1 Pyịta 3:3 - BAYỊBURU Izii

³ Omemma unu ta agbakwarụ g'ọ bụru iphe, eme l'akpọ-ẹhu, bụ iya bụ aswịngashi ẹgbushi; waa egude ụnwu iphe, e meshiru lẹ mkpọla-ododo kwaa onwunu ngwa; yẹle eye ẹrengete uwe.

1 Pyịta 3:3 ပူးပေါင်းရင်းမြစ်များ

Mbụlembu 24:22

Ịnya-kamẹlu ono ngụghechaepho mini ọbu; nwoke ono bya achịfuta eregede-imi, e gude mkpirikpu mkpọla-ododo mee; waa mgbalẹka labọ, e gude mkpọla-ododo, ẹrwa iya dụ shẹkelu iri mee woru chiẹ ya.

Mbụlembu 24:47

“Mu jịa ya sụ iya: ‘?Ị bụ nwatibe onye?’ “Ọ sụ lẹ ya bụ nwatibe Betuwẹlu, bụ iya bụ nwatibe Nahọ; onye ọphu Milika nwụtaru iya. “Mu bya eworu eregede-imi ye iya l'imi; bya agbabẹ iya echi-ẹka.

Mbụlembu 24:53

Ọ bya egwefuta ngwa, e gude mkpọla-ododo; yẹe mkpọla-ọchaa mee bya achịe Ribeka; bya achịekwaa ya phọ ẹkwa. Ọ nụkwapho nwune iya; ẹphe lẹ ne iya iphe, vu oke aswa.

2 Ndu eze 9:30

Noo ya; Jiehu tụgbua jeshia mkpụkpu Jiezerẹlu. Jiezebẹlu nụmaepho l'ọ byaru; o tee pẹnsuru ẹnya; memaa ẹgbushi iya emema; je eworu ẹnya pyofu lẹ windo.

Ẹsuta 5:1

O be lẹ mbọku k'ẹto; Ẹsuta wota uwe eze-nwanyị iya yee; bya atụgbua je apfụru l'ọma-unuphu ibe eze; mbụ l'atatiphu ụlo ẹka eze anọduje. Teke ono bẹ Eze nọ l'aba-eze iya l'ẹka ono woru iphu ghaa l'ọnu-ọguzo.

Ebvu-ọma 45:9

Ụnwada eze hachakwaaru yịru l'ụnwanyi aakwabẹ ùbvù l'ibe ngu. Ọo l'ẹkutara ngu bẹ eze-nwanyị pfụru. Iphe, o yeru l'ẹhu bụru iphe, e meru lẹ mkpọla-ododo Ofi.

Awụfu 3:22

Nwanyị, nọnu a-sụ onye obutobu iya; ọzoo nwanyị, bu l'ụlo iya g'ọ nụ iya iphe, e meru lẹ mkpọla-ọchaa; waa ọphu e meru lẹ mkpọla-ododo; waa uwe, unu e-ye ụnwegirima unu. Ọo ya bụ unu eshi nno kwaa iphe ndu Ijiputu l'ọkwata gude lashịa.”

Awụfu 32:2

Erọnu sụ phẹ: “Unu yeshia iphe-nchị mkpọla-ododo, unyomu unu; waa ụnwu unu unwoke; mẹ k'ụnwanyi unu yeru lẹ nchị; chịtaru mu!”

Awụfu 33:4

Ndu Ízurẹlu nụmaepho njọ-nzi ono; ẹphe waa ẹkwa; ọphu ọ dụdu onye kwarụ onwiya akwa.

Awụfu 35:22

Iphe, bụkpoo onye oohe ihee; unwoke mẹ ụnwanyi; gudegbaa iphe, e gude mkpọla-ododo mee bya anụ; mbụ iphe, dụgbaa gẹ ngga agbabẹ; mẹ eregede-nchị; mẹ iphe-ẹka; mẹwaro iphe ọzo, dụgbaa ẹgube ono. Ẹphe gudegbaa mkpọla-ododo phẹ ono bya anụ Chipfu g'ọ bụru ngwẹja-amama.

Awụfu 38:8

Ẹphe gude onyirubvu mee eze gbamụgbamu; yẹe ọkpa iya. Onyirubvu ono, ẹphe gude mee ya ono shi l'onyo ụnwanyi, anọduje eje ozi l'ọnu-abata ụlo-ẹkwa-ndzukọ.

Azáya 52:1

Tehu etehu! Tehu etehu; gụbe Zayọnu! Yenaa onwongu ọkpehu g'uwe! Yenaa uwe ngu ono, emeje ngu g'ị dụ biribiri l'ẹnya onoya; gụbe Jierúsalẹmu, bụ mkpụkpu ono, dụ nsọ ono. Ndu ebuduru úbvù; ẹphe lẹ ndu ono, aasọ nsọ ono taa bahụbaekwa l'ime ngu ọzo baa.

Azáya 61:10

Mu a-nọdu Chipfu l'ẹka tee ẹswa. Mbụ l'obu mu bẹ ẹhu atsọ l'ime Chileke mu; kẹle o yewaru mu ndzọta g'uwe; bya egude apfụbekoto kwaa mu yẹgele g'onye yeru uwe mkpẹlanu. O meru mu; mu dụ gẹ nwoke, abya alụ nwanyị k'ọ̀phúú; mu kpuchia iphe l'ishi g'onye uke Chileke; mbụ mee mu; mu nọdu ama gẹ nwanyị, akwakọ ala ji; mbụ nwanyị, gude iphe-nchị yẹle iphe-olu kwaa onwiya akwa.

Jieremaya 2:32

Nwamgbọko ?ọozohaje ịyagba iya? Tọo nwanyị, ala ji; ?ọozohaje iphe, e gude kwaa ya akwa ala ji? Obenu lẹ ndibe mu zọhawaru mu ujiku olemole, ete nweẹdu agụta.

Jieremaya 4:30

?Bụkwanu gụnu bẹ iime gụbe ochobu onoya? ?Dẹnu g'o gude i yee uwe, eke meemee; tẹme i yee ịyagba, e meru lẹ mkpọla-ododo? ?Dẹnu g'o gude i gude iphe techishia ẹnya? Akwa, ị kwarụ onwongu bụkwa kẹ mmanụ. Ndu gụ l'ẹphe eshi ọ̀nyà bẹ ị dụkwaa ashị. Ẹphe gbẹkwanu achọwa ndzụ ngu.

Ezekẹlu 23:40

“I zicharu ozi g'e zia ndu shi ụzo ẹnya g'ẹphe byachaa; ẹphe wụru bya. Ọ bụru ndu ono bẹ ị sachaaru onwongu degeberu; ị bya etee iphe l'ẹnya; bya egude ịyagba memaa onwongu emema kwabẹru phẹ.

Romu 12:2

Unu te ekwekwa eme g'ụnwu-eliphe anọduje eme. Iphe, unu e-mechia bụ g'unu haarụ Chileke onwunu g'ọ bụru iya l'a-nọduje agbanwe obu unu; g'uche unu bụru iphe ọ̀phúú g'unu a-dụje ike maru iphe, bụ uche Chileke, bụ iya bụ iphe, dụ iya ree; bụru iphe, ọ natarụ bya abụru iphe, dụebe ree.

1 Pyịta 3:2

Noo kẹle ẹphe e-gudewarọ ẹnya phẹ ahụma umere, adụdu ẹka ụta dụ iya, unu eme eyeru phẹ; opfu l'unu atsụ Chileke ebvu.