2 Pyịta 2:8 - BAYỊBURU Izii

⁸ Mbụ-a; ọ tọ dụdu mbọku-mbọku, nwoke ono pfụberekoto ono te eshidu aphụrwushije ẹnya; anụrwushi nchị l'ẹjo-ememe, ndu iphe-ẹji ono shi anọduje eme; k'ọphu bụ l'ẹjo-ememe, oogudeje ẹnya hụma mẹ ọphu ọonu lẹ nchị shi anọduje agbawashị iya obu.

2 Pyịta 2:8 ပူးပေါင်းရင်းမြစ်များ

Mbụlembu 13:13

Noo ya; ndu Sọdomu nọdu eme ẹjo-iphe; bya abụru ndu menụkaru Chipfu iphe-ẹji.

Ebvu-ọma 119:136

Ẹnya-mini asọ mu gborogboro l'ẹnya; kẹle e tee etsodu ekemu ngu.

Ebvu-ọma 119:139

Obu, mu yeru ngu rimiwaru mu ishi; kẹle ndu ọhogu mu ta agụbeduru opfu ngu iphe.

Ebvu-ọma 119:158

Ndu e gudedu ire phẹ ẹka bẹ agbarwuje mu ẹpho mẹ mu hụma phẹ; kẹle ẹphe te emejedu iphe, opfu ngu pfuru.

Ẹkwo Ẹtu 25:26

Onye pfụberekoto -parụ onwiya haarụ onye ẹjo-iphe; bẹ ọ dụkwa g'ishi nggele, a swọru ẹrwu; ọ dụ g'obvu-mini, a tụrwuru atụrwu.

Ẹkwo Ẹtu 28:12

Ọobujeru; onye pfụberekoto -nọdu atụ okoo; ẹhu atsọ-dzuru onyomonye ụtso. Teke onye ẹjo-iphe nyibaru l'ọkwa; ụnwu-eliphe achọaha ẹka ẹphe e-domi onwophẹ.

Ezekẹlu 9:4

sụ iya: “Je etsoru mkpụkpu Jierúsalẹmu l'ophu jegbabẹ. Ndu agụ aphụ bya ara ẹkwa k'ẹbyi ono, emegbabẹ l'ime mkpụkpu ono bẹ ii-me iphe-ọhubama l'egedegee ọnu-iphu.”

Ezekẹlu 9:6

Unu gbushia unwoke, bụwaa ọgerenya; mẹ ndu bụ okorọbya; mẹ ụnwumgboko; mẹ ụnwanyi; mẹkpoo ụnwegirima. Ọle ọo g'ọ tọ dụkwa ndu ọphu e meru iphe-ọhubama ono, unu e-byi ẹka. Ẹka unu a-wata iya bụ l'ụlo ono dụru mu nsọ ono.” Ọo ya bụ; ẹphe shi lẹ ndu bụ ọgerenya, nọ l'atatiphu eze-ụlo Chileke ono; wata phẹ egbushi.

1 Timoti 1:9

Ọle ọphu doru ẹnya bụ l'ọ tọ bụkwa ndu pfụberekoto bẹ a tụ-doru ekemu ono. Ọ kwa ndu adarwụ ekemu adarwụ; mẹ ndu bụ ọ-kari-ẹka; tụaru iya ndu anọduje akpọ Chileke ẹbo l'afụ; mẹ ndu iphe-ẹji; tụaru iya ndu adụduru Chileke nsọ; mẹ ndu ono adụdu iphe, bụ kẹ Chileke mẹ nanụ dụru ọphu ẹphe eyeru nsọ ono; bya atụaru iya ndu egbuje nna phẹ mẹ ne phẹ; bya atụaru iya ndu mgbugbụmadzu l'ophu.

Hiburu 11:4

Sụ-a; ọo ekweta Ebẹlu meru g'o gude o gweeru Chileke ngwẹja, ka kẹ Kénu ree. Chileke nata iya gụa ya l'onye pfụberekoto; ọ nwụhuchakpoo iphe, o meru nọdu epfuẹlaa opfu byasụ nta.

Jiemusu 5:16

Noo ya bụ; unu kọshijeru nwibe unu iphe-ẹji unu; tẹme unu epfukwaphọ anụru nwibe unu Chileke g'ee-me g'unu wekọrohu. Opfu, onye pfụberekoto pfuru nụ Chileke bẹ ike dụkwa l'ere ire.