1 Sámẹlu 5:3 - BAYỊBURU Izii

³ Ọ bya ebe gẹ ndu Ashịdodu tehuru l'ọnmewa ụtsu lẹ nchitabọhu iya; Dagọnu dawaa; kpube iphu l'alị l'atatiphu okpoko Chileke ono. Ẹphe bya apalia Dagọnu woru iya dophu azụ l'ẹka o shi dụ.

1 Sámẹlu 5:3 ပူးပေါင်းရင်းမြစ်များ

1 Ndu eze 18:26

Ẹphe bya akpụta oke-eswi lanụ l'ime oke-eswi, a nụru phẹ; gbua. Ẹphe kpọ-kua ẹpha Balụ shita l'ụtsu jasụ l'eswe asụje: “Gụbe Balụ; zanụ anyi oku!” Ọphu ọ dụdu ọphu, meru nụ; mbụ ọphu e yedụru phẹ ọnu. Ẹphe tsoru ọru-ngwẹja ono, ẹphe meru ono etephe ebvu mgburugburu.

Ebvu-ọma 115:7

Ẹphe nweru ẹka; ọphu ẹphe egudedu iya ewota iphe. Ẹphe nweru ọkpa; ọphu ẹphe ejedu ije; tẹme ọphu ẹphe egudedu ẹkpiri phẹ epfufuta opfu.

Ebvu-ọma 97:7

Iphe, bụkota ndu abarụ iphe, a pyịru apyịpyi ẹja; mbụ ndu gude nshi eku onwophẹ bẹ e mekọtaru iphe-iphere. Unubẹ nshi l'ophu; unu bya abaarụ Chileke ẹja!

Awụfu 12:12

“Ẹnyashi ono kwaphọ bẹ mu e-jedzuru alị Ijiputu; gbushigbua iphe, bụ ọkpara nemadzụ mẹ iphe-edobe. Iphe, bụkpoo agwa ndu Ijiputu l'ophu bẹ mu a-nụkota chịipfuu. Ọ kwa mbẹdua bụ Chipfu.

Azáya 19:1

Ọwaa bụ ozi, Chileke ezi lẹ k'ẹhu ndu Ijiputu. Unu lenu! Chipfu nọkwa l'urwukpu ezi phaaphaaphaa agba abya Ijiputu. Agwa ndu Ijiputu nọdu anma pyaapyaapyaa l'iphu iya. Meji rwushihu ndu Ijiputu.

Azáya 40:20

Ọobujeru onye daru ụkpa k'ọphu ọ tọo dụdu ike anụ Chileke ẹgube iphe ono; l'ooje ahọta oshi, kpọru akpaa; bya eje achọo onye eme ọna emegharu iya ẹka kua l'ọ bya apyịa ntẹkpe doberu iya; mbụ ntẹkpe, ta abyadụ aharịbejeru ọkpa aharịberu.

Azáya 41:7

Ndu maru eme ọna nọdu adụkpoepho ndu ụzu mkpọla-ododo obu. Onye ọphu egudeje ọngu akwọ iphe tẹretere nọdu agba onye ọphu edzepfuje iya edzepfu unme. Ọ -nọdu l'ọ sụ onye ọphu agbajẹ iya ọku gude dzepfua ya: “Ọ dụkwaa ree!” L'ọ bya akụa ntẹkpe ono ngga g'o to rikashịhu.

Azáya 46:7

Ẹphe apata iya tụa l'ukuvu phẹ parụ iya tụgbua. Ẹphe eje eworu iya kpọbe l'ẹka ọo-nọdu. Ọ bụru ẹka ono, a kpọberu iya ono bẹ oo-kpọru. Ọ tọ byadu eshi l'ẹka ono, a kpọberu iya ono kpịriberu. Teke nemadzụ byaru bya echiku iya lẹ mkpu; ọ tọo zadụ iya ẹnu. Ọphu ọ dụdu ike adzọta iya l'iphe-ẹhuka, byaru iya nụ.

Jieremaya 10:8

Ẹphe bụkota ndu enwedu egomunggo bya abụru ndu eswe. Iphe, ezi phẹ iphe bụ ntẹkpe, a pyịru l'oshi, adụdu urwu, ọ barụ.

Zefanaya 2:11

Chipfu e-me phẹ iphe, dụ ebvu; kẹle ọo-lọpyashi agwa, nọkota l'eliphe mgburugburu. Noo teke onyemonye a-wata abarụ Chipfu ẹja l'ẹka ẹphe nọkpoo; mẹkpoo iphe, bụ ọha, bukube eze-ẹnyimu.

Maku 3:11

Ọ nọdu abụjeru teke ọbvu hụmaeru iya phọ; ẹphe adaa kpurumu l'iphu iya chia mkpu sụ: “Ọo ngu bụ Nwa Chileke.”

1 Sámẹlu 6:1

Okpoko Chipfu ono nọo ọnwa ẹsaa l'alị ndu Filisitayinu.

1 Sámẹlu 6:5

Unu kpụa iphe, dụ g'oke-ẹjo-onwo ono, aphọ unu ono; waa okerepfu ono, eyi alị unu iyi ono; unu abya akwabẹ Chileke kẹ ndu Ízurẹlu ùbvù; g'a maru; ?ọo-tuwo ẹka l'egude kẹ njọ ada unu l'agwa unu; mẹ alị unu ẹka l'ẹhu?