1 Pyịta 5:8 - BAYỊBURU Izii

⁸ G'ẹnya doo unu rịsaa g'unu nọdu che nche l'onye ọhogu unu, bụ Nsetanu tsoakwarụ ejephe g'oduma, tsoru aba hanyịhanyi achọ onye ọo-dzụ-gbu lajashịa taa.

1 Pyịta 5:8 ပူးပေါင်းရင်းမြစ်များ

Ẹsuta 7:6

Ẹsuta sụ: “Onye ọhogu anyi ọbu; bya abụru onye achị anyi lẹ njọ ọbu bụkwa ẹjo Hamanu-a!” Ndzụ rwuta Hamanu l'iphu eze; yẹle eze-nwanyị.

Jiobu 2:2

Chipfu sụ Nsetanu: “?Bụ awe bẹ i shi bya?” Nsetanu sụ Chipfu: “Mu ejenụpho ejeje; alwa alwalwaa l'eliphe. Mu tsonụrupho ọma mgboko aghaphe bọtorii.”

Ebvu-ọma 104:21

Oduma asụahaa ekiri achọ nri, oo-ri; mbụ nri, shi l'ẹka Chileke.

Ebvu-ọma 109:6

Yenu onye ẹjo nemadzụ g'o je akwachia ya ụzo. Zinaa onye a-nọdu ebo iya ibo g'o je apfụru iya l'iphu gbaa ya ekebe.

Ẹkwo Ẹtu 19:12

Eze -wata aba mba bẹ ọodujekwa g'ẹka oduma asụ ekiri. Obenu lẹ nemadzụ -dụ iya l'obu bẹ ọoduje g'ẹka iji dashịru l'eli ẹswa.

Ẹkwo Ẹtu 20:2

Ẹhu -wata eghu eze eghu bẹ ọodujekwa g'ẹka oduma asụ ekiri. Onye kpatsukwanụru iya iwe tuphawaru ndzụ iya.

Ẹkwo Ẹtu 28:15

Onye ẹjo-iphe -bụru eze ndu bụ ndu ụkpa; bẹ ọ dụkwa g'ẹka oduma asụ ekiri; ọzoo g'ẹka agụ abya ẹnari.

Azáya 50:8

Onye aharụ mu enge nọ mu ntse. ?Bụ onye sụru g'ọobya agụaharu mu iphe, mu meru? G'anyi pfụnuru dogba iya! ?Bụ onye bụ onye ọbu, epfu iphe, ọ sụru lẹ mu meru ọbu? G'onye ọbu byanụ apfụru mu l'iphu pfua ya!

Jieremaya 2:15

Oduma, dụ igwerigwe sụakwaru ekiri; bya abawaru iya hanyịhanyi. Ẹphe tụkowaru iphe, dụ l'alị iya mebyishichaa. Mkpụkpu, dụgbaa ya nụ bẹ a tụakwaru ọku; ọku tsufukọta iya; ọphu ọ dụedu onye bu iya nụ.

Jieremaya 51:38

Ndibe iya g'ẹphe ha asụgbaa ekiri g'oduma. Mbụ l'ẹphe asụgbaa kọroro g'ụnwu oduma nshịi.

Ezekẹlu 19:7

O woru ẹka ẹphe kpụshigbaaru ike nwutsushia; mbụ ẹka egbobutajẹ phẹ nụ; bya atụko mkpụkpu phẹ mee umerekete. Ndzụ-agụgu nọdu erwutajẹ ndu alị ono l'ekiri, ọosuje.

Ezekẹlu 22:25

Ndu mpfuchiru Chileke, nọ l'ime mkpụkpu ono bẹ achịru mkpụkpu ono ẹjo idzu; g'oduma, aba hanyịhanyi alajashị anụ, o gburu. Ẹphe egbushije nemadzụ; nakọo ẹku; mẹ iphe, vugbaa oke aswa. Ẹphe mewaa; g'ụnwanyi, ji phẹ anọedu paa ẹka l'ime mkpụkpu ono.

Danẹlu 6:24

Eze tụa ekemu; e je achịta ndu ono, gbapheru Danẹlu ono; bya achịru ye l'ọgba oduma; mẹ ụnwu phẹ; mẹ unyomu phẹ. Ọphu oduma ono ekwekpọdanu g'ẹphe rwua ọhu ọgba ono. Ọ wọchaa phẹ kpokokongu; labushia anụ phẹ; gwechaa okpu phẹ yọgiri yọgiri.

Hosiya 11:10

“Ẹphe e-mechakwaa tsoahaa Chipfu. Mbụ lẹ mu a-sụ ekiri g'oduma. Teke mu sụru ekiri ono; ụnwu mu anmarụ pyaapyaapyaa shi l'ụzo ẹnyanwu-arịba bya.

Hosiya 13:8

Mu e-tso phẹ ọgu lajashịa phẹ g'agụ, a natarụ nwa iya. Mu a-ta phẹ g'oduma atajẹ anụ, o gburu-a. Ọ bụru anụ-ẹgbudu a-lajashị phẹ tọgbo ẹba.

Jiowẹlu 3:16

Chipfu a-gbẹ l'úbvú Zayọnu sụa ekiri; nọdukwapho lẹ Jierúsalẹmu dee ririri. Eliphe yẹe akpaminigwe anmaa jiijiijii. Obenu lẹ Chipfu a-bụru onye ndibe iya a-gbabẹje lẹ mkpula je anọdu zee ndzụ. Mbụ l'ọo-bụru ụlo, a kpụshiru ike doberu ụnwu Ízurẹlu.”

Émọsu 1:2

Émọsu pfuru sụ: “Chipfu nọkwa l'úbvú Zayọnu asụ ekiri bya anọdukwapho lẹ Jierúsalẹmu ede ririri. Ẹka ndu eche atụru anọduje eche atụru kpọshihu nkụ. Tẹme elikota úbvú Kamẹlu nwụkota lwaa.”

Émọsu 3:4

Oduma ?ọonoduje l'ọswa sụa ekiri l'ẹbe o gude iphe, oo-ri? Mbụ-a; ?nwegbele-oduma abajẹ hanyịhanyi l'ẹka o bu l'ẹbe abụ l'o nweru iphe, o guderu?

Émọsu 3:8

Oduma sụakwaru ekiri. ?Bụ onye a-sụ lẹ ya ta atsụdu ebvu? Nnajịuphu, bụ Chipfu pfuakwaru opfu. ?Bụ onye a-sụ lẹ ya a-nọdu doo gẹ ya te epfu iphe, Chipfu pfuru?

Zekaraya 11:3

Unu ngabẹkpodapho nchị lẹ mkpu, ndu eche atụru akpọ; kẹle irwu-ẹswa ono, ẹphe echeje atụru ono bẹ e mebyishiwaru. Unu nụmakpodapho ekiri, oduma asụ; kẹle oke-ẹgbudu, nọ l'agụga ẹnyimu Jiọ́danu ono ghewaru ọnu.

Zekaraya 3:1

Tọbudu iya bụ; ọ bya egoshi mu Jioshuwa, bụ iya bụ onye-ishi ndu-uke Chileke ẹka ọ pfụru l'iphu Ojozi-Imigwe kẹ Chipfu ono; Nsetanu pfụkwaru iya phọ l'ẹkutara; abya edoshi iphe, o meru.

Matiyu 13:39

Ọhogu ono, gharu ohu mebyi-iphe ono bụru Obutuswe. Teke ono, ee-buta iya ebuta ono bụru g'ọo-dụ mẹ mgboko bvụjeepho. Ndu e-bu iya nụ bụru ụnwu-ojozi-imigwe.

Matiyu 24:42

Ọo ya bụ; unu che nche; kẹle unu ta amadụ mbọku, Nnajịuphu unu a-bya.

Matiyu 25:41

“Noo teke ọo-bya asụ ndu ọphu nọ iya l'ụzo ẹkicha: ‘Unu lụfu mu l'iphu; unubẹ ndu Chileke tụru ọnu. Unu wụba l'ọku ono, e-nwu gidigidi jadụru ono, bụ iya bụ ẹka Chileke meru doberu Obutuswe yẹe ụnwu-ojozi iya ono.

Matiyu 4:1

Tọbudu iya bụ; Unme Chileke bya eduta Jizọsu duba l'echiẹgu gẹ Obutuswe hụa ya ama.

Matiyu 4:11

Tọbudu iya bụ; Obutuswe ono parụ iya haa; ụnwu-ojozi-imigwe bya ejeahaaru iya ozi.

Maku 4:15

Ndu ọphu nọ l'agụga gbororo ẹka aatụ opfu Chileke bụ ndu nụmachaaru iya nụ; Nsetanu zirwuta bya anafụ phẹ opfu Chileke ono, a tụru l'ime obu phẹ ono.

Luku 21:34

“Ọle-a; unu chekwa onwunu nche. Unu te ekwekwa g'ike bvụ unu; opfu l'unu eri gwọogwoo; angụnuka mẹe; waa l'unu achọ-phe ẹku kẹ mgboko; ọdumeka bẹ mbọku ono a-tụkwa unu l'ụpfu.

Luku 21:36

Ọle-a; unu che nche tekenteke; unu pfu nụ Chileke g'unu a-dụ ike pfụ-shia ike mẹ iphemiphe ono -meje. Teke e mecharu unu apfụru l'iphu Abụbu-Ndiphe.”

Luku 22:31

A nọnyaa; Jizọsu ku Pyịta: “Sayịmonu! Sayịmonu! Lekwa! Nsetanu sụkwaru g'a haa ya gẹ ya hụkota unu ama g'unu ha; gẹ ya phụchaa unu g'onye aphụshi ẹswa l'ereshi.

Jiọnu 8:44

Unu bụ ụnwu Obutuswe. Ọ bụru Obutuswe bụ nna unu. Iphe, dụ unu ree l'obu bụru g'unu e-me mee iphe, dụ nna unu ono ree. E -shikpọo lẹ mbụlembu bẹ ọ bụhawaa mgbugbụmadzu. Ẹka iya ta adụjeduru l'ire-lanụ; kẹle ọ tọ dụdu ire-lanụ dụ iya l'ọnu. Ọ -dzụa ụka bẹ a mawaru l'ọo iphe, gbaru ẹgube onye ọ bụ bẹ oome; noo l'ọ bụ onye ntuphu-ire bụru nnajị ụka l'onwiya.

2 Kọrentu 2:11

Ọo ya bụ g'eeshi ẹgube ono gbobuta Nsetanu g'ọ tọ gbahaa anyi l'ẹregede eshinu anyi machaarụ iphe, ọ tụberu ememe majia ya ẹnya.

Efesọsu 4:27

Unu te ekwekwa gẹ Nsetanu kpata unu ụzo l'ẹhu.

Efesọsu 6:11

Unu tụko ngwọgu, shi l'ẹka Chileke kwaa onwunu; g'unu adụkwanu ike pfụru pfụshia ike l'ẹjo ụgho kẹ Obutuswe.

1 Timoti 2:15

Ọle iphe, Chileke l'e-gude dzọo nwanyị bụ anwụshi ụnwu; mẹ ọ bụkpowaru l'ọ nọ-shiru ike l'ekwekwe, o kweru kẹ Kéreshi; bya eyee ndu ọzo obu; bụru onye kẹ Chileke ọkpobe abụbu; bya edobe onwiya ọ̀rù.

1 Timoti 2:9

A bya abya l'ụnwanyi; iphe, dụ mu ree bụ gẹ nwanyị rịje ọriri maru ẹgube uwe, ooye l'ẹhu. Gẹ nwanyị yeje uwe gbaru iya nụ. G'iphe, ẹphe e-gudeje eme omemma bụru iphe, egoshi l'ẹphe doberu onwophẹ ọ̀rù bya esedeje onwophẹ. G'ọ tọ bụkwa eme ẹgbushi g'ọ bụru iya bụ ẹka ẹnya a-nọdu eje. G'ụnwanyi te egudejekwa mkpọla-ododo yẹe aka eme omemma. Ọphu ẹphe eyejekwa uwe erenụka ire gude akwa onwophẹ ngwa.

1 Timoti 3:11

Nokwaphọ gẹ unyomu phẹ bụfutaje ndu eeyeru ùbvù; ndu ta asụdu asụlasu; ndu adụje ike sede onwophẹ; ẹphe abụru ndu e gude ire phẹ ẹka l'iphemiphe.

1 Timoti 3:2

Onye-ishi Chịochi bụfutajekwa onye ụta adụdu lẹ ndzụ iya; onye alụ nwanyị lanụ; bụkwarupho onye esedeje onwiya; bụru onye nweru uche; onye umere iya dụ ree; onye ooheje ihee akwa ẹbyaa; l'ọ bụkwarupho onye adụje ike ezi ndu ọzo iphe.

2 Timoti 4:17

Ọo Nnajịuphu bẹ bụ onye pfụ-kube mu nụ eyeru mu ọkpukpu ike; ọo ya bụ k'ọphu mu e-zikọta ozi ono g'ọ ha gẹ ndiphe mgburugburu nụma-dzuru iya. Ọ kwa iya phọ bụ onye nafụtaru mu l'ọnu oduma.

Tayitọsu 1:8

Ọo g'ọ bụ-chiaru onye bụ ọ-kwa-ẹbyaa; onye maru l'iphe, dụ ree bẹ dụ ree; onye nweru egomunggo; onye pfụberekoto; bya adụ nsọ; bya abụru onye esede onwiya.

Tayitọsu 2:12

Eze-iphe-ọma ọphu ezi anyi g'anyi e-shi haa anọdu ndzụ, ùbvù Chileke adụdu; mẹ g'anyi e-shi haa ẹgu ẹjo-iphe kẹ mgboko-a; bụru ndu esedeje onwanyi; ndu pfụberekoto; waa ndu eyejeru Chileke ùbvù lẹ mgboko-a.

Tayitọsu 2:2

Zia unwoke ndu bụ ọgerenya g'iphe, ẹphe eme doje phẹ ẹnya; g'ẹphe meje umere, egoshi l'ọ gbaru g'e yejeru phẹ ùbvù; g'ẹphe sedeje onwophẹ; g'ekweta, ẹphe kwetarụ kẹ Kéreshi; mẹ eye obu phẹ; mẹ atanshi phẹ bụru ọkpobe iya.

Tayitọsu 2:4

Ọo ya bụ; g'ẹphe eshi ẹgube ono zụa ụnwanyi ọphu bụkwadu nwẹpa g'iphe, ẹphe eme doje phẹ ẹnya; ẹphe eyeje ji phẹ waa ụnwegirima phẹ obu.

Tayitọsu 2:6

Nokwaphọ g'ii-pfuru ụnwokorobya g'ẹphe sedeje onwophẹ.

Jiemusu 4:7

Ọo ya bụ; unu nọdu Chileke l'ẹka. Unu apfụ-chia Obutuswe ụzo; hụma l'ọo-gbaru unu ọso.

1 Pyịta 1:13

Ọo ya bụ; unu chịkobe egomunggo unu l'ẹkalanu; g'ọ kwabẹ akwabẹ g'onye liru anamụ l'upfu; unu esedeje onwunu esede; unu elekwaphọ ẹnya eze-iphe-ọma ono; Chileke e-meru unu teke Jizọsu Kéreshi e-goshi onwiya ono.

1 Pyịta 4:7

Sụ-a; teke iphemiphe-a l'abvụ bẹ dụkwaa ntse. Ọo ya bụ g'unu sedeje onwunu; g'ẹnya doo unu rịsaa; k'ọphu unu a-dụje ike epfu anụ Chileke.

Ọphulenya 12:10

Mu nụma mkpu, eechi l'imigwe sụ: “Ọ nwụakwaru nta-a. Chileke dzọakwaru anyi ọbu. Chileke goshiakwaru nta-a l'ọo ya bẹ ikemike dụ l'ẹka. L'eze ono, Chileke yeru ọ bya ono, bụ iya bụ Kéreshi bẹ goshiakwaru ike iya nta. A chịfuwaru onye mgbamu ono, shi anọduje edophe kwẹrikwerikweri l'iphu Chileke eswe l'ẹnyashi onoya; epfuru iya k'ụnwunna anyi; l'onye phọ meswekwaru; onye phọ meswee.

Ọphulenya 12:12

Ọo ya bụ; g'imigwe tee ẹswa; gẹ ndu bu iya nụ tekwaaphọ ẹswa. Obenu lẹ-a; nshịokwanu gụbe alị l'ophu; nshịo gụbe eze-ẹnyimu; kẹle Obutuswe gudewaa ẹhu-eghu bapfuta unu; eshinu ọ mawaru l'ọ tọ dụedu gẹ ya anọ-beru.”

Ọphulenya 12:9

A chịfu ẹjo-oke-agiyi ono l'imigwe. Ọ kwa-a ẹjo-oke-agiyi ono bẹ bụ agwọ teke ndiche phọ. Ọo ya bụ onye ono bụ Obutuswe bya abụru Nsetanu; mbụ onye anọduje edephu ụnwu-eliphe l'ophu. A chịfu iya l'imigwe l'ẹka ono; chịdata iya lẹ mgboko yẹe ndu ojozi iya g'ẹphe ha.

Ọphulenya 20:10

A bya eworu Obutuswe, bụ iya l'anọduje eduphushi phẹ ono bya eworu chie l'eze iduma ono, bụ ọku nshị-egbe l'enwuẹ ya phọ taphutaphu ono, bụ iya bụ ẹka ẹjo anụ-ẹgbudu phọ yẹe onye mpfuchiru phọ l'epfuje iphe, Chileke epfuduru ono nọ. Ọ bụru ẹka ono bẹ ẹphe a-nọdu l'aa-nụa phẹ chịipfuu eswe l'ẹnyashi jasụ lẹ tuutuutuu lẹ mịimiimii.

Ọphulenya 20:2

Ọ zụepho ẹjo-oke-agiyi ono gburumu; mbụ agwọ shi l'ichee ono, bụ iya bụkpoo Obutuswe ono bya abụru iya bụ Nsetanu. Ojozi-imigwe ono bya azụ-gude iya kee ya ẹgbu tọgbo; ọ zẹe l'ẹgbu ono ụnu apha labọ l'apha ụkporo iri.

Ikpe 14:5

Tọbudu iya bụ; Samụsinu yẹe nna iya waa ne iya tụko swịru jeshia Timuna. Ẹphe rwuẹpho l'opfu-vayịnu, nọgbaa lẹ Timuna ono; a bya l'amarụ; nwa oduma lụfutawa; aba hanyịhanyi azọ-kube Samụsinu.