugburu, bụ ndu ẹphe ta adụedu ike wọtaba ọgu ọzoba.

Ikpe 3:8

Tọbudu iya bụ; Chipfu swibenuru ndu Ízurẹlu ẹhu-eghu; k'ọphu o nwuru phẹ ye l'ẹka Kushanu-Rishatayimu, bụ iya bụ eze ndu Mesopotémiya. Ndu Ízurẹlu nọdu Kushanu-Rishatayimu l'ẹka apha ẹsato.

Ikpe 4:2

Chipfu woru phẹ ye Jiabinu, bụ eze ndu Kénanu l'ẹka. Ẹka ọ nọ bụru eze bẹ bụ lẹ mkpụkpu Hazọ. Onye-ishi ndu ọhogu iya bụru Sizera, onye bu lẹ mkpụkpu Haroshetu-Hagoyimu.

1 Sámẹlu 5:2

Ẹphe parụ iya je edobe l'ime ụlo agwa phẹ, bụ Dagọnu; woru iya dokube Dagọnu l'onwiya.