1 Sámẹlu 2:2 - BAYỊBURU Izii

² Ọ tọ dụkwa onye dụbaa nsọ gẹ Chipfu; ọphu ọ dụekwa onye ọzo, l'atụru ngu nụ. O to nwedu oke mkpuma, dụ gẹ Chileke anyi.

1 Sámẹlu 2:2 ပူးပေါင်းရင်းမြစ်များ

2 Sámẹlu 22:3

Ọo Chileke mu bụ agbara-mkpuma, mu agbabajẹ je edomia onwomu. Ọo ya egbobutaje mu g'ọ tọ dụ iphe, e-me mu nụ. Ọ bụru iya bụ onye eegudeje ọkpehu iya dzọo mu. Ọo l'ime iya bẹ mu agbabajẹ je anọdu zeeru ndzụ. Tẹme ọ bụru iya bụ onye ndzọta mu; ọo yẹbedua adzọje mu l'ẹka ndu eme mu mkpawere.

2 Sámẹlu 22:32

?Bụ onye bụbaa Ọkalibe, dụ nụ, abụdu Chipfu kpoloko? ?Bụ onye bụba agbara-mkpuma, abụdu Chileke anyi?

2 Sámẹlu 7:22

“Ẹgube g'ị habekwanụ shii gụbe Nnajịuphu, bụ Chipfu! Ọ tọ dụdu onye dụ gẹ ngu; ọphu ọ dụdu Chileke ọzo, dụ nụ; gbahaa gụbedua; mbụ ẹgube ono, anyi gude nchị anyi nụmawa iya ono.

1 Ndu eze 8:23

pfuahaa sụ: “Gụbe Chipfu, bụ Chileke kẹ Ízurẹlu; ọ tọ dụdu Chileke ọzo, dụbaa gẹ gụbedua l'imigwe waa l'eliphe; mbụ gụbe onye edobeje ọgbandzu, unu lẹ ndibe ngu gbaru; bya egoshije l'i yeru ndu-ozi ngu obu; mbụ ndu gude obu phẹ g'ọ ha etso ụzo ngu.

Ebvu-ọma 111:9

Ndu nkiya bẹ ọ gbafụtaru; bya atụa ekemu sụ g'ọgbandzu iya dụkwa ojejoje. Ẹpha iya dụ nsọ bya adụ ebvu.

Ebvu-ọma 18:2

Ọo Chipfu bụ agbara-mkpuma nkemu; bya abụru ụlo-ezeru-ndzụ mu; bụru onye agbafụtaje mu nụ. Ọo Chileke mu bụ agbara-mkpuma, mu agbabajẹ je edomia onwomu. Ọo ya egbobutaje mu g'ọ tọ dụ iphe, e-me mu nụ. Ọ bụru iya bụ onye egudeje ọkpehu iya dzọo mu. Ọo l'ime iya bẹ mu agbabajẹ je anọdu zeeru ndzụ.

Ebvu-ọma 18:31

?Bụ onye bụba Ọkalibe, dụ nụ, abụdu Chipfu kpoloko? ?Bụ onye bụba agbara-mkpuma, abụdu Chileke anyi?

Ebvu-ọma 71:19

Apfụbekoto ngu rwuru akpaminigwe; gụbe Chileke; mbụ gụbe onye ono, meru iphe, parụ ẹka; ?Bụ onye atụru ngu; gụbe Chileke?

Ebvu-ọma 71:3

Bụnuru mu agbara-mkpuma, mu a-gbabajẹ je ezeeru ndzụ! Tụnaa ekemu sụ g'a dzọo mu! Kẹle ọo ngu bụ oke mkpuma nkemu; bya abụru ụlo-mgbobuta mu.

Ebvu-ọma 73:25

?Bụ onye bẹ mu nwebaru l'imigwe, abụdu gụbedua? Eshinu mu lẹ ngu nọ ta adụekwa iphe, nọ l'eliphe; agụkwadu mu ẹgu.

Ebvu-ọma 86:8

Agwa, nọkota nụ ta adụdu ọphu atụru gụbe Nnajịuphu; ọphu ọ dụdu iphe, ẹphe eme, dụru ọphu aatụ eyeru ọphu gụbedua eme.

Ebvu-ọma 89:6

Kẹle-a; ?bụ onye nọ l'imigwe bụ onye aa-nọdu atụ eyeru Chipfu? ?Mbụ dẹnu onye imigwe ọphu aa-nọdu atụ eyeru Chipfu?

Ebvu-ọma 89:8

Gụbe Chipfu, bụ Chileke, bụ Ọkalibe-Kakọta-Ike; ?bụ onye dụ gẹ ngu? Ị parụ ẹka gụbe Chipfu; tẹme ị nọdu apfụjeru pfụshia ike l'iphemiphe, i pfuru gbaa mgburugburu.

Ebvu-ọma 99:3

G'ẹphe jaa ẹpha ngu, bụ Ọkalibe ajaja; mbụ ẹpha ngu ono dụ nsọ; ndiphe nọdu atsụ iya ebvu.

Ebvu-ọma 99:5

Unu kutsee Chipfu, bụ Chileke anyi. Unu bya ephozeta lẹ mgboru ọkpa iya baarụ iya ẹja. Ọ dụ nsọ.

Ebvu-ọma 99:9

Unu kutsee Chipfu, bụ Chileke anyi. Unu baarụ iya ẹja l'úbvú iya, dụ nsọ; kẹle Chipfu, bụ Chileke anyi dụkwa nsọ.

Awụfu 15:11

?Dẹnu agwa, atụru gụbe Chipfu? ?Bụ onye dụ gẹ ngu? G'ị dụ-be nsọ bẹ dụ biribiri. G'ị dụ-be akpabiri dụkwapho ebvu. Iimeje iphe, dụgbaa biribiri.

Azáya 40:18

?Bụ onye bẹ unu a-tụru Chileke yeru? ?Bụ ntẹkpe gụnu bẹ unu a-sụ lẹ yẹe ya bụ iphe lanụ?

Azáya 44:6

Wakwa iphe, Chipfu epfu baa; mbụ onye ono, bụ eze ndu Ízurẹlu bya abụru onye gbafụtaru phẹ nụ; mbụ Chipfu, bụ Ọkalibe-Kakọta-Ike: Ọ kwa mbẹdua bụ onye ivuzọ; bya abụru onye ikpazụ. Ọ tọ dụekwa Chileke ọzo, dụ nụ; gbahaa mbẹdua.

Azáya 44:8

G'ẹhu ba nmakwa unu anmanma; mbụ gẹ ndzụ ba agụkwa unu! ?Mu te epfuhaadaru iya unu eshi lẹ mbụ; mbụ pfua ya raa ya arara? Mbụ-a; ọ kwa unu bụ ndu ekebe mu. ?Ọ dụru Chileke ọzo, dụ nụ, abụdu mbẹdua? Waawakwa! Agbara mkpuma ọzo ta adụhekwa. Ọ tọ dụekwa onye ọzo, mu maru.

Azáya 57:15

Kẹle-a; wakwa iphe, onye ono epfu; mbụ onye ono, ha shii; tẹme e kutsee ya ephekerephe; mbụ onye ono, nọ ndzụ ojejoje; onye ẹpha iya dụ nsọ: “Ẹka mu bu bụkwa ẹka dụ l'eli bya abụru ẹka dụ nsọ. Tẹme mu bukwarụpho l'ẹka o bu; mbụ onye izimanụ iphe-ẹji iya lwarụ azụ; bya ewoze onwiya alị; gẹ mu mee g'obu gụ-zeta onye wozeru onwiya alị; mu emekwaphọ g'obu gụ-zeta onye izimanụ iphe-ẹji iya lwarụ azụ.

Azáya 6:3

Ẹphe nọdu epfugbaa anụ nwibe phẹ asụje: “Nsọ! Nsọ! Nsọ! Chipfu, bụ Ọkalibe-kangokọtaru-nụ dụ nsọ! Mgboko l'ophu bẹ akpabiri iya jiru!”

Jieremaya 10:6

Ọ tọ dụkwa onye dụ gẹ gụbe Chipfu. Ị parụ ẹka; tẹme ẹpha ngu bẹ ike dụ.

Ndu Uke 11:44

kẹle ọ kwa mbẹdua bụ Chipfu; bya abụru Chileke unu. Ọo ya bụ; unu sachaa onwunu; unu adụ nsọ; kẹle mbẹdua dụ nsọ; ọphu unu atụrwukwa onwunu l'iphe, awụ awụwu, bụ ọphu akpụ wuruwuru l'alị g'ọ dụhabe;

Ndu Uke 11:45

kẹle ọ kwa mbẹdua bụ Chipfu, onye shi l'alị Ijiputu dufuta unu gẹ mu bụru Chileke unu. Ọo ya bụ lẹ-a; unu dụkwa nsọ; kẹle mbẹdua dụkwa nsọ.”

Ndu Uke 19:2

“Waa iphe, ii-pfuru yeru ụnwu Ízurẹlu l'ophu baa; sụ phẹ lẹ-a: Unu dụkwa nsọ; kẹle mbẹdua, bụ Chipfu bya abụru Chileke unu dụkwa nsọ.

Romu 15:4

L'iphemiphe, e dekọtaru teke ndiche bẹ e dekwaru g'o zia anyi iphe. Ọoduje anyi obu g'anyi adụje ike taa nshi nọdu ele ẹnya iphe, Chileke kweru anyi ukwe iya.

Romu 4:8

Ẹhu-ụtso bụ k'onye Nnajịuphu taa gụkoeduru iphe-ẹji ililekpọo.”

Ditoronomi 3:24

‘Gụbe Nnajịuphu, bụ Chipfu; nta-a bẹ ị watawarụ egoshi mụbe onye-ozi ngu g'i habe shii; yẹe ọkpukpu-ike ngu. ?Bụ agwa, dụ ịdu-agha, nọ l'eliphe-a; ọzoo l'imigwe sụru eme iphe, parụ ẹka iimegbabẹ-a?

Ditoronomi 32:20

Ọ sụ: “Mu e-wofu phẹ ẹnya; gẹ mu hụmaeshikwa iphe, ẹphe e-mechaa bụru. Noo kẹle ẹphe bụ ọgbo, ụzo phẹ gberu nggọ; mbụ ụnwegirima, ta apfụshijedu ike l'iphe, ẹphe pfuru.

Ditoronomi 32:39

Unu hụmakwa; ọ kwa mbẹdua kpoloko bụ Chileke! Ọ tọ dụekwa Chileke ọzo, dụ nụ; gbahaa mbẹdua. Ọ kwa mbẹdua emeje g'a nwụhu; tẹme mu nọdu emeje g'a nọdu ndzụ. Ọo mbẹdua emekajẹ iphe; ọ bụru mu emeje g'e wekọrohu; ọphu ọ dụdu onye adụ ike anafụ mu onye mu guderu.

Ditoronomi 32:4

Ọ bụ iya bụ oke mkpuma ono! Iphemiphe, oome nọdu adụebeje ree; tẹme ụzo iya pfụkotaru nhamụnha. Ọ bụ Chileke, apfụshije ike l'iphe, o pfuru; ọphu ọ dụdu iphe, apfụduru-ọto, oomeje. Ọ pfụberekoto; tẹme obu gụa ya ìphóró.

Ditoronomi 4:35

E goshiru unu iphe ono; k'ọphu unu a-maru l'ọo Chipfu bụ Chileke; l'ọ tọ dụedu Chileke ọzo, dụ nụ.

Ditoronomi 4:39

Ọo ya bụ l'iphe, unu a-maru ntanụ-a; l'ọ dụkwapho unu l'ọkpoma bụ l'ọo Chipfu bụ Chileke l'imigwe ọphu nọ ephekerephe; bya abụru iya l'eli alị ọphu nọ iya lẹ mkpula; l'ọ tọ dụedu Chileke ọzo.

1 Pyịta 1:16

L'e dekwaru sụ: “Unu dụkwa nsọ; lẹ mbẹdua dụkwa nsọ.”