1 Pyịta 2:9 - BAYỊBURU Izii

⁹ Obenu l'unubẹdua bụ ndu Chileke gude ẹka iya họta. Unu bụ ọgbo uke kẹ Chileke; bya abụru ọha dụ nsọ; bụru ndu Chileke nwe enwenwe; k'ọphu unu e-me g'ajajẹ iya ajaja; mbụ onye ono kufutaru unu l'ọchii kuru unu ye l'ìphóró iya, dụ biribiri ono.

1 Pyịta 2:9 ပူးပေါင်းရင်းမြစ်များ

Ebvu-ọma 106:5

K'ọphu mu a-hụma ọ-dụ-ree, i doberu ndu ị họtaru; tsokwaru phọ ọha ono, bụ nkengu ono tee ẹswa; mbụ tsoru ndu ono, bụ okiphe ngu ono tua ngu ẹpha.

Ebvu-ọma 118:27

Ọ kwa Chipfu bụ Chileke. O meakwaru g'ìphóró, shi iya l'ẹka nwuaru anyi. Unu tụa anụ, unu gude abya egweru Chipfu ngwẹja eri; kpụta bya lẹ mgboru mpu, a nmabẹru l'ọru-ngwẹja iya.

Ebvu-ọma 135:4

kẹle Chipfu họtawaru Jiékọpu g'ọ bụru nkiya; mbụ l'ọ hatawaru Ízurẹlu g'ọ bụru ndu o nwe enwenwe gẹdegede kpọ.

Ebvu-ọma 22:30

Ọgbo, nọ l'iphu e-jeru iya ozi. Ọgbo, a-bya nụ bẹ aa-kọru kẹ Nnajịuphu.

Ebvu-ọma 33:12

Ẹhu-ụtso bẹ a gọru nụ ọha ono, bụ Chipfu bụ Chileke phẹ; mbụ ndu ọ họtaru; ẹphe bụru okiphe nkiya.

Ebvu-ọma 73:15

Ọ mẹ mu -jeru epfugbua g'ọ dụ mu; mẹ ọ -bụkwaru mgbamu bẹ mu agba ọgbo ọwa-a, bụ ụnwu Chileke-a.

Azáya 26:2

Unu gụhaa ụzo mkpụkpu ono ghebe ọnu; k'ọphu ọha ono, pfụberekoto ono, bụ ndu apfụshije ike l'iphe, ẹphe pfuru ono abahụ.

Azáya 41:8

A -byakwanụ lẹ gụbe Ízurẹlu, bụ onye-ozi mu; mbụ gụbe Jiékọpu; onye mu gude ẹka mu họta; mbụ gụbe oshilọkpa Ébirihamu, bụ onye mu l'iya eshi ọ̀nyà;

Azáya 42:16

Mu e-duru ndu atsụ ishi shia ụzo, ẹphe amahaada. Gbororo, ẹphe te eshijehaada bẹ mu a-kpọ-ziru phẹ ụzo iya. Mu e-me g'ọchii bụru ìphóró l'iphu phẹ; bya emee g'ụzo, dụ kpọkoro kpọkoro kpọkoro kwọru phẹ akwọkwo. Iphemiphe ono bụkota iphe, mu e-me; ọphu mu abyadụ aha phẹ.

Azáya 44:1

“Obenu lẹ-a; ngabẹ nchị nta-a; gụbe Jiékọpu, bụ onye-ozi mu; mbụ gụbe Ízurẹlu ono, mu gude ẹka mu họta ono.”

Azáya 61:6

Iphe, aa-nọdu eku unu abụru “ndu-uke kẹ Chipfu”. Iphe, aa-gụbe unu a-bụru “ndu ejeru Chileke anyi ozi”. Ọ bụru ẹku ụnwu-eliphe bẹ unu a-nọdu eri. Mbụ ọ bụru iphe-enweru phẹ bẹ unu e-gude eku onwunu.

Azáya 62:12

“Iphe, ee-ku ndu ono bụ ‘Ndu-nsọ kẹ Chileke’; ọzoo ‘Ndu Chipfu gbatarụ’. L'e kua gụbe Zayọnu ‘Nwanchọta’; ọzoo ‘mkpụkpu, a ta gbadoẹduru agbado’.”

Azáya 66:21

Tẹme mu a-hakwaru phẹ phọ họta g'ẹphe bụru ndu-uke mụbe Chileke; yẹle ndu Lívayi.” Nokwa iphe, Chipfu eepfu.

Azáya 9:2

Sụ-a; ndu nọ l'ime ọchii hụmaakwaru ìphóró, parụ ẹka. Ndu k'ono, bu l'alị ono, gbakọtaru tsụkiribaa ono bẹ ìphóró nwuakwarụ kẹ phorokotokongu.

Malakayi 3:17

Chipfu, bụ Ọkalibe-Kakọta-Ike bya epfua opfu ẹhu phẹ sụ-a: “Ẹphe a-bụkwaru nkemu. Mbụ lẹ mbọku, mu a-bya agbazi ẹku mu ono bẹ mu a-gụkwaru phẹ ye lẹ ndu bụ nkemu. Mu emeeru phẹ eze-iphe-ọma ẹgube ono, nna emejeru nwa iya, kweru nkiya ono.

Matiyu 4:16

Ndu ono, nọ l'ime ọchii hụmaakwaru ìphóró, parụ ẹka. Ndu k'ono, bu l'alị ono, gbakọtaru tsụkiribaa ono bẹ ìphóró nwuakwarụ kẹ phorokotokongu.”

Matiyu 5:16

Ọo ya bụ; g'ìphóró unu ngakọtakwa l'ẹka ndiphe nọ; k'ọphu ẹphe a-hụma iphe, dụ ree, unu emekọta gude iya jaa Nna unu, bu l'imigwe ajaja.”

Luku 1:79

g'ọo-bụru ìphóró, dụru ndu nọ l'ọchii mẹ ndu ọnwu heru gabala asọ-kputa; waa g'oo-duru anyi bahụ l'ụzo ẹhu-guu.”

Jiọnu 17:19

Ọ bụkwarupho iswi ẹhu phẹ bẹ mu zọberu woru onwomu gbaa ẹja ẹhu phẹ g'ee-shi g'ẹphebedua abụru ndu nkengu ọkpobe abụru.

Ndu-ishi-ozi 20:28

Unu leta onwunu ẹnya letakwaphọ ụnwu atụru ono, Unme-dụ-Nsọ yeru unu l'ẹka ono ẹnya. Unu bụru ndu azụ Chịochi, Chileke gude mee, Nwa iya gẹdegede gbaru l'oswebe; mee g'ọ bụru nkiya.

Ndu-ishi-ozi 26:18

‘Ii-je emee g'ẹphe saa ẹnya k'ọphu ẹphe e-shi l'ọchii fụta bata l'ìphóró; waa k'ọphu ẹphe e-shi l'ẹka Nsetanu fụta lwapfuta Chileke. Ọo ya bụ; mu agụaru phẹ nvụ l'iphe-ẹji phẹ gụru phẹ ye lẹ ndu mu họtawaru g'ẹphe bụru ndibe mu.’

Ndu-ishi-ozi 26:28

Agịripa sụ iya: “?I dobesu l'ii-pfubutakebewaa mu ẹgwegwa ẹgube ono gẹ mu bụru onye kẹ Kéreshi?”

Romu 9:24

Ọ bụru anyịbe ndu k'ono, o shi lẹ ndu Jiu mẹ ndu abụdu ndu Jiu kua ono bẹ ọ phụru obu-imemini ono.

1 Kọrentu 3:17

Onye emebyi eze-ụlo Chileke bẹ Chileke e-mebyikwaphọ. L'eze-ụlo Chileke dụkwa nsọ; ọ bụru unubẹdua gẹdegede bụ eze-ụlo iya ọbu.

Efesọsu 1:14

Unme-dụ-Nsọ ono egoshi l'anyi a-nata-a iphe ono, Chileke kweru ndibe iya ukwe iya ono, bụ iphe, anyi a-nata teke Chileke a-gbata ndibe iya ọkpobe agbata kẹ mkpọchi-ishi; g'anyi jaa ọdu-biribiri iya ajaja.

Efesọsu 1:6

g'anyi etuje Chileke ẹpha k'eze-iphe-ọma ono, dụ biribiri ono, o meru anyi kẹ mmanụ ono; mbụ anyịbe ndu anyi lẹ Nwa iya ono, o yeru obu ono tụgbaru bụru nanụ.

Efesọsu 3:21

G'e shi Chịochi l'ẹka tuje iya ẹpha; shikwaphọ l'ẹka Kéreshi Jizọsu tuje iya ẹpha jasụ lẹ tuutuutuu lẹ mịimiimii. Nokwa g'ọ dụ.

Ditoronomi 10:15

Ọ bụepho lẹ Chipfu bẹ nna unu oche phẹ dụepho l'obu; k'ọphu o yeru phẹ obu; bya ahọta oshilọkpa phẹ; ọphu ọ họtaduru ọhozo, nọgbaa nụ; g'ọ dụnaa ntanụ-a.

Ditoronomi 14:2

Noo kẹle unu bụ ọha, dụru Chipfu, bụ Chileke unu nsọ; tẹme lẹ Chipfu shiwaa l'echilabọ ọha, nọ l'eliphe mgburugburu họta unu dobe g'unu bụru ọha, bụ yẹbedua kpoloko nwe unu.

Ditoronomi 18:2

Ẹphe te enwedu okiphe g'ụnwunna phẹ; ọo Chipfu bụ okiphe nkephẹ, bụ iya bụ iphe, o kweru phẹ ukwe iya.

Ditoronomi 4:20

Obenu l'unubẹdua bẹ Chipfu lọfutaru l'ọ-ta-pfụpfupfu ọku, ekeje mkpụrukpu-ígwè; mbụ l'o dufutaru unu l'alị Ijiputu g'unu bụru iya ndu o ketarụ l'oke; g'unu bụnu iya-a ntanụ-a.

Ditoronomi 7:6

Noo kẹle unu bụ ọha, dụru Chipfu, bụ Chileke unu nsọ. Mbụ lẹ Chipfu, bụ Chileke unu họtawaru unu g'unu bụru ọha, o doberu iche g'ọ bụru nkiya. O doberu unu; unu nọ-ngoo iphe, bụ ndu nọkota l'eliphe l'ophu.

Filipayi 3:14

Mu anọduje adzọ gẹ mu gbafụ ọso ono l'ishi; k'ọphu mu a-nata obunggo, bụ iya bụ ndzụ ojejoje ono, Chileke shi l'ẹka Kéreshi Jizọsu kua mu gẹ mu bya anata l'imigwe ono.

Kọlosi 1:13

Ọ dzọtaru anyi l'ẹka ọchii nweru ike bya eworu anyi je edobe l'ẹka Nwa iya, o yeru obu bụ eze.

2 Timoti 1:9

Ọo Chileke ono bẹ bụ onye dzọru anyi; bya ekua anyi oku, dụ nsọ ono; ọ tọ bụdu iphe, anyi setarụ l'akanya; ọ bụ eze-iphe-ọma, bụ iphe, ọ tụbehawaru l'o noo gẹ ya l'eme iya. Ono bụru iphe, ọ gbẹ l'ẹka Kéreshi Jizọsu meeru anyi tẹme mgboko dụ.

Tayitọsu 2:14

Onye woru onwiya nụ l'iswi ẹhu anyi g'oo-shi ẹgube ono gbata anyi l'ẹka iphe-ẹji; waa g'ọ saa obu anyi g'anyi bụru nkiya; mee anyi ndibe iya; ndu eme ọma anọduje ehe ihee.

1 Pyịta 1:2

Mbụ unubẹ ndu Chileke, bụ Nna họtaru mee; unu bụru nkiya. Chileke họtaru unu; kẹle o shikpọoro lẹ mbụ maru l'unu l'a-bụru ndu nkiya. Tọbudu iya bụ; ọ bya ezia Unme-dụ-Nsọ; o mee unu: unu bụru nkiya; k'ọphu unu a-nọdu anụjeru Jizọsu Kéreshi opfu; wafụa gẹ Jizọsu ono egude mee ya safụkota unu iphe-ẹji, unu mekọtaru g'ọ ha. Mu sụ gẹ Chileke mee g'eze-iphe-ọma nkiya yẹe nchị-ọdu-doo rwube unu ẹka; rwube iya unu k'anyịnyi.

1 Pyịta 2:5

Unubẹdua kwaphọ, bụ ndu dụ gẹ mkpuma, dzụ ndzụ; bẹ Jizọsu Kéreshi gudekwa akpụ ụlo Unme-dụ-Nsọ; edozi ọgbo uke, dụ nsọ kẹ Chileke. G'unu bụru ndu a-nọduje anụ Chileke ngwẹja, dụ iya ree.

1 Pyịta 4:11

Ọ -dụru onye epfu opfu; g'onye ono pfujeẹ ya phọ g'ọ bụ Chileke l'onwiya epfu iya. Ọ -dụru onye eyetaru ndu ọzo ẹka; g'onye ọbu yetajẹ iya gẹ Chileke nụ-beru iya ike. Ọo ya bụ; g'ee-shikwanụ l'iphe, anyi emeje ememe ndiphe eshi Jizọsu Kéreshi l'ẹka kwabẹ Chileke ùbvù; mbụ onye ono, ọkwabe ùbvù mẹ eze ike, parụ ẹka apaa; bụ nkiya ono jasụ lẹ tuutuutuu lẹ mịimiimii. Nokwa g'ọ dụ.

Ọphulenya 1:6

Ọ bya emee anyi; anyi bụru eze; bya abụru uke Chileke; ndu ejeru Chileke, bụkwapho Nna iya ozi. G'ajaja mẹ ike bụkotaru kẹ Jizọsu jasụ lẹ tuutuutuu lẹ mịimiimii. Nokwa g'ọ dụ.

Ọphulenya 20:6

Ẹhu-ụtso yẹe adụ-nsọ bụ kẹ ndu a-yịru lẹ ndu ivuzọ ono, Chileke e-me g'ẹphe shi l'ọnwu teta nọdu ndzụ ono. Ọnwu nwụ-labọ phọ te erwudu phẹ ẹka; obenu l'ẹphe a-bụru ndu-uke kẹ Chileke; waa kẹ Kéreshi a-tụko bụru eze l'eliphe ụnu apha labọ l'apha ụkporo iri ono.

Ọphulenya 5:10

I mee phẹ: ẹphe bụgbaaru eze bya emekwaa phẹ phọ: ẹphe bụgbaaru uke kẹ Chileke anyi. Ọ bụru phẹ a-bụru ishi ndiphe l'ophu.”

1 Sámẹlu 12:22

Chipfu e-gudekwa l'ẹpha iya parụ ẹka apaa; ọ tọo mịdu ndibe iya ẹnya; kẹle ọo l'ọ dụ iya ree bẹ o gude mee unu g'unu bụru ndibe iya.