2 Pyịta 2:9 - BAYỊBURU Izii

⁹ Ọniya bụ l'ọ -bụru l'o noo g'ọ dụ bụ ono; ọo ya bụ lẹ Nnajịuphu maru-a g'oo-me dzọo ndu kweru nkiya; maru g'oo-me yeru phẹ ẹka g'ẹphe nahụ iphe-ẹhuka, byapfutaru phẹ nụ; bya amakwarụpho g'oo-shi tuchia ndu iphe-ẹji l'ẹka ẹphe a-nọdu; l'ọ nụa phẹ aphụ k'iphe-ẹji, ẹphe meru; ọ bụru ẹka ono bẹ ẹphe a-nọdu jeye mbọku ikpe.

2 Pyịta 2:9 ပူးပေါင်းရင်းမြစ်များ

Jiobu 21:30

Sụ l'oke iphe-ẹhuka byaru ọha; ọphu ọ dụdu iphe, o meru onye ẹjo-iphe. Chileke bya atụ-koshi ndiphe oke ẹhu-eghu iya; ọphu ọ dụdu iphe, o meru onye ẹjo-iphe.

Jiobu 5:19

Iphe-ẹhuka a-byaru ngu akpọ ishii; l'ọ dzọchaa ngu; mẹkpoo akpọ ẹsaa; ọle o too kwedu g'ọ dụru iphe, oo-me ngu.

Ebvu-ọma 12:1

Gụbe Chipfu; bya agbaa mkpu lẹ ndibe ngu bvụakwaru! Ọ tọ dụekwa ẹka aahụmakwadu onye ire-lanụ.

Ebvu-ọma 32:6

Ọo ya bụ; g'iphe, bụkpoo ndu eme iphe, dụ gụbe Chileke ree pfujeru nụ ngu teke ẹphe nọ lẹ mkpa; g'ọo-bụru teke Eze Ẹnyimu iphe-ẹhuka ono byaẹrupho g'utso; o too rwudu phẹ l'ẹhu.

Ebvu-ọma 37:33

Obenu lẹ Chipfu te ekwejedu g'ẹphe daba phẹ l'ẹka; ọphu a byadu anma ndu pfụberekoto ikpe; mẹ a kpụru phẹ bya l'ụlo-ikpe.

Ebvu-ọma 4:3

Ọle ọphu unu a-maru bụ lẹ Chipfu họtawaru ndu yeru iya obu doberu onwiya. Mu -chiku Chipfu bẹ ọozaje mu ẹnu.

Ẹkwo Ẹtu 12:13

Onye ẹjo-ememe bẹ ẹjo-epfupfu, oogudeje ọnu iya epfu anmajẹ g'ọ́nyà. Obenu l'onye pfụberekoto anahụje iphe-ẹhuka.

Ẹkwo Ẹtu 16:4

Iphemiphe, Chipfu meru bẹ o meru doberu onwiya; mbụ je akpaa lẹ ndu ẹjo-iphe bẹ o meru doberu eswe eze iphe-ẹhuka.

Matiyu 10:15

Gẹ mu gbukwaaru iya unu tororo; ọo-kakwaru ndu Sọdomu yẹe ndu Gọmóra mma mbọku ikpe; eme lẹ mkpụkpu ono.”

Matiyu 6:13

Te ekwekwa g'anyi nmalahụ l'ọhutama. Nafụtachikwaa anyi g'anyi ta aba l'ẹka onye ẹjo-iphe.’ Kẹle ọo ngu bụ eze iphemiphe; bya abụru ngu nwe ike; nweru akpabiri jasụ lẹ tuutuutuu lẹ mịimiimii. Nokwa g'ọ dụ.

Romu 2:5

Obenu lẹ nta-a bẹ i nweru ẹjo ọkpoma kwefu ike g'odoo, Chileke eme te eme g'izimanụ lwa ngu azụ. Ọo ya bụ l'iime g'iphe-ẹhuka nkengu ka shii mbọku ikpe ono, Chileke e-goshi oke-ẹhu-eghu iya mẹ g'ikpe nkiya dụ, bụ iya bụ ikpe pfụru-ọto ono.

1 Kọrentu 10:13

L'ọ tọ dụkwa ọhutama, byapfutajewaru unu, 'abụdu ẹgube ọhutama, abyapfutajẹkwapho ndu ọzo. Obenu lẹ Chileke bụ onye emeje iphe, ọ sụru l'oo-me. O to kwedu g'a hụa unu ama hụghata iya g'ike unu ha; ọ chia lẹ teke aahụ unu ama ono bẹ oo-goshikwaphọ unu ụzo, unu e-shi nahụ ọhutama ono. Ọo ya bụ g'unu adụ ike tagbua ya lẹ nshi.

2 Timoti 3:12

Mbụ-a; iphe, bụkpoo ndu bụ ndu ọogu g'ẹphe lẹ Kéreshi Jizọsu tụgba bụru nanụ; g'ẹphe shi ẹgube ono nọdu ndzụ, dụ Chileke ree bẹ aa-kpakọtakwa ẹhu.

Tayitọsu 2:14

Onye woru onwiya nụ l'iswi ẹhu anyi g'oo-shi ẹgube ono gbata anyi l'ẹka iphe-ẹji; waa g'ọ saa obu anyi g'anyi bụru nkiya; mee anyi ndibe iya; ndu eme ọma anọduje ehe ihee.

2 Pyịta 2:4

Lẹ-a; ọ -bụru lẹ Chileke ta ahadụru ụnwu-ojozi-imigwe, meru iphe-ẹji g'ẹphe ria ya kẹ mmanụ; ọ tụa phẹ mkpọro chịru ye l'ọku-alị-maa; lẹ tsụkiribaa ẹka agba ọchii g'ẹphe nọdu ngabẹru mbọku ikpe onoya;

2 Pyịta 3:7

Igwe yẹle alị, bụ ọphu dụ nta-a bụkwa opfu ọnu bẹ e gude sede iya g'ọ nọdu jeye mbọku, ọku e-kepyashị iya, bụ iya bụ mbọku oke ikpe ono. Noo mbọku, Chileke a-nma ndu ta anụduru iya opfu ikpe; mee phẹ ẹphe abụru ọla-l'iswi.

Jiudu 1:6

Tẹme ụnwu-ojozi-imigwe ono g'ẹphe ha; mbụ ndu ọphu, kwefuru ike l'ẹphe taa nọpyabedu l'ẹka Chileke doberu phẹ g'ẹphe nọdu; bya agbado ẹka a sụru g'ẹphe buru l'imigwe bẹ Chileke tụkwaru mkpọro mgbe-abvụ-abvụ; chịru phẹ ye l'ẹjo ọchii ẹka gbahụru tsụkiribaa. Ọ bụru ẹka ono bẹ ẹphe a-nọdu jasụ l'oke mbọku ono, bụ mbọku, Chileke e-kpe phẹ mpfugbu ono.

Ọphulenya 3:10

Eshinu unu tarụ nshi ono, bụ iya bụ iphe, mu karụ unu g'unu meje ono; bẹ mbẹdua e-gudeshikwaphọ unu mẹ ọhutama -byaẹpho; mbụ ọhutama ono l'abya l'eliphe l'ophu; g'ọ hụa iphe, bụ ndiphe l'ophu ama ono.

1 Sámẹlu 29:10

Nta-a bụkwa g'i tehu l'ọnma ẹwa ụtsu unu lẹ ndu-ozi nnajịuphu ngu ono; mbụ ndu ono, unu l'ẹphe tụkoru swịru ono; g'unu tụgbua lẹ gẹregere nchi-abọhu.”