1 Pyịta 2:6 - BAYỊBURU Izii

⁶ Kẹle e deru l'ẹkwo-opfu Chileke sụ: “Lenu; mu gudeakwa ẹka mu tọgbo mkpuma lẹ Zayọnu. Mkpuma ono bẹ mu họtaru; ọ bụru mkpuma vu oke-aswa; tẹme ọ bụru itso gude ụlo. Iphe, bụkpoo onye daphuberu iya nụ bẹ ta abyakwa akwa izimanụ.”

1 Pyịta 2:6 ပူးပေါင်းရင်းမြစ်များ

Mbụlembu 49:24

Ọle apfụ iya keẹrupho jịngujingu g'o keru; tẹme e mee ọkpu ẹka iya; o shihu ike. Ọ bụru shita l'ike k'onye bụ Ọkalibe kẹ Jiékọpu; mbụ onye ono, bụ onye-nche; waa onye mgbobuta kẹ Ízurẹlu.

Ebvu-ọma 40:14

G'iphe, bụ ndu achọ ụzo, ẹphe e-shi gbua mu bụkwaru ndu ee-meru iphere kpua; g'a tụkwa phẹ ẹberebete. Chiphunu ndu agbaru mu ẹjo egomunggo azụ. G'iphere ji phẹ iphu!

Ebvu-ọma 89:19

O nweru teke i gudeje ọphulenya zia ndibe ngu ozi; sụ l'i mewaru g'ọkpehu kalẹru ojọgu lanụ. Ị byaru l'echilabọ ndibe ngu bya ahọta nwokorọbya lanụ; mee g'ọ bụru onye ndiphe a-nọdu ekutse.

Azáya 28:16

Wakwanụ iphe, Nnajịuphu, bụ Chipfu pfuru baa: “Lekwa; mu tọgboakwaru mkpuma l'úbvú Zayọnu; mkpuma, a hụwaru ama; bya abụru mkpuma, vu oke aswa; mkpuma, e doberu l'ishi ẹka o gude ọkpa-ụlo gudeshia ya ike; k'ọphu bụ l'onye dakoberu iya nụ ta abyadụ anga anganga.

Azáya 41:11

Iphe, bụkpoo ndu aba hanyịhanyi ekpu ngu bẹ ọ tọ dụdu iphe, e-me g'e te meru iphe-iphere kpua phẹ. Ndu etso ngu opfu bẹ ee-me; ẹphe alaa l'iyi bụru mkpurupyata.

Azáya 42:1

Chipfu sụru-a: “Wakwa onye-ozi mu, bụ onye mu gudeshi; mbụ onye mu họtaru; bya abụru onye emeje g'obu jidata mu. Mu yeakwaru iya Unme mu l'ẹhu. Oo-goshi ọhamoha iphe, bụ ikpe, pfụru ọto.

Azáya 46:13

Apfụbekoto nkemu bẹ mu gudeakwa akpịritaru ntse. Ọ tọ dụhekwa ẹnya. Ọphu ọ dụekwa g'ọo-nọ-beru; ndzọta mu erwua. Mbụ lẹ mu a-dzọta ndu bu l'eli úbvú Zayọnu. Mu eworu akpabiri mu nụ ndu Ízurẹlu.”

Azáya 50:7

Eshinu Nnajịuphu, bụ Chipfu eyejeru mu ẹka bẹ ọ tọ dụdu iphere, byaru eme mu nụ. Ọ bụru iphe ono meru g'o gude mu woru iphu mu kpọo gbengu gẹ mkpuma; tẹme o doo mu ẹnya l'iphere tee medu mu.

Azáya 54:4

Gẹ ndzụ ba agụkwa ngu! E tee mekwa ngu iphe-iphere. Gẹ ndzụ ba agụkwa ngu k'a nọnyaa e kpua ngu iphu lẹ ntụ! Kẹle a ta abyadụ eme ngu iphe-iphere. Ii-mecha zọhachaa iphere ono, meru ngu teke ị bụ ọgbolanu ono; ọphu ị byadu anyatabaa mkpatsu aphụ, dụ l'abụ onye ji iya nwụhuru;

Danẹlu 10:21

Ọle mu e-vuru ụzo kọadaru ngu iphe, e deru l'ẹkwo ire-lanụ ono. Mbụ l'ọ bụepho Mayịkelu, bụ onye-ishi k'unu bụ onye gbaru mu mkpu kpoloko gẹ mu mekpee phẹ.”

Zekaraya 10:4

Ọ bụkwa lẹ Jiuda bẹ mkpuma, gude ụlo e-shi fụta; ọ bụru iya bẹ nggu, gude ụlo-ẹkwa e-shikwaphọ; ọ bụru iya bẹ ụta, e gude alwụ ọgu e-shikwaphọ; ọ bụru iya bẹ iphe, bụkpoo ndu a-bụru ishi e-shi l'ẹka.

Matiyu 12:18

“Wakwa onye ejeru mu ozi baa; onye mu họtaru l'onwomu. Ọ bụ onye mu yeru obu bya abụru onye emeje g'obu jidata mu. Mu e-ye iya Unme mu l'ẹhu g'ọ kọoru ọhamoha, nọ lẹ mgboko lẹ mu e-kpe phẹ ikpe.

Maku 12:10

?Unu teke agụ-swee iphe, e deru l'ẹkwo-opfu Chileke sụ: “Mkpuma, ndu akpụ ụlo jịkaru; mechaarụ bya abụru mkpuma, gudeshi ụlo.

Luku 20:17

Ọ bya elee phẹ ẹnya bya asụ: “?Ọ bụhunuru gụnu bẹ bụ iphe, e deru l'ẹkwo-opfu Chileke sụ: “Ọ kwa mkpuma, ndu akpụ ụlo jịkaru; mechaarụ bya abụru mkpuma, gudeshi ụlo?

Luku 23:35

Igwe ọha ono pfụgbaaru; ele iya ẹnya. Ndu bu ndu-ishi ọha gude iya agba mgbọnu asụje: “Ọodzotaje ndu ọzo. G'ọ dzọnaa onwiya; mẹ ọ -bụru iya bụ Kéreshi ọbu, shi l'ẹka Chileke, bụ iya bụ onye ọ họtaru.”

Jiọnu 7:38

Onye kwetarụ nkemu bẹ iphe ono, ẹkwo-opfu Chileke pfuru ono a-vụkwa l'ẹhu iya, sụru: ‘Ọo l'ẹhu onye ono bẹ nggele ono, asọshi mini, anụje ndzụ ono a-dụ.’ ”

Ndu-ishi-ozi 1:16

“Ụnwunna mu; iphe ono, e dehawaru l'ẹkwo-opfu Chileke ono, mefụtaje nụ ono vụkotaakwaru, bụ iya bụ iphe ono, Unme-dụ-Nsọ shihawaa l'ọnu Dévidi pfua kẹ Jiudasu ono, bụ iya bụ onye du ndu byaru egude Jizọsu ono.

Romu 10:11

L'e dekwaru l'ẹkwo-opfu Chileke sụ: “Onyemonye, woru onwiya ye iya l'ẹka bẹ iphere tee mekwa.”

Efesọsu 1:4

Chileke byaru eme mgboko; o vuru ụzo shi l'atụgba ono, anyi lẹ Kéreshi tụgbaru bụru nanụ ono; họtahawaro anyi g'anyi bụru ndibe iya; k'ọphu anyi a-dụru iya iche; bya abụru ndu adụdu ẹka ntụcha a-dụ l'ẹhu anyi l'iphu iya.

Efesọsu 2:20

Nta-a bẹ Chileke gudeakwa unubẹdua akpụ-tse ụlo iya ọphu ndu-ishi-ozi mẹ ndu shi epfuchiru Chileke tụru ọkpa iya. Ọ bụru Kéreshi Jizọsu l'onwiya bụ mkpuma, gude ụlo ọbu.

2 Timoti 3:16

Iphe, bụ iphe, e deru l'ẹkwo-opfu Chileke bẹ shikọtakwa l'ẹka Unme Chileke. Ọ dụ ree l'egudeje zia ọkpobe-opfu ono; mẹ g'e gudeje iya goshije nemadzụ ẹka o meru ẹji; waa g'e gudeje iya agbazi egomunggo; waa g'e gude iya mefụtaje nemadzụ g'onye ọbu bụru onye pfụberekoto l'iphu Chileke.

1 Pyịta 2:4

Sụ-a; unu byapfuta Nnajịuphu ono. Ọo ya bẹ bụ mkpuma ono, dzụ ndzụ ono, Chileke gude tụa ọkpa ụlo iya ono. Mkpuma-a bẹ ndiphe họfuru tuphaa sụ l'ọ bụ ọgalemkpa. Ọle hụmanu; l'ẹnya kẹ Chileke bẹ ọ gbẹchikwa bụru iya bẹ ọ họtaru kwabẹ ùbvù.

1 Pyịta 2:8

Tẹme e dekwaaphọ sụ: “Mkpuma ono bẹ bụkwa mkpuma, anọduje adụ ndiphe ụpfu bya abụkwarupho epfu, ẹphe e-vukotajẹ daa iko.” Noo kẹle ẹphe jịkaru ekweta opfu Chileke. Ọ bụru gẹ Chileke dobekpọhawaru l'ọo-dụ phẹ bụ onoya.

2 Pyịta 1:20

Ọle ọphu kachakpọonu, bụ ọphu unu e-vukpọadaru ụzo maru bụ lẹ-a; iphe, ndu mpfuchiru Chileke pfuru ta adụkwa ọphu ẹphe shi l'uche phẹ pfua g'ọ dụ phẹ.

2 Pyịta 3:16

Lẹ-a; iphe, bụkotakpoo ẹkwo-ozi, o deru g'ọ ha bẹ o pfukọtakwaru opfu iphe-a, e-mechaa mee nụ-a l'iphe, bụkpoo ẹkameka, o pfuru opfu gbaa ya ọkpa. Iphemiphe ono, Pọlu deshikọtaru ono nwekwarụ ndu ọphu oopfuje, te ekwejedu edo ẹnya. Ọ bụru iphe ono meru g'o gude ndu amadụ iphe; mbụ ndu apfụshiduru ike l'ekwekwe, ẹphe kweru kẹ Chileke; nọdu ewojeru iya gha ịgharaphu, bụhukwaa g'ẹphe aghajẹ ikpoto iphe ọzo, e deru l'ẹkwo-opfu Chileke. Ọ bụru ẹgube ono bẹ ẹphe emeje gude ẹka phẹ meta ọla-l'iswi tukobe onwophẹ l'ishi.