1 Sámẹlu 3:3 - BAYỊBURU Izii

³ Ọphu orọku, dụ l'eze-ụlo Chileke teke anyịhudu teke ono. Sámẹlu zẹ azẹe l'ime eze-ụlo Chipfu ono l'ẹka okpoko ọgbandzu Chileke nọ.

1 Sámẹlu 3:3 ပူးပေါင်းရင်းမြစ်များ

2 Iphe, ndu eze meru 13:11

Ụtsugutsu; mẹ ụzenyashi nọnu bẹ ẹphe egwejeru Chipfu ngwẹja-akpọ-ọku; waa ngwẹja ụ̀nwù-isẹnsu, eshi kwẹekweekwee; bya edoo buredi, eedobeje l'iphu Chileke l'eli teburu ono, e mecharu emecha ono. L'ụzenyashi bẹ ẹphe eyeje ọku l'orọku ono, a tukoberu l'iphe, e meru lẹ mkpọla-ododo, aapfụbeje orọku ono. Ọ bụru iphe, kparụ iya nụ bụ l'anyịbedua eme iphe, Chipfu, bụ Chileke anyi sụru g'emeje. Obenu l'unubẹdua bẹ pawaru Chipfu haa.

Ebvu-ọma 27:4

Ọo iphe lanụ bẹ mu arwọ Chipfu; ọ bụru iphe ono bẹ mu achọ. Iphe ọbu bụ gẹ mu nọdu l'ụlo Chipfu jasụ lẹ gẹ mu a-nọberu lẹ mgboko-a; gẹ mu nọdukpoepho egbu igo l'ọ-dụ-úbvú Chipfu; tẹme mu anọdukwapho l'eze-ụlo Chipfu kpatajẹ iya ishi iphe.

Ebvu-ọma 29:9

Olu Chipfu anmajẹ achị yigayiga. Ọojishije ẹkwo l'ọswa; mee ya; l'o gheru karaphongu. Onyemonye, nọ l'ime eze-ụlo iya a-nọdu epfu; sụ: “Chileke dụkwa biribiri!”

Ebvu-ọma 5:7

Obenu lẹ mbẹdua a-byajẹ l'ụlo ngu; eshinu i yeru mu obu. Ọ bụru ntsumebvu bẹ mu e-gudeje gha iphu l'eze-ụlo ngu, dụ nsọ baarụ ngu ẹja.

Awụfu 25:31

“Gude ọkpobe mkpọla-ododo, e tsusaru etsusa mee iphe, aapfụbeje orọku. Mee ya g'o nweru oshi; waa ẹkali. L'o nweru ochi; nweru nkwo iya; nweru iphe, dụ gẹ nwopu okoko; waa iphe, dụ g'okoko, jawaru àjàjà. Tụkokwa iphemiphe ono mee gẹ yẹle iphe ono, aapfụbeje orọku ono dzepfua bụru nanụ.

1 Sámẹlu 1:6

Ọ bụru kẹle Chipfu mechiru iya ẹkpa nwa; ọphu ọ tsụdu ime ono kpatarụ iphe, nyeji iya anọduje adụka iya l'ọ́nyá ono gude akpatsushi iya aphụ.

1 Sámẹlu 1:9

Tọbudu iya bụ; Hana kwolihu g'ẹphe righechaaru nri; bya angụa iphe-angụngu lẹ Shilo. Teke onoya bẹ Elayi, bụ onye uke Chileke nọ anọo l'oshi, dụ l'ọnu eze-ụlo Chipfu.