1 Sámẹlu 2:3 - BAYỊBURU Izii

³ Ọphu g'unu haa egude etsetse aba l'abaa; g'opfu etsetse te eshihẹkwa unu l'ọnu afụshi; noo kẹle Chipfu bụ Chileke, bụ iya nwe mmamiphe. Ọ bụru iya bụ onye enyochajẹ umere, nemadzụ emekọta ememe.

1 Sámẹlu 2:3 ပူးပေါင်းရင်းမြစ်များ

1 Ndu eze 8:39

shikwa l'imigwe, bụ ẹka ono, i bu ebubu ono nụma iya. Gụkwaaru phẹ nvụ; mee iphe, gbaru ngu nụ; l'i meeru onyenọnu g'iphe, oome gbaru; eshi ọphu ị maru obu onyemonye. Noo kẹle ọo gụbedua kpoloko bẹ maru obu ụnwu-eliphe l'ophu;

Jiobu 31:6

mbụ-a; gẹ Chileke tụ̀wa mu rọo l'iphe, ọotùje ndu ire-lanụ; g'ọ hụma l'ụta ta adụdu mu l'ẹhu.

Ebvu-ọma 147:5

Chipfu k'anyi parụ ẹka; tẹme ike iya bụru ike, nyịberu anyịbe. Nkwamẹnya nkiya ta adụdu onye sụru atụ ọnu g'ọ habe shii.

Ebvu-ọma 17:10

Imemini nemadzụ ta adụjedu phẹ; tẹme ẹphe nọdu egudeje ọnu eku onwophẹ.

Ebvu-ọma 31:18

G'ọnu ono, ẹphe gude adzụ orotophomu ono bụru phẹ kpụrukudukuu; kẹle ẹphe egudeje eku onwophẹ; waa akpọ nemadzụ ẹbo l'afụ; epfubyishi ndu pfụberekoto.

Ebvu-ọma 44:21

?Chileke tege avọdu iya vọfuta tọo; eshinu ọ makọtaru iphe, e domiru edomi, dụ nemadzụ l'obu.

Ebvu-ọma 75:5

Unu ta amalishiru igwe mpu! Unu te ewoshinuru olu pfụbe kanganaa asa kpaakpaa!”

Ebvu-ọma 94:4

Ndu eme ẹjo-ememe anọduje etu onwophẹ ọphushugbu. Ẹphe epfunụkaje okporokpo opfu, ọnu phẹ asụdu epfupfu.

Ẹkwo Ẹtu 16:2

Iphemiphe, nemadzụ emekpọo dụebe ree l'ẹnya nkiya. Obenu lẹ Chipfu maru iphe, dụ iya l'uche teke o meru iya.

Ẹkwo Ẹtu 24:12

Teke ị sụru: “?Anyi makwanụru iphe, eme nụ?” bẹ onye ono, enyoje obu nemadzụ ono manarụ-a iphe, iime. Onye ono, bụ iya edozi ndzụ ngu ono manụrupho iphe, eme nụ. Ọ bụru iya e-mechaa pfụa onyemonye ụgwo g'iphe, o meru gbaru.

Ẹkwo Ẹtu 8:13

Atsụ Chipfu ebvu bụkwa akpọ ẹjo-iphe ashị. Iphe, dụ mu ashị bụkwanu eku-onwonye yẹe etu onwonye ọphushugbu; yẹe eme ẹjo-ememe; waa epfu iphe, apfụduru-ọto.

Azáya 26:7

Ụzo, ndu pfụberekoto eshi pfụru nhamụnha. Sụ-a; gụbe onye obu gụru ìphóró; ọo ngu meru ụzo ndu pfụberekoto; ọ nọdu akwọ tẹretere.

Azáya 37:23

?Bụ onye bụ onye ono, i shi ephu iphu; bya epfutọshi iya ono? ?Bụ onye bẹ i shi atụ ụzu ekpu-a; mbụ onye ono, i gude eku-onwonye vọoru ẹnya ono? Ọ kwa Onye dụ Nsọ kẹ Ízurẹlu!

Jieremaya 17:10

Ọo mụbe Chipfu enyoje obu; tẹme mu nọdu eleje egomunggo ule; k'ọphu mu a-pfụ onyemonye ụgwo g'umere iya gbaru; mbụ g'iphe, o meru gbaru.”

Ezekẹlu 35:13

Ị gbawaru mu opfu; bya epfugbuwa g'ọnu haa ngu l'opfu ẹhu mu; mu tụko iya g'ọ ha nụmakota.

Danẹlu 4:37

Nta-a bẹ mụbe Nebukadineza ekele eze k'imigwe ekele; bya akwabẹ iya ùbvù; bya ekutsekwa iya phọ. Iphemiphe, oome pfụru nhamụnha bya adụkota ree; ọzo bụ lẹ ndu eku onwophẹ bẹ ọoduje ike kuzeta alị.”

Danẹlu 5:27

TEKELU bụru iphe, ọ bụ bẹ bụ l'ọ tụru ngu l'iphe, aatụ̀je iphe; ị dapehu.

Malakayi 3:13

Wakwa iphe, Chipfu epfu baa: “Unu pfushiakwaru ẹjo opfu, dụ igwerigwe kpua mu. “Unu a-jịkwaro sụ: ‘?Bụ ẹjo opfu, dụ ịdu-agha bẹ anyi pfuru kpua ngu?’

Hiburu 4:12

L'opfu Chileke dzụkwa ndzụ bya ere ire. Ọ kakwa ogu-echi, atsụ akpatiphu labọ atsụ nkọ; k'ọphu ọosujaje nemadzụ sụ-rwua mgbaka ọkpu yẹe ụmi iya; mbụ sụ-rwuchaa ẹka obu nemadzụ nọ; uche iya nọdu iya. Ọovofutajechaa iphe, nemadzụ arị mẹkpoo gẹ nemadzụ gbaru l'ime obu iya.

Jioshuwa 22:22

“Chipfu, bụ Chileke; bya abụru Ọkalibe-Kakọta-Ike makwarụ! Mbụ lẹ Chipfu, bụ Chileke; bya abụru Ọkalibe-Kakọta-Ike tụkokwaru iphemiphe maẹberu. G'unubẹ ndu Ízurẹlu makwarụ iya phọ! L'ọ tọ bụdu iphe, anyi gude kpụa ya bụ l'anyi eme g'anyi kwefuru iya ike. Ọo ya bụ lẹ teke unubẹ ndu Ízurẹlu mecharu bya amaru l'iphe, anyi gude kpụa ya bụ g'anyi kwefuru Chileke ike; unu tụkoepho anyi gbushigbua ntanụ-a.

Ọphulenya 2:23

Ụnwu iya g'ẹphe ha bẹ mu e-chigbushikọta echigbushi. Ọo ya bụ g'iphe, bụ Chịochi g'ẹphe ha amakwanụru l'ọo mbẹdua bụ onye ono, l'enyochajẹ uche nemadzụ; nyochaa ọkpoma iya maru iphe dụ iya l'egomunggo ono. Sụ-a; g'unu hakọtakpoo l'onye l'onye bẹ mu a-nụkotachaa aphụ gbaru iya nụ l'ẹhu l'ẹhu. Onyemonye bẹ mu a-nụ aphụ lẹ g'iphe, o meru gbaru.

Ikpe 9:38

Zebulu sụ iya: “?Dẹnuhunu ọnu ono, i shi apashị-a; mbụ ọnu, i gude sụ: ‘?Bụ onye bẹ Abimẹleku bụ kẹ g'anyi bya ejeahaaru iya ozi-a?’ ?Tọbunaa ndu-a bẹ i shi epfutọshi-a? Jenụ je adatso phẹ ọgu!”

1 Sámẹlu 16:7

Obenu lẹ Chipfu sụru Sámẹlu: “Te eleshirọ ẹnya l'ụgbugba iya; ọzoo g'ọ habe l'eli; noo lẹ mu jịkaru iya ajịka. Noo kẹle ọ tọ bụdu gẹ nemadzụ eleje ẹnya l'iphe, bụ gẹ Chipfu eleje iya. Nemadzụ anọduje ele ụgbugba eli ẹhu; obenu lẹ Chipfu anọduje ele ẹnya l'ime obu.”