1 Sámẹlu 2:1 - BAYỊBURU Izii

¹ Tọbudu iya bụ; Hana pfuru nụ Chipfu sụ: “Obu mu ete ẹswa l'ime Chipfu; ọ bụru l'ime Chipfu ono bẹ a paliru mpu mu imeli. Mu nọdu asawaa kpaakpaa l'iphu ndu ọhogu mu; kẹle mu ete ẹswa l'ị dzọtaru mu.

1 Sámẹlu 2:1 ပူးပေါင်းရင်းမြစ်များ

2 Iphe, ndu eze meru 20:27

Tọbudu iya bụ; ndu Jiuda l'ophu; mẹ ndu Jierúsalẹmu tụko lwatashịa Jierúsalẹmu. Ọ bụru Jiehoshafatu bụ onye-ishi phẹ. Ẹphe gude ẹhu-ụtso awụ alwa; kẹle Chipfu bẹ mewaru g'ẹphe tụru okoo kpua ndu ọhogu phẹ.

Nehemaya 11:17

Onye ọzo bụ: Matanaya nwa Mayịka; Mayịka bụru nwa Zabudi; Zabudi bụru nwa Asafu, bụ onye-ishi ebvu-ekele; mẹ epfu anụ Chileke. Bakụbukaya bụ onye k'ẹbo l'ụnwunna Matanaya. Onye ọzo bụ Abụda nwa Shamuwa; Shamuwa bụru nwa Galalu; Galalu bụru nwa Jiedutunu.

Jiobu 16:15

Mu chịtawaru uwe-aphụ kpube onwomu; bya eworu ukuu-ẹnya mu nwua l'imime urwuku.

Ebvu-ọma 118:14

Ọo Chipfu bụ ike mu; bya abụru onye mu agụ-ku l'ebvu. Ọo ya bụ onye adzọje mu nụ.

Ebvu-ọma 13:5

Obenu l'ọo n-yemobu ngu bẹ mu dakoberu. Mu ete ẹswa; kẹle mu maru l'ịi-dzọta mu.

Ebvu-ọma 148:14

O meru g'onye ike dụ fụtaru ndu nkiya. Ọ bụru onye ono bẹ ndu dụru iya nsọ, bụ ndu Ízurẹlu anọduje aja ajaja ono; mbụ ndu ono, dụ iya l'obu ono. Unu jaa Chipfu ajaja.

Ebvu-ọma 18:2

Ọo Chipfu bụ agbara-mkpuma nkemu; bya abụru ụlo-ezeru-ndzụ mu; bụru onye agbafụtaje mu nụ. Ọo Chileke mu bụ agbara-mkpuma, mu agbabajẹ je edomia onwomu. Ọo ya egbobutaje mu g'ọ tọ dụ iphe, e-me mu nụ. Ọ bụru iya bụ onye egudeje ọkpehu iya dzọo mu. Ọo l'ime iya bẹ mu agbabajẹ je anọdu zeeru ndzụ.

Ebvu-ọma 20:5

Ọo ya bụkwanu g'anyi atụa okoo m'anyi nụmaepho l'ẹka nkengu kangoru. Anyi achị-liaru Chileke anyi ẹkwa-ọhubama. Gẹ Chipfu mekwarụ ngu iphemiphe, ị rwọkotaru iya!

Ebvu-ọma 21:2

I mekpọeru iya phọ iphe, dụ iya l'obu; ọphu ọ dụdu iphe, ọ sarụ ọnu sụ g'i meeru iya, i ti medụru iya.

Ebvu-ọma 35:9

Ọo ya bụ gẹ mu etee ẹswa l'ime Chipfu. Ẹhu atsọahaa mu l'ọ dzọtaru mu.

Ebvu-ọma 51:15

Gụbe Nnajịuphu; kụhaa mu ọnu; k'ọphu mu a-ja ngu ajaja.

Ebvu-ọma 71:8

Eswe l'ẹnyashi bẹ mu anọduje etu ngu ẹpha; bya atụ ọnu g'akpabiri ngu habe shii.

Ebvu-ọma 75:10

Mu a-swọshicha ndu ẹjo-iphe mpu, ẹphe gude eme ike; wolia mpu kẹ ndu pfụberekoto g'ọ pfụru kanganaa.

Ebvu-ọma 89:17

Kẹle ọo ngu bụ ike, dụ biribiri, ẹphe nweru. Ọ bụru l'ọo l'anyi dụ ngu l'obu meru iphe, iimeje g'ike anyi kangoo.

Ebvu-ọma 89:18

Mbụ lẹ-a; l'onye mgbobuta anyi bụkwa Chipfu bẹ nụru iya anyi; mbụ l'eze anyi bụkwa Onye Nsọ kẹ ndu Ízurẹlu bẹ o shi l'ẹka.

Ebvu-ọma 89:24

N-yemobu ngu waa apfụshi ike l'iphe, i pfuru l'a-nọdu swiru iya. Ọ bụru ẹpha ngu bẹ oo-gudeje mabẹ mpu iya gugugu.

Ebvu-ọma 9:14

Ọo ya bụ gẹ mu anọdu l'ọnu-abata Nwada Zayọnu ono jaa ngu ajaja; bya etekwaaphọ ẹswa l'ị dzọtaru mu.

Ebvu-ọma 92:10

Obenu l'i meru; ọkpehu mu dụ gẹ k'atsụ. Ị bya eworu manụ, eshi mkpọ wụa mu l'ishi.

Awụfu 15:1

Noo ya; Mósisu; waa ndu Ízurẹlu gụa ebvu-a nụ Chipfu sụ: Mu a-gụ ebvu nụ Chipfu; kẹle o goshiwaru l'ọ parụ ẹka. Ịnya mẹ ndu agba iya nụ bẹ o nwuru ye l'eze-ẹnyimu.

Awụfu 15:21

Miriyamu nọdu agụru phẹ ebvu ono; asụje: Unu gụa ebvu nụ Chipfu; noo kẹle o goshiwaru l'ọ parụ ẹka. Ịnya yẹe ndu agba iya nụ bẹ o nwuru ye l'echi eze-ẹnyimu.

Habakuku 3:1

Ọwaa bụ epfupfu, onye mpfuchiru Chileke, bụ Habakuku pfuru nụ Chileke. Ọ bụru olu aphụ bẹ o gude gụa ya l'ebvu.

Habakuku 3:18

Ọle mu e-gudelẹ-a iphe, Chipfu eme ete ẹswa. Ẹhu a-nọdule-a atsọ mu l'ẹ́ká Chileke ono, bụ onye ndzọta mu ono.

Luku 1:69

O meru gẹ Onye-Ndzọta, nyịberu anyịbe fụtaru anyi l'oshilọkpa onye nọ iya l'ẹka, bụ Dévidi.

Romu 5:11

Ọphu ọ bụdua ono kpoloko; anyi nọkwapho l'ẹka Nnajịuphu anyi, bụ Jizọsu Kéreshi ete ẹswa; mbụ onye ono, meru anyi lẹ Chileke doshiwaa ono.

Ditoronomi 33:17

Ọ dụ akpabiri g'oke-eswi, vu ụzo l'ẹpho ne iya. Mpu iya dụ gẹ k'atsụ. Ọ bụru mpu iya ono bẹ oo-gude adụ-tsushi ọhamoha l'ophu; mbụ je akpaa lẹ ndu bu l'ẹka igwe beru alị beru. Nokwaphọ g'ụnubuku oshilọkpa Ifuremu dụ; bya abụkwarupho nno bụ g'agụta agụta oshilọkpa Manásẹ dụ.”

Filipayi 3:3

Kẹle ọo anyịbedua buru ọkpobe úbvù; mbụ anyịbe ndu gude Unme-dụ-Nsọ abarụ Chileke ẹja; tẹme anyi nọdu anọduje l'ẹka Kéreshi Jizọsu ete ẹswa; ọphu ọ dụdu iphe, anyi gụberu iphe, eeme l'anụ-ẹhu.

Filipayi 4:4

G'ẹhu tsọjeepho unu ụtso l'ẹka Nnajịuphu tekenteke. Gẹ mu pfuphukwa iya azụ ọzo; g'ẹhu tsọjeekwapho unu ụtso.

Filipayi 4:6

G'ọ tọ dụkwa iphe, unu e-jeje ayọ ọshi iya. Iphe, unu e-mejechia bụ g'unu pfujeru nụ Chileke gude kajẹru iya iphemiphe, mkpa iya dụru unu; unu ekelejekwa iya phọ ekele.

1 Pyịta 1:8

Onye unu yeru obu; l'ẹbe abụ l'unu gude ẹnya hụma iya; unu ta ahụmaduru iya l'ẹnya kẹ nwanta-a; obenu l'unu kweru nkiya; ete ẹswa; ẹhu nọdu atsọ unu k'ọphu aamadụ g'a-tụ ọnu iya.

Ọphulenya 18:20

Teru ẹswa kpua ya gụbe igwe! Unubẹ ndu-nsọ; mẹ ndu-ishi-ozi ono; mẹ ndu mpfuchiru Chileke unu teje ẹswa lẹ Chileke bẹ nmawaru iya ikpe ẹjo-iphe ono, o meru unu ono!

1 Sámẹlu 1:6

Ọ bụru kẹle Chipfu mechiru iya ẹkpa nwa; ọphu ọ tsụdu ime ono kpatarụ iphe, nyeji iya anọduje adụka iya l'ọ́nyá ono gude akpatsushi iya aphụ.

1 Sámẹlu 1:7

Ọ bụru nno bụ g'ọonoduje anwụ aphagapha. Ọ nọdu abụjeru gẹ Hana jekpọoru l'eze-ụlo Chipfu; nyee ji iya ono akpatsu iya aphụ; k'ọphu bụ l'ọokwaje ẹkwa; jịka eri nri.