1 Sámẹlu 2:9 - BAYỊBURU Izii

⁹ Ọo-nọduje abọru ndu dụru iya nsọ ụzo; ọle ndu ẹjo-ememe bẹ oomeje g'ẹphe tabuhu ọnu l'ọchii. Ọ tọ bụkwa ọkpehu bẹ nemadzụ egudeje phafụta ishi;

1 Sámẹlu 2:9 ပူးပေါင်းရင်းမြစ်များ

Jiobu 18:18

Aa-chịfuta iya l'ẹka ìphóró dụ; chịru iya je eye l'ẹka agba ọchii; mee ya l'ọ chịhu lẹ mgboko mgburugburu.

Jiobu 40:13

Tụko phẹ g'ẹphe ha lia elili l'alị! Woru phẹ iphu kpupyabẹ ekpupyabẹ l'ime ilu!

Jiobu 5:16

k'ọphu bụ lẹ ndu ụkpa bẹ ele ẹnya g'adzọo phẹ. O mee iphe, apfụduru-ọto mee ọnu sụtukumu.

Jiobu 5:24

Ibe ngu bẹ ịi-makpọru l'ọ tọ dụdu iphe, e-me iya nụ. L'ị bya agụa iphe, bụkpoo iphe, i nweru enweru ọgu; hụma l'ọ tọ dụdu ọphu etuphahụ etuphahụ.

Ebvu-ọma 1:6

Noo kẹle Chipfu abọru ndu pfụberekoto ụzo; obenu l'ụzo kẹ ndu ẹjo-iphe e-me; ẹphe abụru mkpurupyata.

Ebvu-ọma 105:37

Ọ bya edufuta ndu Ízurẹlu; kporu mkpọla-ododo yẹe mkpọla-ọchaa kpojia phẹ ẹka; ọphu ọ dụdu ụnwu Ízurẹlu ono g'ọ ka mma l'ọo onye lanụ, mkpọ kpọru l'ọkpa.

Ebvu-ọma 121:3

Onye ono, eche ngu nche ono bẹ mgbẹnya ta abyadụ ezinwuta ẹnya; tẹme ọphu o kwedu g'ọkpa chiswafụ ngu.

Ebvu-ọma 121:5

Ọo Chipfu eche ngu nche; bya abụru iya bụ mkpu, a tụru doberu ngu; tẹme ọ bụru iya anọduje ngu l'ẹkutara egbobuta ngu.

Ebvu-ọma 121:8

Ọo Chipfu l'eduje ngu ije l'ejeje mẹ l'alwalwa; shita nta-a jasụ l'ojejoje.

Ebvu-ọma 145:20

Onyemonye yeru Chipfu obu bẹ ọonoduje eche nche; obenu lẹ ndu ẹjo-iphe bẹ oo-mebyishikọta.

Ebvu-ọma 31:17

Jiko Chipfu; b'ekwekwa g'e kpua mu iphu lẹ ntụ; kẹle mu chikuwaru ngu lẹ mkpu. Ọo ndu ẹjo-iphe ono bẹ ee-kpuchia iphu lẹ ntụ; g'ọnu je a-bụru phẹ kpụrukudukuu l'alị-maa.

Ebvu-ọma 37:28

Chipfu bẹ ọ dụ ree g'ụnwu-eliphe kpeje ikpe, pfụru nhamụnha; ọphu ọ hajẹdu ndu yeru iya obu ẹka. Ọokwa-chije phẹ akwachi jasụ l'ojejoje; obenu l'awa ndu ẹjo-iphe bẹ oo-me g'ẹphe chịhu.

Ebvu-ọma 94:18

Teke mu chiru mkpu sụ l'ẹpurukutu echikọtaakwa mu bẹ n-yemobu nkengu wọtaru mu gẹ mu ta ada.

Ebvu-ọma 97:10

Gẹ ndu yeru Chipfu obu kpọkwa ẹjo iphe-ashị; kẹle ọ kwa ndu dụru iya nsọ bẹ ooletajẹ ẹnya. Ọ bụru phẹ bẹ ọonafutaje l'ẹka ndu ẹjo-iphe.

Ẹkwo Ẹtu 16:9

Iphemiphe, nwoke e-me bụ l'ime ọkpoma iya bẹ ọorije iya dobe. Obenu l'ọo Chipfu emeje gẹ nzọkpa iya ngụru angụru.

Ẹkwo Ẹtu 2:8

Ụzo ndu pfụberekoto bụru iya anọduje eleta iya ẹnya. Tẹme ọ nọdu anwụbejeru ndu yeru iya obu ẹnya.

Ẹkwo Ẹtu 3:26

Ọo Chipfu a-bụru agbara-ike ngu. Ọo ya bụ l'oo-me g'ị tị nmalahụ l'ọ́nyà.

Oziphe 5:17

yẹe anọno, ọ nọkotaru l'ọchii l'eliphe-a mgburugburu takọta kpọokpookpo; bya atsụkota pfụpfupfu; tẹme e mekọta iya iphe ẹhu-eghu?

Oziphe 9:11

Sụ-a; mu hụmakwarupho iphe ọzo lẹ mkpula ẹnyanwu-a. Ọ tọ bụdu onye ka ọso agbatajẹ ọso; ọphu ọ bụdu onye ọkpehu ka bẹ alwụkpeje l'ọgu. Tẹme ọphu ọ bụdu onye maru ẹkwo kachaa enweru nri; ọphu ọ bụdu onye maru iphe kachaa enweru iphe; ọphu ọ bụdu onye kachaa amaru ẹkwo bẹ eemejeru iphe-ọma. G'ẹphe ha bẹ ẹso yẹe ẹheni tụkoru etsokọta.

Azáya 27:3

Ọ kwa mụbe Chipfu eleta iya ẹnya. Mu agba iya mini mkpụrumkpuru. Mu nọdu eche iya nche eswe l'ẹnyashi; g'ọ tọ dụ onye e-mebyi iya nụ.

Azáya 47:5

Nọdukpoepho nwa nggujingguji! Je anọdukpoepho l'ẹka gbakọtaru ọchii; gụbe nwada ndu Bábilọnu. Kẹle nta-a bẹ e tee kubaẹdu ngu eze nwanyị, nwe alị-eze, iche iche.

Jieremaya 8:14

“?Bụnaa gụnu kparụ iphe, anyi nọ l'ẹka-a nggujingguji ọwa-a? Unu dzukọbenu g'anyi tụko gbalaa gbaru lagbaa lẹ mkpụkpu ono, a kpụ-pheru igbulọ mgburugburu ono je anọdu l'ẹka ono laa l'iswi; kẹle Chipfu, bụ Chileke anyi tụ-buwaru l'anyi a-la l'iswi; bya eworu mini, e yeru iphe, egbu egbugbu woru chee anyi. Ọ bụru iphe, kparụ iya nụ bụ l'anyi meru iya iphe-ẹji.

Jieremaya 9:23

Wakwa iphe, Chipfu epfu baa: “G'onye maru iphe te egudekwa mmamiphe iya kua onwiya! Ọphu onye ọkpehu dụ egudekwa ọkpehu iya kua onwiya! Ọphu onye nweru iphe egudekwa iphe, o nweru kua onwiya!”

Nahumu 1:8

Obenu l'oo-gude utso, nyiru ẹgu mee gẹ ndu Ninive chịhu. Ndu ọhogu iya bẹ ọo-chị ọso chịba l'ẹka gbakọtaru ọchii.

Zefanaya 1:15

Mbọku ono a-bụru mbọku, Chileke a-tukoshi ndiphe oke ẹhu-eghu iya. Mbọku ono bẹ ndiphe e-je iphe-ẹhuka; tẹme aphụ atsọru phẹ. Mbọku ono a-bụru ndiphe ọla-l'iswi; bụru phẹ mkpurupyata. Mbọku ono bẹ a-nọdu agba ọchii; bya adụ ragaraga; mbọku, urwukpu a-sọpyabe ẹkameka; ẹkameka ejihu kpakpalu.

Zekaraya 4:6

Ọ bụru iya bụ l'ọ sụ mu: “Wakwa opfu, Chipfu epfu anụ Zerúbabelu: E tee mekwa iya l'ike; ọphu eemekwa iya l'ọkarieka; ọ kwa onye e gude eme iya bụ Unme mu; nokwa iphe, Chipfu, bụ Ọkalibe-Kakọta-Ike eepfu.

Ọ́gú 6:24

“ ‘Gẹ Chipfu gọru ọnu-ọma nụ unu; chee unu.

Matiyu 8:12

Aa-gbẹ chịru ndu ọphu o gogo gba l'anọ l'ẹka Chileke bụ eze ọbu chịru ye l'ẹka gbahụru tsụkiribaa. Noo ẹka aa-nọdu kwaa ẹjo ẹkwa taa ikireze.”

Romu 3:19

Ọphu anyi makahakpọoru bụ l'iphemiphe, e deru l'ẹkwo ekemu Chileke bụ ndu a tụ-doru ekemu ọbu bẹ e dedoru iya. Ọo ya bụ g'ọ tọ dụ onye a-gọfu nụ. Ọnu abụru onyemonye kpụrukudukuu; wafụa g'onyemonye e-shi ẹgube ono bụru onye-ikpe nmarụ l'iphu Chileke.

Ditoronomi 33:3

Sụ-a; ndiphe bẹ o yeru obu; mbụ l'iphe, bụ ndu dụ nsọ nọkota iya l'ẹka. Ẹphe nọdu adajẹ kpurumu lẹ mgboru ọkpa iya; phozeta baarụ iya ẹja. Ọ bụru iphe, o pfuru bẹ ẹphe emeje.

1 Pyịta 1:5

Ọo kẹle ọo l'unu woru onwunu ye Jizọsu l'ẹka bẹ meru g'o gude ọ nọdu egudeje ike iya akwachi unu g'ọ tọ dụ iphe l'e-me unu jeye teke oo-goshi unu lẹ ya dzọhawaruro unu. Ọ kwarọ l'ikpazụ bẹ oo-goshi iya unu.

2 Pyịta 2:17

Ndu ono, ezi iphe, abụdu eviya ono bụ 'ọgalemkpa. Ẹphe dụ g'obvu, mini tahụru. Ẹphe dụ g'igwe -rwuchaarụ erwurwu k'edze mini; phẹrephere zikaa ya. Chileke nmawaru phẹ ikpe. Ẹka akwakọberu phẹ bẹ gbahụru tsụkiribaa.

Jiudu 1:1

Ẹkwo-ozi-a bẹ shi l'ẹka mbẹdua, bụ Jiudu; onye l'ejeru Jizọsu Kéreshi ozi; bụkwarupho nwune Jiemusu. Ndu mu ede iya anụ bụ ndu ono, Chileke kuru bya emee ẹphe bụru ndu nkiya ono. Chileke ono, bụ Nna bẹ yeru unu obu; bya akwakọbe unu l'ime Jizọsu Kéreshi g'ọ tọ dụ iphe, e-me unu.

Jiudu 1:13

Ẹphe dụkwapho g'akpara-mini, ha shii, l'atụ l'eze-ẹnyimu. Noo kẹle ẹphe aphụkpotaje ẹjo umere, rehuru erehu ono, ẹphe eme ono g'ẹka ụphu mini bulihuru. Ẹphe dụ gẹ kpokpode, ephu ụzo. Ọle ẹka Chileke doberu kwabẹru phẹ bụkwanu tsụkiribaa ẹka agba ẹjo ọchii. Ọ bụru ẹka ono bẹ ẹphe a-nọdu jasụ lẹ tuutuutuu lẹ mịimiimii.

Jiudu 1:3

Ndu mu yeru obu; iphe, mu shi arị lẹ mu e-deru unu l'ẹkwo-ozi-a bụ k'adzọta ono, Chileke dzọtaru anyi g'anyi ha ono. Ọ gbẹ bya akachia ree lẹ mu e-dechia ya gude dụa unu obu; g'unu bya awata agbaru ekweta ono ọdzori; mbụ ekweta ono e yeru ndu-nsọ kẹ Chileke l'ẹka ono.

1 Sámẹlu 25:26

Ọle-a nnajịuphu mu; bẹ eshinu Chipfu sephuwaru ngu azụ g'i ti je egbua ọchi waa g'ị tị gwata ụgwo iphe, e meru ngu l'ẹka onwongu; bẹ Chipfu -nọdu-a ndzụ g'ọ nọ iya-a; gụbedua nọdu; bẹ bụkwa gẹ Nebalụ dụ bụ gẹ ndu ọhogu ngu waa iphe, bụkota ndu l'achọ g'ẹphe e-shi mekata gụbe nnajịuphu mu a-dụ.