1 Pyịta 2:8 - BAYỊBURU Izii

⁸ Tẹme e dekwaaphọ sụ: “Mkpuma ono bẹ bụkwa mkpuma, anọduje adụ ndiphe ụpfu bya abụkwarupho epfu, ẹphe e-vukotajẹ daa iko.” Noo kẹle ẹphe jịkaru ekweta opfu Chileke. Ọ bụru gẹ Chileke dobekpọhawaru l'ọo-dụ phẹ bụ onoya.

1 Pyịta 2:8 ပူးပေါင်းရင်းမြစ်များ

Jiobu 23:14

Ọ chịru idzu mee iphe, dụ iya ree l'ẹhu mu. Ọ chịbakwaaro ẹgube idzu ono igwerigwe woru kwachiaru onwiya.

Awụfu 9:16

Obenu l'iphe, kparụ iphe, mu gude haa ngu bụ k'ọphu mu e-goshi ngu g'ọkpehu mu habe shii. Ọo ya bụ g'eepfukashị-dzuru ẹpha mu lẹ mgboko l'ophu.

Azáya 37:26

Sụ-a; ?ọ dụ g'ị tị nụmajeduru iya? Ọo mu tubuhawaru g'ọ dụ nno teke dụhawaa ẹnya. Mbụ l'ọ bụro teke ndiche bẹ mu chịhawaru iya rọo dobe. Ọ bụru nta-a bẹ mu meru iya g'ọ vụa; mbụ mee; i woru mkpụkpu, a kpụgbaaru o shihu ike mebyishia; ọ bụru ikpo mkpuma.

Azáya 57:14

Ee-mecha sụ: “Unu kpụnaa ya; unu kpụnaa ya; unu dozinaa ụzo! Unu wofuchaa iphe, a-nọ-chi ndibe mu ụzo.”

Azáya 8:14

Tẹme ọ bụru iya a-bụru ẹka e doberu nsọ. Teke a byaru l'ẹka ọnu-ụlo Ízurẹlu ono nọ; ẹphenebo bẹ ọo-bụru mkpuma, ee-vukotajẹ daa iko bya abụkwarupho agbara mkpuma, e-meje g'ẹphe daa iko. A -byakwanụ l'ẹhu kẹ ndu Jierúsalẹmu l'ọ bụru igbudu yẹe ọ́nyà, a gbaberu phẹ.

Luku 2:34

Simiyọnu bya agọoru phẹ ọnu-ọma bya asụ Meri, bụ ne nwata ono: “Nwata-a bẹ Chileke họtawaru g'ọ bụru e -vukota a daa; bụkwarupho a -kụbe ẹka a gbẹshi, dụru igwe ọha lẹ Ízurẹlu; g'ọ bụkwarupho onye aa-dụ igwerigwe jịka nkiya.

Romu 9:22

?Ịi-sụkwanu agha mẹ ọ -bụru l'ọo Chileke eme ẹgube ono? Ọ dụru ndu Chileke meru gẹ ya gude goshi oke-ẹhu-eghu iya; waa g'ike iya beru. A makwarụ-a lẹ ndu ono gbawaru g'o gege egude oke-ẹhu-eghu iya mebyia phẹ; ọle ọotaru phẹ nshi shii.

1 Kọrentu 1:23

Obenu l'iphe, anyịbedua ezi ozi iya bụ l'a kpọpyaberu Kéreshi l'oswebe. Ono bụru ụpfu, adụ ndu Jiu l'ọkpa; bya abụru iphe-eswe l'ẹnya ndu abụdu ndu Jiu.

2 Kọrentu 2:16

L'ọ dụru ndu ọphu mkpọ ozi-ọma ono atagbu l'ẹpho; ọ dụru ndu ọphu o meru g'ẹphe nọdu ndzụ. Ọo ya bụ; ?bụ onye sụru eje ẹgube ozi, dụ nno?

Galeshiya 5:11

Obenu-a; ụnwunna mu; ọme ọ bụ l'ọo g'e buje úbvù bẹ mu ezijekwadu asa iya asasa ono; ?m'ọ bụhunuru gụnu bẹ o gude a nọdu a-kpakwadụ mu ẹhu? Ọ -bụ l'ọ dụ ẹgube ono mẹ asasa, mu asa lẹ Chileke a-gụepho anyi lẹ ndu pfụberekoto; opfu lẹ Kéreshi nwụhuru l'oswebe tege adụkwa onye o gogo bụjeru iphe eghu.

1 Tesalonayika 5:9

Chileke ta atụkwaru anyi ẹka g'anyi bụru ndu ya a-tukoshi oke-ẹhu-eghu iya. Ọ chikwa g'anyi bụru ndu ya e-shi Nnajịuphu anyi, bụ Jizọsu Kéreshi l'ẹka dzọta.

1 Pyịta 2:6

Kẹle e deru l'ẹkwo-opfu Chileke sụ: “Lenu; mu gudeakwa ẹka mu tọgbo mkpuma lẹ Zayọnu. Mkpuma ono bẹ mu họtaru; ọ bụru mkpuma vu oke-aswa; tẹme ọ bụru itso gude ụlo. Iphe, bụkpoo onye daphuberu iya nụ bẹ ta abyakwa akwa izimanụ.”

1 Pyịta 2:7

Ọ kwa l'ẹhu k'unubẹdua, kwetarụ kẹ Kéreshi bẹ mkpuma ono bụ iphe, akwabẹ ùbvù; a bya l'ẹhu kẹ ndu te ekwedu kẹ Kéreshi bẹ; “Mkpuma ono, ndu l'akpụ ụlo jịkaru ono mechaarụ bya abụru mkpuma, gude ụlo.”

2 Pyịta 2:3

Ndu ono, anọduje ezi unu iphe, abụdu ọkpobe-opfu ono bụekwapho ẹkpiri okpoga bẹ eshitajẹ phẹ iphu. Ẹphe -gbẹshi; ẹphe atụko ụka, nọ lẹ mgboko dzụshia wụshiru unu. Ẹphe egude nno ghọpyabe unu l'ụgho; ria unu ọkpobe okpoga. Ọle ọ tọ dụekwanu g'ọo-nọ-beru nta-a; Chileke anmaa ẹgube ndu ono ikpe. Noo kẹle Chileke pfuhawaru iya rọ teke ndiche dobe edobe. Mbụ l'iphe ono, bụ iya e-gbu ndzụ phẹ ono te ekujekwa mgbẹnya.

Jiudu 1:4

Iphe, mu gude epfu iya bụ l'ọ harụ nweru ndu ta akwabẹdu Chileke ùbvù, tọru nwẹhu pyobata l'echilabọ unu; ẹbe a madụ. Ẹphe anọduje ezi l'ọ dụa ree gẹ nemadzụ meje umere, rehuru erehu; eshinu Chileke bụwanu onye emeje eze-iphe-ọma. Ẹphe nọdu ajịkaje Jizọsu Kéreshi ono, bụ iya bụ Nnajịuphu anyi kpoloko; bya abụkwaru iya phọ kpoloko kpẹekpu bụ onye gude ndzụ anyi. Lẹ teke ndiche bẹ e dehaakwaru iya rọ l'ẹkwo-opfu Chileke sụ lẹ Chileke a-nma phẹ ikpe iphe ono, ẹphe eme ono.