2 Kọrentu 3:3 - BAYỊBURU Izii

³ Ọ bụwaa g'unu goshije l'unu bụ ẹkwo ọphu Kéreshi deru nụ anyi g'anyi pajẹru. Ẹkwo ọbu ta abụdu mini-ẹkwo bẹ e gude dee ya. Iphe, e gude dee ya bụ Unme, shi l'ẹka kẹ Chileke; mbụkwa Chileke ọphu dzụ ndzụ. Ọphu ẹka e deru iya abụdu lẹ mkpuma, dụ g'okwekpu; ẹka e deru iya bụ l'obu nemadzụ.

2 Kọrentu 3:3 ပူးပေါင်းရင်းမြစ်များ

Ebvu-ọma 40:8

Gụbe Chileke mu; iphe, adụje mu ree bụ gẹ mu mee iphe, dụ ngu l'uche. Ekemu ngu adụjee mu phọ l'obu tekenteke.”

Ebvu-ọma 42:2

Ẹkpiri Chileke; mbụ Chileke, dzụ ndzụ akpọ mu jegiri-jegiri. ?Bụ teke ole bẹ mu a-bya apfụru l'iphu Chileke?

Ebvu-ọma 84:2

Ọogushi obu mu ike; mbụ lẹ meji atọfuakwa mu atọfu ẹka ọogu mu anọdu l'eze-ụlo Chipfu. Obu mu; m'ogwẹhu mu l'ophu ara araku Chileke ono, dzụ ndzụ ono.

Awụfu 24:12

Chipfu sụ Mósisu: “Nyipfuta mu l'úbvú-a bya anọdu l'ẹka-a gẹ mu nụ ngu mkpuma, dụ bachịbachi, mu deru ekemu; waa iphe, mu sụru g'ẹphe meje, a-nọduje akpọ-ziru phẹ ụzo.”

Awụfu 31:18

Noo ya; Chipfu pfughechaẹpho opfu nụ Mósisu l'eli úbvú Sayịnayi; bya anụ iya bachịbachi mkpuma labọ, e deru Ekemu. Mkpuma ono bụ Chileke gude mkpụshi-ẹka iya dee ya iphe nwẹkiya.

Awụfu 32:15

Mósisu bya aghachi nyizetashịa l'eli úbvú ono; yẹe mkpuma labọ ono, dụ bachịbachi, e deru ekemu ono, o gude l'ẹka ono. Mkpuma ono bẹ e deru iphe l'iphu; dee ya l'azụ.

Awụfu 34:1

Chipfu sụ Mósisu: “Je awata bachịbachi mkpuma labọ ọzo, a-dụ gẹ kẹ mbụ phọ. Gẹ mu dekwaa ya iphe, shi nọdu lẹ kẹ mbụ phọ, ị tụkporu phọ.

Ẹkwo Ẹtu 3:3

B'ekwekwa gẹ n-yemobu yẹe ire-lanụ nahụ ngu. Woru iya tụkpoo l'olu g'ọleka; l'i woru iya dee pfube l'ime obu ngu.

Ẹkwo Ẹtu 7:3

Gbaru iya l'ẹka g'ọ bụru ngu echi mkpụshi-ẹka! L'i woru iya dee edede l'ime obu ngu!

Jieremaya 10:10

Obenu lẹ Chipfu bụ iya bụ ọkpobe Chileke. Ọ bụ iya bụ Chileke, dzụ ndzụ. Tẹme ọ bụru iya bụ Eze, a-nọ jasụ l'ojejoje. Ẹhu -nọdu eghu iya eghu; eliphe l'ophu anmahụ pyaapyaapyaa; ọphu ndu ọhamoha adụdu ike ata nshi anata oke-ẹhu-eghu iya.

Jieremaya 17:1

“Iphe-ẹji, ndu Jiuda meru bụkwa iphe, e meru l'ígwè bẹ e gude kàá ya àkàkà; bya e gude iphe tụpyiru zịnguzingu dee iphe l'okwekpu ono, bụ obu phẹ; bya ede iphe lẹ mpu iphe, nọgbaa l'ẹnya ẹka ẹphe agwajẹ iphe.

Jieremaya 31:33

Wakwa iphe, Chipfu epfu baa: Wakwa ụdu ọgbandzu ọphu mu l'ọnu-ụlo Ízurẹlu a-gba: mẹ e -mechaẹpho teke ono. Ekemu mu bẹ mu e-woru ye phẹ l'egomunggo. Ọ bụru l'ime ọkpoma phẹ bẹ mu e-de iya edede. Mu a-bụru Chileke phẹ; ẹphebedua abụru ndibe mu.

Ezekẹlu 11:19

Mu e-me g'obu bụru phẹ nanụ; mu e-woru unme ọ̀phúú ye phẹ l'ẹhu; mu ewofu ọkpoma mkpọlanu, ẹphe nweru; woru ọkpoma, dụ bẹlebele nụ phẹ;

Danẹlu 6:26

“Nta bẹ mu tụru ekemu sụ-a: ‘G'onyemonye nọ l'ẹkameka l'alị-eze mu-a l'ophu l'ophu tsụkotajekwa Chileke Danẹlu ebvu; kwabẹ iya ùbvù! “ ‘Noo kẹle ọo ya bụ Chileke ọphu dzụ ndzụ; bya abụru Chileke, a-nọdu jasụ l'ojejoje. Alị-eze iya ta adụdu onye byaru emebyi iya emebyi. Ọ bụru iya a-bụru eze jasụ l'ikpazụ.

Matiyu 16:16

Sayịmonu Pyịta sụ iya: “Ọo ngu bụ Kéreshi ọbu, bya abụru Nwa Chileke; mbụ Chileke ọphu nọ ndzụ.”

1 Kọrentu 3:5

Mbụ-a; Apọlosu ono; ?ọ bụ onye? Tọo Pọlu; ?ọ bụ onye? Ọ tọ dụkwa ndu ọzo, anyi bụ gbahaa ndu ejeru Chileke ozi; ndu goshiru unu ụzo, unu shiru bya eworu onwunu ye Jizọsu l'ẹka. G'anyi ha nwekọtaru iphe, Nnajịuphu sụru g'anyi mee.

2 Kọrentu 3:6

yẹbedua, bụ iya meru anyi sụru eme g'a maru l'anyi bụ ndu ejeru Ọgbandzu ọ̀phúú ono ozi. Ọ tọ bụkwa ekemu ọphu e deru l'ẹkwo bẹ ọonuje anyi nta-a. Ọ kwa Unme-dụ-Nsọ nkiya bẹ ọonuje anyi. L'ekemu ọphu e deru l'ẹkwo egbukwa egbugbu; obenu lẹ Unme Chileke l'anụje ndzụ.

2 Kọrentu 3:7

Sụ-a; ọ bụru l'ekemu mgbu-ọnwu ono e deru kaa ya akaka lẹ mkpuma, dụ bachịbachi ono bẹ gburu nwịinwii; k'ọphu bụ lẹ ụnwu Ízurẹlu ta adụdu ike lee Mósisu ẹnya l'iphu; mbụ ogbu nwịinwii ọphu e-mechaa phukashịhu nụ;

2 Kọrentu 6:16

Sụ-a; ?dẹnu g'eeshi wota eze-ụlo Chileke yẹe ụlo-nshi dogbabẹ? Ọ kwa anyi bụ eze-ụlo Chileke; mbụ Chileke ọphu nọ ndzụ. Lẹ Chileke pfukwaru iya l'onwiya sụ: “Mu e-buru eburu l'ime phẹ tsojeru phẹ eje ẹkameka, ẹphe eje. Mu abụru Chileke, doberu phẹ nụ; ẹphe abụru ndibe mu.”

1 Tesalonayika 1:9

Iphe, bụkpoo ẹka anyi jeru bẹ aanọduje epfugbaa kẹ g'unu gude meshiberu anyi g'anyi byajẹru ndu unu-a; mẹ g'unu gude sefukọtawaa ẹka l'agwa ọbvu bya aghachiwaru Chileke iphu; wata ejeru ọkpobe Chileke ono, nọ ndzụ ono ozi;

Hiburu 10:16

“Ọwa-a bụ ọgbandzu, mu l'ẹphe a-gba mẹ mbọku ono -rwuẹpho. Nokwa iphe, Chipfu eepfu. Ekemu mu bẹ mu a-tụshi ye phẹ l'obu; mu edee ya edede l'egomunggo phẹ.”

Hiburu 8:10

Chipfu sụkwapho: Ọwa-a bụ ọgbandzu mu l'ụnwu Ízurẹlu a-gba mẹ o -rwuẹpho teke ono. Ekemu mu bẹ mu a-tụshi ye phẹ l'egomunggo. Ọ bụru l'ime ọkpoma phẹ bẹ mu e-de iya edede. Mu abụru Chileke phẹ; ẹphe abụru ndibe mu.

Hiburu 9:14

Eshinu ọ dụ nno eviya bẹ mee kẹ Kéreshi l'a-kabakwanụ ere ire. Kéreshi ono shi l'ẹka Unme Chileke, anọ je-adụwaruro ya woru onwiya gweeru Chileke ngwẹja, adụdu ẹka ntụji dụ iya. Mee nkiya ono a-kabakwaanụ asafụ obu anyi g'ọ dụ ree l'iphu Chileke; k'ọphu anyi a-hakwanụ eme iphe, Chileke a-nma anyi ikpe ọnwu; letachia ẹnya l'ozi Chileke, bụ Chileke dzụ ndzụ.

Jioshuwa 3:10

Waa g'unu e-shi maru lẹ Chileke ọphu dzụ ndzụ bu l'echilabọ unu baa; tẹme l'ọo-chịfuru unu ndu Kénanu; waa ndu Hetu; waa ndu Hevu; waa ndu Pẹ́rezu; waa ndu Gigashi; waa ndu Amọru; waa ndu Jiebusu.

Ọphulenya 2:1

“Waa iphe, ii-de nụ ojozi-imigwe kẹ Chịochi Efesọsu baa: Ọwa-a bụ ozi, onye ono, chị kpokpode ẹsaa l'ẹkutara ono ziru; onye ejephe lẹ mgbaka orọku mkpọla-ododo ẹsaa ono.

Ọphulenya 2:12

Tẹme waa iphe, ii-de nụ ojozi-imigwe kẹ Chịochi Pegamọmu baa: “Ọwa-a bụ ozi, onye ono, gude ogu-echi, atsụ nkọ akpata iphu labọ ono ezi.

Ọphulenya 2:18

“Waa iphe, ii-de nụ ojozi-imigwe kẹ Chịochi Tayatayira baa: ‘Ọwa-a bụ ozi, Nwa Chileke ono ezi; onye ẹnya iya dụepho g'ìphóró ọku, enwu enwunwu; tẹme ọkpa labọ chakọta iya kẹ zịriri g'ope, a hụru l'ọku o gbuchafụ egbuchafụ.

Ọphulenya 2:8

“Waa iphe, ii-de nụ ojozi-imigwe kẹ Chịochi Sumena baa: “Ọwa-a bụ iphe, oopfu mbụ onye ono, bụ onye ivuzọ bya abụru onye ikpazụ; onye ono, shi nwụhu anwụhu; ọle ọ dzụwaa ndzụ ọzo ono.

Ọphulenya 3:1

“Waa iphe, ii-de nụ ojozi-imigwe kẹ Chịochi Sadisu baa: “Ọwa-a bụ ozi, onye ono ezi; mbụ onye ono gude Unme ẹsaa Chileke ono waa kpokpode ẹsaa ono. Mu makọtakwaru-a iphemiphe, unu emeje g'ọ ha. L'aanọduje eku unu ndu nọ ndzụ; ọle unu bụ ndu nwụhuru anwụhu.

Ọphulenya 3:14

“Waa iphe, ii-de nụ ojozi-imigwe kẹ Chịochi Layodeshiya baa: “Ọwa-a bụ ozi, oozi; mbụ onye ono, ẹpha iya bụ: Nokwa g'ọ dụ”; mbụ onye ono, ọ gbaru kẹ g'e gude ire iya ẹka l'iphemiphe, oopfu ono; bya abụru iya bụ onye pfuru anyi ọkpobe-opfu Chileke; bya abụkwaru iya phọ bụ onye iphemiphe, Chileke meru dobe lẹ mgboko shi l'ẹka.

Ọphulenya 3:22

“G'onye nweru nchị ngabẹkwa iya; nụma iphe-a, Unme Chileke epfu anụ iphe, bụ Chịochi g'ẹphe ha-a.”

Ọphulenya 3:7

Waa iphe, ii-de nụ ojozi-imigwe kẹ Chịochi Filadelufiya baa: “Ọwa-a bụ ozi, onye ono, dụ nsọ bya abụru onye ire-lanụ ono ezi. Onye ono, bụ iya gude ire-igodo eze ono, bụ Dévidi. Onye abụjeru: ọ -gụhaa ụzo; ọ tọ dụedu onye ọzo asụru iya agụ-chi; teke ọ gụ-chiru iya agụ-chi; ọ tọ dụedu onye ọzo sụru iya agụha.

1 Sámẹlu 17:26

Dévidi bya ajịa ndu pfụ-kube iya nụ sụ: “?Bụ gụnu bẹ ee-meru onye gburu nwoke Filisitayinu ono; wofu ndu Ízurẹlu iphe-iphere ọwana l'iphu? ?Bụ gụnu bẹ onye Filisitayinu-a, te ebuduru úbvù-a bụ kẹ g'ọ tụnwaa ndu ojọgu kẹ Chileke ọphu nọ ndzụ?”