1 Pyịta 5:7 - BAYỊBURU Izii

⁷ Unu tụko iphe, bụkpoo iphe, unu ayọ ọshi iya tụko ye Chileke l'ẹka; kẹle ẹnya iya ta alụfujedu alụfu l'ẹka unu nọ.

1 Pyịta 5:7 ပူးပေါင်းရင်းမြစ်များ

Ebvu-ọma 34:15

Chipfu anọduje eleta ndu pfụberekoto ẹnya. Ọ nọdu egbobeje nchị nụma olu phẹ m'ẹphe raku iya.

Ebvu-ọma 37:5

Woru iphemiphe, iime ememe ye Chipfu l'ẹka. Dakobe iya; l'oo-meru ngu iya.

Ebvu-ọma 40:17

Obenu lẹ mbẹdua bụ onye ụkpa bya abụru onye adụdu g'ọ dụ mu; ọle Nnajịuphu arịle-a ọriri ẹhu mu; mbụ l'ọo gụbe Chileke bụ onye eyejeru mu ẹka; bya abụru onye adzọje mu nụ. Jiko Chileke nkemu; b'akpọkwa ụpfu!

Ebvu-ọma 55:22

Woru iphe ono, e boru ngu g'i vuru ono haarụ Chipfu. Ọo-dụ-a ike gudeshia ngu; kẹle ọ tọ byadu aha ndu pfụberekoto g'ẹphe daa.

Ẹkwo Ẹtu 16:3

Woru iphe, bụkpoo iphe, iimekpọo ememe ye Chipfu l'ẹka; hụma l'iphe, bụkpoo iphe, ị chịru idzu ememe e-mejeẹpho g'ị chịru iya.

Matiyu 6:27

?Dẹnu g'unu ha onye e-gude ayọ ọshi yekwa ujiku ophu lẹ ndzụ iya?

Matiyu 6:28

“?Bụhunu gụnu meru iphe, unu akụ-phe photophoto k'uwe, unu e-ye l'ẹhu? Unu lewarọ ojimbvu, dụ l'ẹgu g'ọonoduje evu. Ẹphe te esedu akanya; ọphu ẹphe agbadu oghu k'akwa uwe.

Matiyu 6:31

Ọo ya bụ; unu ta akụ-phehẹ photophoto kẹ ‘?Bụ gụnu bẹ anyi e-ri?’ ‘?Bụ gụnu bẹ anyi a-ngụ?’ Ọzoo ‘?Bụ gụnu bẹ anyi e-ye l'ẹhu?’

Maku 4:38

Jizọsu nọduro l'ishi ụgbo ishi lanụ woru ishi tukobe lẹ pyilo; ekurọ mgbẹnya. Ẹphe kutee ya sụ iya: “O-zì-iphe! ?Tịi kpakpọdaro ishi? Ụgbo abyaakwaa anyi ekpukpu!”

Luku 12:22

Jizọsu sụ ndu etsoje iya nụ: “Noo iphe, mu gude sụ: Unu ta akụshi photophoto g'unu e-me ndzụ unu: k'iphe, unu e-ri; ọzoo k'ẹhu unu: k'iphe, unu e-ye l'ẹhu.

Luku 12:26

Ọo ya bụ; ọ -bụru l'unu taa dụdu ike eme nwiphe habe nwanshịi nno; ?bụhunu gụnu meru iphe, unu akụ-phe photophoto?

Jiọnu 10:13

Onye ono, e butaru ebuta ono agbalajẹ; kẹle ọ maru l'ọo ebuta bẹ e butaru iya; ẹbe ọ dụdu iphe, ọ gụberu atụru ono.

Filipayi 4:6

G'ọ tọ dụkwa iphe, unu e-jeje ayọ ọshi iya. Iphe, unu e-mejechia bụ g'unu pfujeru nụ Chileke gude kajẹru iya iphemiphe, mkpa iya dụru unu; unu ekelejekwa iya phọ ekele.

1 Sámẹlu 30:6

Iphe ono tsụshia Dévidi l'ẹhu ike; kẹle ndu ono bẹ epfu g'ẹphe tugbua ya lẹ mkpuma. Onyenọnu l'ime phẹ bẹ ẹhu gbangahụchaaru lẹ k'ụnwu phẹ unwoke mẹ ụnwada phẹ, a kpụtaru. Ọle Dévidi bẹ gbatarụ onwiya ike l'ime Chipfu, bụ Chileke iya.